मराठी बातम्या  /  राशिभविष्य  /  Weekly Panchang 17-23 March 2023 : हिंदू नववर्षाच्या निमित्ताने काय सांगतं या आठवड्याचं पंचांग?

Weekly Panchang 17-23 March 2023 : हिंदू नववर्षाच्या निमित्ताने काय सांगतं या आठवड्याचं पंचांग?

Dilip Ramchandra Vaze HT Marathi
Mar 17, 2023 12:14 PM IST

Weekly Panchang : या आठवड्यात हिंदू नववर्ष गुढीपाडवा आणि चैत्र नवरात्रीची सुरूवात होणार आहे. त्याचप्रमाणे वर्नल इक्विनॉक्स ही खगोलीय घटनाही पाहायला मिळणार आहे.

काय सांगतं आठवड्याचं पंचांग
काय सांगतं आठवड्याचं पंचांग (हिंदुस्तान टाइम्स)

आगामी आठवडा अत्यंत शुभ असणार आहे कारण, या आठवड्यात हिंदू नववर्ष गुढीपाडवा आणि चैत्र नवरात्रीची सुरूवात होणार आहे. त्याचप्रमाणे वर्नल इक्विनॉक्स ही खगोलीय घटनाही पाहायला मिळणार आहे. पाहूया काय सांगतं या आठवड्याचं पंचांग.

या आठवड्यात शुभ मुहूर्त कोणते आहेत

वैदिक ज्योतिषशास्त्रानुसार, एखाद्या शुभ मुहूर्तावर एखादे कार्य यशस्वीरित्या पूर्ण होण्याच्या शक्यतांमध्ये लक्षणीय वाढ होते.

विवाह मुहूर्त: या आठवड्यात लग्नासाठी कोणताही शुभ मुहूर्त उपलब्ध नाही

गृह प्रवेश मुहूर्त: गृहप्रवेशासाठी शुभ मुहूर्त फक्त १७ मार्च रोजी उपलब्ध आहे (सकाळी ०६.२९ ते १८ मार्च सकाळी ०२.४६)

मालमत्ता खरेदीचा मुहूर्त: मालमत्तेची नोंदणी करण्यासाठी किंवा खरेदी करण्यासाठी शुभ मुहूर्त २३ मार्च रोजी उपलब्ध आहे (सकाळी ०६.२२ ते दुपारी ०२.०८ वाजेपर्यंत)

वाहन खरेदीचा मुहूर्त: या आठवड्यात वाहन खरेदीसाठी शुभ मुहूर्त १९ मार्च रोजी उपलब्ध आहे (सकाळी ०८.०७ ते २० मार्च पहाटे ०४.५५)

या आठवड्यात आगामी ग्रह संक्रमण

वैदिक ज्योतिषशास्त्रात, ग्रहांचे संक्रमण विशेषतः महत्त्वपूर्ण आहेत कारण ते जीवनातील बदल आणि प्रगतीचा अंदाज घेण्याचा मुख्य मार्ग आहेत.

१७ मार्च, शुक्रवार, दुपारी ४.१२ वाजता सूर्य आणि बुध शून्य अंशावर एकत्र होतील

१८ मार्च, शनिवार, पहाटे ३.४८ वाजता बुध उत्तरा भाद्रपद नक्षत्रात प्रवेश करेल.

१८ मार्च, शनिवार, सकाळी ०३.५३ वाजता शुक्र आणि शनि ६० अंश कोनात

सूर्य उत्तरा भाद्रपद नक्षत्रात प्रवेश करतो १८ मार्च, शनिवार, दुपारी ०३.०५ वाजता

शुक्र २३ मार्च, गुरुवार, सकाळी १०.१४ वाजता भरणी नक्षत्रात प्रवेश करेल.

या आठवड्यात येणारे सण

चैत्र अमावस्या (मंगळवार, २१ मार्च ): चैत्र अमावस्या हा हिंदू कॅलेंडरमधील एक महत्त्वाचा दिवस आहे, जो चैत्र महिन्यातील चंद्राच्या दिवशी येतो. हे चंद्र सौर कॅलेंडरनुसार हिंदू नववर्षाची सुरुवात करते आणि त्याला चैत्र नवरात्री किंवा वसंत नवरात्री म्हणूनही ओळखले जाते.

२०२३ वर्नल इक्विनॉक्स (मंगळवार, २१ मार्च): व्हर्नल इक्विनॉक्स ही खगोलीय घटना आहे जी उत्तर गोलार्धात वसंत ऋतूची सुरुवात आणि दक्षिण गोलार्धात त्याची समाप्ती करते.वर्नल इक्विनॉक्स वर्षातून दोनदा, उत्तर गोलार्धात २० ते २१ मार्च आणि दक्षिण गोलार्धात २२ ते २३ सप्टेंबर दरम्यान होते.

चैत्र नवरात्री (बुधवार, २२ मार्च): चैत्र नवरात्र हा एक हिंदू सण आहे जो चैत्र महिन्यात नऊ दिवस साजरा केला जातो, जो हिंदू कॅलेंडरनुसार मार्च किंवा एप्रिलमध्ये येतो. हे भारतातील काही भागांमध्ये हिंदू नववर्षाची सुरुवात होते. नवरात्रीच्या काळात, भक्त दुर्गा देवीच्या नऊ रूपांची पूजा करतात, ज्याला शक्ती म्हणूनही ओळखले जाते, प्रत्येक दिवस देवीच्या वेगळ्या रूपाचे प्रतिनिधित्व करतात.

गुढी पाडवा (बुधवार, 22 मार्च): गुढीपाडवा हा भारतातील महाराष्ट्र राज्य आणि दक्षिण भारतातील काही भागांमध्ये साजरा केला जाणारा वसंत ऋतूचा सण आहे. या दिवशी, गुढी सजवली जाते. ही गुढी विजयाचं प्रतीक म्हणून किंवा वाईटावर सत्याचा विजय म्हणून उभारण्यात येते.

या आठवड्यात अशुभ राहू काल

वैदिक ज्योतिषानुसार राहू हा अशुभ ग्रह आहे. ग्रहांच्या संक्रमणादरम्यान राहूच्या प्रभावाखालील काळात कोणतेही शुभ कार्य करणे टाळावे.

१७ मार्च: सकाळी ११.०० ते दुपारी १२.३० पर्यंत

१८ मार्च: सकाळी ०९.२९ ते १०.५९ पर्यंत

१९ मार्च : संध्य़ाकाळी ०५.०१ ते ०६.३१ पर्यंत 

२० मार्च: सकाळी ०७.५६ ते ०९.२७ पर्यंत 

२१ मार्च: दुपारी ०३.३१ ते संध्याकाळी ०५.०२ पर्यंत

२२ मार्च: दुपारी १२.२८ ते ०१.५९ पर्यंत 

२३ मार्च: दुपारी ०१.५९ ते ०३.३१ पर्यंत 

विभाग