Taurus Horoscope for 2025

वृषभ

• वैशिष्ट्ये

  वृषभ ही एक स्थिर राशी मानली जाते. हे पृथ्वी तत्वाचे चिन्ह आहे. या राशीचे चिन्ह बैल म्हणजेच वृषभ आहे. या राशीच्या अंतर्गत कृतिका नक्षत्राचा दुसरा ते चौथा चरण, रोहिणी नक्षत्राचे सर्व चरण आणि मृग नक्षत्राचा पहिला आणि दुसरा टप्पा येतो. वृषभ राशीचा वर्ण वैश्य आहे. शुक्र हा वृषभ राशीचा अधिपती ग्रह मानला जातो. या लोकांची शारीरिक रचना मध्यम असते.

• वृषभ राशीचा स्वभाव

  वृषभ राशीचे लोक शांत स्वभावाचे आणि मनाने हळवे असतात. ते दृढनिश्चयी, प्रामाणिक, विश्वासार्ह, व्यावहारिक आणि ठाम स्वभावाचे आहेत. वृषभ राशीचे लोक त्यांची क्षमता ओळखतात आणि स्वकष्टानं संपत्ती आणि प्रतिष्ठा मिळवतात. प्रतिष्ठेच्या बाबतीत ते आघाडीवर असतात. त्यांचा स्वभाव स्थिर असतो आणि ते नेहमी मदतीसाठी तयार असतात. हास्यविनोद आणि मनोरंजनाच्या माध्यमातून लोकांना स्वतःकडे आकर्षित करण्यात ते पटाईत असतात.

• वृषभ राशीचे गुण

  वृषभ राशीचा शासक ग्रह शुक्र आहे. शुक्राचे वर्चस्व असलेल्या व्यक्तिमत्त्वामुळे, वृषभ राशीचे लोक मेहनती, उद्यमशील, दृढनिश्चयी आणि त्यांच्या कामात चिकाटीचे असतात. हे लोक नियोजनानुसार आपले काम करतात. शॉर्टकटने यश मिळवण्यावर त्यांचा विश्वास नसतो. कठोर परिश्रमाने यश मिळवायचे हे ते पक्के जाणून असतात.

• वृषभ राशीचं चिन्ह

  काळपुरुषाच्या कुंडलीनुसार वृषभ ही दुसरी राशी आहे. या राशीचे चिन्ह बैल आहे. बैलाचा स्वभाव कष्टाळू, धैर्यवान आणि शांत असतो, परंतु आक्रमक झाल्यास त्याला नियंत्रित करणे खूप कठीण होते. वृषभ राशीचा शासक ग्रह शुक्र आहे. वृषभ राशीचे भाग्यवान रंग क्रीम, निळा, जांभळा आणि हिरवा आहेत. भाग्यवान क्रमांक ६ आहे. शुभ रत्ने हिरा, नीलम आणि पन्ना हे आहेत.

• वृषभ राशीचे गुण

  वृषभ राशीचे लोक जिद्दी, दृढनिश्चयी, महत्वाकांक्षी, शक्तिशाली आणि प्रेमळ असतात. निसर्गाबद्दल त्यांना प्रचंड प्रेम आणि आकर्षण असते. आपलं काम प्रामाणिकपणे करून ध्येय गाठण्याचा त्यांचा प्रयत्न असतो. समाजात स्थैर्य आणि सौहार्द वाढावा अशी त्यांची इच्छा असते. आपुलकी आणि प्रेमानं ते इतरांची मने जिंकण्यात यशस्वी होतात.

• वृषभ राशीच्या त्रुटी

  वृषभ राशीचे लोक स्वभावाने थोडे परंपरावादी असतात. कुटुंबातील सदस्यांना आणि जोडीदाराला पूर्ण स्वातंत्र्य देत नाहीत. सतत कामात राहत असल्यामुळे घरातील लोक त्यांच्यावर काहीसे नाराज राहतात. वृषभ राशीचे लोक कधीकधी अति आळशीपणाचे शिकार होतात. वृषभ राशीच्या लोकांना सहसा राग येत नाही, मात्र आला तर तो खूपच भयंकर असतो.

• वृषभ राशीचे करियर

  वृषभ राशीचे लोक अभ्यास आणि अध्यापन, न्याय आणि वकिली क्षेत्रात, बँकिंग क्षेत्रात, कृषी क्षेत्रात आणि वैद्यकीय क्षेत्रात मोठे यश मिळवतात. त्याच वेळी, ते पोलिस सेवा, प्रशासकीय सेवा आणि राजकारणात उत्तुंग यश मिळवतात. हे लोक कला, विशेषतः चित्रपट निर्मिती आणि अभिनय क्षेत्रातही उंची गाठतात.

• वृषभ राशीचं आरोग्य

  वृषभ राशीचे लोक शारीरिक आणि मानसिकदृष्ट्या मजबूत असतात. त्याचं आरोग्य ठीकठाक असतं, तरीही त्यांना घशाचे आजार, ऍलर्जी, सर्दी, पोटाचे आजार, किडनीचे आजार असतात. फोड, मुरुम आणि रक्ताशी संबंधित समस्यांमुळे वेदना होतात. त्यांची शारीरिक उंची आणि बांधा सर्वसाधारण असतो.

• वृषभ राशीची मैत्री

  मित्र म्हणून वृषभ राशीचे लोक विश्वासार्ह आणि निश्चयी असतात. मैत्रीसाठी बांधील राहतात. मैत्रीमध्ये ते स्वत:च्या बाजूने कोणतीही चूक होऊ देत नाहीत.

• वृषभ राशीचं प्रेम आणि वैवाहिक जीवन

  प्रेमाच्या बाबतीत ते अगदी साधे आणि रोमँटिक असतात. वृषभ राशीचा शासक ग्रह शुक्र आहे. शुक्र हा सौंदर्य आणि प्रेम आकर्षणासाठी जबाबदार ग्रह आहे. त्यामुळं वृषभ राशीच्या लोकांचं वैवाहिक जीवन यशस्वी असतं. जोडीदारावर प्रेम करणं आणि त्याची पूर्ण काळजी घेणं वृषभ राशीच्या लोकांना आवडतं. कन्या, कुंभ आणि मीन राशीच्या लोकांना ते जोडीदार म्हणून पसंत करतात