2024 Royal Enfield Classic 350: रॉयल एनफील्ड क्लासिक ३५० मध्ये बदल, ग्राहकांना नवीन काय मिळणार? वाचा
2024 Royal Enfield Classic 350: २०२४ रॉयल एनफिल्ड क्लासिक ३५० मोटरसायकल ०१ सप्टेंबर रोजी लॉन्च होणार आहे. या मोटरसायकलमध्ये कोणकोणते बदल पाहायला मिळू शकतो, हे जाणून घेऊयात.
Royal Enfield: रॉयल एनफिल्ड क्लासिक ३५० हे ब्रँडसाठी सर्वात लोकप्रिय आणि मुख्य प्रवाहातील मॉडेल आहे. यामुळे रॉयल एनफिल्डला बाजारपेठेतील महत्त्वपूर्ण हिस्सा काबीज करण्यास आणि ३५० सीसी सेगमेंटमध्ये आघाडी घेण्यास मदत झाली आहे. स्पर्धा वाढत आहे आणि अधिक प्रतिस्पर्धी येत आहेत म्हणून आता स्पर्धात्मक राहू शकेल म्हणून ब्रँडने नुकतेच क्लासिक ३५० अपडेट केले. २०२४ रॉयल एनफिल्ड क्लासिक ३५० मध्ये कोणते बदल अपेक्षित आहे, हे जाणून घेऊयात.
रॉयल एनफील्ड क्लासिक ३५०: नवीन रंग आणि व्हेरिएंट्स
रॉयल एनफील्डने हेरिटेज, हेरिटेज प्रीमियम, सिग्नल्स, डार्क आणि एमराल्ड या पाच नवीन व्हेरिएंट्सची घोषणा केली आहे. हेरिटेज सीरिजमध्ये मद्रास रेड आणि जोधपूर ब्लू असे दोन रंग देण्यात आले आहेत. त्यानंतर हेरिटेज प्रीमियम ट्रिम अंतर्गत मेडलियन ब्राँझ आहे. सिग्नल सीरिजमध्ये कमांडो सॅंड तर डार्क सीरिजमध्ये गन ग्रे आणि स्टेल्थ ब्लॅक आहेत. शेवटी, एमराल्ड आहे जी नवीन टॉप-एंड आवृत्ती आहे.
रॉयल एनफील्ड क्लासिक ३५०: फॅक्टरी कस्टम प्रोग्राम
रॉयल एनफील्डने क्लासिक ३५० साठी एक नवीन फॅक्टरी कस्टम प्रोग्राम देखील सादर केला आहे. याद्वारे ग्राहकांना बीस्पोक मोटारसायकल पर्सनलायझेशन आणि डिझाइन स्टुडिओ सेवा मिळू शकते.
रॉयल एनफील्ड क्लासिक ३५०: नवीन फीचर्स
रॉयल एनफील्डने २०२४ क्लासिक ३५० मध्ये नवीन वैशिष्ट्ये जोडली आहेत. यात आता एलईडी हेडलॅम्प, एलईडी पायलट लॅम्प, गिअर पोझिशन इंडिकेटर आणि मोबाइल डिव्हाइस चार्ज करण्यासाठी टाइप सी चार्जिंग पोर्ट देण्यात आले आहे. काही व्हेरियंटमध्ये एलईडी टर्न इंडिकेटर्स, अॅडजस्टेबल लिव्हर आणि स्टँडर्ड म्हणून ट्रिपर नेव्हिगेशन सिस्टिम मिळेल.
रॉयल एनफील्ड क्लासिक ३५०: कोणताही यांत्रिक बदल नाही
रॉयल एनफील्डने क्लासिक ३५० मध्ये कोणतेही यांत्रिक बदल केलेले नाहीत. यात ३४९ सीसीचे एअर ऑईल कूल्ड इंजिन देण्यात आले आहे, जे २० बीएचपी पॉवर आणि २७ एनएम टॉर्क जनरेट करते. गिअरबॉक्स ५ स्पीड युनिट आहे.
रॉयल एनफील्ड क्लासिक ३५०: बुकिंग आणि किंमत
रॉयल एनफील्ड ०१ सप्टेंबर रोजी २०२४ क्लासिक ३५० च्या किंमती जाहीर करेल. त्याच दिवशी बुकिंग आणि टेस्ट ड्राइव्हही सुरू होतील. अधिक माहितीसाठी कंपनीच्या अधिकृत वेबसाइटला भेट द्यावी.