Video : कर्नाटकच्या मुख्यमंत्र्यांना शरद पवारांचा अल्टीमेटम, पाहा काय म्हणाले?

video

Sharad Pawar warns Basavaraj Bommai : बेळगावात कानडी गुंडांनी महाराष्ट्रातील वाहनांवर केलेल्या हल्ल्याचा राष्ट्रवादी काँग्रेसचे अध्यक्ष शरद पवार यांनी तीव्र शब्दांत निषेध केला आहे. कर्नाटकच्या मुख्यमंत्र्यांच्या चिथावणीमुळं हा वाद वाढला आहे. हा सगळा हिंसाचार येत्या २४ ते ४८ तासांत थांबला नाही तर माझ्यासह सर्वच नेते बेळगावला जातील, असं शरद पवार यांनी म्हटलं आहे.

Suhasini Nandgaonkar: प्रसिद्ध गायिका सुहासिनी नांदगावकर काँग्रेसमध्ये; प्रवेशाचं कारणही सांगितलं!

paragraph

Suhasini Nandgaonkar Joins Congress: प्रसिद्ध कवी व माजी आमदार शांताराम नांदगावकर यांच्या स्नुषा पार्श्वगायिका सुहासिनी नांदगावकर यांनी आज आपल्या राजकीय इनिंगला सुरुवात केली. काँग्रेसचे प्रदेशाध्यक्ष नाना पटोले यांच्या उपस्थितीत त्यांनी आज काँग्रेस पक्षात प्रवेश केला.

सुहासिनी नांदगावकर यांनी 'अशी ही बनवाबनवी, तू सुखकर्ता, गोडी गुलाबी अशा मराठी चित्रपटांबरोबरच सैनिक, स्टंटमन, छोटा सा घर अशा अनेक चित्रपटात गाणी गायली आहेत. ३० वर्षांपासून त्या पार्श्वगायन क्षेत्रात कार्यरत असून देश विदेशातही त्यांचे गायनाचे कार्यक्रम झाले आहेत. संगीत शिक्षिका म्हणूनही त्यांनी काम केलं आहे. काँग्रेस प्रवेशानंतर त्यांनी आपल्या भावना व्यक्त केल्या.

<a target="_blank" href="https://marathi.hindustantimes.com/maharashtra/maharashtra-karnataka-border-dispute-how-all-this-started-suddenly-questions-ncp-chief-sharad-pawar-141670325156242.html">Sharad Pawar: राज्यातील काही गावांची गुजरात, कर्नाटकात जाण्याची भूमिका; शरद पवार म्हणाले…</a>

‘काँग्रेस हाच सर्व जाती-धर्मांना सामावून घेऊन त्यांचा सर्वांगीण विकास करणारा पक्ष आहे. मागास, वंचित, दलित समाजाच्या विकासाचं काम काँग्रेस सरकारनंच केलं, परंतु सध्या देशातील परिस्थिती पूर्णपणे बदललेली आहे. दलित, मागास, पीडित समाजाचा विकास काँग्रेस पक्षच करू शकतो याचा विश्वास असल्यानंच मी काँग्रेस पक्षात प्रवेश केला आहे. एक कलाकार म्हणून कलाकारांचे प्रश्न व समस्या सोडवण्याचा प्रयत्न काँग्रेसच्या माध्यमातून करेन,’ असं त्या म्हणाल्या.

काँग्रेसच्या विचारानं प्रभावित होणाऱ्या लोकांची संख्या वाढतेय!

'काँग्रेसच्या विचाराला माननारे लोक राज्यात मोठ्या प्रमाणात आहेत. सर्व समाज घटकांना बरोबर घेऊन जाण्याच्या भूमिकेमुळं लोकांचा काँग्रेस पक्षावर विश्वास आहे. देश तोडण्याचं काम काही पक्ष व संघटना करत असताना देश जोडण्याची भूमिका घेऊन राहुल गांधी यांनी कन्याकुमारी ते काश्मीर अशी ऐतिहासिक पदयात्रा सुरू केली आहे. तोडणाऱ्यांपेक्षा जोडणारे महत्वाचे असतात ही लोकांची भावना आहे. काँग्रेस विचारानं प्रभावित होणाऱ्या लोकांची संख्याही दिवसेंदिवस वाढत आहे, असं नाना पटोले यावेळी म्हणाले.

<a target="_blank" href="https://marathi.hindustantimes.com/maharashtra/ncp-chief-sharad-pawar-reaction-on-maharashtra-karnataka-border-dispute-141670322062590.html">Sharad Pawar: संयमालाही मर्यादा असतात; सीमावादावरून शरद पवारांचा कर्नाटकला थेट इशारा</a>

Karnataka Dispute : शरद पवारांच्या ४८ तासांच्या अल्टिमेटमवर फडणवीसांची प्रतिक्रिया, म्हणाले..

पवार-फडणवीस

Maharashtra Karnataka Border dispute : कर्नाटकमध्ये महाराष्ट्राच्या वाहनांवर होत असलेल्या हल्ल्याबाबत शरद पवारांनी अल्टिमेटम दिला होता की, जर येत्या ४८ तासांत हिंसाचार न थांबल्यास माझ्यासह सर्वांना बेळगावात जाऊन तेथील लोकांना धीर द्यावा लागेल. यावर फडणवीसांनी प्रतिक्रिया दिली आहे.

कसारा-इगतपुरी दरम्यान रेल्वेचे इंजिन रुळांवरून घसरले; मध्य रेल्वेची वाहतूक विस्कळीत

इंजित रुळावरून घसरले

central railway : मध्य रेल्वे मार्गावर कसारा-इगतपुरी दरम्यान इंजिनची तीन चाके रुळावरून खाली घसरल्याने कसारा व मुंबई-ठाण्याकडे जाणारी रेल्वे वाहतूक विस्कळीत झाली होती.

Border Dispute: कर्नाटक सीमावादासंबंधी सर्व माहिती अमित शहांपर्यंत पोहोचवणार - देवेंद्र फडणवीस

फडणवीस-शहा

maharashtra karnataka border dispute : देवेंद्र फडणवीस यांनी म्हटले की, महाराष्ट्र कर्नाटक सीमावादासंदर्भातील माहिती केंद्रीय गृहमंत्री अमित शहा यांच्यापर्यंत पोहोचवली जाईल.&nbsp;

राज्य शासनाचे उत्कृष्ट वाङ्मय पुरस्कार जाहीर

संग्रहित छायाचित्र

महाराष्ट्र राज्य शासनातर्फे देण्यात येणाऱ्या २०२०-२१ या वर्षांसाठीचे उत्कृष्ट वाङ्मय पुरस्कार जाहीर करण्यात आले. १ लाख रुपये आणि ५० हजार रुपये अशा दोन विभागात हे पुरस्कार देण्यात येणार आहेत.

Suhasini Nandgaonkar Joins Congress: प्रसिद्ध पार्श्वगायिका सुहासिनी नांदगावकर यांनी आज काँग्रेस पक्षात प्रवेश केला.

Border Dispute: हा महाराष्ट्राच्या स्वाभिमानावर हल्ला; शिंदे सरकारनं हिंमत दाखवावी; अजित पवार भडकले!

Ajit Pawar on Maharashtra Karnataka Border Dispute: मराठी भाषिक बेळगाव भागात महाराष्ट्राच्या गाड्यांवर कन्नड गुंडांनी केलेल्या भ्याड हल्ल्याचे तीव्र पडसाद राज्यात उमटत आहेत. राज्याचे विरोधी पक्षनेते अजित पवार यांनी या हल्ल्याचा तीव्र शब्दात निषेध केला आहे. महाराष्ट्र सरकारनं आता 'अरे'ला 'कारे' करण्याची हिंमत दाखवावी, असं आवाहन अजित पवार यांनी केलं आहे.

'महाराष्ट्राच्या गाड्यांवरचा हल्ला हा महाराष्ट्राच्या स्वाभिमानावरचा हल्ला आहे. अशा भ्याड हल्ल्यातून सीमाभागातील मराठी भाषिकांच्या मनात दहशत निर्माण करण्याचा प्रयत्न कधीही यशस्वी होणार नाहीत. असे भ्याड हल्ले महाराष्ट्र सरकारनं खपवून घेऊ नयेत. महाराष्ट्र सरकार आणि सत्तारूढ पक्षांनी नेभळटपणा, बोटचेपी भूमिका सोडावी. निव्वळ निषेध करून चालणार नाही. 'अरे' ला 'कारे' म्हणण्याची हिंमत महाराष्ट्र सरकारनं दाखवावी, असं अजित पवार यांनी म्हटलं आहे.

'कर्नाटक सरकारच्या पाठिंब्यामुळंच हे प्रकार घडत आहेत. महाराष्ट्र सरकारनं या संदर्भात कणखर भूमिका घ्यावी. केंद्र सरकारनं कर्नाटकच्या मुख्यमंत्र्यांना समज द्यावी. मराठी माणसांच्या रक्षणासाठी, अस्मितेसाठी विरोधी पक्ष आणि महाराष्ट्र अभिमानी नागरिक एकजुटीनं सीमाभागातील मराठी भाषिकांच्या मागे ठामपणे उभे आहेत. सत्ताधारी पक्षांनीही आपलं कर्तव्य पार पाडावं. कोणत्याही परिस्थितीत सीमाभागात अनुचित प्रकार आणि भ्याड हल्ले खपवून घेवू नयेत. महाराष्ट्राची एकजूट दाखवण्याची हीच वेळ आहे, असं आवाहन अजित पवार यांनी केलं आहे.

<a target="_blank" href="https://marathi.hindustantimes.com/maharashtra/protest-against-governor-bhagat-singh-koshyari-for-controversial-statement-by-mim-mp-imtiyaz-jaleel-in-aurangabad-tomorrow-141670319158288.html" rel="dofollow">MIM Aurangabad : शिवरायांच्या अपमानाविरोधात एमआयएम रस्त्यावर उतरणार; इम्तियाज जलीलांची घोषणा</a>

Ajit Pawar on Border Dispute: महाराष्ट्रातील वाहनांवर बेळगावात झालेल्या हल्ल्यानंतर आता राज्य सरकारनं 'अरे'ला 'कारे' करण्याची हिंमत दाखवावी, अशी मागणी अजित पवार यांनी केलं आहे.

Sharad Pawar: राज्यातील काही गावांची गुजरात, कर्नाटकात जाण्याची भूमिका; शरद पवार म्हणाले…

Sharad Pawar on Maharashtra Karnataka border Dispute: कर्नाटकचे मुख्यमंत्री बसवराज बोम्मई यांच्या वक्तव्यानंतर महाराष्ट्र-कर्नाटक सीमावाद पुन्हा चिघळला आहे. त्यातच नाशिक, सांगली व सोलापूरच्या सीमेवरील काही गावांनी कर्नाटक व गुजरातमध्ये विलीन होण्याची भूमिका घेतली आहे. या पार्श्वभूमीवर राष्ट्रवादी काँग्रेसचे अध्यक्ष शरद पवार यांनी आज महत्त्वाचं विधान केलं.

मुंबईतील 'सिल्व्हर ओक' निवासस्थानी ते पत्रकारांशी बोलत होते. कर्नाटकात महाराष्ट्रातील वाहनांवर झालेल्या हल्ल्याचा त्यांनी सर्वप्रथम निषेध केला. सीमाभागात सध्या जे काही सुरू आहे, त्यावर भूमिका घेण्याची वेळ आली आहे. महाराष्ट्राच्या उपमुख्यमंत्र्यांनी कर्नाटकशी संपर्क साधला असं त्यांनी स्वत:च मला सांगितलं, पण त्याचा काही उपयोग झालेला दिसत नाही. त्यामुळं आता माझ्यासह काही नेत्यांना बेळगावात जावं लागेल, असंही ते म्हणाले.

<a target="_blank" href="https://marathi.hindustantimes.com/maharashtra/ncp-chief-sharad-pawar-reaction-on-maharashtra-karnataka-border-dispute-141670322062590.html">Sharad Pawar: इतका संयम दाखवूनही 'हे' थांबलं नाही तर... सीमावादावर शरद पवारांचा कर्नाटकला इशारा</a>

सोलापूर, सांगली व नाशिक जिल्ह्याच्या सीमेवरील काही गावांनी अलीकडंच आपल्या समस्यांचा पाढा वाचत कर्नाटक व गुजरातमध्ये विलीन होण्याचे ठराव मंजूर केले आहेत. त्यामुळं कर्नाटकला आयतं कोलीत मिळालं असून राज्य सरकारची कोंडी झाली आहे. त्याबाबत बोलताना शरद पवार म्हणाले, 'सोलापूर, नाशिक आणि जतमध्ये जे झालं, हे आत्ताच का झालं असं प्रश्न मलाही आहे. मी सोलापूर जिल्ह्याचा सात ते आठ वर्षे पालकमंत्री होतो. मला तिकडची इत्यंभूत माहिती आहे. माझ्या पालकमंत्री पदाच्या काळात या भागातील कुणीही असे प्रश्न मांडले नव्हते. आता कुणीतरी जाणीवपूर्वक त्यांना चिथावणी देण्याचा प्रयत्न करतंय आणि राज्य सरकार बघ्याची भूमिका घेतंय. अर्थात, या भागातील लोकांना भेटून त्यांच्या समस्या समजावून घेता येतील व त्यातून मार्ग काढता येऊ शकतो, असंही ते म्हणाले.

राज्य सरकारला किती गांभीर्य आहे, ते दिसतंच आहे!

सीमाप्रश्नावर समन्वयासाठी शिंदे-फडणवीस सरकारनं चंद्रकांत पाटील व शंभुराजे देसाई यांची नेमणूक केली होती. हे दोन्ही मंत्री बेळगावात जाऊन तेथील मराठी भाषिकांच्या प्रतिनिधींशी चर्चा करणार होते. मात्र, कर्नाटकच्या मुख्यमंत्र्यांनी न येण्याचा इशारा दिल्यानंतर त्यांनी अचानक हा दौरा रद्द केला. त्यासाठी कायदा सुव्यवस्था व महापरिनिर्वाण दिनाचं कारण देण्यात आलं. याबाबतही शरद पवार यांना प्रश्न विचारण्यात आला. त्यावर, 'हा राज्य सरकारचा निर्णय होता. बेळगावात मंत्र्यांना पाठवण्याबाबत आमच्याशी चर्चा झाली नव्हती. सर्वसाधारणपणे आतापर्यंतची सरकारं सीमाप्रश्नावर सगळ्यांना विश्वासात घेऊन पावलं टाकत होती. मात्र, आताचे निर्णय हे शिंदे-फडणवीस सरकारचे आहेत. त्यात आमचा सहभाग नव्हता. घेतलेल्या निर्णयांची अंमलबजावणी त्यांनी केली नाही यातून या प्रश्नाकडं बघण्याचं त्यांचं गांभीर्य दिसून येतं, अशी खोचक टीका शरद पवार यांनी केली.

Sharad Pawar on Maharashtra Karnataka border Dispute: महाराष्ट्राच्या सीमेवरील काही गावांनी गुजरात व कर्नाटकात विलीन होण्याची भूमिका घेतली आहे. त्यावर शरद पवार यांनी आज भाष्य केलं.

Sharad Pawar: संयमाला मर्यादा असतात; सीमावादावरून शरद पवारांचा कर्नाटकला थेट इशारा

Sharad Pawar on maharashtra karnataka border dispute: 'महाराष्ट्र-कर्नाटकामधील सध्याचा वाद हा कर्नाटकच्या मुख्यमंत्र्यांनी सुरू केला आहे. एकदा नव्हे, दोन-तीनदा त्यांनी चिथावणीखोर वक्तव्य केली आहेत. आज महाराष्ट्रातील वाहनांवर हल्ला झाला आहे. त्यानंतरही महाराष्ट्रातील जनता संयम राखून आहे, पण संयमाला मर्यादा असतात. हा संयम सुटू नये याची काळजी कर्नाटक व केंद्र सरकारनं घ्यायला हवी. अन्यथा उद्रेक झाल्यास त्यासाठी कर्नाटकचे मुख्यमंत्री जबाबदार असतील,' असा इशारा राष्ट्रवादी काँग्रेसचे अध्यक्ष शरद पवार यांनी दिला आहे.

बेळगाव जवळच्या हिरेबागवाडी इथं कर्नाटकातील काही संघटनांच्या कार्यकर्त्यांनी महाराष्ट्रातील वाहनांवर दगडफेक केली. त्यामुळं सध्या राजकीय वातावरण तापलं आहे. याच मुद्द्यावर शरद पवार यांनी आज मुंबईतील निवासस्थानी पत्रकार परिषद घेतली. हा विषय कसा सुरू झाला हे सांगून त्यांनी कर्नाटकचे मुख्यमंत्री बसवराज बोम्मई यांनी केलेली वक्तव्यंच वाचून दाखवली. सीमावादाचा प्रश्न सध्या सर्वोच्च न्यायालयात आहे. तिथं दोन्ही राज्यांनी आपली भूमिका मांडणं अपेक्षित आहे. मात्र, कायद्यावर विश्वास नसल्याप्रमाणं कर्नाटकच्या मुख्यमंत्र्यांनी अनावश्यक वक्तव्य केली. त्यावर काही घटकांकडून प्रतिक्रिया व्यक्त केली गेली, असं पवार म्हणाले.

<a target="_blank" href="https://marathi.hindustantimes.com/maharashtra/dcm-devendra-fadnavis-called-karnataka-cm-basavaraj-bommai-to-condemn-violence-in-belgaum-today-141670321100885.html">Belgaum Voilence : फडणवीसांचा कर्नाटकच्या मुख्यमंत्र्यांना फोन; सीमाभागातील हिंसाचाराचा केला निषेध</a>

'सीमाभागातील मराठी भाषिकांच्या प्रतिनिधींकडून मला काही माहिती मिळाली आहे. एक प्रकारची दहशत तिथं निर्माण केली जात आहे. पोलिसांचा वापर केला जात आहे. लोकांना घराबाहेर पडणं कठीण झालंय. तिथल्या मराठी भाषिकांना आधाराची गरज आहे. अशा परिस्थितीत महाराष्ट्राची भूमिका अजूनही संयमाची आहे. ती कायम राहावी असं मला वाटतं. अन्यथा देशाच्या ऐक्याला तडा जाऊ शकतो. केंद्र सरकारला याबाबत दुर्लक्ष करून चालणार नाही. उद्यापासून संसदेचं अधिवेशन सुरू होतंय. महाराष्ट्रातील खासदारांनी केंद्रीय गृहमंत्र्यांकडं हा विषय मांडावा अशी माझी अपेक्षा आहे. पुढच्या २४ तासांत या हल्ल्याच्या घटना थांबल्या नाहीत तर होणाऱ्या उद्रेकाची जबाबदारी कर्नाटकचे मुख्यमंत्री व सरकारची राहील, असंही शरद पवार यांनी ठणकावलं.

अशी शंका लोकांना आहे - शरद पवार

कर्नाटकचे मुख्यमंत्री अचानक सीमाप्रश्नावर आक्रमक होण्यामागे आगामी निवडणुकांचं गणित आहे का असं शरद पवार यांना पत्रकारांनी विचारलं. त्यावर, मला त्याबाबत काही सांगता येणार नाही. यापूर्वीही अनेकदा वाद झाला होता. मात्र, कर्नाटकच्या कुठल्याही मुख्यमंत्र्यांनी अशी चिथावणीखोर वक्तव्य केली नव्हती. निवडणुका होत असतात. पण त्यासाठी माणसामाणसांमध्ये व दोन वेगवेगळ्या भाषिकांमध्ये कटुता निर्माण करणं घातक आहे.

<a target="_blank" href="https://marathi.hindustantimes.com/maharashtra/five-vehicles-of-attacked-and-voilence-on-maharashtra-karnataka-border-today-see-details-141670315432011.html">महाराष्ट्र-कर्नाटकातील सीमावादाला हिंसक वळण; बेळगावात पाच वाहनांवर हल्ला, परिसरात तणाव</a>

Sharad Pawar on maharashtra karnataka border dispute: सीमा प्रश्नावर महाराष्ट्राच्या जनतेचा संयम सुटू नये याची जबाबदारी कर्नाटकच्या मुख्यमंत्र्यांनी घ्यावी, असा थेट इशारा शरद पवार यांनी दिला आहे.

Arvind Kejriwal : गुजरातच्या पराभवातही विजय! अरविंद केजरीवाल ठरणार 'बाजीगर', कसे ते पाहा!

Aam Aadmi Party: गुजरात विधानसभा निवडणुकीतील मतदानाचे दोन्ही टप्पे पूर्ण झाले असून जनतेनं आपला कौल दिला आहे. येत्या गुरुवारी हा कौल नेमका कोणाला मिळाला हे स्पष्ट होणार आहे. तत्पूर्वी, एक्झिट पोलमधून भाजपच्या विजयाचा दावा करण्यात आला आहे. २०१७ मध्ये भाजपला घाम फोडणारी काँग्रेस यावेळी आणखी पिछाडीवर जाण्याची शक्यता आहे. गेल्या सहा महिन्यांपासून गुजरातमध्ये जबरदस्त हवा निर्माण करणारा अरविंद केजरीवाल यांचा आम आदमी पक्ष देखील फारसा प्रभावी ठरणार नसल्याचं एक्झिट पोलमधून स्पष्ट झालं आहे. मात्र, पराभव झाला तरी या निवडणुकीचा आम आदमी पक्षाला वेगळ्या प्रकारे फायदा होणार आहे. अरविंद केजरीवाल हे 'बाजीगर' ठरण्याची शक्यता आहे.

एक्झिट पोलनुसार, आम आदमी पक्षाला किमान २ आणि जास्तीत जास्त २१ जागा मिळण्याची शक्यता आहे. Aaj Tak Axis My India च्या पोलनुसार 'आप'ला ९-२१ जागा मिळू शकतात. एबीपी सी व्होटरनं ३-११ जागांचा अंदाज वर्तवला आहे तर रिपब्लिक-पी मार्कनं २-१० जागांचा अंदाज वर्तवला आहे. न्यूज २४ चाणक्य आणि टाइम्स नाऊ ईटीजीनं 'आप'च्या झोळीत प्रत्येकी ११ जागा टाकल्या आहेत. TV9 भारतवर्षच्या पाहणीनुसार 'आप'ला ३ ते ५ जागा मिळू शकतात.

तिसरी निर्णायक शक्ती

पाच वर्षांपूर्वीच्या निवडणुकीत गुजरातमध्ये आम आदमी पक्षाच्या सर्वच उमेदवारांचं डिपॉझिट जप्त झालं होतं. त्या निकालाशी तुलना करता यावेळी ३ ते ५ जागा मिळाल्या तरी ते 'आप'चं यश ठरणार आहे. केजरीवाल यांनी गेल्या सहा महिन्यांपासून मोठ्या प्रमाणात सभाग आणि रोड शो करून भाजपच्या सर्वात मोठ्या बालेकिल्ल्यात मुसंडी मारली आहे. दुसऱ्या प्रयत्नात पक्षानं एक निर्णायक शक्ती म्हणून गुजरातमध्ये ओळख निर्माण केली आहे.

राष्ट्रीय पक्षाचा दर्जा

गुजरातमध्ये ९२ पेक्षा जास्त जागा जिंकू, असा दावा केजरीवाल यांनी केला होता. तो पुरता फोल ठरणार असला तरी वाढीव मतटक्का हा 'आप'साठी शुभसंकेत आहे. आम आदमी पक्षाला जास्तीत जास्त २० टक्के मतं मिळण्याचा अंदाज आहे. काही एक्झिट पोलनुसार हा आकडा फक्त आठ टक्के आहे. यापैकी कितीही टक्के मतं मिळाली तरी 'आप'ला फायदा होणार आहे. गुजरातमध्ये 'आप'ला ६ टक्क्यांहून अधिक मतं मिळाल्यास राष्ट्रीय पक्ष होण्याचा मार्ग मोकळा होईल. दहा वर्षांपूर्वी स्थापन झालेल्या या पक्षाला तीन राज्यांत प्रादेशिक पक्षाचा दर्जा मिळाला आहे. चौथ्या राज्यात हा दर्जा मिळाल्यास 'आप'ला राष्ट्रीय पक्षाची मान्यता मिळणार आहे. केजरीवाल यांच्या पक्षाला दिल्ली, पंजाब आणि गोव्यात प्रादेशिक पक्षाचा दर्जा मिळाला आहे.

<a target="_blank" href="https://marathi.hindustantimes.com/nation-and-world/gujarat-exit-poll-2022-bjp-150-plus-pm-narendra-modi-bhupendra-patel-141670261909484.html">Gujarat Exit Poll 2022 : गुजरातमध्ये भूपेंद्र मोडणार नरेंद्रचा ‘हा’ विक्रम, सर्वत्र भाजपचाच डंका</a>

Chinese spy vessel : भारताच्या क्षेपणास्त्र चाचणीचा चीनला धसका; हिंद महासागरात पाठवले हेरगिरी करणारे जहाज

Chinese spy vessel in Indian ocean : भारत पुढील आठवड्यात ओडीशा येथील अब्दुल कलाम द्वीप समूहावरून आंतरखंडीय क्षेपणास्त्र चाचणी करणार आहे. या चाचणीवर लक्ष ठेवण्यासाठी चीनने त्यांची हेरगिरी करणारे जहाज हिंद महासागरात तैनात केले आहे.

Hath Se Hath Jodo: राहुल गांधींच्या भारत जोडो यात्रेनंतर प्रियंका गांधींचे 'हाथ से हाथ' जोडो अभियान

राहुल-प्रियंका

hath se hath jodo abhiyan : राहुल गांधी यांच्या भारत जोडो यात्रेनंतर प्रियंका गांधी हाथ से हाथ जोडो अभियान सुरू करणार आहेत. २६ जानेवारी २०२३ पासून सुरू होणारे हे अभियान दोन महिने चालेल.

Viral Video : ऐकावे ते नवलच ! 'या' गावात बकरीऐवजी चक्क बोकड देतो दूध; नेटकऱ्यांनी केले ट्रोल

<ul><li>Male Goat Giving Milk : बकरा दूध देतो असे म्हटले तर तुम्ही समोरच्याला मूर्ख म्हणणार. पण, हे खरे आहे. मध्यप्रदेशात बुरहानपूर येथे चक्क एक बोकड दूध देत असून याचा व्हिडिओ देखील व्हायरल झाला आहे.</li></ul>

Shraddha Murder Case : गुजरात-हिमाचल आणि दिल्लीत कोण जिंकणार?, आफताबच्या प्रश्नानं पोलिसांना धक्का

<ul><li>Shraddha Walker Murder Case : श्रद्धा वालकर हत्याकांड प्रकरणातील आरोपी आफताब पुनावालानं तुरुंगातून राजकारणात रस दाखवल्यानं पोलिसांना आश्चर्याचा धक्का बसला आहे.</li></ul>

Aam Aadmi Party: एक्झिट पोलनुसार गुजरातच्या निवडणुकीत आम आदमी पक्षाचा पराभव होणार आहे. असं असलं तरी केजरीवाल वेगळ्या अर्थानं हिरो ठरणार आहेत.

Shivsena VBA: ठाकरे-आंबेडकरांच्या संभाव्य युतीवर भाजपची पहिली प्रतिक्रिया, काय म्हणाले बावनकुळे?

BJP on Shiv Sena VBA Alliance: उद्धव ठाकरे यांच्या नेतृत्वाखाली शिवसेना व ॲड. प्रकाश आंबेडकर यांच्या वंचित बहुजन आघाडीच्या युतीची चर्चा सध्या राज्यात सुरू आहे. ही युती झाल्यास राज्यातील राजकीय व सामाजिक समीकरणं बदलू शकतात, असं बोललं जात आहे. भारतीय जनता पक्षानं मात्र ही सगळी चर्चा फोल असल्याचं म्हटलं आहे. कुणीही कितीही युत्या केल्या तरी भाजप व मित्रपक्षांचाच विजय होईल, असा दावा भाजपचे प्रदेशाध्यक्ष चंद्रशेखर बावनकुळे यांनी केला आहे.

बावनकुळे दिल्लीत पत्रकारांशी बोलत होते. ‘उद्धव ठाकरे हे प्रकाश आंबेडकरच काय, एमआयएमच्या ओवेसी यांच्याशी सुद्धा युती करू शकतात, पण आमच्या विरोधात कोणी कितीही युती केली तर राज्यात मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या नेतृत्वात आम्ही निवडणुकीस कधीही सज्ज आहोत. महाविकास आघाडीच्या रुपानं आमचे विरोधक यापूर्वीच एकत्र आले आहेत. तरीही आम्ही राज्यात सरकार स्थापन करून ग्रामपंचायत निवडणुका जिंकल्या आहेत. कोणतेही पक्ष आमच्या विरोधात एकत्र आले तरी फरक पडत नाही. शिंदे-फडणवीस सरकार चांगलं काम करत आहे. भाजप आणि बाळासाहेबांची शिवसेना पक्ष संघटना मजबूत करत आहेत. आम्ही ५१ टक्के मतं मिळविण्याची तयारी करत आहोत. विरोधकांच्या युतीमुळं आम्हाला फरक पडणार नाही, असं बावनकुळे म्हणाले.

<a target="_blank" href="https://marathi.hindustantimes.com/maharashtra/congress-leader-nana-patole-slams-bjp-over-objectionable-comment-on-chhatrapati-shivaji-maharaj-141670232315051.html">Nana Patole: शिवरायांची बदनामी हे भाजपनं जाणीवपूर्वक रचलेलं षडयंत्र; काँग्रेसनं नावंच सांगितली!</a>

'मागासवर्गीयांची किंवा आदिवासींच्या मतांवर कोणाची मालकी नाही. कोण काम करतं हे पाहून लोक मतदान करतात. लोक शिंदे फडणवीस सरकारच्या पाठीशी आहेत. पंतप्रधान नरेंद्र मोदी हे भारतरत्न डॉ. बाबासाहेब आंबेडकर यांच्या विचारांनुसार काम करून संविधानाचं रक्षण करत आहेत, हे लोक पाहत आहेत. नंदुरबार जिल्ह्यात ७५ हजार आदिवासींनी पंतप्रधानांचे आभार व्यक्त करण्यासाठी धन्यवाद मोदीजी अशी पत्रे लिहिली, हे ध्यानात घेतले पाहिजे, असंही ते म्हणाले.

<a target="_blank" href="https://marathi.hindustantimes.com/maharashtra/cm-eknath-shindes-car-is-driven-by-dcm-devendra-fadnavis-on-samriddhi-highway-see-video-141670238039895.html">मुख्यमंत्र्यांच्या गाडीचं फडणवीसांकडून सारथ्य, पाहा VIRAL VIDEO</a>

BJP on Shiv Sena VBA Alliance: उद्धव ठाकरे यांच्या नेतृत्वाखालील शिवसेना व वंचित बहुजन आघाडीच्या संभाव्य युतीवर भाजपनं पहिली प्रतिक्रिया दिली आहे.

Nana Patole: शिवरायांची बदनामी हे भाजपनं जाणीवपूर्वक रचलेलं षडयंत्र; काँग्रेसनं नावंच सांगितली!

Nana Patole slams BJP: भारतीय जनता पक्षाच्या नेत्यांकडून छत्रपती शिवाजी महाराजांचा वारंवार केला जाणारा अपमान हा अनावधनानं घडलेला प्रकार नाही. भाजपनं छत्रपती शिवाजी महाराज यांची बदनामी करण्याचं जाणीवपूर्वक रचलेलं षडयंत्र आहे, असा गंभीर आरोप काँग्रेसचे प्रदेशाध्यक्ष नाना पटोले यांनी केला आहे. पटोले यांनी आतापर्यंत शिवरायांबद्दल वादग्रस्त वक्तव्य करणाऱ्या नेत्यांची यादीच दिली आहे.

भाजपच्या नेत्यांचा पटोले यांनी सणसणीत शब्दांत समाचार घेतला आहे. राज्यपाल भगतसिंह कोश्यारी, सुधांशु त्रिवेदी, मंगलप्रभात लोढा, प्रसाद लाड, रावसाहेब दानवे, श्रीपाद छिंदम अशीच यादीच पटोले यांनी दिली. कोश्यारींनी नितीन गडकरींचं गुणगाण गाण्याच्या नादात त्यांची तुलना शिवाजी महाराजांशी केली. शिवाजी महाराज हे आता जुने आदर्श झाले असून गडकरी नवे आदर्श आहेत असं ते म्हणाले. त्यानंतर भाजपचे प्रवक्ते सुधांशु त्रिवेदी यांनी महाराजांनी औरंगजेबाची पाचवेळा माफी मागितली असं निर्लज्ज वक्तव्य केलं. पर्यटन मंत्री मंगलप्रभात लोढा यांनी महाराजांच्या आग्रा सुटकेची तुलना राजकीय बंडखोरीशी केली. तर, आमदार प्रसाद लाड यांनी महाराजांचा जन्म कोकणात झाल्याचा जावई शोध लावला. एवढ्यावरच हे थांबले नाहीत, तर आता केंद्रीय मंत्री रावसाहेब दानवे यांनी महाराजांचा एकेरी उल्लेख केल्याचा व्हिडीओ सोशल मीडियात व्हायरल झालाय. याआधी श्रीपाद छिंदम नावाच्या भाजपच्या नेत्यांनंही असेच दिवे लावले होते. छत्रपती शिवाजी महाराजांचा अपमान करणारे हे सर्वजण भारतीय जनता पक्षाचे लोक आहेत, हा यातील समान धागा आहे, याकडं पटोले यांनी लक्ष वेधलं.

<a target="_blank" href="https://marathi.hindustantimes.com/maharashtra/union-minister-raosaheb-danves-single-mention-of-chhatrapati-shivaji-maharaj-in-viral-video-141670218532942.html">रावसाहेब दानवेंकडून शिवरायांचा एकेरी उल्लेख केल्यानं वाद; व्हायरल व्हिडिओमुळं खळबळ</a>

महापुरुषांचा अपमान करणं, त्यांची बदनामी करणं यात भारतीय जनता पक्षाला काहीच वाटत नाही. राजरोसपणे अशी अपमान करणारी वक्तव्ये होत असताना या विधानांचा तीव्र शब्दात निषेध करून कारवाई करणं अपेक्षित होतं, पण भाजपच्या नेत्यांनी तसं काहीही केलं नाही उलट सारवासारव केली. भाजप नितिमत्ता नसलेला पक्ष झाला आहे. महापुरुषांचा अवमान करण्याचं धाडस हे सत्तेची गुर्मी चढल्यानं असून महाराष्ट्राची जनता आपल्या दैवतांचा अपमान कदापि सहन करणार नाही. भाजपच्या या बेताल लोकांना त्यांची जागा दाखवल्याशिवाय राहणार नाही, असा इशाराही पटोले यांनी दिला.

<a target="_blank" href="https://marathi.hindustantimes.com/maharashtra/shivsena-vanchit-bahujan-aghadi-alliance-uddhav-thackeray-and-prakash-ambedkar-meeting-starts-in-mumbai-141670229120781.html">Shivsena Vanchit Yuti : महापरिनिर्वाण दिनी शिवसेना-वंचितच्या युतीची घोषणा?; महत्त्वाची बैठक सुरू</a>

Nana Patole slams BJP: छत्रपती शिवाजी महाराजांची बदनामी हे भाजपनं ठरवून रचलेलं षडयंत्र आहे, असा आरोप काँग्रेसचे प्रदेशाध्यक्ष नाना पटोले यांनी केला आहे.

Shivsena Vanchit Yuti : महापरिनिर्वाण दिनी शिवसेना-वंचितच्या युतीची घोषणा?; महत्त्वाची बैठक सुरू

Shivsena Vanchit Bahujan Aghadi Alliance: राज्याच्या राजकारणातील समीकरणं बदलण्याची ताकद असलेली शिवसेना व वंचित बहुजन आघाडीच्या युतीची घोषणा उद्याच्या महापरिनिर्वाण दिनी, चैत्यभूमीवर होण्याची दाट शक्यता आहे. त्या संदर्भात चर्चा करण्यासाठी शिवसेना पक्षप्रमुख उद्धव ठाकरे व वंचित बहुजन आघाडीचे नेते अॅड. प्रकाश आंबेडकर यांची महत्त्वपूर्ण बैठक मुंबईत सुरू झाली आहे.

'प्रबोधनकार ठाकरे डॉटकॉम' या संकेतस्थळाच्या कार्यक्रमात ठाकरे व आंबेडकर एकत्र आल्यापासून दोन्ही पक्षांच्या युतीची चर्चा सुरू झाली. त्यानंतर दोन्ही बाजूंच्या नेत्यांची प्राथमिक चर्चा सुरू झाली होती. सुरुवातीच्या चर्चेनंतर 'वंचित'नं शिवसेनेशी युतीची तयारी दर्शवली होती. मात्र, काही महत्त्वाच्या मुद्द्यावर चर्चा करण्यासाठी प्रमुख नेत्यांची बैठक होईल असं सांगितलं गेलं. ही बैठक आज सुरू झाली आहे.

<a target="_blank" href="https://marathi.hindustantimes.com/maharashtra/dictatorship-of-majority-on-minority-is-not-democracy-says-abhay-thipsay-in-mumbai-141670144277813.html">बहुमतवाल्यांनी अल्पमतवाल्यांना मारणं म्हणजे लोकशाही नाही: अभय ठिपसे</a>

मुंबईतील ग्रँड हयात हॉटेलमध्ये सुरू असलेल्या या बैठकीला शिवसेनेकडून स्वत: उद्धव ठाकरे आहे. त्याचबरोब शिवसेना सचिव मिलिंद नार्वेकर, खासदार विनायक राऊत हे बैठकीला उपस्थित आहेत. तर, वंचितकडून प्रकाश आंबेडकर, सुजात आंबेडकर यांच्यासह अन्य काही नेते उपस्थित आहेत.&nbsp;

शिवसेनेतील उभ्या फुटीनंतरही उद्धव ठाकरे हे खचलेले नाहीत. त्यांनी नव्यानं पक्षबांधणीला सुरुवात केली आहे. समाजाच्या वेगवेगळ्या वर्गात स्थान असलेल्या संघटनांशी उद्धव ठाकरे चर्चा करत आहेत. संभाजी ब्रिगेडशी झालेली युती हे त्याचंच द्योतक आहे. त्यानंतर आता वंचित बहुजन आघाडीशी युती झाल्यास शिवसेनेला मोठं बळ मिळणार आहे.

<a target="_blank" href="https://marathi.hindustantimes.com/maharashtra/congress-should-rectify-mistake-of-bringing-evm-in-elections-says-samvidhan-samarthak-dal-141670227540080.html">'काँग्रेसनं EVM आणण्याची घोडचूक सुधारावी; जाहीरनाम्यातच तसा शब्द द्यावा'</a>

Shivsena Vanchit Bahujan Aghadi Alliance: युतीच्या चर्चेसाठी उद्धव ठाकरे व प्रकाश आंबेडकर यांच्यात महत्त्वपूर्ण बैठक सुरू झाली आहे.

'काँग्रेसनं EVM आणण्याची घोडचूक सुधारावी; जाहीरनाम्यातच तसा शब्द द्यावा'

EVM: इलेक्ट्रॉनिक व्होटिंग मशिनद्वारे होत असलेल्या मतदानाला (EVM) सातत्यानं विरोध होत असतानाच आता संविधान समर्थक दलानं काँग्रेसकडं एक मोठी मागणी केली आहे. 'ईव्हीएम मशिनची सुरुवात काँग्रेस राजवटीतच झाली होती. त्यामुळं पुन्हा सत्ता मिळाल्यास ही घोडचूक काँंग्रेसनं सुधारावी. तसा शब्दच २०२४ च्या निवडणुकीच्या जाहीरनाम्यातून द्यावा, अशी मागणी करण्यात आली आहे.&nbsp;

महापरिनिर्वाण दिनानिमित्तानं 'संविधान समर्थक दला'नंं या संदर्भात पत्रक प्रसिद्ध करून सविस्तर भूमिका मांडली आहे. संविधानकारांनी पसंतीचे लोकप्रतिनिधी, शासनकर्ते निवडण्याचा आणि निवड चुकल्यास त्यांना बदलण्यासाठी मतदानाचा अधिकार देऊन जनतेला सामर्थ्यवान बनवलं आहे. मात्र ईव्हीएम म्हणजे मतदानाचा अधिकार काढून घेणारं यंत्र ठरलं आहे, असा स्पष्ट आरोप संविधान समर्थक दलानं केला आहे.

<a target="_blank" href="https://marathi.hindustantimes.com/maharashtra/ncp-leader-ajit-pawar-open-offer-to-mns-leader-vasant-more-to-join-the-ncp-141670221351195.html">Ajit Pawar: लग्नाच्या मांडवातच अजितदादांनी मनसेच्या नेत्याला दिली पक्षप्रवेशाची ऑफर</a>

कुणाला विजयी करायचं, कुणाला पराभूत करायचं आणि पोटनिवडणुका तसेच छोट्या राज्यांत विजय विरोधकांच्या झोळीत टाकण्याचं 'व्यवस्थापन' सत्ताधारी पक्षाला ईव्हीएमद्वारे शक्य होतं, हे अनेक निकालातून अधोरेखित झालं आहे. मतदानाबाबतचा संशय दूर करण्यासाठी व्हीव्हीपिटी स्लिप मिळण्याची व्यवस्था करण्यात आली असली तरी निकाल वादग्रस्त ठरल्यास त्या स्लीपांची मोजणी करण्यास नकार देण्यात आला आहे. त्यामुळं ईव्हीएमबद्दलचा संशय अधिकच गडद झाला आहे, असं मत संविधान समर्थक दलानं व्यक्त केलं आहे.

लवकरच संविधान समर्थक दलाचं एक शिष्टमंडळ लवकरच काँग्रेसचे नवे अध्यक्ष मल्लिकार्जुन खर्गे यांची भेट घेणार आहे. प्राचार्य रमेश जाधव, ज्येष्ठ पत्रकार दिवाकर शेजवळ, प्रा एकनाथ जाधव, सतीश डोंगरे, रमेश मोकळ, कामगार नेते सीताराम लव्हांडे यांचा या शिष्टमंडळात समावेश असणार आहे.

भारतातच ईव्हीएमचा अट्टाहास का?

जगातील १९४ राष्ट्रांपैकी १२० देशांमध्ये निवडणुका मतदान पत्रिकेद्वारेच पार पडत आहे. तसेच इंग्लंड, फ्रान्स, इटाली, जर्मनी, आयर्लंड, नेदरलँड, कॅलिफोर्निया या देशांनी ईव्हीएम पद्धती बंद करून मतदान पत्रिकेचा स्वीकार केलेला आहे. मग भारतामध्येच ईव्हीएम पद्धतीला बिलगून बसण्याचा अट्टाहास कशासाठी, असा सवालही संविधान समर्थक दलानं केला आहे.

EVM: ईव्हीएमद्वारे मतदान पद्धती सुरू करण्याची घोडचूक काँग्रेसनंच सुधारायला हवी, अशी मागणी संविधान समर्थक दलानं केली आहे.

Ganesh Pandurang Kadam