Gemini Horoscope for 2025

मिथुन

• मिथुन राशीची वैशिष्ट्ये

  मिथुन ही दुहेरी स्वभावाची रास मानली जाते. या राशीचे चिन्ह जुळे आहे. या राशीचा स्वामी ग्रह बुध आहे. मिथुन राशीची दिशा पश्चिम आहे. या राशीची अक्षरे का, की, कु, घ, ध, छ, के, को, हा आहेत. मृगाशिरा, अर्द्रा आणि पुनर्वसु नक्षत्र आहेत. ही वायू तत्वाला कारक राशी आहे. मिथुन राशीच्या देवता दुर्गा आणि गणेश आहेत. मिथुन एक पुरुष राशीचे चिन्ह आहे. दिवसाच्या मधल्या वेळी ही रास प्रभावी असते.

• मिथुन राशीचा स्वभाव

  हे लोक हसमुख व आनंदी स्वभावाचे असतात. हे लोक स्वतंत्र विचाराचे आणि बौद्धिक स्वभावाचे असतात. मिथुन राशीचे लोक राजकीयदृष्ट्या हुशार, दयाळू आणि धार्मिक स्वभावाचे असतात. प्रामाणिकपणा आणि सभ्यता त्यांना खूप प्रिय असतो. त्यांच्या कामाबद्दल अधिक जागरूक असतात. त्यामुळं कधीकधी ते स्वार्थी होतात. व्यवसाय आणि नोकरीच्या बाबतीत खूप हुशार असतात. ते शारीरिक आणि मानसिकदृष्ट्या खूप मजबूत असतात आणि नेहमी त्यांच्या कामात आणि योजनांमध्ये गुंतलेले असतात. काहीतरी नवीन करण्याचा प्रयत्न करत राहतात.

• स्वामीनुसार मिथुन राशीचे गुण

  बुध हा मिथुन राशीचा स्वामी ग्रह आहे. बुध ग्रहाला ग्रहांचा राजकुमार म्हणतात. मिथुन राशीच्या लोकांमध्ये लवचिकता, पटकन शिकण्याची क्षमता, जिज्ञासू स्वभाव आणि अनिश्चितता असते. त्यांना मेकअप आवडतो. त्यांना कलेची आवड असते. बौद्धिकतेबरोबरच त्यांची लेखन क्षमताही चांगली असते. जीवनातील सौंदर्य त्यांना खूप आवडतं.

• मिथुन राशीचं चिन्ह

  मिथुन ही काळपुरुषाच्या कुंडलीतील तिसरी राशी आहे. या राशीचे चिन्ह जुळे आहे.

• मिथुन राशीचे गुण

  मिथुन राशीचा स्वभाव दोन प्रकारचा असतो. पटकन रडणारा आणि पटक हसणारा असा त्यांचा स्वभाव असतो. धैर्यवान, सहानुभूतीपूर्ण, दयाळू, आक्रमक असतात. त्यांचे निर्णय टोकदार असतात.

• मिथुन राशीच्या त्रुटी

  मिथुन ही दुहेरी स्वभावाची राशी आहे. त्यामुळं या राशीच्या लोकांचा स्वभाव अनिश्चित तसेच अनपेक्षित असतो. आपल्या उद्दिष्टांवर ठाम नसतात. एका ध्येयावर जास्त काळ लक्ष केंद्रित करू शकत नाहीत. स्वतःच्या फायद्यासाठी इतरांच्या कल्याणाचा विचार करत नाहीत.

• मिथुन राशीचं करियर

  करिअरच्या दृष्टिकोनातून, मिथुन राशीचे लोक बहुमुखी प्रतिभेने संपन्न असतात. त्यांच्याकडं वैविध्य असते. संगतीचा परिणाम त्यांच्यावर जास्त होतो. त्यामुळं संगतीच्या प्रकारानुसार त्यांच्या कामाचं स्वरूप असतं. त्यांच्या नेतृत्व क्षमतेमुळे ते राजकीयदृष्ट्या यशस्वी असतात. कलेच्या क्षेत्रातही ते आपले वर्चस्व प्रस्थापित करू शकतात. अभ्यास आणि अध्यापनाच्या क्षेत्रातही त्यांचा सहभाग असतो. तसेच बृहस्पति प्रभावी असताना त्यांना प्रशासकीय सेवेत जाणे आवडते. प्रवास करायला आवडते, पत्रकारिता, व्हॉईस बिझनेस, इलेक्ट्रॉनिक मीडिया, भाषाशास्त्र आणि संवादाच्या क्षेत्रात काम करायला आवडते.

• मिथुन राशीचं आरोग्य

  मिथुन राशीच्या लोकांना सर्दी, खोकला, दमा, इन्फ्लूएंझा तसेच पायाच्या समस्यांचा त्रास होतो. त्वचेच्या अ‍ॅलर्जीमुळं त्यांना जास्त त्रास होतो.

• मिथुन राशीची मैत्री

  मिथुन राशीच्या लोकांना मैत्री आवडते. हे लोक दुसऱ्यांना आकर्षित करणारे आणि मनमिळावू असतात. त्यामुळं त्यांना चांगले मित्र लाभतात. वृषभ, सिंह, कन्या, तूळ, धनु आणि कुंभ राशीच्या लोकांशी चांगली मैत्री असते. स्वत:च्या कामाला जास्त महत्त्व देत असल्यामुळं त्यांना शत्रूही लगेच निर्माण होतात.

• मिथुन राशीचं वैवाहिक जीवन

  मिथुन राशीचे लोक जोडीदार म्हणून खूप यशस्वी असतात. कधी तरी वैवाहिक जीवनात ताणतणाव निर्माण होता. प्रेमाच्या बाबतीत मात्र ते चंचल असतात.