Amazon Sale: अ‍ॅमेझॉन सेलमध्ये सॅमसंग, वनप्लससह ‘या’ ५ दमदार फोनवर मोठी सूट, पाहा यादी!

अ‍ॅमेझॉन सेलमध्ये अनेक ब्रँडेड फोन स्वस्त दरात उपलब्ध आहेत. या सेलमध्ये हेवी रॅम, पॉवरफुल प्रोसेसर, दमदार कॅमेरा आणि बॅटरी सेटअपसोबत येणाऱ्या फोनबाबत जाणून घेऊयात.  या यादीत ऑनर, सॅमसंग, वनप्लस सारखे ब्रँडही आहेत. लिस्टमध्ये समाविष्ट असलेले सर्व फोन ऑफरनंतर २६ हजार रुपयांपेक्षा कमी किंमतीत उपलब्ध आहेत.

ऑनर फोन ऑनर २०० 5G

८ जीबी रॅम आणि २५६ जीबी स्टोरेज असलेला हा ऑनर फोन ऑनर २०० 5G सेलमध्ये २४ हजार ९९९ रुपयांना उपलब्ध आहे. फोनवर मिळणाऱ्या ऑफर्सचा फायदा घेऊन त्याची किंमत आणखी कमी करता येऊ शकते. फोनमध्ये ६.७ इंचाचा कर्व्ड एमोलेड डिस्प्ले देण्यात आला आहे. फोनमध्ये ड्युअल ओआयएससह ५० मेगापिक्सलचा मुख्य रिअर कॅमेरा आणि सेल्फीसाठी ५० मेगापिक्सलचा कॅमेरा देण्यात आला आहे. फोनमध्ये अनेक एआय फीचर्सही उपलब्ध आहेत. यात १०० वॉट वायर्ड फास्ट चार्जिंग सपोर्टसह ५२०० एमएएच ची बॅटरी देण्यात आली आहे. हा फोन स्नॅपड्रॅगन 7 जेन 3 प्रोसेसरसह येतो. फोनच्या बॉक्समध्ये चार्जर मिळणार नाही.

रियलमी जीटी ६ टी 5G

रियलमी जीटी ६ टी 5G सेलमध्ये ८ जीबी रॅम आणि १२८ जीबी स्टोरेज असलेला हा रियलमी फोन ऑफरनंतर २५ हजार ९९९ रुपयांच्या प्रभावी किंमतीत उपलब्ध आहे. फोनमध्ये ६.७८ इंचाचा अमोलेड डिस्प्ले देण्यात आला आहे. ६००० निट्स ब्राइटनेस असलेला हा जगातील पहिला फोन असल्याचे कंपनीचे म्हणणे आहे. सेल्फीसाठी फोनमध्ये ५० मेगापिक्सलचा मुख्य रिअर कॅमेरा आणि ३२ मेगापिक्सलचा कॅमेरा देण्यात आला आहे. यात १२० वॉट वायर्ड फास्ट चार्जिंग सपोर्टसह ५५०० एमएएच ची बॅटरी देण्यात आली आहे. हा फोन स्नॅपड्रॅगन 7+ जेन 3 प्रोसेसरसह येतो.

वनप्लस नॉर्ड ४ 5G

सेलमध्ये ८ जीबी रॅम आणि १२८ जीबी स्टोरेज असलेला हा वनप्लस फोन ऑफरनंतर २५ हजार ९९९ रुपयांच्या प्रभावी किंमतीत उपलब्ध आहे. फोनमध्ये ६.७४ इंचाचा अमोलेड डिस्प्ले देण्यात आला आहे. सेल्फीसाठी फोनमध्ये ५० मेगापिक्सलचा मुख्य रिअर कॅमेरा आणि १६ मेगापिक्सलचा कॅमेरा देण्यात आला आहे. यात १०० वॉट वायर्ड फास्ट चार्जिंग सपोर्टसह ५५०० एमएएच ची बॅटरी देण्यात आली आहे. कंपनीचे म्हणणे आहे की, फोन केवळ २८ मिनिटांत फुल चार्ज होतो. यात अनेक एआय फीचर्सचा सपोर्ट ही देण्यात आला आहे. हा फोन स्नॅपड्रॅगन 7+ जेन 3 प्रोसेसरसह येतो.

सॅमसंग गॅलेक्सी ए३५ 5G

या सेलमध्ये ८ जीबी रॅम आणि १२८ जीबी स्टोरेज असलेला हा वनप्लस फोन ऑफरनंतर २५ हजार  ९९९ रुपयांच्या प्रभावी किंमतीत उपलब्ध आहे. फोनमध्ये ६.६ इंचाचा अमोलेड डिस्प्ले देण्यात आला आहे. फोनमध्ये ओआयएससह ५० मेगापिक्सलचा मुख्य रिअर कॅमेरा आणि सेल्फीसाठी १३ मेगापिक्सलचा कॅमेरा देण्यात आला आहे. यात २५ वॉट वायर्ड फास्ट चार्जिंग सपोर्टसह ५००० एमएएच ची बॅटरी देण्यात आली आहे. कंपनीचे म्हणणे आहे की, हा फोन सिंगल चार्जमध्ये ८३ तासांचा म्युझिक प्लेटाइम देतो. हा फोन एक्सिनस १३८० प्रोसेसरसह येतो.

रेडमी नोट १३ प्रो+

रेडमी नोट १३ प्रो+ सेलमध्ये ८ जीबी रॅम आणि २५६ जीबी स्टोरेज असलेला हा रेडमी फोन ऑफरनंतर २४ हजार ९९९ रुपयांच्या प्रभावी किंमतीत उपलब्ध आहे. फोनमध्ये ६.६७ इंचाचा कर्व्ड एमोलेड डिस्प्ले देण्यात आला आहे. फोनमध्ये ड्युअल ओआयएससह २०० मेगापिक्सलचा मुख्य रिअर कॅमेरा आणि सेल्फीसाठी १६ मेगापिक्सलचा कॅमेरा देण्यात आला आहे. यात १२० वॉट वायर्ड फास्ट चार्जिंग सपोर्टसह ५००० एमएएच ची बॅटरी देण्यात आली आहे. मीडियाटेक डायमेंसिटी ७२०० अल्ट्रा प्रोसेसरसह येणारा हा जगातील पहिला फोन असल्याचे कंपनीचे म्हणणे आहे. फोनच्या बॉक्समध्ये १२० वॉटचा चार्जर मिळेल.