IPO News : आर्केड डेव्हलपर्सच्या आयपीओला तुफान प्रतिसाद, ग्रे मार्केटमध्ये भाव वधारला!

आयपीओ सुरू होण्यापूर्वी आर्केड डेव्हलपर्सने प्रमुख अँकर गुंतवणूकदारांकडून १२२.४० कोटी रुपये गोळा केले होते. कंपनीने ४१० कोटी रुपयांच्या आयपीओसाठी १२१ ते १२८ रुपये प्रति शेअर प्राइस बँड निश्चित केला होता. हा आयपीओ पूर्णपणे ४१० कोटी रुपयांच्या इक्विटी शेअर्सचा नवा इश्यू आहे. यात ऑफर फॉर सेल (ओएफएस) समाविष्ट नाही. आयपीओमधून जमा होणारी रक्कम कंपनीचे सध्याचे आणि भविष्यातील विकास प्रकल्प, भविष्यातील रिअल इस्टेट प्रकल्पांचे अधिग्रहण आणि सामान्य कॉर्पोरेट हेतूंसाठी वापरली जाईल.

जीएमपीवर काय चालले आहे?

Investorgain.com दिलेल्या माहितीनुसार, आर्केड डेव्हलपर्स लिमिटेडचा आयपीओ ग्रे मार्केटमध्ये 85 रुपयांच्या प्रीमियमवर उपलब्ध आहे. आर्केड डेव्हलपर्स लिमिटेडचा आयपीओ २१३ रुपयांना लिस्ट होऊ शकतो. म्हणजेच हा शेअर पहिल्या दिवशी 67% पर्यंत नफा देऊ शकतो. याची प्राइस बँड १२८ रुपये आहे. कंपनीचे शेअर्स २४ सप्टेंबरला लिस्ट होण्याची शक्यता आहे.