पैसे तयार ठेवा... शापूरजी पालोनजी समूहाच्या आयपीओला सेबीची मंजुरी

सेबीची मंजुरी मिळालेल्या कंपन्यांमध्ये एफकॉन्ससह गोदावरी बायोरिफायनरीज, शिवालिक इंजिनीअरिंग इंडस्ट्रीज लिमिटेड, क्वाड्रंट फ्यूचर टेक आणि एन्व्हायरो इन्फ्रा इंजिनिअर्स यांचा समावेश आहे. या सर्व कंपन्यांनी मार्च ते जून दरम्यान सेबीकडे आयपीओची कागदपत्रे दाखल केली होती. त्यांना ५ ते १३ सप्टेंबर दरम्यान सेबीकडून मंजुरीचे पत्र मिळाले.

एफकॉन्स इन्फ्रास्ट्रक्चर लिमिटेडने ७,००० कोटी रुपयांचा आयपीओ आणण्याचा प्रस्ताव ठेवला आहे. प्रवर्तक कंपनी गोस्वामी इन्फ्राटेक प्रायव्हेट लिमिटेडकडून 5,750 कोटी रुपये आणि 1,250 कोटी रुपयांच्या नवीन समभागांची विक्री होणार आहे. सध्या एफकॉन्समध्ये प्रवर्तक आणि प्रवर्तक समूहातील कंपन्यांचा ९९.४८ टक्के हिस्सा आहे.

इथेनॉल आणि जैव-आधारित रसायने उत्पादक गोदावरी बायोरिफायनरीज लिमिटेडच्या आयपीओमध्ये 325 कोटी रुपयांचा नवीन इश्यू आणि प्रवर्तक आणि एका गुंतवणूकदाराने 65.27 लाख इक्विटी शेअर्सची ऑफर फॉर सेल चा समावेश आहे. प्रारूप कागदपत्रांनुसार, अभियांत्रिकी कंपनी शिवालिक इंजिनीअरिंग इंडस्ट्रीजचा आयपीओ 335 कोटी रुपयांचा नवीन इश्यू आणि प्रवर्तक आणि इतर भागधारकांनी 41.3 लाख इक्विटी शेअर्सची ऑफर फॉर सेल यांचे मिश्रण होते. क्वाड्रंट फ्युचर टेक पूर्णपणे नवीन इश्यू जारी करून आपल्या आयपीओद्वारे २७५ कोटी रुपये उभे करण्याचे लक्ष्य ठेवत आहे.

याशिवाय दूषित जलशुद्धीकरण प्रकल्पांमध्ये गुंतलेल्या एन्व्हायरो इन्फ्रा इंजिनिअर्सचा आयपीओ हा ४.४२ कोटी इक्विटी शेअर्सचा नवा इश्यू आणि प्रवर्तकांनी ५२.६८ लाख शेअर्सच्या विक्रीची ऑफर यांचे मिश्रण आहे. दरम्यान, बाजार नियामकाने अहमदाबादच्या आर्मी इन्फोटेकच्या आयपीओशी संबंधित मसुदा कागदपत्रे परत केली आहेत. कंपनीचा प्रस्तावित आयपीओ २५० कोटी रुपयांचा पूर्णपणे नवीन इश्यू असणार होता.