Adani Green : एका घोषणेनं कमाल केली! विजेच्या वेगानं वाढले अदानी ग्रीन एनर्जीचे शेअर

अदानी ग्रीन एनर्जी लिमिटेडनं (AGEL) राजस्थानमधील जोधपूर जिल्ह्यातील बडी सिड इथं २५० मेगावॅट क्षमतेचा सौर ऊर्जा प्रकल्प सुरू करण्याची घोषणा गुरुवारी केली. हा प्रकल्प कार्यान्वित झाल्यानंतर कंपनीची एकूण कार्यक्षम अक्षय ऊर्जा निर्मिती क्षमता ११,४३४ मेगावॅटपर्यंत वाढली आहे, असं कंपनीनं बीएसईला दिलेल्या माहितीत म्हटलं आहे.

अदानी ग्रीन एनर्जी लिमिटेडची उपकंपनी असलेल्या अदानी ग्रीन एनर्जी ट्वेन्टी फाइव्ह लिमिटेडनं राजस्थानमधील जोधपूरमधील बडी सिड इथं २५० मेगावॅटचा सौर ऊर्जा प्रकल्प सुरू केला आहे. ही बातमी कळताच शेअरच्या बाबतीत गुंतवणूकदारांचा मूड बदलला.

हेही वाचा: रेल्वेकडून कंपनीला मिळालं २००० कोटींचं कंत्राट; ५ दिवसांत २८ टक्क्यांनी वाढला शेअर, तुमच्याकडं आहे का?

सहा महिन्यातील घसरणीला ब्रेक

अदानी ग्रीन एनर्जी लिमिटेडच्या शेअरमध्ये पूर्वी सातत्यानं घसरण होत होती. एका महिन्यात त्यात ८ टक्के तर सहा महिन्यांत ३५ टक्के घसरण झाली. या वर्षी आतापर्यंत हा शेअर २४ टक्के आणि वर्षभरात १६ टक्क्यांनी घसरला आहे. मात्र, पाच वर्षांत या शेअरनं ९०० टक्क्यांपर्यंत परतावा दिला आहे.

अदानी ग्रीन एनर्जी लिमिटेडच्या शेअरची ५२ आठवड्यांतील उच्चांकी किंमत २१७३.६५ रुपये आणि ५२ आठवड्यांची नीचांकी किंमत ८७०.९० रुपये आहे. कंपनीचं मार्केट कॅप १,९३,०५३.९६ कोटी रुपये आहे.

हेही वाचा: ही संधी चांगली आहे! तीन वर्षांत १७०० टक्के नफा मिळवून देणाऱ्या शेअरचा भाव अर्ध्यावर येणार

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)