adani group stock : अदानीच्या 'या' पावरफुल शेअरनं रचला नवा विक्रम; अवघ्या १५ महिन्यांत तब्बल ३६३ टक्के वाढ

आज, मंगळवारी अदानी पॉवरचा शेअर जरी ६८०.२५ रुपयांवर बंद झाला असला तरी दिवसभराच्या व्यवहारात ६९१.९५ रुपयांच्या उच्चांकाला स्पर्श केला. कंपनीच्या शेअर्सची ५२ आठवड्यांची नीचांकी पातळी २३०.९५ रुपये आहे.

हेही वाचा: कमी किंमतीत जबरदस्त फीचर्स; मे महिन्यात बाजारात धुमाकूळ घालायला येत आहेत 'हे' ५ स्मार्टफोन!

१५ महिन्यांत ३६३ टक्के वाढ

अदानी पॉवरच्या शेअरमध्ये गेल्या १५ महिन्यांत जोरदार वाढ झाली आहे. अदानी ग्रुपच्या पॉवर कंपनीच्या शेअर्समध्ये गेल्या १५ महिन्यांत ३६३ टक्क्यांपेक्षा जास्त वाढ झाली आहे. २४ फेब्रुवारी २०२३ रोजी अदानी पॉवरचे शेअर्स १४६.८० रुपयांवर होते. २१ मे २०२४ रोजी कंपनीचे शेअर्स ६८०.२५ रुपयांवर बंद झाले. शनिवार, १८ मे २०२४ रोजी कंपनीचे शेअर्स ६३४.७५ रुपयांवर बंद झाले. गेल्या एका वर्षात या कंपनीच्या शेअर्समध्ये १७५ टक्के वाढ झाली आहे. या काळात कंपनीचे शेअर्स २४८ रुपयांवरून ६८० रुपयांपर्यंत वाढले आहेत.

हेही वाचा: पगारदार करदाते असाल तर 'या' पाच गोष्टी नीट लक्षात ठेवा, अन्यथा होईल मनस्ताप

चार वर्षांत १९६० टक्के वाढ

अदानी पॉवरच्या शेअर्समध्ये गेल्या ४ वर्षांत १९६० टक्क्यांहून अधिक वाढ झाली आहे. अदानी समूहाच्या या कंपनीचे शेअर्स २२ मे २०२० रोजी ३३ रुपयांवर होते. २१ मे २०२४ रोजी अदानी पॉवरचे शेअर्स ६८०.२५ रुपयांवर बंद झाले.

गेल्या ३ वर्षांत, अदानी पॉवरच्या शेअर्समध्ये ५७३ टक्क्यांची जबरदस्त वाढ झाली आहे. २१ मे २०२१ रोजी अदानी पॉवरचे शेअर्स १०१.१५ रुपयांवर होते. २१ मे २०२४ रोजी कंपनीचे शेअर्स ६८०.२५ रुपयांवर बंद झाले. गेल्या सहा महिन्यांत अदानी पॉवरच्या शेअर्समध्ये ७६ टक्के वाढ झाली आहे. या काळात कंपनीचे शेअर्स ३८६.७५ रुपयांवरून ६८० रुपयांपर्यंत वाढले आहेत.

हेही वाचा: आयसीआसीआय बँक की अ‍ॅक्सिस बँक? कोणता शेअर जास्त चांगला आणि का?

(डिस्क्लेमर : हा लेख कंपनीच्या शेअर बाजारातील कामगिरीवर आधारित आहे. हा कोणत्याही प्रकारचा गुंतवणुकीचा सल्ला नाही. शेअर बाजारातील गुंतवणुकीत जोखीम असते. त्यामुळं इच्छुकांनी आपल्या कर सल्लागाराशी चर्चा करूनच निर्णय घ्यावा.)