Kalicharan Maharaj : कालीचरण महाराज पुन्हा बरळले, महात्मा गांधींवर वादग्रस्त वक्तव्य, म्हणाले...

paragraph

Kalicharan Maharaj Controversial Statement On Mahatma Gandhi : स्वातंत्र्य संग्रामातील नेत्यांवर सातत्यानं वादग्रस्त वक्तव्ये करणारे अकोल्याचे कालीचरण महाराज यांनी पुन्हा एकदा राष्ट्रपिता महात्मा गांधी यांच्याबद्दल वादग्रस्त वक्तव्य केलं आहे. त्यामुळं आता नव्या वादाला तोंड फुटलं असून त्यावर महाराष्ट्रात राजकीय वादंग पेटण्याची शक्यता आहे. नाथुराम गोडसे यांना जेवढं वाचाल तेवढं तुम्ही त्यांचे भक्त व्हाल, गांधींचे विरोधक व्हाल. नाथुराम गोडसे यांनी जे केले ते योग्यच होतं, असं म्हणत कालीचरण महाराज यांनी महात्मा गांधी यांच्या हत्येचं खुल समर्थन केलं आहे. त्यामुळं आता कालीचरण महाराजांच्या नव्या वादग्रस्त वक्तव्यामुळं महाराष्ट्रात राजकीय वाद पेटण्याची शक्यता आहे.

नेमकं काय म्हणाले कालीचरण महाराज?

एका कार्यक्रमात बोलताना कालीचरण महाराज म्हणाले की, तुम्ही नाथुराम गोडसे यांना जेवढं वाचाल तेवढं त्यांचे भक्त व्हाल आणि महात्मा गांधींचे विरोधक व्हाल. नाथुराम गोडसे यांनी जे केलं ते योग्यच होतं. नाथुराम गोडसे नसते तर हिंदू धर्म बुडाला असता, असं म्हणत कालीचरण महाराज यांनी नव्या वादाला तोंड फोडलं आहे. यापूर्वी कालीचरण महाराज यांनी छत्तीसगडच्या रायपुरमधील धर्मसभेत बोलताना महात्मा गांधी यांच्याबाबत वादग्रस्त वक्तव्यं केलं होतं. त्यानंतर आता त्यांनी पुन्हा गांधींवर वादग्रस्त वक्तव्य केल्यामुळं त्यांच्यावर कारवाई होण्याची शक्यता आहे.

<a class="manualbacklink" target="_blank" href="https://marathi.hindustantimes.com/maharashtra/indian-navy-seized-suspicious-boat-found-on-mumbai-seashore-141680351421138.html">Suspicious Boat Mumbai : मुंबईच्या किनाऱ्यावरील संशयास्पद बोट सापडली, तपासात धक्कादायक खुलासा</a>

कालीचरण महाराज यांनी यापूर्वी देखील अनेकदा महात्मा गांधी यांच्यावर आक्षेपार्ह वक्तव्ये केलेली आहेत. त्यामुळं त्यांच्यावर गुन्हा दाखल करण्यात आला होता. याच प्रकरणात त्यांना तब्बल ९५ दिवस तुरुंगात रहावं लागलं होतं. परंतु आता त्यांनी पुन्हा एकदा महात्मा गांधी यांच्या हत्येचं समर्थन करत नव्या वादाला तोंड फोडलं आहे. कालीचरण महाराज यांचं मूळ नाव अभिजीत सराग असून ते अकोल्यातील पंचबंगला परिसरात राहतात. सर्वसामान्य कुटुंबात त्यांचा जन्म झालेला असून त्यांच्या वडिलांचं औषधांचं दुकान आहे.

<a class="manualbacklink" target="_blank" href="https://marathi.hindustantimes.com/maharashtra/sanjay-raut-defamation-notice-of-rs-100-crore-for-controversial-statement-against-cm-eknath-shinde-141680346681960.html">मुख्यमंत्र्यांवरील वादग्रस्त वक्तव्य भोवणार?, संजय राऊतांना १०० कोटींच्या मानहानीची नोटीस</a>

Suspicious Boat Mumbai : मुंबईच्या किनाऱ्यावरील संशयास्पद बोट सापडली, तपासात धक्कादायक खुलासा

<ul><li>suspicious boat in arebian sea : मासेमारीसाठी खोल समुद्रात गेल्यामुळं बोटीचा संपर्क तुटला होता. त्यानंतर आता तपास यंत्रणांकडून संशयास्पद बोटीचा खुलासा करण्यात आला आहे.</li></ul>

Saibaba Temple : साईबाबा मंदिरातील दानपेटीवर चोरट्यांचा डल्ला; पोलिसांकडून आरोपींचा शोध सुरू

<ul><li>Saibaba Temple : रामनवमीचा उत्सव सुरू असतानाच चोरट्यांनी मंदिरातील दानपेटी लंपास केल्याचा धक्कादायक प्रकार समोर आला आहे.</li></ul>

Weather Update : विदर्भात सूर्य आग ओकतोय, मुंबईतही उन्हाचा चटका वाढणार, तुमच्या भागांची स्थिती काय?

<ul><li>Maharashtra Weather Update : विदर्भ आणि मराठवाड्यासह राज्यातील अनेक जिल्ह्यांमधील तापमानात विक्रमी वाढ होण्याचा अंदाज वर्तवण्यात आला आहे.</li></ul>

मुख्यमंत्र्यांवरील वादग्रस्त वक्तव्य भोवणार?, संजय राऊतांना १०० कोटींच्या मानहानीची नोटीस

<ul><li>Sanjay Raut : ठाकरे गटाचे खासदार संजय राऊत यांना १०० कोटी रुपयांच्या मानहानीची नोटीस देण्यात आली आहे.</li></ul>

<ul><li>Kalicharan Maharaj : महात्मा गांधी यांच्याबद्दल पुन्हा बेताल वक्तव्य केल्यामुळं आता कालीचरण महाराजांच्या अडचणी वाढण्याची शक्यता आहे.</li></ul>

suspicious boat in arebian sea : रायगडच्या समुद्र किनाऱ्यावर आढळून आलेल्या संशयास्पद बोटीला भारतीय तटरक्षक दलानं ताब्यात घेतलं आहे. ही बोट मुंबईच्या भाईंदर येथील मच्छिमारांचीच असून खोल समुद्रात गेल्यामुळं बोटीचा संपर्क तुटल्याचं स्पष्ट झालं आहे. त्यामुळं त्यात दोन पाकिस्तानी नागरिक असल्याच्या केवळ अफवा असल्याचंही निष्पन्न झालं आहे. मुंबई आणि पालघरच्या समुद्र किनाऱ्यापासून ४४ नॉटिकल मैल अंतरावरून भारतीय नौदलानं संशयास्पद बोट ताब्यात घेतल्याची माहिती समोर आली आहे. जलराणी असं या मच्छिमार बोटीचं नाव असून ती भाईंदर येथील बेन्हार जॉनी बुटी यांच्या मालकीची असल्याचं स्पष्ट झालं आहे.

मुंबईच्या समुद्र किनाऱ्यावर एक संशयास्पद बोट आढळली होती, त्यात दोन पाकिस्तानी नागरिक असल्याची माहिती आज दुपारी समोर आली होती. त्यानंतर मुंबई पोलीस, सागरी पोलीस आणि तटरक्षक दलानं अलर्ट जारी करत बोटीचा शोध सुरू केला होता. परंतु आता ताब्यात घेण्यात आलेली बोट ही भाईंदरच्या उत्तन येथील असल्याचं तपासात समोर आलं आहे. दोन वर्षांपूर्वी या बोटीला उत्तन मच्छीमार विकास सहकारी संस्थेने ठाणे जिल्हा बँकेमार्फत अर्थसाहाय्य केल्याची माहिती संस्थेचे अध्यक्ष लिओ कॉलासो यांनी दिली आहे. सापडलेल्या बोटीत नऊ खलाशी असून त्यांची तपासणी करण्यात आली असून त्यानंतर तपास यंत्रणांकडून त्यांची सुटका करण्यात आली आहे.

मुंबईच्या किनाऱ्यावर सापडलेल्या संशयास्पद बोटीत झारखंड आणि छत्तीसगडमधील खलाशी होते. त्यांची तपासणी केल्यानंतर तटरक्षक दलानं त्यांना पुन्हा उत्तन येथे जाण्याच्या सूचना केल्या आहेत. त्यानंतर आता रात्री आठ वाजेच्या सुमारास ही बोट उत्तनमध्ये पोहचणार असल्याची माहिती देण्यात आली आहे.

<a class="manualbacklink" target="_blank" href="https://marathi.hindustantimes.com/maharashtra/donation-box-stolen-by-thief-in-saibaba-temple-somwar-peth-pune-city-today-141680349918870.html">Saibaba Temple : साईबाबा मंदिरातील दानपेटीवर चोरट्यांचा डल्ला; पोलिसांकडून आरोपींचा शोध सुरू</a>

Pune Crime News Marathi : मुंबईसह महाराष्ट्रातील अनेक जिल्ह्यांमध्ये रामनवमी उत्साहात साजरी करण्यात आली आहे. परंतु रामनवमीचा उत्सव सुरू असतानाच पुण्यातील सोमवार पेठेतील साईबाबा मंदिरातून चोरट्यांनी दानपेटी लंपास केल्याची धक्कादायक घटना समोर आली आहे. सोमवार पेठेतील नरपतगिरी चौकातील साईबाबा मंदिरात ही घटना घडली असून त्यानंतर आता या प्रकरणाचा पोलिसांकडून तपास सुरू करण्यात आला आहे. दिलीप बहिरट यांनी या प्रकरणाची समर्थ पोलीस ठाण्यात तक्रार दिली आहे. दानपेटीत किती रक्कम होती, हे अद्याप कळू शकलेलं नाही, परंतु चोरट्यांचा शोध घेण्यासाठी पोलिसांनी परिसरातली सीसीटीव्ही कॅमेरे तपासण्यास सुरुवात केल्याची माहिती आहे.

मिळालेल्या माहितीनुसार, पुण्यातील सोमवार पेठेत श्री साई सेवा प्रतिष्ठानचे साईबाबा मंदिर आहे. रामनवमीनिमित्त शहरात उत्सवांचं आयोजन करण्यात आलं होतं. त्यामुळं अनेक भाविक उत्सवांमध्ये सहभागी झाले. याच संधीचा फायदा घेत अज्ञात चोरट्यांनी साईबाबा मंदिराचं कुलूप तोडून दानपेटी लंपास केली. त्यानंतर मंदिरात दर्शनासाठी आलेल्या भाविकांना या मंदिरातील दानपेटी गायब असल्याचं लक्षात आलं. याशिवाय मंदिराचं कुलूप तुटलेल्या अवस्थेत असल्याचं समजताच भाविकांनी तातडीनं या प्रकरणाची माहिती समर्थ पोलिसांना दिली. त्यानंतर आता पोलिसांनी अज्ञात चोरट्यांचा शोध घेण्यास सुरुवात केली आहे.

<a class="manualbacklink" target="_blank" href="https://marathi.hindustantimes.com/maharashtra/indian-navy-issued-alert-after-suspicious-boat-spotted-off-the-coast-of-mumbai-today-141680343870523.html">मुंबईच्या किनाऱ्यावर आढळली संशयास्पद बोट, पाकिस्तानी नागरिक असल्याचा संशय; नौदलाकडून अलर्ट जारी</a>

साईबाबा मंदिरातील दानपेटीत लाखोंची रोख रक्कम असल्याचा अंदाज वर्तवण्यात येत आहे. याशिवाय चोरट्यांनी मध्यरात्री ही चोरी केल्यामुळं हे प्रकार कुणाच्याही लक्षात आला नाही. त्यानंतर आता पोलिसांनी घटनास्थळी धाव घेत प्रकरणाचा तपास सुरू केला आहे. पोलिसांनी साईबाबा मंदिर परिसरातील सीसीटीव्ही कॅमेऱ्यांचं चित्रीकरण ताब्यात घेतलं आहे. याशिवाय परिसरातील अनेक सीसीटीव्ही कॅमेऱ्यांची तपासणी केली जात आहे. या प्रकरणाचा पुढील तपास समर्थ पोलीस ठाण्याचे सहायक पोलीस निरीक्षक प्रसाद लोणारे हे करत आहेत.

<a class="manualbacklink" target="_blank" href="https://marathi.hindustantimes.com/maharashtra/temperatures-risen-in-many-districts-of-maharashtra-including-vidarbha-and-marathwada-see-weather-updates-141680348313208.html">Weather Update : विदर्भात सूर्य आग ओकतोय, मुंबईतही उन्हाचा चटका वाढणार, तुमच्या भागांची स्थिती काय?</a>

Weather Update Maharashtra : गेल्या महिन्याभरापासून राज्यातील अनेक भागांमध्ये अवकाळी पावसानं धुमाकूळ घातल्यामुळं संकटात सापडेल्या बळीराजाला मोठा दिलासा मिळाला आहे. कारण आता गेल्या आठवड्यापासून राज्यातील वातावरणात मोठा बदल झाला असून तापमानात मोठी वाढ होत असल्याचं दिसून येत आहे. विदर्भातील अनेक जिल्ह्यांचं तापमान हे ४० अंशापुढे गेल्यामुळं नागरिकांची मोठी तारांबळ उडाली आहे. याशिवाय मुंबई, कोकण, पश्चिम महाराष्ट्र आणि मराठवाड्यातील अनेक जिल्ह्याचं तापमान हळूहळू वाढत आहे. महाराष्ट्रात उन्हाचा चटका वाढत असून कमाल तापमानात आणखी वाढ होणार असल्याचा अंदाज हवामान खात्याकडून वर्तवण्यात आला आहे.

विदर्भात उच्चांकी तापमानाची नोंद...

गेल्या २४ तासांमध्ये विदर्भातील वर्धा जिल्ह्यात तब्बल ४०.०२ अंश सेल्सिअस इतक्या तापमानाची नोंद करण्यात आली आहे. यंदाच्या उन्हाळ्यात विदर्भात पहिल्यांदाच उन्हाचा पारा चाळीशीपार गेला आहे. याशिवाय विदर्भातील बहुतेक जिल्ह्यांमध्ये ३८ अंश सेल्सिअसच्या आसपास तापमान आहे. त्यामुळं आता पुढील काही दिवसांत विदर्भातील तापमानात आणखी वाढ होण्याचा अंदाज वर्तवण्यात आला आहे. याशिवाय पश्चिम महाराष्ट्र आणि मराठवाड्यातील अनेक जिल्ह्यांमध्ये उष्णता वाढत असल्याचं दिसून येत आहे.

उत्तर महाराष्ट्रात पावसाची शक्यता...

राज्यातील अनेक जिल्ह्यांमध्ये कमाल आणि किमान तापमानात वाढ होत असतानाच उत्तर महाराष्ट्रात मात्र अवकाळी पावसाची शक्यता वर्तवण्यात आली आहे. नाशिक, जळगाव, नंदूरबार आणि अहमदनगर या जिल्ह्यांमध्ये येत्या ४८ तासांमध्ये तुरळक ठिकाणी अवकाळी पावसाची शक्यता हवामान खात्याकडून वर्तवण्यात आली आहे. त्यामुळं आता शेतकऱ्यांच्या चिंता वाढल्या आहे.

Sanjay Raut Defamation Notice : मुख्यमंत्री एकनाथ शिंदे यांच्याविरोधात वादग्रस्त वक्तव्य केल्यामुळं ठाकरे गटाचे खासदार संजय राऊत अडचणीत येण्याची शक्यता आहे. कारण आता लोकनेते एकनाथ संभाजी शिंदे फाऊंडेशनचे अध्यक्ष अमर विनायक लोखंडे यांनी संजय राऊतांना तब्बल १०० कोटी रुपयांच्या मानहानीची नोटीस जारी केली आहे. संजय राऊत यांनी मुख्यमंत्री एकनाथ शिंदे यांच्यावर बदनामीकारक आणि आक्षेपार्ह विधान केल्याचा आरोप करत मानहानीची नोटीस पाठवण्यात आली आहे. त्यामुळं आता आधीच राजकीय संकटात सापडलेल्या ठाकरे गटाच्या कायदेशीर अडचणी वाढण्याची शक्यता आहे.

एकनाथ शिंदे यांनी शिवसेनेतील ४० आमदारांसह बंड करत भाजपसोबत सत्ता स्थापन केली होती. त्यानंतर शिवसेनेतील ठाकरे आणि शिंदे गटात जोरदार आरोप-प्रत्यारोपांच्या फैरी रंगल्या होत्या. त्याचवेळी ठाकरे गटाचे खासदार संजय राऊत यांनी मुख्यमंत्री एकनाथ शिंदे यांच्याबाबत बोलताना वादग्रस्त वक्तव्य केलं होतं. याशिवाय बंडानंतरही संजय राऊतांनी मुख्यमंत्री शिंदे यांच्यासह शिंदे गटातील आमदारांवर शेलक्या भाषेत टीका केली होती. त्यानंतर आता मुख्यमंत्री शिंदे यांची बदनामी केल्याचा आरोप करत अमर लोखंडे यांनी संजय राऊतांना १०० कोटींच्या मानहानीची नोटीस पाठवली आहे.

<a class="manualbacklink" target="_blank" href="https://marathi.hindustantimes.com/maharashtra/electricity-rates-increased-by-6-rs-per-unit-in-maharashtra-today-see-details-141680342323147.html">Electricity Price Hike: ऐन उन्हाळ्यात सामान्यांना वीज दरवाढीचा शॉक, प्रतियुनिट इतक्या टक्क्यांची वाढ</a>

बिश्नोई गँगकडून राऊतांना धमकी...

कुख्यात गुंड लॉरेन्स बिश्नोच्या नावानं खासदार संजय राऊत यांना मोबाईलवर मेसेज करत जीवे मारण्याची धमकी देण्यात आल्याचा धक्कादायक प्रकार समोर आला आहे. त्यानंतर आता शिंदे-फडणवीस सरकारनं संजय राऊतांच्या सुरक्षेत मोठी वाढ केली असून गृहमंत्री देवेंद्र फडणवीस यांनी या प्रकरणाच्या चौकशीचे आदेश जारी केले आहे.

उड्डाण करताच विमानाला चिमणी धडकली; पायलटच्या सावधानतेमुळं अनर्थ टळला, दिल्ली विमानतळावर अलर्ट

Dubai Plan Accident In Delhi Airport : दिल्ली विमानतळाहून दुबईसाठी उड्डाण केलेल्या विमानाला चिमणीनं धडक दिल्याची थरारक घटना समोर आली आहे. त्यानंतर पायलटने प्रसंगावधान राखत विमानाचं एमर्जेन्सी लँडिंग केल्यामुळं मोठा अपघात टळला असून त्यानंतर दिल्ली विमानतळावर अलर्ट जारी करण्यात आला आहे. याशिवाय विमानाचं लँडिंग करण्यात आल्यानंतर रुग्णवाहिकांसह अग्निशमन दलाच्या गाड्या घटनास्थळी दाखल झाल्या आहे. या घटनेत कुणालाही इजा झाल्याची माहिती अद्याप समोर आलेली नाही. दुपारी एक वाजेच्या सुमारास दिल्ली विमानतळावर थरारक घटना घडलेल्यामुळं प्रवाशांचा जीव भांड्यात पडला होता.

मिळालेल्या माहितीनुसार, दिल्ली विमानतळाहून फेडएक्स एअरक्राफ्ट कंपनीचं विमान दुबईसाठी निघालं होतं. विमानानं उड्डाण करताच त्याला एका चिमणीनं घडक दिली. त्यानंतर अपघात होऊ नये, यासाठी पायलटने तातडीनं विमानाचं एमर्जेन्सी लँडिंग केलं. त्यामुळं मोठा अनर्थ टळला आहे. त्यानंतर दिल्ली विमानतळावर अलर्ट जारी करण्यात आला असून त्यामुळं अनेक विमानांचं वेळापत्रक कोलमडलं आहे. याशिवाय विमान प्रवासाला निघालेल्या अनेक प्रवाशांचा जीव या घटनेमुळं भांड्यात पडला होता. त्यानंतर आता दिल्ली विमानतळ प्रशासनाकडून आपात्कालीन स्थितीचा आढावा घेतला जात आहे.

<a class="manualbacklink" target="_blank" href="https://marathi.hindustantimes.com/business/air-india-ground-staff-salary-hike-after-vistara-merger-ceo-campbell-wilson-says-141680339147983.html">Air India : एअर इंडियाच्या कर्मचाऱ्यांचा पगार वाढणार, हा निर्णय महत्त्वपूर्ण ठरणार</a>

<blockquote class="twitter-tweet">Delhi- Dubai FedEx flight was involved in air turnback due to a suspected bird hit at 1000 ft today. Delhi airport (DIAL) declared an emergency. Aircraft landed back safely. After inspection, it has been released for flight: DGCA&mdash; ANI (@ANI) <a href="https://twitter.com/ANI/status/1642100479902765056?ref_src=twsrc%5Etfw">April 1, 2023</a></blockquote> <script async src="https://platform.twitter.com/widgets.js" charset="utf-8"></script>

विमानानं उड्डाण करताच पक्ष्यांनी धडक दिल्यामुळं अनेक विमानांना अपघात झाल्याच्या घटना समोर आलेल्या आहेत. त्यामुळं आता या थरारक घटनेमुळं दिल्ली विमानतळावर खळबळ उडाली असून स्थिती नियंत्रणात आणली जात आहे. याशिवाय दिल्ली विमानतळावरील विमानसेवा सुरळीत करण्याचंही काम जारी आहे.

LPG Cylinder Price: महागाईतून दिलासा; एलपीजी सिलिंडरच्या किंमतीत मोठी घट, जाणून घ्या नवे दर!

LPG Cylinder Price Today: नवीन आर्थिक वर्षाच्या सुरुवातीला केंद्र सरकारने एलपीजी सिलिंडरच्या किंमतीत ९१.५० रुपयांनी घट केली आहे.

Pakistan Stampede : पाकिस्तानमध्ये मोफत रेशन वाटताना चेंगराचेंगरी, ३ मुलांसह ११ जणांचा मृत्यू

Pakistan Stampede 

Pakistan&nbsp;economic&nbsp;food&nbsp;crisis : पाकिस्तानमध्ये&nbsp; रमजानच्या &nbsp;पवित्र&nbsp; महिन्यात मोफत रेशन वाटप करताना मोठी दुर्घटना घडली आहे. रेशन वाटप करताना झालेल्या चेंगराचेंगरीत १२ लोकांचा मृत्यू झाला आहे.

Indore Mishap: मृत्यूवर विजय मिळवून आली होती महिला; मात्र दोरी तुटली अन्.., घटनेचा भयंकर VIDEO VIRAL

VIDEO VIRAL

Indore Temple Tragedy : इंदूरमध्ये रामनवमी दिवशी झालेल्या दुर्घटनेचा एक भयंकर व्हिडिओ व्हायरल झाला आहे. विहिरीत पडलेली महिला मृत्यूवर विजय मिळवून जवळपास सुखरुप वरती आली होती, मात्र&nbsp;अचानक&nbsp;दोरी तुटली.

नातू IAS अधिकारी अन् मुलाकडे ३० कोटींची संपत्ती, तरीही वृद्ध दाम्पत्यानेअन्नावाचून संपवले आयुष्य

IAS officer Grandparents suicide

IAS officer Grandparents&nbsp;suicide : हरियाणा राज्यातील चरखी दादरीमध्ये एक धक्कादायक घटना समोर आली आहे. मुलगा कोट्याधीश तर नातू प्रशासकीय अधिकारी असतानाही वृद्ध दाम्पत्याने अन्न-पाण्याविना आपलं जीवन संपवलं आहे.&nbsp;

<ul><li>Plan Accident In Delhi Airport : विमानाचं एमर्जेन्सी लँडिंग करण्यात आल्यानंतर रुग्णवाहिका आणि अग्निशमन दलाच्या गाड्या घटनास्थळी दाखल झाल्या आहेत.</li></ul>

मुंबईच्या किनाऱ्यावर आढळली संशयास्पद बोट, पाकिस्तानी नागरिक असल्याचा संशय; नौदलाकडून अलर्ट जारी

suspicious boat in mumbai sea : देशाची आर्थिक राजधानी असलेल्या मुंबईच्या समुद्र किनाऱ्यावर एक संशयास्पद विदेशी बोट आढळून आल्याची धक्कादायक माहिती समोर आली आहे. त्यामुळं आता मुंबई पोलीस आणि नौदलाकडून शहरात अलर्ट जारी करण्यात आला असून समुद्रात शोधमोहीम सुरू करण्यात आली आहे. रायगडच्या किनारी भागात ही बोट आढळून आली असून त्यात दोन पाकिस्तानी नागरिक असल्याची माहिती समोर येत आहे. एबीपी माझाने याबाबतचं वृत्त दिलं आहे. त्यानंतर आता मुंबईसह किनारी भागांमध्ये अलर्ट जारी करण्यात आला आहे.

रायगडच्या किनारी भागात एक संशयास्पद बोट फिरत असल्याची माहिती जॉईंट ऑपरेशन सेंटर या संस्थेनं दिल्यानंतर तपास यंत्रणांनी बोटीचा शोध घेण्यास सुरुवात केली आहे. संशयास्पद बोट कोणत्या देशातून आली आहे अथवा कुठे जात होती, याची माहिती मिळालेली नाही. परंतु या संशयास्पद बोटीत दोन पाकिस्तानी नागरिक असल्याचं जॉईंट ऑपरेशन सेंटरने सांगितलं आहे. या घटनेमुळं मुंबईत खळबळ उडाली असून बोटीचा शोध घेतला जात आहे. संस्थेनं दिलेल्या माहितीनुसार, मुंबईच्या किनारपट्टीजवळील एका लाईट हाऊसनजीक संशयास्पद बोट आढळून आली आहे. त्यानंतर आता मुंबई पोलीस, सागरी पोलीस, तटरक्षक दल आणि नौदलाकडून संशयास्पद बोटीचा शोध घेण्याचं काम हाती घेण्यात आलं आहे.

काही महिन्यांपूर्वीच मुंबईच्या समुद्रकिनाऱ्यावर दोन विदेशी बोटी आढळून आल्या होत्या. त्यातून एके ४७ आणि इतर साहित्य जप्त करण्यात आलं होतं. ही बोट युरोपहून भारताच्या दिशेनं आल्याचा खुलासा तपासात झाला होता. परंतु आता मुंबईच्या किनारी भागांमध्ये आणखी एक विदेशी बोट आढळून आल्यामुळं महाराष्ट्रासह देशभरात खळबळ उडाली आहे. त्यानंतर आता शोधकार्य सुरू करण्यात आलं आहे. २६ नोव्हेंबर २००८ साली पाकिस्तानी अतिरेक्यांनी समुद्रामार्गे भारतात प्रवेश करत मुंबईत अतिरेकी हल्ला केला होता. दहशतवाद्यांनी केलेल्या गोळीबारात शेकडो लोकांचा मृत्यू झाला होता. त्यामुळं आता या संशयास्पद बोटीचं प्रकरण तपास यंत्रणांनी गांभीर्यानं घेत त्याची चौकशी सुरू केली आहे.

<ul><li>suspicious boat in arebian sea : मुंबईतील गेटवे ऑफ इंडियापासून ५० नॉटिकल मील अंतरावर एक संशयास्पद बोट आढळून आल्यानं खळबळ उडाली आहे.</li></ul>

Electricity Price Hike: ऐन उन्हाळ्यात सामान्यांना वीज दरवाढीचा शॉक, प्रतियुनिट इतक्या टक्क्यांची वाढ

electricity price hike in maharashtra : इंधन आणि गॅस दरवाढीमुळं आधीच आर्थिक संकटात सापडलेल्या सामान्यांना आता वीज कंपन्यांनी आणखी एक मोठा दणका दिला आहे. कारण आता महाराष्ट्रातील वीज वितरण कंपन्यांनी प्रतियुनिट वीजेच्या दरात मोठी वाढ केली असून त्याचे नवे नियम आजपासून लागू केले आहेत. कंपन्यांना आर्थिक तोटा सहन करावा लागत असल्याचं कारण देत महाराष्ट्र राज्य विद्युत वितरण कंपनी लिमिटेड, अदानी आणि टाटा पॉवरनं वीजेच्या दरात मोठी वाढ केली असून त्यामुळं आता ऐन उन्हाळ्यात राज्यातील ग्राहकांना अधिकचे पैसे मोजावे लागणार आहे. घरगुती वीजदरात तब्बल सहा टक्क्यांची वाढ करण्यात आली असून बेस्टच्या ग्राहकांसाठीही दरवाढ करण्यात आली आहे.

राज्यातील वीज कंपन्यांनी नव्या आर्थिक वर्षामध्ये सरासरी २.९ टक्क्यांची दरवाढ केली आहे. याशिवाय २०२४-२५ साठी ५.६ टक्क्यांची दरवाढ करण्यात आली आहे. चालू आर्थिक वर्षासाठी घरगुती वीजेच्या दरात तब्बल सहा टक्क्यांची वाढ करण्यात आली आहे. तर बेस्टच्या ग्राहकांसाठी ५.०७ टक्क्यांनी वीज महागली आहे. त्यामुळं आता आधीच महागाईनं त्रस्त असलेल्या सामान्यांना वीज दरवाढीमुळं मोठा आर्थिक शॉक बसणार आहे. अदानी इलेक्ट्रिसिटीच्या ग्राहकांना चालू आर्थिक वर्षामध्ये २.२ टक्के वाढीव दरानं वीज घ्यावी लागणार आहे. याशिवाय टाटा पॉवरने तब्बल ११.९ टक्क्यांनी वीज दरवाढ केली आहे. गेल्या १५ दिवसांपासून महाराष्ट्रात वीज दरवाढ होणार असल्याच्या चर्चा होत्या. यापूर्वी वीज कंपन्यांनी दरवाढीचा प्रस्तावही सादर केला होता. त्यानंतर आता कंपन्यांनी वीजेच्या दरात मोठी वाढ करण्याचा निर्णय घेतला आहे. त्यामुळं आता सामान्यांमध्ये नाराजी व्यक्त केली जात आहे.

सर्वात महागडी वीज महाराष्ट्रात...

दक्षिणेतील राज्यांमध्ये काही महिन्यांपूर्वीच वीज दरवाढ करण्यात आली होती. त्यानंतर उत्तरेकडील राज्यांमध्येही असाच निर्णय घेण्यात आला होता. परंतु आता महाराष्ट्रात वीज दरवाढ करण्यात आल्यामुळं महाराष्ट्र हे सर्वात महागडी वीज मिळणारं राज्य ठरलं आहे. आंध्रप्रदेश, दिल्ली, उत्तर प्रदेश, गोवा, तेलंगणा, गुजरात आणि मध्यप्रदेशच्या तुलनेत महाराष्ट्रात वीजेचे दर अधिक असणार असल्यामुळं संताप व्यक्त केला जात आहे.

<a class="manualbacklink" target="_blank" href="https://marathi.hindustantimes.com/maharashtra/man-who-threatened-shiv-sena-mp-sanjay-raut-arrested-141680333173199.html">Sanjay Raut Threat Case: संजय राऊतांना जीवे मारण्याची धमकी देणारा सापडला!</a>

<ul><li>electricity price hike : महागाईमुळं आधीच होरपळत असलेल्या सामान्यांना वीज कंपन्यांनी दरवाढीचा मोठा झटका दिला आहे.</li></ul>

Hate Speech Case : शिंदे-फडणवीस सरकार षंढ, ते काहीच करत नाही; हेटस्पीचवरून सुप्रीम कोर्ट भडकलं

Supreme Court On Hate Speech Case In Maharashtra : गेल्या काही महिन्यांपासून राज्यातील अनेक जिल्ह्यांमध्ये लव्ह जिहाद, धर्मांतरण आणि गोवंश हत्याबंदी कायद्याच्या मागणीसाठी हिंदुत्ववादी संघटनांकडून हिंदू जनआक्रोश मोर्चे काढले जात आहेत. त्यात हिंदुत्ववादी नेते आणि भाजपा नेत्यांच्या हेट स्पीच प्रकरणांवर कोणतीही कारवाई होत नसल्याने सुप्रीम कोर्टानं नाराजी व्यक्त करत महाराष्ट्रातील सरकार षंढ असल्याचं म्हटलं आहे. सुप्रीम कोर्टाचे आदेश असतानाही हिंदू संघटनांकडून भावना भडकवणाऱ्या वक्तव्यांवर राज्य सरकार नियंत्रण का ठेवू शकत नाहीये?, असा सवाल करत कोर्टानं शिंदे-फडणवीस सरकारला चांगलंच झापलं आहे.

महाराष्ट्रात जनआक्रोश मोर्चांमध्ये अल्पसंख्यांकांविरोधात धार्मिक भावना भडकावणारी वक्तव्ये होत असल्याविरोधात सुप्रीम कोर्टात याचिका दाखल करण्यात आली होती. त्यावर आज सुनावणी झाली आहे. सुनावणीवेळी बोलताना न्यायमूर्ती के. एम. जोसेफ म्हणाले की, महाराष्ट्रातील सरकार षंढ असल्यामुळं ते काहीच करत नाहीय. त्यामुळंच हे सगळं काही महाराष्ट्रात होत आहे. ज्यावेळी धर्म आणि राजकारण हे तेव्हा या गोष्टी थांबतील. त्यामुळं राजकारण्यांनी धर्म आणि राजकारण वेगळं करायला हवं, असंही न्यायमूर्ती जोसेफ यांनी म्हटलं आहे.

<a class="manualbacklink" target="_blank" href="https://marathi.hindustantimes.com/nation-and-world/vande-bharat-express-indian-railway-latest-news-stonepelting-5-years-jail-141680090914228.html">Vande Bharat express : सावधान.. वंदे भारत ट्रेनबाबत असे काम केल्यास होऊ शकतो पाच वर्षांचा तुरुंगवास</a>

<blockquote class="twitter-tweet">J. Joseph: State is impotent, it does not act in time. If you (SG) want us to react, we will say. Why do we have State when it is keeping silent?&mdash; Live Law (@LiveLawIndia) <a href="https://twitter.com/LiveLawIndia/status/1641014819649372160?ref_src=twsrc%5Etfw">March 29, 2023</a></blockquote> <script async src="https://platform.twitter.com/widgets.js" charset="utf-8"></script>

<a class="manualbacklink" target="_blank" href="https://marathi.hindustantimes.com/nation-and-world/arvind-kejriwal-said-when-pm-modi-will-not-be-the-prime-minister-then-the-whole-country-will-be-corruption-free-141680093198890.html">"मोदी ज्या दिवशी पंतप्रधान राहणार नाहीत, त्यादिवशी भारत भ्रष्टाचारमुक्त होईल", केजरीवालांचा हल्लाबोल</a>

धार्मिक भावना भडकावणं हे एक दृष्टचक्र आहे. त्यावर लोक प्रतिक्रिया देणारच आहेत. परंतु तुम्हाला कायदा धार्मिक मोर्चा काढण्याची परवानगी देतो, परंतु कायदा तोडण्याची परवानगी दिली जात नाही. जनआक्रोश मोर्चांमधून महाराष्ट्रातील अल्पसंख्यांक समाजाला कमीपणा दाखवणारी वक्तव्ये केली जात असल्याचंही न्यायाधीश म्हणाले. याशिवाय अल्पसंख्यांकांना पाकिस्तानात जाण्यास सांगणाऱ्या नेत्यांच्या वक्तव्यांवरही सुप्रीम कोर्टानं चिंता व्यक्त केली आहे.

<a class="manualbacklink" target="_blank" href="https://marathi.hindustantimes.com/nation-and-world/sagwan-wood-transported-from-chandrapur-to-ayodhya-for-ram-mandir-construction-141680092495422.html">Ayodhya : राममंदिराच्या बांधकामासाठी महाराष्ट्राचा हातभार, चंद्रपुरातील सागवान लाकूड अयोध्येला रवाना</a>

Hate Speech Case : धार्मिक भावना भडकावणाऱ्या लोकांवर शिंदे-फडणवीस सरकार कारवाई करत नसल्याने सुप्रीम कोर्टानं संताप व्यक्त केला आहे.

Ayodhya : राममंदिराच्या बांधकामासाठी महाराष्ट्राचा हातभार, चंद्रपुरातील सागवान लाकूड अयोध्येला रवाना

Ram Mandir Construction Status : उत्तर प्रदेशाच्या अयोध्येत निर्माण होत असलेल्या राम मंदिरच्या बांधकामासाठी महाराष्ट्रातून सागवानच्या लाकडांची पहिली खेप पाठवण्यात आली आहे. मंदिराच्या गाभाऱ्यात मोठ्या प्रमाणात सागवानाची लाकडं वापरली जाणार असून त्यासाठी विदर्भाच्या चंद्रपुरातील उत्तम दर्जाची लाकडं पाठण्यात आली आहे. त्यामुळं आता राममंदिराच्या उभारणीत महाराष्ट्रानंही मोठा हातभार लावल्याचं बोललं जात आहे. राम मंदिरासाठी सागवान नेण्यात आल्यामुळं चंद्रपूर आणि बल्लारपूर या दोन शहरांमध्ये भक्तिमय वातावरण निर्माण झालं होतं.

अयोध्येतील राम मंदिराचे महाद्वार, मुख्य मंदिराची संरचना आणि गाभाऱ्याच्या दरवाजांसाठी सागवानाच्या लाकडांचा वापर केला जाणार आहे. भाजपा नेते आणि राज्याचे वनमंत्री सुधीर मुनगंटीवार यांनी काष्ठपूजन केल्यानंतर सागवान लाकडांची पहिली खेप अयोध्येसाठी रवाना करण्यात आली. चंद्रपुरातील आलापल्लीच्या जंगलातील सागवानाची लाकडं राम मंदिराच्या उभारणीसाठी नेण्यात आले आहेत. राम मंदिर बांधकाम समितीचे अध्यक्ष नृपेंद्र मिश्रा यांनी सर्वोत्तम सागवानच्या लाकडांसाठी डेहराडून येथील वन संशोधन संस्थेला संपर्क केला होता. त्यावेळी संस्थेनं चंद्रपुरातील सागवान सर्वोत्तम असल्याचं त्यांना सांगितलं. त्यानंतर आता चंद्रपुरातून राम मंदिरासाठी १८०० क्यूबिक मीटर सागवान लाकडं देण्यात येणार आहे.

<a class="manualbacklink" target="_blank" href="https://marathi.hindustantimes.com/nation-and-world/youth-committed-suicide-before-marriage-in-dhamtari-district-chhattisgarh-141680090678294.html">Dhamtari Crime News: लग्नापूर्वीच नवऱ्याची फाशी घेऊन आत्महत्या; पाहुणे झोपल्यानंतर उचललं टोकाचं पाऊल</a>

श्रीराममंदिर ट्रस्टनं सागवान लाकडांसाठी राज्यातील वनविभागाला विनंती केली होती. त्यानंतर ट्रस्टच्या विनंतीला मान देत वन विभागानं आलापल्लीच्या जंगलातील अतिशय उत्कृष्ट सागवान राममंदिरासाठी देण्याचा निर्णय घेतला. सागवानची लाकडं अयोध्येला घेऊन जाणाऱ्या वाहनाला फुलांचे हार लावून सजवण्यात आलं असून लोकांनी त्यावर रंगांची उधळण केली आहे. यापूर्वी प्रभू श्रीरामाची मूर्ती तयार करण्यासाठी नेपाळमधून दुर्मिळ दगड आणण्यात आले होते. त्यानंतर आता गाभाऱ्याच्या बांधकामासाठी महाराष्ट्रातून सागवान नेण्यात येत आहे.

<a class="manualbacklink" target="_blank" href="https://marathi.hindustantimes.com/nation-and-world/no-rush-to-hold-by-elections-in-wayanad-lok-sabha-constituency-says-eci-chief-rajeev-kumar-today-141680086994018.html">Rahul Gandhi : राहुल गांधी यांच्या वायनाड मतदारसंघात पोटनिवडणूक होणार?; निवडणूक आयुक्तांचा खुलासा</a>

Ram Mandir Construction Status : राममंदिराचं बांधकाम हे अंतिम टप्प्यात आलं आहे. त्यातच आता महाराष्ट्रातूनही मंदिराच्या बांधकामासाठी सागवानची खेप पाठवण्यात आली आहे.

Atik Sikandar Shaikh