'हा' शेअर तुमच्याकडं असेल तर तुमची भरभराट नक्की! अवघ्या तीन महिन्यात किती वाढला पाहा!

अ‍ॅफकॉम कंपनीचे शेअर्स ९ ऑगस्ट २०२४ रोजी बाजारात लिस्ट झाले होते. या कंपनीच्या शेअरचा ५२ आठवड्यांचा उच्चांक ५९०.१५ रुपये आहे. तर कंपनीच्या शेअर्सची ५२ आठवड्यांची नीचांकी पातळी २०५.२० रुपये आहे.

तीन महिन्यांत ४०० टक्क्यांपेक्षा जास्त वाढ 

आयपीओमध्ये अ‍ॅफकॉम होल्डिंग्सच्या शेअरची किंमत १०८ रुपये होती. कंपनीचा आयपीओ २ ऑगस्ट २०२४ रोजी गुंतवणुकीसाठी खुला झाला आणि ६ ऑगस्टपर्यंत खुला राहिला. ९ ऑगस्ट रोजी कंपनीचा शेअर २०५.२० रुपयांवर लिस्ट झाला होता. लिस्टिंगच्या दिवशी कंपनीचा शेअर तेजीसह २१५.४५ रुपयांवर बंद झाला. इथं कंपनीच्या शेअर्समध्ये चांगली वाढ झाली आहे. ६ नोव्हेंबर २०२४ रोजी अ‍ॅफकॉम होल्डिंग्सचा शेअर ५४८.७० रुपयांवर पोहोचला आहे. अ‍ॅफकॉम होल्डिंग्सच्या शेअरमध्ये १०८ रुपयांच्या इश्यू प्राइसच्या तुलनेत ४०० टक्क्यांहून अधिक वाढ झाली आहे.

अ‍ॅफकॉम होल्डिंग्सचा आयपीओ ३०३.०३ पट सब्सक्राइब झाला. आयपीओमध्ये किरकोळ गुंतवणूकदारांचा कोटा २०२.८३ पट सब्सक्राइब झाला होता. तर बिगर संस्थात्मक गुंतवणूकदार (NII) श्रेणीला ६९७.८८ पट, तर आयपीओ पात्र संस्थात्मक खरेदीदार वर्गाला १८६.२३ पट सब्सक्रिप्शन मिळाले. कंपनीच्या आयपीओमध्ये किरकोळ गुंतवणूकदारांना केवळ एका लॉटसाठी अर्ज करता आला. आयपीओमध्ये एका लॉटमध्ये १२०० शेअर्स होते. म्हणजेच रिटेल गुंतवणूकदारांना कंपनीच्या आयपीओमध्ये १,२९,६०० रुपयांची गुंतवणूक करावी लागली.

काय करते ही कंपनी?

अ‍ॅफकॉम होल्डिंग्सची स्थापना फेब्रुवारी २०१३ मध्ये झाली. ही कंपनी एअरपोर्ट टू एअरपोर्ट तत्त्वावर कार्गो वाहतूक करण्याचा व्यवसाय करत आहे. भारत, हाँगकाँग, थायलंड, सिंगापूर, जपान, दक्षिण कोरिया, चीन आणि तैवान मध्ये कंपनीचे जनरल सेल्स आणि सर्व्हिस एजंट आहेत.

(डिस्क्लेमर: हे वृत्त केवळ माहितीपर आहे. हा कोणत्याही प्रकारच्या गुंतवणुकीचा सल्ला नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)