शेअर ७०० रुपयांवरून २ रुपयांपर्यंत घसरला, आता एनसीएलएटीकडून कंपनीला मिळाली खुशखबर

रिलायन्स कम्युनिकेशनकडून थकबाकी असल्याचा दावा करणारी राज्य कर विभागाची याचिका एनसीएलएटीने फेटाळून लावली आहे. दिवाळखोरीची प्रक्रिया सुरू झाल्यानंतर करण्यात आलेल्या मूल्यांकनावर कंपनीविरुद्ध थकबाकीचा दावा करण्यात आला होता. राष्ट्रीय कंपनी विधी न्यायाधिकरणाच्या (एनसीएलटी) मुंबई खंडपीठाने राज्य कर विभागाचा ६.१० कोटी रुपयांचा दावा फेटाळून लावल्याचा निर्णय एनसीएलएटीच्या दोन सदस्यीय खंडपीठाने कायम ठेवला.

आरकॉमविरोधात कॉर्पोरेट दिवाळखोरी निवारण प्रक्रिया (सीआयआरपी) २२ जून २०१९ रोजी सुरू करण्यात आली होती. त्यानंतर राज्याच्या कर विभागाने दोन दावे दाखल केले होते. पहिला क्लेम 24 जुलै 2019 रोजी 94.97 लाख रुपयांचा आणि दुसरा क्लेम 15 नोव्हेंबर 2021 रोजी 6.10 कोटी रुपयांचा होता. दुसरा दावा 30 ऑगस्ट 2021 च्या मूल्यांकन आदेशावर आधारित होता. एनसीएलटीने पहिला दावा मान्य केला होता, जो सीआयआरपी सुरू होण्यापूर्वी मंजूर करण्यात आला होता. तथापि, 2021 मध्ये दिलेल्या मूल्यांकन आदेशावर आधारित दुसरा दावा स्वीकारला नाही.

रिलायन्स कम्युनिकेशन्सच्या शेअरबद्दल बोलायचे झाले तर तो 2 रुपयांच्या किंमतीवर आहे आणि सध्या ट्रेडिंगदेखील बंद आहे. ट्रेडिंग रिस्ट्रिक्टिव्हचा मेसेज गेल्या काही काळापासून बीएसईवर दिसत आहे. गेल्या वर्षी डिसेंबरमध्ये हा शेअर २.४९ रुपयांच्या पातळीवर पोहोचला होता. शेअरचा हा ५२ आठवड्यांतील उच्चांकी स्तर आहे. मे 2024 मध्ये हा शेअर 1.47 रुपयांवर होता. शेअरचा हा ५२ आठवड्यांचा नीचांकी स्तर आहे.

रिलायन्स कम्युनिकेशन्सचा ऑल टाइम चार्ट पाहिला तर हा शेअर सन २००७ मध्ये ७०० रुपयांच्या पातळीवर पोहोचला होता. या कंपनीचे प्रवर्तक अनिल अंबानी आहेत. अनिल अंबानी कुटुंबाकडे आता 0.36 टक्के हिस्सा आहे.