Health Tips : पायांची मालिश केल्यानं गायब होतात हे आजार, पाहा लिस्ट

paragraph

Massage The Soles Feet : सध्याच्या काळात अनेक लोकांना दिवसा शारीरिक कामं करावी लागतात. त्यामुळं त्यांचे पायही थकत असतात, परंतु व्यक्तीला अशा वेळेस काम महत्त्वाचं असल्यानं पायांकडं कुणीही लक्ष देत नाही. पायांकडं लक्ष देणं किंवा पाय सुंदर ठेवणं म्हणजे त्याची काळजी घेणं नाही तर त्यासाठी सातत्यानं पायांची मालिश करत राहणं म्हणजे पायांची काळजी घेणं होय. पायांची काळजी घेतली नाही तर व्यक्तीला अनेक गंभीर आजार होण्याची शक्यता असते. याशिवाय पायांच्या तळव्याची सातत्यानं मालिश केल्यास त्यामुळं व्यक्तीला अनेक समस्यांपासून सुटका मिळू शकते.

पायांच्या तळव्याची मालिश केल्याचे काय आहेत आरोग्यदायी फायदे?

अनेक लोकांना बदलत्या जीवनशैलीमुळं आणि असंतुलित आहारामुळं वाढत्या रक्तदाबाच्या समस्येचा सामना करावा लागत असतो. त्यामुळं या समस्येनं ग्रस्त असणाऱ्या लोकांनी रात्री झोपण्यापूर्वी पायांची मालिश करायला हवी. त्यामुळं रक्तदाब नियंत्रित राहण्यास मदत होते. याशिवाय हार्ट अटॅकचा धोका कमी होऊन रक्तप्रवाह सुरळीत होण्यास मदत होते.

पायांची सूज कमी होण्यास होते मदत...

जेव्हा महिला या गरोदर असतात तेव्हा त्यांच्या पायांना सूज येण्याची शक्यता असते. अशा वेळेस महिलांच्या पायांची टाच आणि घोटे दुखायला लागतात. त्यासाठी पायांच्या तळव्याची मालिश केल्यास त्यामुळं पायांची सूज कमी होण्यास मदत होते.

मासिक पाळीचा त्रास कमी होतो...

मासिक पाळीच्या काळात महिलांना अनेक प्रकारच्या त्रासांना सामोरं जावं लागत असतं. त्यात मासिक पाळीमुळं मूड स्विंग होणं, पोट दुखणं, भीती वाटणं, झोप न येणं किंवा डोकेदुखीची समस्या महिलांना उद्भवत असतात, त्यामुळं अशा वेळेस पायांची मालिश केल्यास या समस्या कमी होण्यास मदत होते. याशिवाय मासिक पाळीच्या काळात वेदना कमी होतात.

त्याचबरोबर ज्या लोकांना सतत घाम येण्याची किंवा चक्कर येण्याची समस्या असते, त्या लोकांनाही पायांची मालिश केल्यानं आराम मिळू शकतो. त्यासाठी दररोज संध्याकाळी किंवा सकाळी नियमितपणे पायांची मालिश करायला हवी.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

स्मज- फ्री काजळ लावण्यासाठी फॉलो करा या ट्रिक्स

<ul><li>काजळ लावल्यानंतर डोळे खूप सुंदर आणि आकर्षक दिसतात. सहसा मुली काजळ पसरल्यामुळे नाराज असतात. काही ट्रिक्समुळे तुम्ही स्मज फ्री काजळ लावू शकता. कोणत्या ते वाचा इथे.</li></ul>

लग्नानंतरही टिकवा चेहऱ्यावरचा ग्लो, पहा कसा येईल नॅचरल ग्लो

<ul><li>केवळ लग्नासाठीच चेहऱ्याची काळजी घेऊ नका, तर लग्नानंतरही चेहऱ्याची काळजी घ्या आणि ग्लो कायम ठेवा. यासाठी सोप्या टिप्स तुम्हाला मदत करतील, ज्यामुळे तुम्हाला लग्नानंतरही परफेक्ट ग्लो मिळेल.</li></ul>

नाकावरच्या ब्लॅकहेड्सला औषध काय?; घरच्या घरी करा 'हे' उपाय

<ul><li>ब्लॅकहेड्स मुळे तुमच्या सौंदर्याला जणू ग्रहण लागल्यासारखे वाटते. नाक आणि हनुवटीवर हे जास्त प्रमाणात दिसतात. यापासून सुटका मिळवायची असेल तर होममेड फेस मास्क एक चांगला पर्याय आहे. या होम रेमेडीज नक्की ट्राय करा.</li></ul>

Viral: अंडर गारमेंट्सला एक्सपायरी डेट असते का?; तज्ज्ञांनी केला मोठा खुलासा

<ul><li>तुम्ही अनेकदा विविध वस्तूंच्या एक्सपायरी डेटबद्दल ऐकलं किंवा वाचलं असेल, परंतु अंडर गारमेंट्सलाही एक्सपायरी डेट असते, याबद्दल तुम्ही कधी विचार केलाय का, वाचा काय आहे त्यामागचं सत्य...</li></ul>

<ul><li>Massage The Soles Feet : अनेकजण आपल्या चेहऱ्याची किंवा केसांची नेहमीच काळजी घेत असतात, परंतु पायांच्या आरोग्याकडं आणि सुंदरतेकडं अनेकजण दुर्लक्ष करतात, असं करणं तुमच्या आरोग्यासाठी धोकादायक ठरू शकतं.</li></ul>

Expiry Date Of Men's Underwear : आपल्या दैनंदिन वापरासाठी लागणाऱ्या अनेक गोष्टींची किंवा वस्तूंची एक विशिष्ट एक्सपायरी डेट असते. जर वस्तूची एक्सपायरी डेस संपली असेल तर त्याला कुणीही खरेदी करत नाही. परंतु तुम्ही कधी विचार केलाय का की तुम्ही वापरत असलेल्या अंडर गारमेंट्सलाही एक्सपायरी डेट असेल, त्याचा आपल्या आरोग्यावर काय परिणाम होतो, चला तर जाणून घेऊयात त्यामागचं सत्य.&nbsp;

अंडर गारमेंट्सच्या बाबतीत एक्सपायरी डेटबद्दल आतापर्यंत कोणताही वैद्यकीय पुरावा सापडलेला नाही. परंतु जून्या अंडर गारमेंट्सचा वापर करणं मात्र आपल्या आरोग्याच्या दृष्टीनं हितावह नसतं. त्यासाठी काय करायला हवं किंवा तज्ज्ञांची याबाबत काय मतं आहेत पाहूयात.

अंडर गारमेंट्स सैर झाल्यास तात्काळ बदलायला हवं...

कोणत्याही अंडर गारमेंट्सची विशिष्ट एक्सपायरी डेट नसते, परंतु ती सैल झाल्यास त्याला तात्काळ बदलायला हवं, असं एनवाययू स्कूल ऑफ मेडिसिनचे प्रोफेसर फिलिप टिएर्नो यांनी याबाबत एका बेबसाईटशी बोलताना सांगितलं आहे.

दरवर्षी नव्या अंडर गारमेंट्स वापरा...

शरीरातील, मांड्यातील किंवा प्रायव्हेट पार्टमध्ये विविध रोगांचं संक्रमण टाळण्यासाठी अंडरवियरचा स्वच्छ असणं फार गरजेचं असतं. त्यासाठी एक नवी अंडरवियर किमान सहा महिने वापरायला हवी. त्यानंतर दुसऱ्या नव्या अंडरवियरचा वापर करायला हवा, याशिवाय चांगल्या दर्जाच्या आणि चांगल्या कंपनीच्या अंडरवियरचा वापर करायला हवा.

अॅलर्जी आणि संसर्ग होण्याचा धोका...

आतापर्यंत अंडरवियरच्या वापरामुळं काही गंभीर आजार झाल्याचं कधीही आढळलेलं नाही. तरीदेखील खबरदारीचा उपाय म्हणून सतत स्वच्छ आणि नव्या अंडरवियरचा वापर करायला हवा. नाही तर व्यक्तीला संसर्गजन्य रोगांचं संक्रमण, अॅलर्जी किंवा इन्फेक्शन होण्याची शक्यता असते, असं देखील काही तज्ज्ञांनी याबाबत सांगितलं आहे.

त्वचेवर रॅशेस पडण्याचा असतो धोका...

जून्या अंडरवियरचा वापर केल्यामुळं ते सैल होऊन त्यात ओलावा निर्माण व्हायला लागतो. त्यानंतर त्यात बॅक्टेरियाचा संसर्ग होण्याचा धोका असतो, याशिवाय खराब अंडरवियर घातल्यानं शरीरावर पुरळ येण्याचीदेखील शक्यता असते, त्यासाठी उपाय म्हणून सातत्यानं स्वच्छ असलेल्या अंडरवियर घालायला हव्या. त्याचबरोबर एका विशिष्ट कालावधीनंतर नवीन अंडरवियर वापरायला हव्यात.

Explainer : घराबाहेर राहणाऱ्या महिला सेक्स करण्यात पुरुषांच्या पुढे-रिपोर्ट

Sexual Health Of Women In India : भारतात अजूनही सेक्सबद्दल उघडपणे बोललं जात नाही. अनेकदा हा विषय निघाल्यावर लोक त्याला टाळण्याचा प्रयत्न करतात. कुटुंब, सार्वजनिक ठिकाणं किंवा शिक्षणातल्या अभ्यासक्रमांमध्येही याबाबत फारसं बोललं जात नसल्यानं महिला आणि पुरुषांना याबाबत फारशी माहिती नसते, परंतु कामानिमित्त घरापासून दूर राहत असलेल्या किंवा स्थायिक झालेल्या महिलांची सेक्स लाईफ कशी असते, याबाबत तुम्ही कधी विचार केलाय का, नॅशनल फॅमिली हेल्थने जारी केलेल्या एका अहवालात याबाबत धक्कादायक माहिती समोर आली आहे.

काय सांगितलंय रिपोर्टमध्ये?

महिलांनी त्यांच्या पार्टनशरशिवाय घरातल्या इतर पुरुषांशी किंवा बाहेरच्या पुरुषांसोबत लैंगिक संबंध ठेवल्यास त्यांना एचआयव्हीचा संसर्ग होण्याचा धोका वाढत असतो. नॅशनल फॅमिली हेल्थनं केलेल्या या सर्वेक्षणात १५ ते ४९ या वयोगटातील महिलांना त्यांच्या सेक्स लाईफबद्दल प्रश्न विचारण्यात आले होते. त्यात ०.३ टक्के महिलांनी एकापेक्षा अधिक पुरुषांशी लैंगिक संबंध असल्याचं मान्य केलं आहे. याशिवाय ४ टक्के पुरुषांनी त्यांची पत्नी अथवा घरात राहणाऱ्या महिला जोडीदाराशिवाय इतर महिलांशी शारीरिक संबंध ठेवल्याचं सांगितलं.

घरापासून दूर राहणाऱ्या महिलांची स्थिती काय?

काही महिला या कामानिमित्त किंवा नोकरीसाठी घरापासून दूर राहत असतात, अशावेळी या महिला एकापेक्षा अधिक पुरुषांशी लैंगिक संबंध ठेवण्याची शक्यता असते, या संशोधनात हा कल सुशिक्षित आणि श्रीमंत भारतीय महिलांमध्ये जास्त दिसून आला. याशिवाय घरापासून दूर राहणाऱ्या महिला या महिन्यातून सरासरी सात दिवस सेक्ससाठी वेळ देत असल्याचंही या संशोधनातून समोर आलं आहे.

घराबाहेर राहिल्यामुळं महिलांच्या सेक्स लाईफवर काय प्रभाव पडतो?

जेव्हा महिला या घरापासून दूर राहत असतात, तेव्हा त्यांची सेक्स लाईफ पूर्णत: बदलत असते. घरातून बाहेर पडल्यावर महिला पुरुषांपेक्षा जास्त सेक्स करतात, जेव्हा महिला या घरापासून दूर असतात तेव्हा त्यांची लैंगिक भागीदारांची संख्या सरासरी १.७ च्या तुलनेत २.३ पर्यंत वाढल्याचं आढळलं. याशिवाय ५६ टक्के अविवाहित मुलींनी लग्नाआधी घराबाहेर राहत असल्यानं नियमित सेक्स करत असल्याचं सांगितलं. या तुलनेत जेव्हा पुरुष काही कामानिमित्त घराबाहेर असतात तेव्हा त्यांचं सेक्स करण्याचं प्रमाण हे ३२ टक्के इतकं आहे.

महिला आणि पुरुषांचे सेक्सबद्दलचे वेगवेगळे अनुभव...

महिला आणि पुरुषांचे सेक्स करण्याबद्दलचे अनुभव फार वेगवेगळे असतात. कारण महिला जेव्हा घराबाहेर असतात तेव्हा ते जास्त सेक्स करतात तर पुरुषांमध्ये याचं प्रमाण फार कमी आहे. पैसे देऊन लैंगिक संबंध ठेवण्याचं प्रमाण पुरुषांमध्ये ५३ टक्के आहे, तर महिलांमध्ये हे प्रमाण केवळ ३ टक्के असल्याचंही या संशोधनात सांगण्यात आलं आहे.

महिला का असतात इतक्या सेक्शुअली एक्टिव?

भारतीय समाज हा पुरुषसत्ताक समाज मानला जातो. त्यामुळं अनेक मुली आणि महिला या कमीत वयातच लैंगिक छळाच्या बळी ठरतात. भारतात ३ टक्के मुलींवर २२ व्या वर्षीच बलात्कार करण्यात येत असल्याची धक्कादायक माहितीही या सर्वेक्षणातून समोर आली आहे. याशिवाय याला भारतातील 'मुलं ही देवाघरची फुलं' ही श्रद्धाही कारणीभूत ठरत आहे. आणि सर्वात महत्त्वाचं कारण म्हणजे भारतातील हवामान उष्ण आणि दमट असल्यानं देशातील मुली या लवकर वयात येत असल्यानं त्यांची सेक्सबद्दलची उत्सुकता वाढते.

समोर आलेल्या या सर्वेक्षणात पहिल्यांदा सेक्स करणाऱ्या अशिक्षित मुलीचं सरासरी वय १७.५ इतकं होतं. तर सुशिक्षित मुलींमध्ये हे प्रमाण २२.८ टक्के इतकं आहे. त्यामुळं आता समोर आलेल्या या रिपोर्टमध्ये भारतातल्या मुलींना या मुलांच्या तुलनेत सेक्सबद्दल अधिक रुची आणि जागरुक असल्याचं सांगण्यात आलं आहे.

<ul><li>Sexual Health Of Women : भारतात सेक्स लाईफबद्दल बोलणं नेहमी टाळलं जातं. महिला आणि पुरुष या दोघांच्या बाबतीतही तसंच आहे. परंतु आता घरापासून दूर असणाऱ्या महिलांच्या सेक्स लाईफबद्दल मोठा खुलासा करण्यात आला आहे.</li></ul>

T20 वर्ल्डकपसाठी विराट कोहली जिममध्ये गाळतोय घाम; वाचा त्याचा फिटनेस मंत्र

Cricketer Virat Kohli Diet And Workout : आयपीएलच्या या संपूर्ण हंगामात भारताचा माजी कर्णधार आणि आरसीबीचा सलामीवीर विराट कोहलीचा फॉर्म गायब होता. काही सामन्यांत तर तो 'गोल्डन डक' चा शिकार ठरला होता. परंतु गुजरात टायटन्सविरोधातल्या सामन्यात त्यानं कमाल केली आहे. त्यात त्यानं ७३ धावांची निर्णायक खेळी करत आरसीबीच्या विजयाचा मार्ग सुकर केला. आता आरसीबी प्लेऑफमध्ये जाणार की नाही, हे आजच्या मुंबई आणि दिल्लीतील सामन्याच्या निकालावर ठरणार आहे.

परंतु विराट कोहली नेहमीच मैदानावर अॅक्टिव आणि चपळ दिसतो. त्याच्या चेहऱ्यावर कधीही थकवा आल्याचा भाव नसतो. क्रिकेमधील त्याच्या पदार्पणापासूनच त्यानं फिटनेस आणि डाएटवर फार लक्ष दिलेलं आहे. त्यामुळं त्याचा फिटनेस मंत्र काय आहे, जाणून घेऊयात.

विराट कोहली जिममध्ये गाळतोय घाम...

आगामी काळात T20 वर्ल्डकप लक्षात घेता विराट कोहलीनं त्यादृष्टीनं तयारी करण्यास सुरुवात केली आहे. कोहली नेहमीच जिममध्ये वर्कआऊट करण्यावर भर देत आलेला आहे. कोरोना महामारीमुळं लागलेल्या टाळेबंदीतही कोहलीनं त्याच्या घरात व्यायाम सुरू ठेवला होता. याशिवाय नेट प्रॅक्टिसच्या बाबतीही त्यानं कधीही आळस केलेला नाही. त्याच्या फिटनेसचे अनेक व्हिडिओज त्यानं ट्विटरच्या माध्यमातून शेयर केलेले आहेत.

मांसपेशी आणि पायांच्या व्यायामासाठी घेतो विशेष काळजी...

कोहली जीममध्ये स्ट्रेंथ ट्रेनिंग एक्सरसाइजही करतो, त्यामुळं त्याला धावा काढताना पळायला फारसा त्रास होत नाही. याशिवाय या व्यायामामुळे मांसपेशींना मजबूती मिळते व शरीराला वेग मिळतो, जे क्रिकेटच्या मैदानावर फार महत्त्वाचे असते.

कसा आहे विराट कोहलीचा आहार?

सातत्यानं कठोर व्यायामासह शरीराला चांगल्या आणि संतुलित आहाराचीही गरज असते, असं कोहली नेहमीच सांगत असतो. गौरव कपूरसोबतच्या एका मुलाखतीत त्यानं त्याच्या फिटनेसचा मंत्र सांगितला होता. त्यात त्यानं फॅटयुक्त पदार्थ खाणं कधीच बंद केल्याचं सांगितलं होतं. याशिवाय तो वजन मेंटेन करण्यासाठी पोहण्याचा पर्याय निवडत असल्याचं आणि शरीरातील चरबी कमी करण्यासाठी बेस्ट वाटर बेस्ट एक्सरसाइज करण्यावर भर देत असल्याचं सांगितलं होतं.

कोहली आपल्या आहारात प्रथिनांयुक्त अन्नपदार्थ खाण्याला प्राधान्य देत आलेला आहे. त्यात हिरव्या भाज्या, पालक, अंड, बदाम, डाळ आणि डोसाच्या समावेश आहे. कोहलीला चायनीज खायला प्रचंड आवडतं, याशिवाय कॉफी आणि प्रोटीन बार त्याचं फेव्हरेट आहे, परंतु तो हेल्दी खाण्यावर भर देत असतो.

जेव्हा कोहली देशांतर्गत क्रिकेट सामने खेळायचा तेव्हा त्याला दिल्लीतील छोले भटूरे खाणं प्रचंड आवडायचं, याशिवाय त्याला गुलाबजामून खाणंही आवडतं. परंतु जेव्हा त्यानं आंतरराष्ट्रीय क्रिकेट सामन्यांमध्ये भारताकडून खेळायला सुरुवात केली तेव्हा त्यानं त्याचा डाएट संपूर्णत: बदलला होता. परिणामी आज तो भारतीय संघातला सर्वात जास्त काळ फिट राहणारा बॅट्समन मानला जातो.

<ul><li>Virat Kohli Fitness Secrets : गुजरात टायटन्सविरोधातल्या सामन्यात विराट कोहलीला सूर गवसला आहे. तो फॉर्मात परतल्यानं T20 वर्ल्डकपमध्येही तो असाच खेळणार का, याची उत्सुकता चाहत्यांना लागलेली आहे. याशिवाय T20 विश्वकपला विचारात घेता फिटनेस राखायला सुरुवात केली आहे.</li></ul>

Summer : उन्हाळ्यात नारळ पाणी पिणं ठरतंय आरोग्यासाठी गुणकारी, वाचा फायदे

Benefits Drinking Coconut Water In Summer : गेल्या काही महिन्यांपासून राज्यासह देशभरात वाढलेल्या उष्णतेमुळं लोक हैराण झालेले आहेत. उष्णतेपासून बचाव करण्यासाठी लोक थंड पदार्थ खाणं किंवा घरात एसीचा वापर करायला प्राधान्य देत आहेत. परंतु वाढलेल्या उष्णतेच्या वातावरणात शरीराला हायड्रेट ठेवण्याची सर्वात जास्त आवश्यकता असते. त्यासाठी अनेकजण हे फळं आणि ज्यूस घेणं पसंत करतात. त्यामुळं शरीरात पाण्याची कमतरता भासत नाही. असेही काही लोक आहेत की ज्यांना उन्हाळ्यात नारळाचं पाणी पिणं फार आवडतं. उन्हाळ्यात नारळ पाणी पिणं आपल्या आरोग्यासाठीही प्रचंड फायदेशीर असल्याचं मानलं जातं. त्यामुळं नारळ पाण्याचे काय गुणकारी फायदे आहेत, जाणून घेऊयात.

वाढलेल्या उन्हात नारळाचं पाणी पिल्यास त्यामुळं उष्णतेपासून दिलासा मिळतो. कारण नारळ पाण्यात कॅल्शियम, मॅग्नेशियम, फॉस्फरस, सोडियम आदींसारखे महत्त्वाचे पोषकतत्व असतात. याशिवाय त्यात ९४ टक्के पाणी आणि फॅटचं प्रमाण हे फार कमी असल्यानं ते आरोग्यासाठी गुणकारी ठरतं.

नारळ पाणी पिण्याचे काय आहेत आरोग्यदायी फायदे?

वातावरणातील वाढलेल्या उष्णतेमुळं शरीरातील ऊर्जेची पातळी वाढण्यास मदत होते. याशिवाय नारळाचं पाणी पिल्यानं व्यक्तीची रोगप्रतिकारशक्ती वाढण्यासही मदत होते.

मधुमेहावर मात करण्यासाठी गुणकारी...

नारळाचं पाणी पिल्यामुळं शरीरातील साखरेचं प्रमाण हे संतुलित राहण्यास मदत होत असते. त्यामुळं मधुमेहाच्या आजारानं त्रस्त असलेल्या लोकांना नारळ पाणी पिण्याचा सल्ला दिला जातो.

मूत्रपिंडांसाठीही फायदेशीर...

नारळपाण्याचं सेवन करणं हे किडनीच्या आरोग्यासाठीही फायदेशीर मानलं जातं. कारण त्यामुळं किडनीतील दगडांचे स्फटिक कमी होण्यास मदत होत असते. याशिवाय याच्या सेवनामुळं किडनी स्टोन लघवीद्वारेदेखील बाहेर पडण्याची शक्यता असते.

चेहरा आणि त्वचेसाठीही फायदेशीर...

उन्हाळ्यात शरीराला हायड्रेट ठेवलं तरच तुमची त्वचा सुधारते. याशिवाय चेहऱ्यावर ग्लो यायला लागतो. याशिवाय नारळपाण्याचं सेवन केल्यास त्यामुळं चेहऱ्यावरील मुरुम आणि मुरुमांपासून सुटका मिळते.

<ul><li>Coconut Water In Summer : अनेक लोकांना नारळपाणी पिणं आवडतं. उन्हाळ्यात वाढलेल्या उष्णतेपासून शरीराला गारवा मिळवण्यासाठीदेखील काहीजण नारळपाण्याचं सेवन करत असतात.</li></ul>

भारतावर मंकीपॉक्सचं सावट; केंद्र सरकारनं जारी केल्या मार्गदर्शक सूचना

Monkeypox Threat To India : गेल्या काही दिवसांपासून जगभरात मंकीपॉक्स नावाच्या महाभयंकर रोगानं थैमान घातलेलं आहे. विशेषत: यूरोपिय देशांमध्ये या रोगाचे हजारोंच्या संख्येनं रुग्ण सापडत असल्यानं चिंता वाढल्या आहे. याच पार्श्वभूमीवर आता भारत सरकारनंही खबरदारी उपाय म्हणून पावलं उचलण्यास सुरुवात केली आहे. गेल्या काही वर्षांपासून कोरोनामुळं हैराण असलेल्या लोकांना मंकीपॉक्समुळं पुन्हा धक्का बसलेला आहे. त्यामुळं आता या रोगाचा भारतात शिरकाव होऊ नये आणि परिस्थितीवर बारकाईनं लक्ष ठेवण्याचे आदेश केंद्रिय आरोग्यमंत्री मनसुख मांडविया यांनी दिले आहेत. याशिवाय केंद्रीय आरोग्य मंत्रालयाने विमानतळं आणि बंदरातील आरोग्य अधिकाऱ्यांना नेहमी सतर्क राहण्याच्या सूचना देखील केल्या आहेत. या रोगावर आणि स्थितीवर राष्ट्रीय रोग नियंत्रण केंद्र आणि ICMR बारकाईनं लक्ष ठेऊन असल्याचीही माहिती विश्वसनीय सूत्रांनी दिली आहे.

भारत सरकार काय उपाययोजना करणार?

मंकीपॉक्स या घातक आजारानं त्रस्त असलेल्या रुग्णाला भारतात आल्यानंतर त्याला तातडीनं क्वारंटाईन करण्यात येणार आहे. याशिवाय त्याच्या रक्ताचे नमुने हे पुण्यातील नॅशनल इन्स्टिट्यूट ऑफ व्हायरोलॉजीत पाठवून त्याची तपासणी करण्यात येणार आहे.

या देशांतून येणाऱ्या प्रवाशांवर असणार लक्ष...

इंग्लंड, अमेरिका, पोर्तुगाल, स्पेन आणि इतर यूरोपिय देशांमधून येणाऱ्या प्रवाशांवर नजर ठेवली जात आहे. त्यांच्यावर विमानतळं तसेच बंदरावरही लक्ष ठेवलं जात आहे. मंकीपॉक्स ताप, पुरळ आणि सुजलेल्या लिम्फ नोड्ससह माणसांमध्ये दिसून येतो, त्यामुळं अशा रुग्णांना ओळखणं फार कठीण जाणार नाही. तरीदेखील सरकारनं खबरदारीचा उपाय म्हणून मार्गदर्शक सूचना जारी केल्या आहेत.

मिळालेल्या माहितीनुसार मंकीपॉक्स हा कांजिण्याप्रमाणे एक पॉक्स असल्याचं सांगितलं जात आहे. परंतु अजूनही या संसर्गजन्य रोगाच्या प्रसाराचं कारण, त्याचा उपाय आणि उपचार सापडलेले नाहीत. गेल्या काही दिवसांमध्ये इंग्लंड आणि अमेरिकेत या घातक आजाराचे हजारोंच्या संख्येनं रुग्ण सापडल्यानं या देशांमध्ये खळबळ उडाली आहे. त्यामुळं विविध देशांनी या गंभीर संसर्गजन्य आजाराबाबत खबरदारी बाळगण्यास सुरुवात केली आहे.

काय आहेत मंकीपॉक्स रोगाची लक्षणं?

१. स्नायूंमध्ये वेदना आणि थंडी वाजून येणं

२. सातत्यानं थकवा जाववणं

३. तीव्र ताप आणि न्यूमोनिया होणं

४. शरीरावर गडद लाल ठिपके येणं

५. डोकेदुखीचा त्रास होणं

<ul><li>Monkeypox : मंकीपॉक्स या नव्या रोगाचे रुग्ण जगभरात वाढत असताना आता भारत सरकारनं याबाबत पावलं उचलण्यास सुरुवात केली आहे. या रोगावर आणि स्थितीवर राष्ट्रीय रोग नियंत्रण केंद्र आणि ICMR बारकाईनं लक्ष ठेऊन आहेत.</li></ul>

आजचे राशिभविष्य; या राशिवाल्यांना आज होऊ शकतो धनलाभ

मेष - अध्यापन आणि संशोधनात व्यस्तता वाढू शकते. नोकरीमध्ये तुम्हाला कोणतीही अतिरिक्त जबाबदारी मिळू शकते. तुम्हाला जास्त मेहनत करावी लागेल. मनात आशा-निराशा राहील. उत्पन्न वाढेल.

वृषभ - शिक्षण आणि संशोधन कार्यात मान-सन्मान मिळेल. मनात नकारात्मक विचार येतील. मनःशांती लाभेल. जोडीदाराचे सहकार्य मिळेल. वडिलोपार्जित मालमत्तेतून पैसा हाती येऊ शकतो.

मिथुन - मनःशांती राहील. कामाच्या ठिकाणी तुम्हाला विविध समस्यांचा सामना करावा लागू शकतो. तुम्ही जितके कष्ट कराल तितके कमी यश मिळेल. आरोग्याकडे लक्ष द्या. आत्मविश्वासाने परिपूर्ण व्हा. संयम कमी होईल.

कर्क - तुमच्या भावना विचारात व्यक्त करा. आरोग्य चांगले राहील. मुलाच्या आरोग्याकडे लक्ष द्या. व्यवसाय आणि व्यापारात यश आणि नफा मिळेल.

सिंह - वैवाहिक जीवनातला आनंद वाढेल. आरोग्याची काळजी घ्या. वाहनं सावकाश चालवा. सरकारी कामं दुपारनंतर करा.

कन्या - धार्मिक समारंभात रुची वाढू शकते. कुटुंबात उत्साहाचे वातावरण राहील. वैवाहिक सुखात वाढ होईल. वडिलांना आरोग्याच्या समस्या असू शकतात.

तूळ - वाणीत गोडवा राहील. मनःशांती मिळवण्याचा प्रयत्न करा. खर्च वाढेल. मित्रांकडून सहकार्य मिळेल. मानसिक समस्या वाढतील. संयमाचा अभाव राहील. कुटुंबात धार्मिक कार्यक्रम होईल.

वृश्चिक - संतती सुखात वाढ होईल. कपड्यांसाठी खर्च वाढू शकतो. गोड पदार्थांची आवड वाढेल. आरोग्याची काळजी घ्या. मित्रांकडून सहकार्य मिळेल. आत्मविश्वास राखा. विनाकारण रागावू नका. मनःशांती लाभेल. कला आणि संगीतात रुची वाढू शकते.

धनु - प्रवास आनंददायी होईल. आरोग्याची काळजी घ्या. खर्च वाढेल. कामाच्या ठिकाणी प्रतिकूल परिस्थितीचा सामना करावा लागू शकतो. मित्राच्या मदतीने उत्पन्नाची नवीन क्षितिजे उघडता येतील. जोडीदाराची साथ मिळेल.

मकर - अनावश्यक वाद आणि मतभेद टाळा. धार्मिक कार्यात व्यस्तता वाढेल. नोकरीसाठी इतरत्र जावे लागेल. आरोग्याची काळजी घ्या. संयम कमी होईल. दीर्घकाळ न सुटलेली कामे मार्गी लागतील.

कुंभ - विनाकारण रागावू नका. कुटुंबात शांतता राखण्याचा प्रयत्न करा. मित्रांच्या मदतीने नोकरीच्या संधी मिळू शकतात. उत्पन्न वाढेल. व्यवसायात अडचणी येऊ शकतात. मनःशांती लाभेल.

मीन - तुमची अधिक धावपळ होईल. शिक्षणाशी संबंधित कामात आनंददायी परिणाम मिळतील. कौटुंबिक जीवन आनंदी राहील. नोकरीत उच्च पद मिळण्याची शक्यता आहे. मित्रांकडून सहकार्य मिळेल. आरोग्याची काळजी घ्या.

आजचे राशिभविष्य; प्रत्येक संकटात तुम्हाला मिळेल आईची साथ, धनलाभ होण्याची शक्यता

<ul><li>आजचा दिवस काही राशिंसाठी सकारात्मक असून काही लोकांसाठी नकारात्मक आहे. त्यामुळं आज काही लोकांना तणाव, नैराश्य आणि आरोग्याच्या समस्यांचा सामना करावा लागू शकतो.</li></ul>

आजचे राशिभविष्य; या राशिवाल्यांना आरोग्य आणि कुटुंबाची घ्यावी लागेल काळजी

<ul><li>आज काही लोकांना मोठ्या प्रमाणात धनलाभ होण्याची शक्यता आहे तर काही राशिवाल्यांना आरोग्य आणि कुटुंबाची काळजी घ्यावी लागणार आहे.</li></ul>

आजचे राशिभविष्यः संयमाने वागण्याची गरज

<ul><li>आज बुधवारचा दिवस सर्व राशीच्या लोकांनासाठी बरा आहे. आजच्या दिवशी बरेच चढउतार पहायला मिळतील. नोकरी, व्यवसायात नव्या संधी मिळतील. तर कामाच्या ठिकाणी कठिण प्रसंगाना सामोरे जावे लागू शकते. आजचा दिवस हा संयमाने वागण्याचा दिवस आहे.</li></ul>

आजचे राशिभविष्यः या राशीच्या लोकांना करावा लागेल कठीण परिस्थितीशी सामना

<ul><li>आज मंगळवारचा दिवस काही राशीच्या लोकांनासाठी अडचणींचा असून शकतो. नोकरी, व्यवसायात आर्थिक बाजू सांभाळावे लागेल. काहींना नोकरीत प्रगतीचे योग आहेत. कौटुंबिक वातावरण आनंदी असू शकते. तर काहींना अज्ञात भीतीमुळे चिंता राहू शकते. नोकरी, व्यवसायात कठीण परिस्थितीचा सामना करावा लागू शकतो.</li></ul>

<ul><li>आजचा दिवस नोकरदारांसाठी फार फायदेशीर आणि सकारात्मक असणार आहे. याशिवाय काही लोकांना आरोग्याची आणि कुटुंबाची काळजी घ्यावी लागू शकते. तर काही लोकांना धनलाभ होण्याची शक्यता आहे.</li></ul>

टॉयलेट क्लिनर टाकून विकायचा पाणीपुरी; आरोपीला सहा महिन्यांची शिक्षा

Panipuri Seller Jailed For Mixing Toilet Cleaner In Panipuri : अनेक लोकांना विशेषत: महिला आणि मुलींना पाणीपुरी खायला फार आवडतं. त्यात तिखट आणि मिडियम पाणीपुरी खाण्याची अनेक लोकांची मागणी असते. परंतु गेल्या काही दिवसांपासून पाणीपुरीच्या सामग्रीमध्ये काही विक्रेते घातक आणि धोकादायक पदार्थ मिसळवत असल्याचे प्रकार घडलेले आहेत. असाच काहीसा प्रकार हा गुजरातमधील अहमदाबादेत घडला आहे, एका पाणीपुरी विक्रेत्यानं पाणीपुरीत चक्क टॉयलेट क्लिनर मिसळल्याची धक्कादायक माहिती समोर आल्यानं संबंधित विक्रेत्याला सहा महिन्यांची शिक्षा झाली आहे.

मिळालेल्या माहितीनुसार २०१७ मध्ये एका पाणीपुरी विक्रेत्यानं पाणीपुरीत टॉयलेट क्लिनर मिसळल्यानं मोठी खळबळ उडाली होती. अहमदाबादच्या लाल दरवाजा परिसरातील एक विक्रेता पाणीपुरीची टेस्ट वाढावी म्हणून त्यात टॉयलट क्लिनरचा वापर करत होता, त्यानंतर त्याविरोधात करण्यात आलेल्या तक्रारीत तो दोषी आढळल्यानंतर विक्रेत्याला न्यायालयानं सहा महिन्यांची शिक्षा सुनावली होती.

पाणीपुरीत मिसळायचा अॅसिड...

अहमदाबादेतील पाणीपुरी विक्रेत्याविरोधात तक्रार केल्यानंतर त्याच्या पाणीपुरीची सामग्री ही प्रयोगशाळेत पाठवण्यात आली होती. त्यात तो पाणीपुरीत अॅसिड मिसळवत होता, जो टॉयलेट क्लिनरसाठी वापरण्यात येत होतं. त्यामुळं त्याला न्यायालयानं कठोर शिक्षा सुनावली होती.

पोलिसांनी ठोकल्या बेड्या...

या किळसवाण्या घटनेची माहिती मिळताच काही नागरिकांनी एकत्र येत या विक्रेत्याला पाणीपुरीतील सामग्रीविषयी जाब विचारला, तेव्हा पाणीपुरीत त्याच्याकडं टॉयलेट क्लिनरसाठी वापरण्यात येणारं अॅसिड सापडलं. यानंतर काही लोकांना याची तक्रार पोलिसांकडे केल्यानं पोलिसांनी पाणीपुरी विक्रेत्याला अटक केली होती. त्यानंतर न्यायालयानं त्याला शिक्षा सुनावली होती.

पाणीपुरीसाठी वापरलं शौचालयाचं पाणी?

असाच काहीसा प्रकार महाराष्ट्रातील कोल्हापूरात २०२० मध्ये घडला होता. एक पाणीपुरी विक्रेता पाणीपुरी तयार करण्यासाठी चक्क शौचालयातील पाणी वापरत असल्याचा व्हिडिओ समोर आला होता. यावेळी हे प्रकरण पोलिसांपर्यंत गेलं होतं.

<ul><li>गेल्या काही वर्षांमध्ये पाणीपुरी विक्रेते पाणीपुरीत भेसळ करत असल्याचा प्रकार समोर आले आहेत. असाच काहीसा किळसवाणा आणि विचित्र प्रकार गुजरातमध्ये घडला आहे.</li></ul>

Monkeypox : सेक्स केल्यामुळं पसरतोय मंकीपॉक्स; तज्ज्ञांनी दिला हा इशारा

अनेक देशांमध्ये कोरोना महामारीमुळं अनेक लोकांना जीव गमवावा लागलेला असताना आता आफ्रिकेत मंकीपॉक्स नावाच्या नव्या विषाणूनं थैमान घातलं आहे. आशिया आणि विशेषत: यूरोपीय देशांमध्ये या नव्या रोगाचे अनेक रुग्ण सापडत आहे. त्यामुळं अनेक लोकांना आणि तज्ज्ञांना या रोगाची चिंता सतावत आहे, त्यातच आता या रोगासंदर्भात काही डॉक्टरांनी मोठा खुलासा केला आहे.

मंकीपॉक्स या रोगाचा संसर्ग कसा होतो, याचा खुलासा अजून झालेला नाही. मात्र या रोगाच्या प्रसारासाठी शारीरिक संबंध हे एक मोठं कारण मानलं जात आहे. त्यामुळं मंकीपॉक्सग्रस्त रुग्णाशी लैंगिक संबंध ठेवल्यास त्यामुळं तुम्हाला या रोगाची लागण होऊ शकते, असं काही तज्ज्ञांनी सांगितलं आहे. हा संसर्गजन्य रोग सर्वात आधी आफ्रिकेतील काही माकडांमध्ये आढळला होता. त्यानंतर त्याची साथ मानवामध्ये पसरली आहे. त्यामुळं आता कोरोनानंतर या भयानक रोगाचा प्रसार जगभरात मोठ्या प्रमाणात होत असल्याचं चित्र आहे.

मिळालेल्या माहितीनुसार मंकीपॉक्स हा कांजिण्याप्रमाणे एक पॉक्स असल्याचं सांगितलं जात आहे. परंतु अजूनही या संसर्गजन्य रोगाच्या प्रसाराचं कारण, त्याचा उपाय आणि उपचार सापडलेले नाहीत.

गेल्या काही दिवसांमध्ये इंग्लंड आणि अमेरिकेत या घातक आजाराचे हजारोंच्या संख्येनं रुग्ण सापडल्यानं या देशांमध्ये खळबळ उडाली आहे. त्यामुळं विविध देशांनी या गंभीर संसर्गजन्य आजाराबाबत खबरदारी बाळगण्यास सुरुवात केली आहे.

<ul><li>Monkeypox : आफ्रिकेतून आता जगभर वेगानं पसरत असलेल्या मंकीपॉक्स या नव्या रोगांना थैमान घातलेलं असून युरोपमध्ये या रोगाचे मोठ्या प्रमाणात रुग्ण सापडत आहेत.</li></ul>

बुरखा घालून महिला स्विमिंग पूलमध्ये उतरली; फ्रान्समध्ये प्रचंड कल्लोळ

सध्या फ्रान्समध्ये महिलांच्या कपड्यांवरुन जोरदार वाद सुरु आहे. त्यामध्ये सरकार आणि विरोधी पक्षातील नेत्यांनी एकमेकांवर आरोप केल्यानं हा वाद आणखी चिघळत असल्याचं चित्र आहे. एका सरकारी जलतरण तलावात एका महिलेला बुरखा घालण्यास परवानगी दिल्यानंतर हा वाद सुरु झाला आहे. मिळालेल्या माहितीनुसार फ्रान्समधील ग्रेनोबल शहरातल्या एका जलतरण तलावात मुस्लिम महिलेला बुरखा घालण्यासोबतच सर्व स्विमिंग सूट घालण्याची परवानगी देण्यात आली होती. त्यावर फ्रान्स सरकारच्या एका मंत्र्यांनं याचा विरोध करत हा नियम आम्ही बदलणार असल्याचं सांगितलं.

काय असतो बुरखा?

मुस्लिम महिला या आपलं शरीर आणि केस झाकण्यासाठी काळ्या कलरचा पेहराव घालतात. त्याला बुरखा असं म्हणतात. यावरुन फ्रान्समध्ये सुरु असलेल्या वादाला काही लोकांनी इस्लामोफोबियाची किनार असल्याचं सांगितलं तर काही स्त्रीवादी आणि उजव्या विचारांच्या संघटनांनी बुरख्यावर बंदी घालण्याची मागणी केली आहे.

ग्रेनोबेलच्या महापौरांनी केली घोषणा...

गेल्या सोमवारी ग्रेनोबेलच्या अल्पाइन शहरात सर्वांना सरकारी जलतरण तलावात आवडीनुसार आणि पसंतीनुसार कपडे घालता येईल, अशी घोषणा करण्यात आली होती. त्यात काही महिलांनी बुरखा घालणं पसंत केलं. परंतु फ्रान्समध्ये आणि फ्रान्सच्या राज्यांमध्ये जलतरण तलावात एका विशिष्ट प्रकारचा पेहराव घालण्याची सक्ती असल्यानं हा नियम मोडल्याचा आरोप अनेक नेत्यांनी केला. त्यानंतर या शहराच्या महापौरांनी आपल्या नियमांवर ठाम राहत यासंदर्भातल्या मतदानात सहभाग घेतला.

विरोधी पक्षानं केला जोरदार विरोध

ग्रेनोबल शहराचे महापौर एरिक पिओल यांचा बुरख्यासंदर्भातल्या नियमावरुन अनेक लोकांनी विरोध केला आहे. पिओल हे फ्रान्समधील मोठे नेते मानले जातात. परंतु त्यांनी बुरख्यासंदर्भातला निर्णय बदलल्यानं लोकांनी त्यांच्याविरोधात टिकेची झोड उठवली.

जेव्हा पिओल यांनी हा मुद्दा सभागृहामध्ये उचलला असता त्यावर अध्यक्षांनी मतदान घेण्याची घोषणा केली. त्यात या नियमाच्या विरोधात २९ तर समर्थनात २७ मतं पडली. केवळ दोन मतांनी सरकारच्या या प्रस्तावाला मंजूरी मिळाली आहे. या प्रक्रियेनंतर 'महिला आणि पुरुषांना त्यांच्या आवडीनुसार कपडे घालता यायला हवं', असं यावेळी पिओल यांनी सांगितलं.

सत्तापक्ष आणि विरोधकांमध्ये जोरदार खडाजंगी...

महिलांच्या बुरख्यावरुन आणि स्विमिंग सुटवरून आता फ्रान्समध्ये सत्तापक्ष आणि विरोधकांमध्ये जोरदार खडाजंगी होत आहे. त्याचबरोबर या वादात काही संघटनांनीदेखील उडी घेतल्यानं हा वाद आणखी वाढण्याची शक्यता आहे.

वृद्धेने धुतले भाजपच्या महिला आमदाराचे पाय, स्पष्टीकरण देत म्हणाल्या, 'मला…'

<ul><li>भाजपच्या महिला आमदार त्यांच्या मतदारसंघात पूरग्रस्त भागाची पाहणी करायला गेल्यानंतर वृद्ध महिलेने त्यांचे पाय धुतल्याचा व्हिडिओ समोर येत आहे.</li></ul>

पंतप्रधान म्हणून मोदींनाच पहिली पसंती; बंगालमध्ये ममतांनाच टाकले मागे

<ul><li>सर्व्हेमध्ये विचारण्यात आलं होतं की, पंतप्रधान पदासाठी सर्वात उपयुक्त उमेदवार कोण?</li></ul>

JNU कॅम्पसमध्ये विद्यार्थिनीवर बलात्कार; कॉफी हाउसच्या मागे बोलावले आणि…

<ul><li>जवाहरलाल नेहरू विद्यापीठात विद्यार्थिनीवर बलात्कार झाल्याचा प्रकार उघडकीस आला असून या प्रकरणी एकाला अटक करण्यात आली आहे.</li></ul>

जेलमध्ये पहिल्या रात्री सिद्धू जेवलेही नाहीत, कारण विचारलं असता म्हणाले…

<ul><li>एक वर्षाच्या सक्तमजुरीची शिक्षा झालेले काँग्रेस नेते नवज्योतसिंग सिद्धू शुक्रवारी न्यायालयापुढं शरण गेले. त्यानंतर त्यांना कोठडीत पाठवण्यात आलं आहे.</li></ul>

<ul><li>फ्रान्समध्ये महिलांच्या कपड्यांवरून आता नवा वाद सुरू झाला आहे. फ्रान्स सरकारनं घेतलेल्या एका निर्णयावरुन देशभरात प्रतिक्रिया उमटत आहेत.</li></ul>

Atik Sikandar Shaikh