Pisces Horoscope 2025

मीन

• मीन राशीची वैशिष्ट्ये

  मीन ही कालपुरुषाच्या कुंडलीतील बारावी राशी आहे. या राशीचे चिन्ह माशांची जोडी आहे. या राशीचा शासक ग्रह गुरू आहे. मीन राशीची दिशा उत्तरेकडे आहे. या राशीची अक्षरे दी, डु, था, झा, एन, दे, दो, चा, ची आहेत. या राशीमध्ये पूर्वाभाद्रपदाचा चौथा चरण आणि उत्तराभाद्रपद आणि रेवती नक्षत्राचे सर्व चरण येतात. हे जल तत्वाचे राशी चिन्ह आहे. या राशीच्या देवता म्हणजे भगवान शिव, भोलेनाथ, श्री हनुमान जी आणि देवी लक्ष्मी आहे. प्रमुख देवता श्री गणेशजी आहेत.

• मीन राशीच्या लोकांचा स्वभाव

  मीन राशीचे लोक खूप क्षमाशील, सहानुभूतीशील, विश्वासार्ह आणि दयाळू स्वभावाचे लोक असतात. त्यांच्या व्यक्तिमत्त्वात एक वेगळंच आकर्षण असतं. त्यांना खेळाची आवड असते आणि ते स्वभावाने सौम्य असतात. ते सहज स्वभावाचे, शिस्तप्रिय, महत्त्वाकांक्षी, धर्मावर श्रद्धा आणि पैशावर प्रेम करणारे असतात.

• मीन राशीचे स्वामीनुसार गुण

  मीन राशीचा शासक ग्रह गुरू आहे. देव गुरु बृहस्पती हे धर्म, धार्मिक संस्था, ज्ञान, शिक्षण, अध्यात्म, विचार आणि व्यक्तीच्या जीवनशैलीचे स्वामी मानले जातात. मीन राशीचे लोक अध्यात्मिक विचार आणि ज्ञानाची देवाणघेवाण करतात. त्यांचं व्यक्तिमत्व साधंभोळं असतं. मीन राशीचे लोक संस्कारी असतात. कुटुंब आणि मित्रांची सेवा करण्यात त्यांना रस असतो. देशाविषयी त्यांची वागणूक अत्यंत नैतिक असते. भौतिक सुख मिळवण्याचा त्यांचा प्रयत्न असतो. मात्र, धर्मावर त्यांचं अपार प्रेम असतं.

• मीन राशीचं चिन्ह

  मीन राशीचं चिन्ह माशांची जोडी आहे. हे चिन्ह संघटन आणि बंधुत्वाचं प्रतिनिधित्व करतं.

• मीन राशीचे गुण

  मीन राशीचे लोक साधेभोळे असतात. धर्म आणि मूल्यांबद्दल त्यांना आकर्षण असतं. त्यांना पैशांची चणचण भासत नाही. व्यवसायातही त्यांना यश मिळतं. प्रशासकीय सेवा आणि नेतृत्वात ते पुढं राहतात. इतरांच्या भावनांचा आदर करतात, आपल्या कुटुंबाला सोबत घेणे आणि मित्रांसोबत चांगले वागणे ही त्यांची मूळ प्रवृत्ती असते. धर्माच्या बाबतीत ते खूप कट्टर असतात. किरकोळ चूकही तो मान्य करत नाही.

• मीन राशीच्या त्रुटी

  मीन राशीचे लोक खवय्ये असतात. सांसारिक सुखाचं त्यांना प्रचंड आकर्षण असतं. त्यांच्यात सहनशीलता कमी असते.

• मीन राशीचे करियर

  मीन राशीच्या लोकांना शिक्षण व्यवस्थेचं खूप आकर्षण असतं. ते शैक्षणिक क्षेत्रातील करिअरला प्राधान्य देतात. प्रशासकीय सेवेतही ते विशेष प्राविण्य मिळवून दाखवतात. व्यावसायिक क्षेत्रातही ते सर्वोत्तम असलेले पाहायला मिळतं. एमबीए, एमसीए, कायदा, पोलीस सेवा, मिलिटरी सर्व्हिस, फायर फिल्ड, आर्मामेंट फील्ड, ऑर्डनन्स फॅक्टरी, इलेक्ट्रॉनिक इंजिनीअरिंग, रेल्वे, बँकिंग, राजकारण आणि कृषी क्षेत्रात विशेष रस घेऊन हे लोक करिअर करतात. मीन राशीच्या लोकांना खेळात रुची असल्यानं ते कबड्डी, कुस्ती, धावणं, भालाफेक, टेबल टेनिस आणि इतर खेळांमध्ये करिअर करतात.

• मीन राशीचं आरोग्य

  मीन राशीच्या लोकांचं शरीर जास्त स्नायूयुक्त असल्यामुळं त्यांना हाडांच्या समस्या तसेच पोट आणि मज्जासंस्थेशी संबंधित विकारांचा सामना करावा लागतो. याशिवाय मीन राशीच्या लोकांना छातीच्या समस्या, अ‍ॅलर्जी, हाडे, संधिवात, गॅस्ट्रिक, रक्तदाब, हृदयविकार, गुडघ्याचे आजार, प्रोस्टेट आणि पोटाच्या समस्या तसेच अस्वस्थता, सर्दी, खोकला, अ‍ॅलर्जी यांचा त्रास होतो.

• मीन राशीची मैत्री

  मीन राशीच्या लोकांचे व्यक्तिमत्व साधे असते. त्यामुळं त्यांच्याशी मैत्री पटकन होते. मैत्रीमध्ये ते स्वभावानुसार व्यक्ती निवडतात. मीन राशीच्या लोकांची मेष, मिथुन, कर्क, कन्या, वृश्चिक, धनु आणि मकर राशीच्या लोकांशी चांगली मैत्री असते.

• मीन राशीचा जोडीदार

  मीन राशीचे लोक त्यांच्या जोडीदारासोबत चांगले राहून वैवाहिक जीवनात प्रगती करतात. ते जोडीदाराशी भावनिकदृष्ट्या जोडलेले असतात आणि स्वातंत्र्यप्रेमी असतात. त्‍यांच्‍या लाइफ पार्टनरवर कोणत्‍याही प्रकारचं बंधन नसतं. मेष, वृषभ, मिथुन, कर्क, कन्या, वृश्चिक, धनु आणि मकर राशीचे लोक त्यांचे आयुष्यभराचे जोडीदार होऊ शकतात.