Video: ओडिशात भीषण रेल्वे अपघातात २८० ठार

video

<p>Odisha Railway Accident: ओडिशातील भीषण रेल्वे अपघातातील मृतांचा आकडा २८० वर पोहचला आहे. अपघातात १००० हून अधिक प्रवासी जखमी झाली आहेत. या घटनेने संपूर्ण देशात दुःख व्यक्त करण्यात येत आहे. रेल्वे प्रशासन आणि लष्कराकडून मदकार्य सुरू आहे.</p>

Dr Kumud Pawde: दलित लेखिका डॉ. कुमुद पावडे यांचं निधन; शिक्षक नोकरीसाठी नेहरुंनी केली होती मदत

paragraph

<p>ज्येष्ठ आंबेडकरवादी कार्यकर्त्या, संस्कृत भाषेच्या पंडीत आणि ‘नॅशनल फेडरेशन ऑफ दलित वूमन’ संघटनेच्या संस्थापक डॉ. कुमुद पावडे यांचे आज नागपूरमध्ये निधन झालं. त्या ८५ वर्षाच्या होत्या. डॉ. कुमुद पावडे यांनी लिहिलेलं ‘अंतस्फोट’ हे आत्मचरित्र गाजलं होतं. डॉ. कुमुद पावडे या अमरावतीच्या शासकीय विदर्भ महाविद्यालयात अनेक वर्ष संस्कृत विषयाच्या प्राध्यापक व विभागप्रमुख म्हणून कार्यरत होत्या. नागपूर विद्यापीठाने त्यांना 'संस्कृत पंडिता' म्हणून पदवी बहाल केली होती. डॉ. पावडे यांनी दलित महिलांच्या व्यथा मांडणारं भरपूर लिखाण केलं होतं. तसेच विपुल वैचारिक लेखन केलं आहे. डॉ. कुमुद पावडे यांनी सामाजिक आणि साहित्यिक चळवळीत आयुष्य वेचले होते.</p>

<p>डॉ. कुमुद पावडे यांचा जन्म १८ नोव्हेंबर १९३८ रोजी नागपूर येथे झाला होता. त्यांचे आईवडील हे डॉ. बाबासाहेब आंबेडकर आणि महात्मा ज्योतिबा फुले यांच्या चळवळीतील कार्यकर्ते होते. डॉ. कुमुद पावडे यांचे प्राथमिक शिक्षण मोठ्या कष्टात झाले. शाळेत शिकत असताना त्यांना वर्गातील सहविद्यार्थी तसेच शिक्षकांकडून अवहेलना आणि मारहाण सहन करावी लागली होती. डॉ. कुमुद पावडे यांनी नागपूरच्या मॉरिस कॉलेजमधून संस्कृत विषयात एमए केले होते. शिक्षण घेतल्यानंतर सुद्धा नोकरी मिळवण्यासाठी त्यांना अनेक अडचणींना सामोरे जावे लागले होते. संस्कृत विषयात प्रथम श्रेणीत एम एचे शिक्षण घेतलेल्यानंतरसुद्धा कोणतीही सरकारी अथवा खासगी शिक्षण संस्था एका दलित महिलेला शिक्षिकेची नोकरी देण्यास धजावत नसल्याबद्दल डॉ. पावडे यांनी ज्येष्ठ दलित नेते, भारताचे पहिले कामगार मंत्री बाबू जगजीवन राम यांना पत्र लिहून आपली व्यथा मांडली होती. बाबू जगजीवन राम यांनी ते पत्र तत्कालीन पंतप्रधान पंडित जवाहरलाल नेहरु यांना पाठवलं होतं. पंडित नेहरुंनी डॉ. कुमुद पावडे यांच्या पत्राची दखल घेत त्यांना मध्यप्रदेशचे तत्कालीन मुख्यमंत्री शंकर दयाळ शर्मा यांची भेट घेण्यास सांगितले होते. सोबतच नेहरुंनी पंतप्रधान सहायता निधीतून २५० रुपये मदत डॉ. कुमुद यांना त्यावेळी पाठवली होती. अशाप्रकारे डॉ. कुमुद यांना मध्य प्रदेशात पहिली नोकरी मिळाली होती.</p>

<p>१४ ऑक्टोबर १९५६ रोजी नागपूरच्या दीक्षा भूमीवर डॉ. बाबासाहेब आंबेडकर यांच्यासमवेत लाखो लोकांनी बौद्ध धम्माची दीक्षा घेतली होती. या सोहळ्यात डॉ. कुमुद त्यांच्या आईवडिलांसमोवत सामिल झाल्या होत्या. डॉ. आंबेडकर यांच्या विचारांवर त्यांची अढळ श्रद्धा होती. 'बायजा' मासिकाच्या त्या अनेक वर्ष संपादक होत्या. अखिल भारतीय प्रागतिक महिला संघटनेच्या अध्यक्षा म्हणूनही त्यांनी काम पाहिले होते. शिवाय १९९५ साली बिजिंग (चीन) मध्ये झालेल्या आंतरराष्ट्रीय महिला परिषदेत त्यांनी सहभाग घेतला होता.</p>

JJ Hospital Mumbai : राज्य सरकारचा मोठा निर्णय, तात्याराव लहाने-रागिनी पारेख यांच्यासह सर्व डॉक्टरांचे राजीनामे मंजूर

<ul><li><strong>Tatyarao Lahane Resignation : </strong>डॉक्टर तात्याराव लहाने यांच्या बदलीसाठी निवासी डॉक्टरांच्या संघटनेने आंदोलन सुरू केलं होतं. त्यानंतर आता राज्य सरकारने मोठा निर्णय घेतला आहे.</li></ul>

Maharashtra Weather Update : महाराष्ट्रात मान्सूनपूर्व सरींचा अंदाज, आठ जिल्ह्यांत मुसळधार पावसाचा इशारा

<ul><li><strong>Maharashtra Weather Update :</strong> गेल्या दोन दिवसांपासून राज्यातील अनेक जिल्ह्यांच्या तापमानात मोठी घट झाल्याचं पाहायला मिळत आहे.</li></ul>

Samruddhi Mahamarg Accident : डुलकी लागली अन् गाडी पलटी झाली; समृद्धी महामार्गावरील अपघातात चालकाचा मृत्यू

<ul><li><strong>Road Accident On Samruddhi Mahamarg :</strong> शिर्डीहून नागपुरच्या दिशेने येणाऱ्या मालवाहू वाहनाला बुलढाण्याजवळ भीषण अपघात झाल्याची घटना समोर आली आहे.</li></ul>

Maharashtra Talathi Bharati 2023 : महाराष्ट्रात ४६२५ तलाठी पदासाठी मेगाभरती, शिंदे-फडणवीस सरकारने काढले आदेश

<ul><li><strong>Maharashtra Talathi Bharati : </strong>साडेचार हजारांहून अधिक जागांवर भरती करण्यात येणार आहे. त्यामुळं आता राज्यातील बेरोजगार तरुणांना मोठा दिलासा मिळाला आहे.</li></ul>

<p>Dr Kumud Pawde no more- संस्कृत विषयात प्रथम श्रेणीत एम एचे शिक्षण घेतलेल्यानंतरसुद्धा कोणतीही सरकारी अथवा खासगी शिक्षण संस्था एका दलित महिलेला शिक्षिकेची नोकरी देण्यास धजावत नसल्याबद्दल डॉ. कुमुद पावडे यांनी तत्कालीन पंतप्रधान पंडित जवाहरलाल नेहरु यांना पाठवलं होतं.</p>

Modi Govt's 9 Years: 'देशाच्या नाकी नऊ आणणारे नऊ वर्ष'

<p>पंतप्रधान नरेंद्र मोदी यांच्या नेतृत्वाखाली गेली नऊ वर्ष ही देशाच्या नाकी नऊ आणणारी वर्ष होती, अशी घणाघाती टीका शिवसेना (ठाकरे गट) खासदार संजय राऊत यांनी केली आहे. पंतप्रधान मोदी यांनीदेशातला दहशतवाद संपवला असं म्हणणाऱ्या भक्तांनी डोळे उघडून देशातील स्थिती समजून घेतली पाहीजे, असं राऊत म्हणाले. मोदी यांच्या कार्यकाळात देशातला दहशतवाद संपला की वाढला याचं मणिपूरमध्ये पेटलेली दंगल आणि हिंसाचार हे ज्वलंत उदाहरण असल्याचं राऊत म्हणाले.</p>

<p>राऊत पुढे म्हणाले की, 'काश्मीरमध्ये आजही लष्करी जवानांच्या समूदायिक हत्या होत आहेत… काश्मिरी पंडितांची घरवापसी अद्याप होऊ शकलेली नाही. पंडितांचे हत्यासत्र सुरूच आहे. राजधानी दिल्लीमध्ये दररोज चार मुलींवर अत्याचार, बलात्कार होऊन त्यांचे खून केले जात आहेत. मणिपूरमध्ये देशाचे गृहमंत्रीसुद्धा पाय ठेवू शकत नाही, अशी परिस्थिती असताना कोणता दहशतवाद कमी झाला असा सवाल राऊत यांनी यावेळी केला आहे.</p>

<h2>उद्धव ठाकरे - प्रकाश आंबेडकर यांच्यात थेट चर्चा सुरू</h2><p>एकीकडे वंचित-बहुजन विकास आघाडी आणि उद्धव ठाकरे यांच्यादरम्यान आघाडीविषयी चर्चा सुरू असताना ‘आम्ही एकनाथ शिंदेंबरोबर बसायला तयार आहोत..’ असं वक्तव्य प्रकाश आंबेडकर यांनी नुकतंच केलं होतं. यावर प्रतिक्रिया देताना संजय राऊत म्हणाले की उद्धव ठाकरे आणि प्रकाश आंबेडकर यांच्यात थेट चर्चा सुरू असते. शिवसेनेने प्रकाश आंबेडकर यांच्याकडून एक प्रस्ताव मागवलेला आहे. त्यानंंतर पुढे चर्चा सुरू राहणार आहे.</p>

<h2>धानोरकरांच्या निधनाचा धक्का शिवसेनेला देखील</h2><p>चंद्रपूरचे कॉंग्रेसचे खासदार बाळू धानोरकर यांच्या निधनावर दुःख व्यक्त करत संजय राऊत यांनी त्यांच्याबद्दलच्या काही आठवणी शेअर केल्या. मूळचे शिवसैनिक असलेले धानोरकर ऐनवेळी कॉंग्रेसमध्ये प्रवेश करून खासदार झाले होते. धानोरकर यांची जीवनशैली, वर्तन, वागणूक हे शिवसैनिकासारखं होतं, असं राऊत म्हणाले. धानोरकर यांनी वयाची पन्नाशी देखील पार केली नव्हती, असं राऊत म्हणाले.</p>

<p>Sanjay Raut on Narendra Modi: पंतप्रधान नरेंद्र मोदी यांच्या नेतृत्वाखाली गेली नऊ वर्ष ही देशाच्या नाकी नऊ आणणारी वर्ष होती, अशी घणाघाती टीका शिवसेना (ठाकरे गट) खासदार संजय राऊत यांनी केली आहे.&nbsp;</p>

2000 Note: नोट चलनात आणून ती परत घेण्याचा निर्णय मूर्खपणाचा: माजी केंद्रीय अर्थमंत्र्याचा घणाघात

<p>देशात अर्थव्यवस्थेच्या वाढीचा वेग अत्यंत कमी झाला आहे. बेरोजगारी आणि महागाईमध्ये सतत वाढ होतय. अशा परिस्थितीत दोन हजाराची नोट चलनात आणून ती परत घेणे हा भयंकर तमाशा आहे. या घटनेमुळं भारतातील चलनाच्या स्थिरतेवर शंका निर्माण केली आहे अशी घणाघाती टीका माजी केंद्रीय अर्थमंत्री पी चिदंबरम यांनी केली. दोन हजार रुपयांच्या नोटा या सामान्य जनतेसाठी गरजेच्या नव्हत्याच. नोटा चलनात आणून पुन्हा काढून टाकण्याचा निर्णय हा मूर्खपणाचा आहे, असं चिदंबरम म्हणाले. मुंबईत पत्रकारांशी बोलताना त्यांनी हे भाष्य केलं.</p>

<p>मोदींच्या नेतृत्वाखालील केंद्रातील भाजपा सरकारने ९ वर्ष पूर्ण केली असून या ९ वर्षात हे सरकार सर्व आघाड्यांवर पूर्णपणे अपयशी ठरले असल्याची टीका चिदंबरम यांनी केली. धर्मनिरपेक्ष, लोकशाही देशामध्ये सर्वांचा विकास करणारी अशी सरकारची धोरणे असायला हवीत. परंतु गेल्या नऊ वर्षांत मोदी सरकारने त्यासाठी काहीही केलेले नाही. सरकार आपल्या चुका सुधारून जनतेसाठी सुशासन करण्याचा प्रयत्नही करत नाही हे अत्यंत वाईट आहे, अशी टीका चिदंबरम यांनी केली.</p>

<h2>मोदींच्या काळात लोकशाहीचा वटवृक्ष झाला पोकळ</h2><p>देशाचा कारभार संविधानानुसार चालतोय की नाही अशी आज चिंता वाटत आहे. खोट्या केसेस, तपासाच्या धमक्या देऊन राज्य सरकारांना अस्थिर करण्यासाठी केंद्र सरकारच्या तपास यंत्रणा तैनात करण्यात आल्या आहेत. केंद्र व राज्य सरकारांदरम्यान दरी वाढत चालली आहे, ही एक चिंतेची बाब आहे. बिगर भाजपशासित राज्यांचे राज्यपाल एखाद्या व्हाईसरॉयसारखे वागत आहेत. संसदीय नियम आणि कायद्यांचे उल्लंघन केले जात आहे. मोदी सरकारच्या काळात लोकशाहीचा हा वटवृक्ष पोकळ झाला असल्याची टीका चिदंबरम यांनी केली.</p>

<h2>मणिपूर जळतोय.. मोदींचे मात्र मौन…</h2><p>संरक्षण व परराष्ट्र धोरणांवरही केंद्र सरकार अपयशी ठरले असल्याची टीका चिदंबरम यांनी केली. चिनी सैन्याने भारताच्या ताब्यातील भूभागात अतिक्रमण केले आहे आणि आजही ते व्यापलेले आहे, याचे भरपूर पुरावे आहेत. चीन सीमाभागात संरक्षण पायाभूत सुविधा वाढवत आहे तसेच सीमेवर नवीन वसाहती उभारत आहे. जून २०२० मध्ये गलवान खोऱ्यात झालेल्या चकमकींपासून भारतीय गस्त घालण्याचे प्रमाण कमी झाले आहे. पाकिस्तान, चीन, बांग्लादेश, श्रीलंका या शेजारी देशांशी आपले संबंध चांगले राहिले नाहीत. चीन-पाकिस्तानची युती मजबूत झाली आहे आणि सुरक्षेचा धोका पश्चिम, उत्तर आणि पूर्वेकडील सीमेच्या प्रत्येक भागात पसरला आहे. असे असतानाही संसदेला अंधारात ठेवले जात असल्याचा आरोप चिदंबरम यांनी केला. मणिपूरमधील परिस्थिती चिंताजनक असून ७५ हून अधिक मृत्यू झाले आहे. मणिपूर जळत असताना पंतप्रधान व गृहमंत्री कर्नाटकच्या निवडणुक प्रचारात व्यस्त होते. मणिपूरबाबत पंतप्रधानांचे सततचे मौन गंभीर असल्याचं चिदंबरम म्हणाले.</p>

<p>P Chidambaram on Indian Economy: दोन हजाराची नोट चलनात आणून ती परत घेणे हा भयंकर तमाशा आहे. या घटनेमुळं भारतातील चलनाच्या स्थिरतेवर शंका निर्माण केली आहे अशी घणाघाती टीका माजी केंद्रीय अर्थमंत्री पी चिदंबरम यांनी केली.</p>

Video: २०२४ मध्ये नवीन संसद भवनाचे पुन्हा उदघाटन करणार

<p>Prakash Ambedkar On New Parliament Building: राष्ट्रपती द्रौपदी मुर्मू यांना संसद भवनाच्या नवीन इमारतीच्या उदघाटन कार्यक्रमाचे आमंत्रण नाकारण्याच्या केंद्र सरकारच्या निर्णयाचा वंचित बहुजन आघाडीचे अध्यक्ष प्रकाश आंबेडकर यांनी निषेध केला आहे. देशात आदिवासींना स्थान नाही, असा संदेश यातून देण्यात आला असल्याचा आरोप आंबेडकर यांनी केला आहे. २०२४ मध्ये भाजपचा पराभव करून राष्ट्रपती द्रौपदी मुर्मू यांच्या हस्ते संसदेच्या नव्या इमारतीचे पुन्हा उदघाटन करू, अशी घोषणा आंबडकर यांनी केली आहे.</p>

Sanjay Raut: शिंदे गट म्हणजे भाजपने पाळलेल्या कोंबड्यांचा खुराडा… कधीही कापल्या जातील…

<p>'मुख्यमंत्री एकनाथ शिंदे यांच्यासोबत गेलेल्या आमदारांच्या गटाला मी राजकीय पक्ष मानतच नाही. शिंदे गट म्हणजे भाजपने पाळलेल्या कोंबड्यांचा खुराडा असून या कोंबड्या कधीही कापल्या जातील अशी सडकून टीका खासदार संजय राऊत यांनी केली आहे. आज सकाळी राऊत पत्रकारांशी बोलत होते.</p>

<p>शिंदे गटाने भाजपकडे आगामी लोकसभा निवडणुकीसाठी एकूण २२ जागांची मागणी केली आहे. यावर प्रतिक्रिया देताना राऊत म्हणाले, ‘शिंदे गटाने राज्यात २२ काय संपूर्ण ४८ जागा जरी लढवल्या तरी काही फरक पडत नाही. शिंदे गट म्हणजे भाजपने पाळलेल्या कोंबड्यांचा खुराडा आहे. या कोंबड्या सध्या तडफड करत आहेत. या कोंबड्या कधीही कापल्या जातील.कोंबड्या कॉक कॉक आरवत असतात. तसं ते बोलतात. पक्ष म्हणून शिंदे गटाकडे काय विचारांची आहे, वैचारिक बैठक काय आहे? केवळ निवडणूक आयोगाने पक्ष आणि चिन्ह विकत दिलं म्हणजे तो पक्ष ठरत नाही’ अशी टीका राऊत यांनी केली. शिवसेनेचे लोकसभेत एकूण १९ खासदार आहेत. १८ महाराष्ट्रात तर १ दादर नगर हवेलीचा खासदार शिवसेनेचा आहे. तेवढे खासदार संसदेत नक्कीच जाणार, अशी आशा राऊत यांनी व्यक्त केली.</p>

<h2><strong>द्रौपदी मुर्मूंना सोहळ्यापासून दूर का ठेवलं जातं आहे?</strong></h2><p>&nbsp;</p>

<p>संसदेच्या नव्या इमारतीच्या उदघाटन सोहळ्याच्या निमंत्रण पत्रिकेवर राष्ट्रपती द्रौपदी मुर्मू, उपराष्ट्रपती जगदीप धनखड यांचे नाव नाही. याविषयी कुणीही काही बोलत नाही असं राऊत म्हणाले. राष्ट्रपती द्रौपदी मुर्मू यांना या सोहळ्यापासून दूर का ठेवलं जात आहे हे पंतप्रधान नरेंद्र मोदी यांनी समोर येऊन देशाला सांगावं अशी मागणी यावेळी संजय राऊत यांनी केली.</p>

<p>Sanjay Raut on Eknath Shinde: शिंदे गट म्हणजे भाजपने पाळलेल्या कोंबड्यांचा खुराडा आहे. या कोंबड्या सध्या तडफड करत आहेत. या कोंबड्या कधीही कापल्या जातील.&nbsp;कोंबड्या कॉक कॉक आरवत असतात.</p>

Video: अशी दिसते संसदेची नवीन इमारत!

<p>New Parliament Building: दिल्लीत बांधण्यात आलेल्या संसदेच्या नवीन इमारतीचे येत्या रविवारी, २८ मे रोजी उदघाटन होणार आहे. या इमारतीच्या बांधकामावर ९०० कोटी रुपये खर्च करण्यात आला असून एकूण ६४,५०० चौरस मीटर क्षेत्रावर इमारत उभारण्यात आली आहे.</p>

Karnataka New Speaker: मंत्रीपद हुकले, अध्यक्षपद मिळालेः अब्दुल कादर यांची विधानसभा अध्यक्षपदी निवड

Train Accident Odisha : मृतदेहांमध्ये मुलाला शोधणाऱ्या वडिलांची हतबलता, पाहा हृदयद्रावक व्हिडिओ

<ul><li><strong>Odisha Train Accident :</strong> पंतप्रधान नरेंद्र मोदी यांनी बालासोरमधील घटनेची पाहणी केली असून रुग्णालयात जखमींची भेट घेत त्यांच्या प्रकृतीची विचारपूस केली आहे.</li></ul>

FDC Medicine Ban : मोदी सरकारचा मोठा निर्णय, तब्बल १४ औषधांच्या विक्रीवर कायमची बंदी

<ul><li><strong>India Bans 14 FDC Medicine :</strong> आरोग्यासाठी धोकादायक ठरणाऱ्या १४ औषधांवर मोदी सरकारने कायमची बंदी घालण्याचा निर्णय घेतला आहे.</li></ul>

Train Accident Odisha : ओडिशातील रेल्वे अपघातावर व्लादिमीर पुतिन यांचा शोकसंदेश, म्हणाले...

<ul><li><strong>odisha train accident live :</strong> ओडिशातील रेल्वे अपघातावर देशातील सेलिब्रिटी तसेच अनेक मान्यवर नेत्यांनी दुःख व्यक्त केलं आहे.</li></ul>

Odisha Train Accident : ओडिशातील रेल्वे अपघाताच्या उच्चस्तरीय चौकशीचे आदेश, रेल्वेमंत्री राजीनामा देण्याच्या तयारीत

<ul><li><strong>Odisha Train Accident : </strong>ओडिशातील रेल्वे अपघातात आतापर्यंत तब्बल २६३ लोकांचा मृत्यू झाला आहे. त्यानंतर आता या घटनेच्या चौकशीचे आदेश देण्यात आले आहे.</li></ul>

<p>Karnataka new assembly speaker UT Abdul Khader यांची काल, बुधवारी विधानसभा अध्यक्षपदी एकमताने निवड करण्यात आली. कादर हे मंगळुरु शहरातून पाच वेळा आमदार म्हणून निवडून आले आहेत.</p>

What is Sengol: नवीन संसद भवन इमारतीत ‘सेंगोल’ची स्थापना होणार; काय आहे ‘सेंगोल’चा इतिहास?

<p>नवीन संसद भवन इमारतीचे उदघाटन देशाच्या पंतप्रधानांच्या हस्ते व्हावे की राष्ट्रपतींच्या या मुद्दावर सत्ताधारी भाजप आणि तमाम विरोधकांदरम्यान रणकंदन सुरू आहे. विरोधकांनी संसद भवन इमारतीच्या उदघाटन कार्यक्रमावर बहिष्कार घालण्याचा निर्णय घेतला आहे. या पार्श्वभूमीवर तब्बल ९०० कोटी रुपये खर्चून उभारण्यात आलेल्या नवीन संसद भवन इमारतीच्या आतील वैशिष्ट्यांबाबत आता चर्चा सुरू झाली आहे. नवीन इमारतीत खासदारांची आसन संख्या वाढवण्यात आली असून लोकसभा अध्यक्षांच्या आसनाजवळ ठेवण्यात येणारे ‘सेंगोल’ या नवीन वैशिष्ट्याचा समावेश करण्यात आला आहे.</p>

<p>काय आहे ‘सेंगोल’?</p>

<p>केंद्रीय गृहमंत्री अमित शाह यांनी ‘सेंगोल’बद्दल आज नवी दिल्लीत पत्रकारांना माहिती दिली. येत्या २८ मे रोजी नवीन संसद भवना इमारतीचे पंतप्रधान नरेंद्र मोदी यांच्या हस्ते उदघाटन करण्याचे सरकारकडून निश्चित झाले आहे. या इमारतीच्या आत लोकसभा अध्यक्षांच्या आसनाजवळ एक राजदंड सदृष्य ‘सेंगोल’ ठेवला जाणार आहे. भारत स्वतंत्र झाला तेव्हा ब्रिटिश सत्तेकडून स्वतंत्र भारताकडे सत्ता हस्तांतरणाची प्रक्रिया पार पाडायची होती. त्यावेळी सत्ता हस्तांतरणाची प्रक्रिया काय असणार असा प्रश्न तत्कालीन ब्रिटीश गव्हर्नर लॉर्ड माउंटबॅटन यांनी सी राजगोपालचारी यांना विचारला होता. तेव्हा राजगोपालाचारी यांनी तमिळनाडूमध्ये असलेल्या ‘सेंगोल’च्या परंपरेविषयी त्यांना सांगितलं होतं. त्यानंतर तमिळनाडून ‘सेंगोल’ दिल्लीत आणण्यात आलं होतं. संपदेने संपन्न असा सेंगोलचा अर्थ होतो. सेंगोलबाबत पंतप्रधान नरेंद्र मोदी यांना कळल्यानंतर त्याची चौकशी करून लोकसभा अध्यक्षांजवळ तो ठेवण्याचा निर्णय झाला, असं अमित शाह म्हणाले. स्वातंत्र्यानंतर उत्तर प्रदेशातील अलाहाबाद येथील संग्रहालयात ठेवलेलं ‘सेंगोल’ आता संसदेच्या नवीन इमारतीत आणून ठेवण्यात येणार आहे. २८ मे रोजी नवीन संसद भवन इमारत देशाला समर्पित होईल तेव्हा पंतप्रधान नरेंद्र मोदी या ‘सेंगोल’चा स्वीकार करतील आणि लोकसभा अध्यक्षांच्या आसनाजवळ ठेवतील, असं शाह म्हणाले.</p>

<p>एका ऐतिहासिक परंपरेचं पुनरुज्जिवन करण्याचा हा प्रयत्न असल्याचे शाह म्हणाले. संसद भवन इमारतीच्या बांधकामात सामील मजुरांचा यावेळी सन्मान करण्यात येणार आहे</p>

<p>What is Sengol: नवीन संसद भवन इमारतीच्या आत लोकसभा अध्यक्षांच्या आसनाजवळ ‘सेंगोल’ स्थापित केला जाणार आहे. भारत स्वतंत्र झाला तेव्हा ब्रिटिश सत्तेकडून स्वतंत्र भारताकडे सत्ता हस्तांतरणाची प्रक्रियेत हा सेंगोल वापरण्यात आला होता.</p>

Video: दिल्लीची इशिता किशोर यूपीएससी परीक्षेत देशात प्रथम

<p>Ishita Kishore topped UPSC exam 2022: यूपीएससी परीक्षेत दिल्लीची इशिता किशोर देशात सर्वप्रथम आली आहे. आयएएस होण्याचे स्वप्न पूर्ण झाले असल्याची प्रतिक्रिया देत इशिताने आनंद व्यक्त केला. शिस्तबद्ध पद्धतीने आणि एकाग्रतेने यूपीएससी परीक्षेचा अभ्यास केल्यास यश नक्की मिळते असं इशिताने सांगितले.</p>

Haaris Rahim Shaikh