LSG VS DC Live Score : लखनौची प्रथम फलंदाजी, अशी दोन्ही संघांची प्लेइंग इलेव्हन

paragraph

आयपीएलच्या १६व्या हंगामातील तिसरा सामना आज (२ एप्रिल) लखनऊ सुपर जायंट्स आणि दिल्ली कॅपिटल्स यांच्यात होत आहे. या स्पर्धेतील दोन्ही संघांचा हा पहिलाच सामना आहे. लखनौचे कर्णधारपद केएल राहुलकडे आहे. गेल्या वर्षी त्याने संघाला प्लेऑफमध्ये नेले होते. दुसरीकडे, दिल्ली कॅपिटल्सची कमान ऑस्ट्रेलियाच्या डेव्हिड वॉर्नरकडे आहे. कार अपघातात जखमी झालेल्या ऋषभ पंतच्या जागी वॉर्नरला कर्णधारपद मिळाले आहे.

LSG VS DC Live Score updates

LSG VS DC Live Score : दोन्ही संघ

लखनौ सुपर जायंट्स (प्लेइंग इलेव्हन): केएल राहुल (कर्णधार), काइल मेयर्स, मार्कस स्टॉइनिस, दीपक हुडा, कृणाल पंड्या, निकोलस पूरन (विेकेटकीपर), आयुष बदोनी, मार्क वुड, जयदेव उनाडकट, रवी बिश्नोई, आवेश खान

दिल्ली कॅपिटल्स (प्लेइंग इलेव्हन): डेव्हिड वॉर्नर (कर्णधार), पृथ्वी शॉ, मिचेल मार्श, रिली रोसो, सरफराज खान (विकेटकीपर), रोवमन पॉवेल, अक्षर पटेल, कुलदीप यादव, चेतन साकारिया, खलील अहमद, मुकेश कुमार

LSG VS DC Live Score : लखनौचा संघ प्रथम फलंदाजी करेल

लखनौ सुपर जायंट्सविरुद्ध नाणेफेक जिंकून दिल्ली कॅपिटल्सचा कर्णधार डेव्हिड वॉर्नरने प्रथम गोलंदाजी करण्याचा निर्णय घेतला आहे.

Steve Smith IPL 2023 : गुजरात संघात स्टीव्ह स्मिथची एन्ट्री होणार? विल्यमसन आयपीएलमधून बाहेर

<ul><li>Steve Smith may Replace Kane Williamson : स्टीव्ह स्मिथ आयपीएल 2023 मध्ये गुजरात टायटन्समध्ये सामील होऊ शकतो. स्मिथ गुजरातचा जखमी फलंदाज केन विल्यमसनची जागा घेऊ शकतो.</li></ul>

PBKS Vs KKR IPL Live Score : सामना पावसामुळे थांबला, केकेआर डकवर्थ लुईस नियमानुसार ७ धावांनी मागे

<ul><li>PBKS Vs KKR IPL Live Score : IPL 2023 चा आज (१ एप्रिल) पहिला सामना पंजाब किंग्ज (PBKS) आणि कोलकाता नाईट रायडर्स (KKR) यांच्यात खेळला जात आहे. हा सामना पंजाबच्या होम ग्राउंड मोहाली येथे खेळला जात आहे. पंजाबचे नेतृत्व शिखर धवनकडे आहे तर केकेआरचे नेतृत्व नितीश राणाकडे आहे.</li></ul>

MS Dhoni Six : गुजरातच्या होम ग्राऊंडवर धोनीने धो डाला, हा गगनचुंबी षटकार पाहाच!

<ul><li>MS Dhoni Six video CSK VS GT IPL 2023 : आयपीएल 2023 च्या पहिल्याच सामन्यात महेंद्रसिंग धोनीने आपल्या जुन्या शैलीत षटकार ठोकला. धोनीचा हा षटकार सोशल मीडियावर व्हायरल झाला आहे.</li></ul>

Arijit Singh - Dhoni : अरिजित सिंग धोनीच्या पाया का पडला? फोटोनं सोशल मीडियावर धुमाकूळ घातलाय

<ul><li>Arijit Singh Touches MS Dhoni Feet In IPL Opening Ceremony : आयपीएलच्या पहिल्या सामन्यात धोनीच्या सीएसकेचा पराभव झाला. मात्र, या सामन्यानंतर धोनी एका वेगळ्याच कारणासाठी चर्चेत आला आहे. गायक अरिजित सिंग धोनीच्या पाया पडला. या प्रसंगाचा फोटो वेगाने व्हायरल झाला आहे.</li></ul>

<ul><li>LSG VS DC Live Score : आयपीएलच्या १६व्या हंगामातील तिसरा सामना आज (२ एप्रिल) लखनऊ सुपर जायंट्स आणि दिल्ली कॅपिटल्स यांच्यात होत आहे. या स्पर्धेतील दोन्ही संघांचा हा पहिलाच सामना आहे.</li></ul>

IPL 2023 Longest Six : रसेल ते हॅरी ब्रुक… हे ६ फलंदाज ठोकणार या आयपीएलचा सर्वात लांब षटकार

<ul><li>IPL 2023 Longest Six : आयपीएल 2023 मध्ये जगभरातील सर्व स्फोटक फलंदाज सहभागी होत आहेत. अशा परिस्थितीत, यावेळी कोणते फलंदाज सर्वात लांब षटकार ठोकू शकतात, हे जाणून घेऊया</li></ul>

आयपीएलचा उद्घाटन सोहळा

ipl 2023 opening ceremony photos आयपीएलचा पैसा वसूल उद्घाटन सोहळा

ipl 2023 opening ceremony photos

slide

आयपीएलचा पैसा वसूल उद्घाटन सोहळा

ipl 2023 opening ceremony  ५ वर्षांनंतर आयपीएलमध्ये ओपनिंग सेरेमनी पार पडली. 

ipl 2023 opening ceremony 

५ वर्षांनंतर आयपीएलमध्ये ओपनिंग सेरेमनी पार पडली. 

ipl 2023 opening ceremony या सोहळ्यात गायक अरिजीत सिंग, अभिनेत्री रश्मिका मंदाना आणि तमन्ना भाटिया यांनी आपली कला सादर केली.

ipl 2023 opening ceremony

या सोहळ्यात गायक अरिजीत सिंग, अभिनेत्री रश्मिका मंदाना आणि तमन्ना भाटिया यांनी आपली कला सादर केली.

ipl 2023 opening ceremony गायक अरिजित सिंगच्या परफॉर्मन्सने या उद्घाटन सोहळ्याची सुरुवात झाली. त्याने जवळपास अर्धा तास आपल्या गायनाने चाहत्यांना मंत्रमुग्ध केले.

गायक अरिजित सिंगच्या परफॉर्मन्सने या उद्घाटन सोहळ्याची सुरुवात झाली. त्याने जवळपास अर्धा तास आपल्या गायनाने चाहत्यांना मंत्रमुग्ध केले.

ipl 2023 opening ceremony
अरिजितने एकापाठोपाठ एक असे अनेक उत्तमोत्तम हिट्स गाणी गावून चाहत्यांची मने जिंकली. 

अरिजितने एकापाठोपाठ एक असे अनेक उत्तमोत्तम हिट्स गाणी गावून चाहत्यांची मने जिंकली. 

ipl 2023 opening ceremony

 तमन्ना भाटियाने एनिमी या तेलुगू चित्रपटातील टम टम या गाण्याने आपल्या डान्सची सुरुवात केली. 



तमन्ना भाटियाने एनिमी या तेलुगू चित्रपटातील टम टम या गाण्याने आपल्या डान्सची सुरुवात केली. 



ipl 2023 opening ceremony

 रश्मिकाने तिच्या चित्रपटातील सामी-सामी या गाण्याने तिच्या डान्सची सुरुवात केली,

रश्मिकाने तिच्या चित्रपटातील सामी-सामी या गाण्याने तिच्या डान्सची सुरुवात केली.

नाटू-नाटू या गाण्यावर परफॉर्म करण्यास सुरुवात केली तेव्हा संपूर्ण स्टेडियममध्ये एक वेगळाच उत्साह संचारला होता. 



रश्मिकाने  नाटू-नाटू या गाण्यावर परफॉर्म करण्यास सुरुवात केली तेव्हा संपूर्ण स्टेडियममध्ये एक वेगळाच उत्साह संचारला होता. 



ipl 2023 opening ceremony या सोहळ्या दरम्यान अरिजितने वाकून धोनीचे चरण स्पर्श केले. 

या सोहळ्या दरम्यान अरिजितने वाकून धोनीचे चरण स्पर्श केले. 

ipl 2023 opening ceremony
 त्याच्या या कृतीने चाहत्यांची मने जिंकली आहेत.

त्याच्या या कृतीने चाहत्यांची मने जिंकली आहेत.

ipl 2023 opening ceremony photos : इंडियन प्रीमियर लीगचा (IPL 2023) थरार सुरू झाला आहे. स्पर्धेची सुरुवात गुजरात टायटन्स (GT) आणि चेन्नई सुपर किंग्स (CSK) यांच्यातील सामन्याने झाली. त्याआधी आयपीएलचा शानदार उद्घाटन सोहळा पार पडला. या सोहळ्यात बॉलीवूड कलाकारांनी रंगत आणली.

kane williamson ruled out from ipl 2023 : आयपीएल 2023 चा थरार सुरू झाला आहे. अहमदाबादच्या नरेंद्र मोदी स्टेडियमवर (३१ मार्च) चेन्नई सुपर किंग्ज आणि गुजरात टायटन्स यांच्यातील सामन्याने आयपीएलच्या १६व्या हंगामाची सुरुवात झाली. हा सामना गुजरात संघाने आपल्या नावावर केला.

स्मिथ विल्यमसनची जागा घेणार, चर्चेला उधाण

दरम्यान, आयपीएल 2023 च्या या पहिल्याच सामन्यात गतविजेत्या गुजरात टायटन्सला मोठा धक्का बसला. या सामन्यात संघाचा स्टार फलंदाज केन विल्यमसन क्षेत्ररक्षणादरम्यान जखमी झाला. विल्यमसन आयपीएलमधून बाहेर जाण्याची शक्यता आहे. आता विल्यमसनच्या जागी ऑस्ट्रेलियाचा स्टार फलंदाज स्टीव्ह स्मिथचा संघात समावेश होऊ शकतो. IPL 2023 साठी स्मिथ गुजरात टायटन्सचा भाग बनू शकतो.

सध्याच्या आयपीएल हंगामात स्टीव्ह स्मिथ समालोचक म्हणून उपस्थित आहे. पण आता, विल्यमसनच्या दुखापतीनंतर स्मिथ आयपीएल 2023 साठी गुजरात टायटन्समध्ये सामील होऊ शकतो अशी अटकळ बांधली जात आहे. आयपीएलच्या मिनी लिलावात स्टीव्ह स्मिथ अनसोल्ड ठरला होता. स्मिथची बेस प्राईस २ कोटी रुपये होती.

विल्यमसनला दुखापत कशी झाली?

पहिल्या डावात क्षेत्ररक्षण करताना विल्यमसनला दुखापत झाली होती. डावातील १३व्या षटकात सीमारेषेवर षटकार वाचवताना विल्यमसनला गुडघ्याला दुखापत झाली. ३२ वर्षीय विल्यमसन या घटनेनंतर मैदानाबाहेर गेला आणि त्याने फलंदाजीही केली नाही. त्याच्या जागी साई सुदर्शनने इम्पॅक्ट फ्लेयर म्हणून संघात प्रवेश केला. विल्यमसन आयपीएलमधून बाहेर जाण्याची शक्यता आहे. अशा स्थितीत स्मिथ त्याच्या जागी गुजरातचा भाग बनू शकतो, असे मानले जात आहे.

स्मिथला आयपीएलचा चांगला अनुभव

स्टीव्ह स्मिथने आतापर्यंत आयपीएलमध्ये एकूण १०३ सामने खेळले आहेत. या सामन्यांच्या ९३ डावांमध्ये फलंदाजी करताना स्मिथने २४८५ धावा केल्या आहेत. यादरम्यान त्याने आपल्या १ शतक आणि ११ अर्धशतके झळकावली आहेत, तर त्याची सर्वोच्च धावसंख्या १०१ धावा आहे.

IPL Live Cricket Score, PBKS vs KKR Indian Premier League 2023 : IPL 2023 चा आज (१ एप्रिल) पहिला सामना पंजाब किंग्ज आणि कोलकाता नाईट रायडर्स यांच्यात खेळला जात आहे. हा सामना पंजाबच्या होम ग्राउंड मोहाली येथे खेळला जात आहे. पंजाबचे नेतृत्व शिखर धवनकडे आहे तर केकेआरचे नेतृत्व नितीश राणाकडे आहे.&nbsp;

PBKS Vs KKR IPL Live Score updates

PBKS Vs KKR IPL Live Score : कोलकात्याची सातवी विकेट पडली

१३८ धावांच्या स्कोअरवर कोलकात्याची सातवी विकेट पडली. व्यंकटेश अय्यर २८ चेंडूत ३४ धावा करून बाद झाला. त्याने या खेळीत तीन चौकार आणि एक षटकार लगावला.

त्याच्याआधी आंद्रे रसेल १९ चेंडूत ३५ धावा करून बाद झाला. सॅम करनने त्याला सिकंदर रझाकरवी झेलबाद केले. रसेलने आपल्या खेळीत तीन चौकार आणि दोन षटकार मारले.

PBKS Vs KKR IPL Live Score : केकेआरच्या ९ षटकांत ७५ धावा

केकेआरच्या ९ षटकांत ७५ धावा झाल्या आहेत. त्यांचे तीन फलंदाज तंबूत परतले आहेत. सध्या सध्या व्यंकटेश अय्यर १४ चेंडूत २० आणि नितीश राणा १५ चेंडूत २४ धावांवर खेळत आहेत. केकेआरला विजयासाठी ६६ चेंडूत ११७ धावांची आवश्यकता आहे.

PBKS Vs KKR IPL Live Score : व्यंकटेश अय्यर कोलकाताचा इम्पॅक्ट प्लेयर

कोलकाता संघाने वेंकटेश अय्यरचा इम्पॅक्ट प्लेयर म्हणून संघात समावेश केला आहे. त्याने वरुण चक्रवर्तीची जागा घेतली आहे. याआधी पंजाब संघाने भानुका राजपक्षेच्या जागी ऋषी धवनचा संघात समावेश केला होता.

PBKS Vs KKR IPL Live Score : कोलकात्याची दुसरी विकेट पडली

१७ धावांवर कोलकात्याची दुसरी विकेट पडली. अर्शदीप सिंगने अनुकुल रॉयला सिकंदर रझाकरवी झेलबाद केले. त्याने एकाच षटकात दोन विकेट घेत कोलकाता संघाला बॅकफूटवर आणले आहे. अनुकुल रॉयने पाच चेंडूत चार धावा केल्या.

PBKS Vs KKR IPL Live Score : केकेआरला पहिला धक्का&nbsp;

१९२ धावांच्या लक्ष्याचा पाठलाग करताना कोलकाताची फलंदाजी सुरू झाली आहे. रहमानउल्ला गुरबाज आणि मनदीप सिंग यांनी डावाची सुरुवात केली आहे. पहिले षटक संपल्यानंतर कोलकाताची धावसंख्या एका बाद १३ धावा आहे. दुसऱ्या षटकात मनदीप सिंग झेलबाद झाला.

PBKS Vs KKR IPL Live Score : खराब प्रकाशामुळे सामना थांबला

कोलकाताचे फलंदाज क्रीझवर येऊन फलंदाजीसाठी सज्ज झाले होते. पंजाबचा संपूर्ण संघही गोलंदाजीसाठी सज्ज झाला होता. मात्र, खराब प्रकाशामुळे दुसरा डाव सुरू होऊ शकला नाही. लवकरच सामना सुरू होण्याची शक्यता आहे.

PBKS Vs KKR IPL Live Score : पंजाबच्या १९१ धावा&nbsp;

प्रथम फलंदाजी करताना पंजाब किंग्जने २० षटकांत ५ गडी गमावून १९१ धावा केल्या. पंजाबकडून भानुका राजपक्षेने सर्वाधिक ५० धावा केल्या. कर्णधार शिखर धवन ४०, सॅम करण २६, प्रभसिमरन सिंग २३ आणि जितेश शर्मा २१ धावा करून बाद झाले. कोलकाताकडून टीम साऊदीने दोन बळी घेतले. उमेश यादव, सुनील नरेन आणि वरुण चक्रवर्ती यांना प्रत्येकी एक विकेट मिळाली.

डावाची सुरुवात करणाऱ्या कर्णधार शिखर धवन आणि प्रभसिमरन कौर यांना पहिल्या विकेटसाठी केवळ २३ धावा करता आल्या. यानंतर फलंदाजीला आलेल्या भानुका राजपक्षेने पहिल्या ६ षटकांत १ गडी गमावून संघाची धावसंख्या ५६ धावांपर्यंत नेण्यात महत्त्वाची भूमिका बजावली.

धवन-राजपाक्षे यांच्यात महत्वाची भागीदारी

यानंतर भानुका राजपक्षे एका बाजूने गतीने धावा करत राहिला, तर दुसऱ्या बाजूने कर्णधार धवन जबाबदारीने खेळताना दिसला. या दोघांमध्ये दुसऱ्या विकेटसाठी ५५ चेंडूत ८६ धावांची शानदार भागीदारी झाली. भानुका ३२ चेंडूत ५० धावांची खेळी करून पॅव्हेलियनमध्ये परतला. पंजाब किंग्ज संघाला तिसरा धक्का जितेश शर्माच्या रूपाने बसला, जो ११ चेंडूत २१ धावा करून पॅव्हेलियनमध्ये परतला. त्याचवेळी कर्णधार धवनही २९ चेंडूत ४० धावा करून पॅव्हेलियनमध्ये परतला.

सॅम करन शेवटच्या षटकांमध्ये फटकेबाजी

&nbsp;पंजाबने १४३ धावांत ४ विकेट गमावल्या होत्या. यानंतर सॅम करन आणि सिकंदर रझा या जोडीने पंजाब किंग्जचा डाव सांभाळण्याचा प्रयत्न केला. दोघांनी ५व्या विकेटसाठी २० चेंडूत २५ धावांची भागीदारी केली. रझा १३ चेंडूत १६ धावांची खेळी करून पॅव्हेलियनमध्ये परतला.&nbsp;

यानंतर सॅम करन आणि शाहरुख खान यांनी २० षटकांत संघाची धावसंख्या १९० पर्यंत नेण्यात महत्त्वाची भूमिका बजावली. सॅम करनने २६ तर शाहरुख खानने ११ धावांची नाबाद खेळी केली.

PBKS Vs KKR IPL Live Score : पंजाबची धावसंख्या दीडशेच्या पुढे&nbsp;

पंजाब किंग्जच्या धावसंख्येने चार विकेट गमावून १५० धावा केल्या आहेत. सिकंदर रझा आणि सॅम करण क्रीजवर आहेत. पंजाबची धावसंख्या १६ षटकांत ४ बाद १५३ अशी आहे.

PBKS Vs KKR IPL Live Score : पंजाबच्या पॉवरप्लेमध्ये ५६ धावा

पॉवरप्लेमध्ये म्हणजेच पहिल्या ६ षटकात पंजाबने १ बाद ५६ धावा केल्या आहेत. शिखर धवन १२ चेंडूत १५ तर भानुका राजपाक्षे १२ चेंडूत १८ धावांवर खेळत आहेत.

PBKS Vs KKR IPL Live Score : पंजाबची पहिली विकेट पडली

पंजाब किंग्जची पहिली विकेट २३ धावांवर पडली. प्रभसिमरन सिंग १२ चेंडूत २३ धावा करून बाद झाला. त्याने आपल्या खेळीत दोन चौकार आणि दोन षटकार मारले. टीम साऊदीने त्याला यष्टिरक्षक रहमानउल्ला गुरबाजच्या हाती झेलबाद केले.

PBKS Vs KKR IPL Live Score : दोन्ही संघ

पंजाब किंग्स (प्लेइंग इलेव्हन) : शिखर धवन (कर्णधार), प्रभसिमरन सिंग (विकेटकीपर), भानुका राजपक्षे, जितेश शर्मा, शाहरुख खान, सॅम करन, सिकंदर रझा, नॅथन एलिस, हरप्रीत ब्रार, राहुल चहर, अर्शदीप सिंग

कोलकाता नाईट रायडर्स (प्लेइंग इलेव्हन) : रहमानउल्ला गुरबाज (विकेटकीपर), मनदीप सिंग, नितीश राणा (कर्णधार), रिंकू सिंग, आंद्रे रसेल, शार्दुल ठाकूर, सुनील नरेन, टिम साऊदी, अनुकुल रॉय, उमेश यादव, वरुण चक्रवर्ती

PBKS Vs KKR IPL Live Score : कोलकाताने नाणेफेक जिंकली

कोलकाता नाईट रायडर्सचा कर्णधार नितीश राणाने नाणेफेक जिंकून प्रथम गोलंदाजी करण्याचा निर्णय घेतला आहे. कोलकाता संघ प्रथमच चंद्रकांत पंडित यांच्या प्रशिक्षणाखाली खेळत आहे. गेल्या मोसमानंतर ब्रेंडन मॅक्क्युलमने कोलकाता प्रशिक्षकपद सोडले. कोलकाताचे चार परदेशी खेळाडू आंद्रे रसेल, रहमानउल्ला गुरबाज, टीम साऊथी आणि सुनील नरेन आहेत. त्याचवेळी पंजाबचे चार परदेशी खेळाडू भानुका राजपक्षे, सिकंदर रझा, सॅम करन, नॅथन एलिस आहेत.

नितीश राणावर मोठी जबाबदारी

&nbsp;केकेआरसाठी प्रशिक्षक चंद्रकांत पंडित यांची उपस्थिती महत्त्वाची ठरणार आहे. श्रेयस अय्यरची कमी संघाला जाणवणार आहे. नवा कर्णधार नितीश यांच्यासमोर दुहेरी जबाबदारी पार पाडण्याचे मोठे आव्हान आहे.

तर धवनला यापूर्वी हैदराबादचे कर्णधारपद भूषवण्याचा अनुभव आहे, पण त्याच्या फलंदाजीशिवाय त्याच्या कर्णधार कौशल्याचीही कसोटी लागणार आहे. पहिल्या सामन्यात बांगलादेशच्या शाकिब अल हसन आणि लिटन दास यांच्याशिवाय केकेआर खेळणार आहे. अष्टपैलू आंद्रे रसेल, सुनील नरेन, डेव्हिड वेस, व्यंकटेश अय्यर यांची भूमिका अतिशय महत्त्वाची आहे.&nbsp;

PHOTOS : गुजरातची विजयी सुरूवात; धोनीच्या सीएसकेचा शेवटच्या षटकात पराभव

<ul><li>Gujarat Titans vs Chennai Super Kings, IPL 2023 : आयपीएलच्या १६व्या (IPL 2023) हंगामाला दणक्यात सुरुवात झाली. या मोसमातील पहिला सामना गुजरात टायटन्स आणि चेन्नई सुपर किंग्ज यांच्यात झाला. या सामन्यात हार्दिक पंड्याच्या नेतृत्वाखालील गुजरात टायटन्सने ५ गडी राखून विजय मिळवला.</li></ul>

आयपीएलच्या १६व्या (IPL 2023) हंगामाला दणक्यात सुरुवात झाली. या मोसमातील पहिला सामना गुजरात टायटन्स आणि चेन्नई सुपर किंग्ज यांच्यात झाला. या सामन्यात हार्दिक पंड्याच्या नेतृत्वाखालील गुजरात टायटन्सने ५ गडी राखून विजय मिळवला. या सामन्यात प्रथम फलंदाजी करताना चेन्नई सुपर किंग्जने २० षटकात ७ गडी गमावून १७८ धावा केल्या होत्या. प्रत्युत्तरात गुजरात टायटन्सने ४ चेंडू राखून लक्ष्य गाठले. गुजरातने ५ विकेट्ने हा सामना जिंकला.

दरम्यान यावेळी सीएसकेचा कॅप्टन महेंद्रसिंग धोनीची जुनी शैली पाहायला मिळाली. त्याने अतिशय सुंदर पद्धतीने लांबलचक षटकार मारला.

धोनीची २००च्या स्ट्राईक रेटने फलंदाजी

आठव्या क्रमांकावर फलंदाजीला आलेल्या एमएस धोनीने ७ चेंडूत २००च्या स्ट्राईक रेटने नाबाद १४ धावा केल्या. यामध्ये त्याने एक षटकार आणि एक चौकार मारला. डावाच्या शेवटच्या षटकातच धोनीच्या बॅटमधून चौकार आणि षटकार बाहेर पडले. धोनीचा हा उत्तुंग षटकार पाहून चाहत्यांना जुना माही आठवला. षटकाच्या तिसऱ्या चेंडूवर धोनीने आपल्या शैलीत बॅट स्विंग करताना लेग साइडच्या दिशेने एक लांब षटकार मारला आणि पुढच्याच चेंडूवर त्याने चौकारही मारला.

<blockquote class="twitter-tweet">Vintage Mahi 🔥<a href="https://t.co/qeu6QNBjOZ">pic.twitter.com/qeu6QNBjOZ</a>&mdash; Johns. (@CricCrazyJohns) <a href="https://twitter.com/CricCrazyJohns/status/1641840473303314432?ref_src=twsrc%5Etfw">March 31, 2023</a></blockquote> <script async src="https://platform.twitter.com/widgets.js" charset="utf-8"></script>

गुजरात टायटन्ससाठी वेगवान गोलंदाज जोशुआ लिटल डावातील शेवटचे षटक टाकत होता. त्याच्या ओव्हरमध्ये त्याने एकूण १३ धावा दिल्या. धोनी आपल्या डावात नाबाद परतला. या सामन्यात चेन्नई सुपर किंग्जचा फलंदाज ऋतुराज गायकवाडने सर्वाधिक ९२ धावा केल्या. गायकवाडच्या या शानदार खेळीत ४ चौकार आणि ९ षटकारांचा समावेश होता.

गुजरातने केली चेन्नईविरुद्ध विजयाची हॅट्ट्रिक

आत्तापर्यंत गुजरात टायटन्स आणि चेन्नई सुपर किंग्ज यांच्यात आयपीएलमध्ये एकूण तीन सामने खेळले गेले आहेत, तीनही सामन्यांमध्ये गुजरातने विजय मिळवला आहे. आयपीएल २०२२ मध्ये दोघांमध्ये २ सामने झाले, ज्यात गुजरातने दोन्ही जिंकले. आता या मोसमातील पहिल्याच सामन्यात गुजरातने चेन्नई सुपर किंग्जचा ५ विकेटने पराभव केला.

Arijit Singh Touches MS Dhoni Feet : एमएस धोनी जगातील सर्वात लोकप्रिय क्रिकेटपटूंपैकी एक आहे. अनेक स्टार सेलिब्रेटी धोनीचे फॅन आहे. धोनीच्या फॅन्समध्ये गुणी गायक अरिजित सिंगचा देखील समावेश आहे. अहमदाबादच्या नरेंद्र मोदी स्टेडियमवर शुक्रवारी (३१ मार्च) इंडियन प्रीमियर लीगचा (IPL 2023) उद्घाटन सोहळा पार पडला. या सोहळ्यातील एक फोटो प्रचंड वेगाने व्हायरल होत आहे. या फोटोमध्ये अरिजित धोनीच्या पाया पडताना दिसत आहे.

खरं तर, उद्घाटन समारंभात अरिजितने त्याच्या हिट गाण्यांनी चाहत्यांना मंत्रमुग्ध केले. त्याच्यासोबत अभिनेत्री रश्मिका मंदान्ना आणि तमन्ना भाटिया यांनी देखील हिट गाण्यांवर डान्स सादर केला.

अरिजिने केले धोनीचे चरणस्पर्श

या शानदार परफॉर्मन्सनंतर तिघेही ट्रॉफीच्या अनावरणासाठी मंचावर उपस्थित होते. त्यावेळी दोन्ही संघांच्या कर्णधारांना स्टेजवर बोलावण्यात आले. प्रथम चेन्नईचा कर्णधार धोनी स्टेजवर पोहोचला. अरिजितजवळ पोहोचताच अरिजितने वाकून धोनीचे चरण स्पर्श केले. त्याच्या या कृतीने चाहत्यांची मने जिंकली आहेत.

यावेळी धोनीने लगेच अरिजितला वर उचलून मिठी मारली. रश्मिका आणि तमन्ना याही धोनीच्या मोठ्या चाहत्या आहेत आणि उद्घाटन समारंभाच्या आधी दोघींनी धोनीला भेटण्याची इच्छा व्यक्त केली होती.

अरिजितने असे का केले?

धोनीने जगभरात चाहते आहेत. तो एक ब्रँड म्हणून उदयास आला आहे. त्याने भारताला तीन आयसीसी ट्रॉफी जिंकून दिल्या आहेत. धोनीप्रती आपला आदर व्यक्त करण्यासाठी अरिजितने त्याचे चरणस्पर्ध केले, असे बोलले जात आहे.

धोनीच्या सीएसकेचा पराभव

दरम्यान, या सामन्यात धोनीचा संघ चेन्नई सुपर किंग्जला पराभवाला सामोरे जावे लागले. गुजरात टायटन्सने सीएसकेचा पाच गडी राखून पराभव केला. नाणेफेक हारल्यानंतर प्रथम फलंदाजी करताना चेन्नईने २० षटकांत ७ गडी गमावून १७८ धावा केल्या होत्या. प्रत्युत्तरात गुजरात संघाने १९.२ षटकांत पाच गडी गमावून लक्ष्य गाठले.

IPL 2023 PBKS vs KKR : आज पंजाब-केकेआर भिडणार, कोणता संघ मजबूत? जाणून घ्या

Punjab Kings vs Kolkata Knight Riders Match Details : आयपीएल 2023 चा दुसरा सामना पंजाब किंग्ज (PBKS) आणि कोलकाता नाईट रायडर्स (KKR) यांच्यात आज (१ एप्रिल) दुपारी ३.३० वाजता मोहाली येथील पंजाब क्रिकेट असोसिएशन आयएस बिंद्रा स्टेडियमवर खेळवला जाईल.

या सामन्यात दोन्ही संघ आपल्या नवीन कर्णधारासह मैदानात उतरतील. एकीकडे शिखर धवन पंजाब किंग्जची जबाबदारी सांभाळणार आहे, तर दुसरीकडे श्रेयस अय्यरच्या अनुपस्थितीत नितीश राणा केकेआरचे नेतृत्व करताना दिसणार आहे. आयपीएलमध्ये आतापर्यंत दोन्ही संघ एकूण ३० वेळा आमनेसामने आले आहेत.

पीच रिपोर्ट

पंजाब आणि कोलकाता यांच्यातील हा सामना मोहाली येथील पंजाब क्रिकेट असोसिएशनच्या आयएस बिंद्रा स्टेडियमवर होणार असून येथील खेळपट्टी फलंदाजीसाठी उपयुक्त असते. या मैदानावर फलंदाजांना मदत मिळते आणि उच्च धावसंख्येचे सामने होतात. अशा स्थितीत पंजाब आणि कोलकाता यांच्यात होणारा सामना हा हाय स्कोअरिंग सामना ठरू शकतो.

हेड टू हेड

पंजाब आणि कोलकाता यांच्यात आतापर्यंत झालेल्या सामन्यांची आकडेवारी पाहता, केकेआरची कामगिरी चांगली राहिली आहे. या दोन्ही संघांमध्ये झालेल्या एकूण ३० सामन्यांपैकी केकेआरने २० वेळा विजय मिळवला आहे. आता या सामन्यात कोणता संघ बाजी मारतो हे पाहणे उत्सुकतेचे ठरणार आहे.

दोन्ही संघांची संभाव्य प्लेइंग इलेव्हन

पंजाब किंग्ज -

शिखर धवन (कर्णधार), प्रभसिमरन सिंग (यष्टीरक्षक), भानुका राजपक्षे, जितेश शर्मा, शाहरुख खान, सॅम कुरन, सिकंदर रझा, हरप्रीत ब्रार, अर्शदीप सिंग, नॅथन एलिस, राहुल चहर.

कोलकाता नाईट रायडर्स -

व्यंकटेश अय्यर, नारायण जद्दीसन, नितीश राणा (कर्णधार), रहमानउल्ला गुरबाज (विकेटकीपर), रिंकू सिंग, आंद्रे रसेल, सुनील नरेन, उमेश यादव, शार्दुल ठाकूर, वरुण चक्रवर्ती, वैभव अरोरा.

<ul><li>IPL 2023 PBKS vs KKR Match preview: आयपीएल 2023 चा दुसरा सामना पंजाब किंग्ज आणि कोलकाता नाईट रायडर्स यांच्यात होणार आहे. या सामन्यातील संभाव्य प्लेइंग इलेव्हनसह इतर गोष्टी जाणून घ्या.</li></ul>

Who is Rajvardhan Hangargekar : तुळजापूरचा राजवर्धन हंगरगेकर आहे तरी कोण? धोनीसोबत आयपीएल खेळतोय

IPL 2023 GT Vs CSK Highlights : आयपीएल 2023 चा थरार सुरू झाला आहे. अहमदाबादच्या नरेंद्र मोदी स्टेडियमवर (३१ मार्च) चेन्नई सुपर किंग्ज आणि गुजरात टायटन्स यांच्यातील सामन्याने आयपीएलच्या १६व्या हंगामाची सुरुवात झाली. हा सामना गुजरात संघाने आपल्या नावावर केला. सामन्यात प्रथम फलंदाजी करताना चेन्नईने ७ गडी गमावून १७८ धावा केल्या, प्रत्युत्तरात गुजरात टायटन्सने ४ चेंडू राखून लक्ष्य गाठले. गुजरातने ५ विकेट्ने हा सामना जिंकला.

दरम्यान, या सामन्यात चेन्नई सुपर किंग्सच्या एका खेळाडूची प्रचंड चर्चा रंगली आहे. हा खेळाडू भारताच्या अंडर १९ वर्ल्डकप संघाचाही भाग राहिला आहे. राजवर्धन हंगरगेकर असे या युवा स्टार खेळाडूचे नाव आहे. २० वर्षीय राजवर्धन हा धाराशीवच्या तुळजापूरचा रहिवासी आहे.

राजवर्धन हंगरेकरने गुजरात टायटन्सविरुद्धच्या सामन्यातून आयपीएलमध्ये पदार्पण केले. त्याने पहिल्याच सामन्यात शानदार गोलंदाजी केली. त्याने आपल्या ४ षटकांत ३६ धावा देत ३ महत्वाचे फलंदाज बाद केले. हंगरगेकरने त्याच्या पहिल्याच षटकाच्या पाचव्या चेंडूवर वृद्धिमान साहाची विकेट घेत सीएसकेला पहिले यश मिळवून दिले. त्यानंतर त्याने साई सुदर्शन आणि विजय शंकर यांची शिकार केली. पदार्पणाच्या सामन्यात हंगरगेकरने तीन विकेट घेत आपली क्षमता सिद्ध केली.

२०२२ मध्ये झालेल्या आयपीएल लिलावादरम्यान हंगरगेकरला सीएसकेने १.५० कोटी रुपयांना विकत घेतले, त्याची बेस प्राइस ३० लाख रुपये होती.

कोण आहे राजवर्धन हंगरगेकर

२० वर्षीय राजवर्धन हंगरगेकर तुळजापुरचे माजी आमदार साहेबराव हंगरगेकर यांचा नातू आहे. शिक्षणासाठी तो पुण्यात पोहोचला. मात्र, त्याचे मन क्रिकेटमध्ये रमले. त्याने पुण्यातच प्रचंड मेहनत घेतली. कसून सराव केला याच जोरावर त्याने भारताच्या अंडर १९ संघात एन्ट्री केली. ऑलराऊंडर असलेल्या राजवर्धनने अंडर-19 संघात शानदार कामगिरी करून प्रसिद्धी मिळवली. त्याची हार्दिक पांड्याशी तुलना केली जाते. राजवर्धन १४० च्या स्पीडने गोलंदाजी करू शकतो.

अंडर १९ वर्ल्डकपमधून चर्चेत आला

राजवर्धन त्याच्या वेगवान गोलंदाजीसाठी ओळखला जातो पण तो एकेकाळी ऑफ-स्पिन गोलंदाजी करायचा. १४ वर्षांचा असताना त्याने वेगवान गोलंदाजी सुरू केली. धाराशीवसाठी उत्कृष्ट कामगिरी केल्यानंतर २०१६-१७ मध्ये विजय मर्चंट ट्रॉफीसाठी त्याची निवड झाली. तेथे चमकदार कामगिरी केल्यानंतर त्याला अंडर-१९ विश्वचषकासाठी निवडण्यात आले.

अंडर-१९ विश्वचषक स्पर्धेत हंगरगेकरने ६ सामन्यात ५ बळी घेतले. या स्पर्धेत राजवर्धन हंगरगेकरने आयर्लंडविरुद्ध स्फोटक खेळी खेळली होती, ज्यात त्याने सलग तीन षटकार ठोकले. त्याच्या खेळीसाठी त्याला प्लेअर ऑफ द टूर्नामेंटचा पुरस्कार मिळाला.

महाराष्ट्राकडून देशांतर्गत क्रिकेट खेळणाऱ्या हंगरगेकरने ४ प्रथम श्रेणी सामन्यांमध्ये १३ बळी घेतले आहेत. १३३ धावांत ६ बळी ही त्याची सामन्यातील सर्वोत्तम कामगिरी ठरली आहे. त्याने १३ लिस्ट ए सामन्यात २५ आणि ८ टी-20 सामन्यात ५ बळी घेतले आहेत.

<ul><li>Who is Rajvardhan Hangargekar, MS Dhoni : राजवर्धन हंगरगेकरने गुजरात टायटन्सविरुद्धच्या सामन्यातून आयपीएलमध्ये पदार्पण केले. त्याने पहिल्याच सामन्यात शानदार गोलंदाजी केली. त्याने आपल्या ४ षटकांत ३६ धावा देत ३ महत्वाचे फलंदाज बाद केले.</li></ul>

Rohit Bibhishan Jetnavare