Aries Annual Horoscope

मेष

• वैशिष्ट्ये

  मेष ही कालपुरुषाची पहिली राशी आहे. मेष ही चंचल किंवा अस्थिर राशी मानली जाते. ही राशी अग्नितत्वाला कारक मानली जाते. मेंढी हे या राशीचं चिन्ह आहे. अश्विनी आणि भरणी नक्षत्राचे सर्व चरण आणि कृतिका नक्षत्राचा पहिला टप्पा या राशीच्या अंतर्गत येतात. मेष राशीचा वर्ण क्षत्रिय आहे. मंगळ ग्रह हा मेष राशीचा स्वामी मानला जातो. मेष राशीच्या व्यक्ती सर्वसाधारणपणे मध्यम उंचीच्या असतात.

• मेष राशीची स्वभाववैशिष्ट्ये

  मेष राशीचे लोक धाडसी, उत्साही, दृढनिश्चयी आणि वेगावर विश्वास असलेले असतात. त्यांना रटाळपणा आवडत नाही. चिकाटीने काम करण्याचा त्यांचा स्वभाव असतो. ध्येयाशी तडजोड करणे त्यांना आवडत नाही. येणाऱ्या परिस्थितीशी जुळवून घेत आव्हानांना सामना करणे त्यांना आवडते. खेळात त्यांना विशेष रस असतो.

• मेष राशीचा स्वामी

  मंगळ हा मेष राशीचा स्वामी किंवा शासक ग्रह मानला जातो. मंगळ हा जमीन, वास्तू, वाहने, शौर्य, धैर्य, भावंडे, नातेवाईक आणि मित्र इत्यादींचा कारक ग्रह आहे. मंगळाच्या शुभ प्रभावामुळे मेष राशीचे लोक सहज मैत्री करतात आणि आपले ध्येय साध्य करतात. मंगळ प्रबळ असेल तर सर्व प्रकारचे सुख सहज प्राप्त होते.

• मेष राशीचे चिन्ह

  या राशीचे चिन्ह मेंढी किंवा मेंढा आहे. मेंढा हा धैर्य आणि निर्भयतेचे प्रतीक मानला जातो. आपल्या कामात सतत मग्न राहणे हा मेंढ्याचा स्वभाव असतो. त्यामुळे मेष राशीचे लोक त्यांच्या ध्येयाच्या बाबतीत सतत सतर्क आणि सक्रिय असतात.

• मेष राशीचे गुण

  मेष राशीचे लोक जिद्दी, उत्साही, धाडसी आणि आनंदी स्वभावाचे असतात. मेष राशीच्या लोकांना साहसी कामांमध्ये रस असतो. त्यांना नेतृत्व करायला खूप आवडतं. त्यामुळे हे लोक कोणत्याही पदाची जबाबदारी स्वीकारतात आणि त्या पदाला योग्य तो न्याय देतात. हे लोक त्यांच्या कामात पूर्णपणे पारदर्शक असतात आणि त्यांच्याकडे दूरदृष्टी असते. नियमांविरुद्ध काम झाले की ते बंडखोरीचा पवित्रा घेतात. निष्ठा आणि इमानदारी हे त्यांचं वैशिष्ट्य असतं.

• मेष राशीच्या त्रुटी

  मेष राशीच्या लोकांना त्यांच्या आक्रमक आणि हट्टी स्वभावामुळे तडजोड आवडत नाही. झटपट राग आल्याने वादाचे प्रसंग उद्भवत राहतात. अस्थिर राशीमुळे जीवनात स्थिरतेचा अभाव असतो. किंचित संशयी स्वभावामुळे आत्मसुख आणि कौटुंबिक सुखाचा पूर्ण आनंद मिळत नाही. दीर्घकाळ टिकणारे काम आवडत नाही.

• मेष राशीचं करियर

  मंगळ प्रबळ असल्यामुळं मेष राशीच्या व्यक्तींना सैन्य, पोलीस, प्रशासन, संरक्षण यंत्रणा आणि क्रीडा क्षेत्राशी जोडले जाणे आवडते. याशिवाय जमीन, वाहन, अभियांत्रिकी, कला, अध्यापन, शस्त्र विज्ञान, विक्री व्यवस्थापक, वास्तुविशारद आणि विद्युत विभागांमध्ये काम करणे चांगले वाटते. स्वभावाने चंचल असल्यामुळे ते व्यवसायाच्या बाबतीत थोडे स्थिर असतात.

• मेष राशीचं आरोग्य

  मंगळ हा मेष राशीचा स्वामी आहे. मंगळ कोपल्यास या राशीच्या लोकांना धोका असतो आणि आगीची भीती असते. विशेषतः पोटाशी संबंधित पित्त, वायू आणि अपस्माराचे आजार त्रास देतात. चीडचीड, तणाव, निद्रानाश आणि राग यासारख्या अडचणी येतात. मंगळ हा शनी आणि राहूच्या प्रतिकूल प्रभावात असल्यास शस्त्रक्रियांना देखील सामोरं जावं लागतं.

• मेष राशीचं वैवाहिक जीवन

  मेष राशीचे लोक स्वभावाने प्रामाणिक आणि निष्ठावान असतात. त्यांना जोडीदाराकडूनही प्रामाणिकपणाची अपेक्षा असते. त्याला लोकांना मदत करायला आवडते. मेष राशीचे लोक आपल्या जोडीदाराच्या भावना सहज समजून घेतात आणि त्यानुसार वागतात.