एका वर्षात १९० टक्क्यांनी वाढला रिअल इस्टेट कंपनीचा शेअर, तज्ज्ञांना अजूनही विश्वास, खरेदी करण्याचा सल्ला

शुक्रवारी बीएसईवर कंपनीचा शेअर ८५२.७० रुपयांवर खुला झाला. कंपनीचा शेअर ८७४.३० रुपयांच्या उच्चांकी पातळीवर पोहोचला आहे. बाजार बंद होताना कंपनीच्या शेअरची किंमत जवळपास १ टक्क्यांनी वाढून ८४५.८० रुपयांवर होती.

किती रुपयांवर जाऊ शकतो शेअर?

अनंत राज लिमिटेडच्या शेअरवर बारकाईनं लक्ष ठेवून असलेल्या ब्रोकरेज हाऊसनं ११०० रुपयांचं टार्गेट प्राइस लक्षात घेऊन खरेदी करण्याचा सल्ला दिला आहे. कंपनीमध्ये सध्या बरेच सकारात्मक बदल होत आहेत. रिअल इस्टेट तसेच डेटा सेंटर आणि क्लाऊड सर्व्हिसेस व्यवसायात ही कंपनी शिरकाव करत आहे. कंपनीचा रिअल इस्टेट व्यवसायही चांगली कामगिरी करत आहे. आर्थिक वर्ष २०३० पर्यंत १४ दशलक्ष चौरस फुटांचे वितरण अपेक्षित आहे, असं ब्रोकरेज हाऊसनं आपल्या नोट्समध्ये लिहिलं आहे.

हेही वाचा: नवरत्न कंपनीला मिळाल्या तब्बल ३०० कोटींच्या वर्क ऑर्डर, शेअरचा भाव १०० रुपयांच्याही खाली

एका वर्षात १९१ टक्क्यांचा नफा

अनंत राज कंपनीच्या शेअरमध्ये गेल्या वर्षभरात वाऱ्याच्या वेगानं वाढ झाली आहे. या काळात कंपनीच्या शेअरची किंमत १९१ टक्क्यांनी वाढली आहे. तर अवघ्या ६ महिन्यांत हा शेअर ९२ टक्के परतावा देण्यात यशस्वी ठरला आहे. कंपनीचा ५२ आठवड्यांचा उच्चांक ८७४.३० रुपये आणि ५२ आठवड्यांचा नीचांकी स्तर २८१.१५ रुपये आहे. कंपनीचं मार्केट कॅप २८,९१७.१२ कोटी रुपये आहे.

गेल्या ५ वर्षात अनंत राज यांच्या शेअर्समध्ये ५०९५ टक्क्यांची वाढ झाली आहे. तर सेन्सेक्सनं या काळात केवळ ८७ टक्के परतावा देता आला आहे.

हेही वाचा: जीएसटी परिषदेची आज बैठक; काय स्वस्त होणार, कोणत्या वस्तू होऊ शकतात महाग? वाचा!

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)