IPO news : काही तरी खास असल्याशिवाय एखाद्या कंपनीचा आयपीओ इतका सबस्क्राइब होत नाही! कोणती आहे ही कंपनी?

या एसएमई आयपीओचा आकार ६२.६४ कोटी रुपये आहे. आयपीओच्या माध्यमातून कंपनी ५८ लाख नवे शेअर्स जारी करणार आहे. हा पूर्णपणे फ्रेश इश्यू असेल. पहिल्या दोन दिवसांत आयपीओला १०० टक्के सब्सक्रिप्शन मिळालं आहे. रिटेल श्रेणीत हा आयपीओ सर्वाधिक १.७९ पट सब्सक्राइब झाला आहे. तर बिगर संस्थात्मक गुंतवणूकदार श्रेणीत ०.४८ टक्के आणि पात्र संस्थात्मक खरेदीदार वर्गात ०.०१ पट सब्सक्राइब झाला आहे.

किती आहे शेअरची किंमत?

१० रुपये अंकित मूल्य असलेल्या समभागांचा प्राइस बँड १०५ ते १०८ रुपये प्रति शेअर निश्चित करण्यात आला आहे. कंपनीनं एकूण १२०० शेअर्सची निर्मिती केली आहे. त्यामुळं गुंतवणूकदारांना १,२९,६०० रुपयांची बाजी लावावी लागणार आहे. हा आयपीओ २७ नोव्हेंबर रोजी अँकर गुंतवणूकदारांसाठी खुला करण्यात आला. कंपनीनं अँकर गुंतवणूकदारांकडून १७.८२ कोटी रुपये उभे केले होते.

कंपनीच्या वतीनं ३ डिसेंबर रोजी शेअर्सचं वाटप करण्यात येणार आहे. तर, एनएसई एसएमईवर कंपनीची प्रस्तावित लिस्टिंग ५ डिसेंबर २०२४ रोजी आहे.

हेही वाचा: सॅमसंग फोन वापरणाऱ्यांसाठी महत्वाची बातमी! फोनला कॉम्प्युटर बनवणारे 'हे' अ‍ॅप होणार कायमचं बंद, वाचा

ग्रे मार्केटमध्ये काय चाललंय?

ग्रे मार्केटमध्येही कंपनीची स्थिती चांगली आहे. २ डिसेंबरच्या सकाळी कंपनीचे शेअर्स ग्रे मार्केटमध्ये ९ रुपयांच्या प्रीमियमवर ट्रेड करत होते. इन्व्हेस्टर्स गेनच्या अहवालानुसार, २६ नोव्हेंबरपासून ग्रे मार्केटच्या स्थितीत कोणताही बदल झालेला नाही.

काय करते कंपनी?

अग्रवाल ग्लास इंडियाची स्थापना २००९ मध्ये झाली. ही कंपनी टेम्पर्ड ग्लासची निर्मिती करते. रेफ्रिजरेटर ट्रे, मोबाइल स्क्रीन, बुलेट प्रूफ चष्मा आदींमध्ये कंपनीची उत्पादनं वापरली जातात.

हेही वाचा: जिओचा ८४ दिवस चालणारा सर्वात स्वस्त प्लान, भरमसाठ डेटासह कॉलिंगही एकदम फ्री!

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)