by
नमस्ते 
कन्या तुम्ही
(August - September)
Virgo Horoscope for 2025
वर्ष कसे जाईल?
२०२५ हे वर्ष कन्या राशीच्या लोकांसाठी कठोर परिश्रमाचं असेल, पण त्याचं फळही मिळेल. म्हणजेच या राशीचे जातक जितकं जास्त काम करतील, तितकं त्यांना अधिक फळ मिळेल. कन्या राशींना २०२४ च्या तुलनेत २०२५ मध्ये पुढे जाण्याच्या अधिक संधी मिळतील, परंतु त्यांना आळशीपणा दूर करावा लागेल.
प्रेम आणि नातेसंबंध
२०२५ मध्ये वैयक्तिक संबंधांमध्ये जवळीक आणि गोडवा येईल. वैवाहिक जीवनात परस्पर स्नेह निर्माण होईल. परिणामी तुमचे घरगुती जीवन सुखद प्रवासाचे अनुभव घेत राहील.
करिअर आणि आर्थिक स्थिती
शनि तुम्हाला कामात बळ देईल आणि तुमचे वरिष्ठही तुमच्यावर खुश असतील. मे नंतर तुम्हाला बढती मिळू शकते, राहू अडचणी आणू शकतो.
आरोग्य
२०२५ मध्ये तुम्हाला आरोग्याबाबत विशेष काळजी घेणे आवश्यक आहे. राहू केतूच्या प्रभावाखाली जीवनात अडचणी येतील. मार्चनंतर थोडी सुधारणा होईल, पण आहार आणि व्यायामाची काळजी न घेतल्यास त्रास वाढू शकतो.
चांगला महिना
एप्रिल आणि जुलै महिना चांगला जाईल. वैयक्तिक जीवनात आनंद वाढेल.
संकटाचा महिना
मे आणि नोव्हेंबर हे महिने तणावाचे असतील. आर्थिक दबाव वाढू शकतो.
कन्या
कन्या राशीची वैशिष्ट्ये
कन्या ही स्वभावाशी संबंधित रास मानली जाते. या राशीचे चिन्ह म्हणजे हातात फुलांची फांदी असलेली मुलगी. या राशीचा स्वामी बुध आहे. कन्या राशीची दिशा दक्षिण आहे. या राशीची अक्षरे तो, पा, पी, पू, शा, ना, था, पे, पो अशी आहेत. हे पृथ्वी तत्वाचे राशी चिन्ह आहे. त्याचा शुभ रंग हिरवा आहे. भाग्यवान क्रमांक ५ आहे.कन्या राशीच्या लोकांचा स्वभाव
कन्या राशीचे लोक साधारणपणे सभ्य आणि मृदुभाषी असतात. कोणत्याही प्रकारची अडचण आली की ते थोडे घाबरतात. कोणतेही काम व्यवस्थापन आणि नियोजन करून करण्यावर भर देतात. कन्या राशीचे लोक कोणावरही सहजासहजी विश्वास ठेवत नाहीत. स्वतःच्या कामावर लक्ष ठेवतात. ते शांत स्वभावाचे कुशल आणि व्यावहारिक लोक असतात. त्यांना कर्तव्याप्रति निष्ठा आवडते. कन्या राशीचे लोक विनाकारण भावनिक होत नाहीत. कन्या राशीचे लोक आपल्या मनातील गोष्टी सहसा कोणाशीही लवकर शेअर करत नाहीत. ते कुशाग्र बुद्धीचे असतात.कन्या राशीच्या स्वामीनुसार गुण
कन्या राशीचा अधिपती ग्रह बुध आहे. बुध हा बुद्धी आणि स्मरणशक्तीचा कारक ग्रह मानला जातो. नियोजन आणि व्यवस्थापनासाठी देखील हा ग्रह कारक आहे. बुध हा सौम्य ग्रह आहे. त्यामुळं कन्या राशीच्या लोकांचा स्वभाव शांत असतो.कन्या राशीचं चिन्ह
कन्या राशीचे प्रतीक म्हणजे हातात फुलाची फांदी असलेली मुलगी. कन्या राशीचे लोक शांत आणि सौम्य स्वभावाचे असतात.कन्या राशीचे गुण
कन्या राशीचे लोक स्वभावाने व्यावहारिक आणि निष्ठावंत असतात. कोणतीही योजना आखताना सारासार विचार करतात. ते स्वभावानं दयाळू असतात. त्यांना कठोर परिश्रमाची आवड असते. इतरांच्या भावना समजून घेऊन त्यानुसार ते वागतात. त्यांचा स्वभाव थोडासा स्वार्थीही असतो. कन्या राशीचे लोक त्यांच्या कामाला प्राधान्य देतात.कन्या राशीच्या त्रुटी
कन्या राशीचे लोक इतरांवर टीका करण्यास तत्पर असतात. लाजाळू स्वभावामुळं ते पटकन लोकांमध्ये मिसळत नाहीत.कन्या राशीचं करियर
कन्या राशीचे लोक व्यवसाय, कला, सौंदर्य, चित्रपट क्षेत्र, मीडिया, व्यवस्थापन आणि अभ्यास आणि शिक्षणाच्या क्षेत्रात काम करण्यास प्राधान्य देतात. कन्या राशीच्या लोकांना प्रशासकीय सेवा, खाते, गणित, सॉफ्टवेअर अभियंते, प्रोग्रामर, चार्टर्ड अकाउंटंट, शेअर ब्रोकर, आर्थिक क्षेत्र, बँकिंग, गुंतवणूक बँकिंग यासह वकिली आणि न्यायदानाच्या क्षेत्रात काम करायला आवडते.कन्या राशीचं आरोग्य
कन्या राशीच्या लोकांना वाताचे विकार, पोटाचा त्रास, पुरळ, हाडांच्या समस्या, बोलण्यात दोष, त्वचेची ऍलर्जी, छातीत अस्वस्थता, पाठदुखी, सांधेदुखी, स्पॉन्डिलायटिस, चिडचिड, कानाच्या समस्या तसेच पोटाशी संबंधित समस्यांचा त्रास होऊ शकतो.कन्या राशीची मैत्री
कन्या राशीचे लोक खूप चांगले मित्र बनतात. ते हुशार, विनम्र, लाजाळू, गोड, दयाळू, संवेदनशील आणि खूप बोलके असतात. त्यामुळं त्यांच्याबरोबर राहणं खूप सोपे असतं. कन्या राशीची मैत्री दीर्घकाळ टिकते. वृषभ, मिथुन, सिंह, वृश्चिक, धनु, मकर आणि मीन राशीच्या लोकांशी त्यांची चांगली मैत्री असते.कन्या राशीचं वैवाहिक जीवन
कन्या राशीचे लोक प्रेमाच्या बाबतीत कुशल आणि व्यावहारिक असतात. कन्या राशीच्या लोकांमध्ये इतरांना आनंदी ठेवण्याचा गुण असतो. वृषभ, कर्क, वृश्चिक आणि मकर राशीला ते अधिक आकर्षित करतात. प्रेमविवाहाच्या बाबतीत ते पुढं असतात. जोडीदाराची सर्वाधिक काळजी घेतात. त्यांना स्वत:चा जोडीदार स्वतः निवडायचा असतो. त्यात त्यांना इतरांची ढवळाढवळ सहन होत नाही.