मराठी बातम्या  /  राशिभविष्य  /  Weekly Horoscope : मे महिन्याचा हा आठवडा फायद्याचा ठरेल की नुकसानाचा! वाचा साप्ताहिक राशीभविष्य !

Weekly Horoscope : मे महिन्याचा हा आठवडा फायद्याचा ठरेल की नुकसानाचा! वाचा साप्ताहिक राशीभविष्य !

Priyanka Chetan Mali HT Marathi
May 06, 2024 08:15 AM IST

Weekly Horoscope 6 April to 12 May 2024 : ग्रह-नक्षत्राच्या बदलत्या स्थितीत हा आठवडा नुकसानदायक राहील की फायद्याचा ठरेल, जाणून घ्या मेष ते मीन सर्व १२ राशींचे आठवड्याचे राशीभविष्य.

साप्ताहिक राशीभविष्य, आठवड्याचे राशीभविष्य ६ ते १२ मे २०२४
साप्ताहिक राशीभविष्य, आठवड्याचे राशीभविष्य ६ ते १२ मे २०२४

सप्ताहात गुरू आणि शुक्राचा अस्त होणार आहे. दर्श अमावस्या असुन बुध राशीपरिवर्तन करीत मंगळाच्या मेष राशीत प्रवेश करणार आहे. चंद्रमा बुध,केतु,मंगळ, राहु या ग्रहांच्या नक्षत्रातुन भ्रमण करत असताना मंगळ शुक्र आणि बुध यांच्या राशीतुन गोचर करतोय. बुधाच्या राशीबदलात कसा असेल हा सप्ताह! वाचा साप्ताहिक राशीभविष्य!

मेषः 

सप्ताह अशुभ स्वरुपाचं फल मिळणार असल्याने आत्मविश्वासाची कमतरता वाटेल त्यामुळे परिस्थितीवर पकड ठेवण्याचा प्रयत्न कराल. स्वतःवर विश्वास ठेवा. आरोग्याप्रति जागरूक रहा. खर्चावर लगाम लावून एक जबाबदार व्यक्तीसारखे वागा. गरजेपेक्षा जास्त विचार न करता विपरीत परिस्थिती मधून बाहेर येण्याची वाटपाहण्याची आवश्यकता राहील. बौद्धिक क्षेत्रात कार्यरत असणाऱ्यानी मनोधैर्य सांभाळा. अविचारीपणा योग्य नाही विचाराअंतीच निर्णय घ्या. वाईट मित्राच्या संगतीमुळे नुकसान होईल. आपल्या कार्यक्षेत्रात आपल्या विषयी गैरसमज पसरणार नाहीत याची काळजी घ्या. शांत चित्त ठेवणाचा प्रयत्न करा. नोकरीमध्ये सरकारी अधिकारी वरिष्ठांकडून काही त्रास जाणवेल. या सप्ताहात वारंवार प्रवास करावे लागतील. कर्जाचा बोजा वाढण्याची शक्यता आहे. व्यापारात आर्थिक नुकसान संभवते. उताविळपणाने कोणत्याही गोष्टी करू नका. क्षाणिक फायद्यासाठी गुंतवणुक करू नका. हानी होऊ शकते. गुप्तशत्रुपासुन त्रास संभवतो. जोडीदारासोबत स्नेहपूर्वक वागा. प्रकृति अस्थिर राहिल. उष्णतेचे विकार उद्‌भवतील. महिलांनी आरोग्याच्या तक्रारींकडे दुर्लक्ष करू नये.

शुभदिवस: बुधवार, शुक्रवार, रविवार.

वृषभ: 

सप्ताह शुभफलदायी ठरणार आहे. कमाई मध्ये वाढ होण्याचे योग बनतील. घरामध्ये आनंददायी घटनेची चाहूल लागेल. वेगळ्या स्तरावर काम करण्याची संधी उपलब्ध होईल. उच्च शिक्षणासाठी ही वेळ विशेष उत्तम राहील कारण तुम्हाला उत्तम परिणाम मिळतील. उत्तम असल्याने ग्रहसंकेत बेरोजगारांना नोकरीचे योग आहेत. नोकरीत वरिष्ठांच्या सहकार्यामुळे बढती मिळेल. स्वतःला सिद्ध कराल. आपल्या कार्यक्षेत्रात हाती घेतलेल्या कामात यश मिळेल. वाहन घर खरेदी विक्रीच्या व्यवहारात फायदा होईल. कुंटुबातील वरिष्ठ सदस्या कडून स्नेह प्राप्त होईल. व्यापार उद्योग तेजीत राहतील. खाजगी व व्यापारी नोकरीत भरभराट होईल. सार्वजनिक कामात आपला नावलौकिक वाढेल. तरुण तरुणीचे विवाहाचे योग आहेत. विद्याभ्यासात प्रगती कराल. कलाक्षेत्रातील व्यक्तिंना लाभ होईल. कार्यप्रणाली व कल्पनाशक्ती यात सुधारणा होईल. सप्ताहाच्या उत्तरार्थ कौटुंबिक सौख्य व जोडीदाराच्या आरोग्याकडे लक्ष द्या. आपल्या कुवतीपेक्षा मोठी जबाबदारी स्विकारू नये. फसगत होईल. शत्रुत्व निर्माण होईल. लहरी स्वभाव व व्यसनाधिनता यावर आवर घालावा लागेल. आरोग्याची काळजी घ्या. आरोग्या बाबतीत खर्चात वाढ होईल. आकस्मिक आर्थिक हानीची शक्यता आहे.

शुभ दिवस: बुधवार, गुरुवार, रविवार.

मिथुनः 

सप्ताहात निजी जीवनात घेतलेल्या काही मोठ्या निर्णयात कुटुंबाचे समर्थन प्राप्त होणार नाही. वरिष्ठ अधिकाऱ्यां कडून पूर्ण प्रशंसा आणि सहयोग मिळेल. केलेली यात्रा खूप लाभ देईल. मेहनत करताना शारीरिक क्षमतेपेक्षा जास्त ताण घेऊ नका. प्रकृतीची विशेष काळजी लागेल. या सप्ताहात खर्चावर नियंत्रण करावे लागण्याची शक्यता आहे. वरिष्ठांकडून अपेक्षित सहकार्य लाभणार नाही. मात्र स्वतंत्र व्यावसायिकांना अपेक्षित यशासाठी कष्ट वाढवावे लागणार आहेत. प्रतिकूल परिस्थितीवर मात करावी लागेल. नोकरी करणाऱ्यांच्या कामाचा व्याप वाढणार आहे. नवीन जबाबदाऱ्या स्वीकाराव्या लागतील. कलाकारासाठी फायदेशीर ठरणार आहे. या सप्ताहात जोडीदाराची मर्जी सांभाळावी लागणार आहे. आर्थिक नुकसान होण्याची शक्यता आहे. व्यवहार सावधानीपूर्वक करावेत. नोकरदारांसाठी हा काळ दगदग व मानसिक त्रास वाढवणारा. नोकरीत बदल करण्याच्या संधी वा मुलाखती लांबणीवर पडतील. स्वतंत्र व्यावसायिकांची मध्यस्थांच्या मदतीतून मार्गी लागतील. ठरवलेले संकल्प पूर्ण करण्यासाठी कसरत करावी लागेल. कुटुंबातील वातावरण उत्साहवर्धक राहील. प्रवास लाभदायक आणि आंनदायक होतील.

शुभदिवसः बुधवार, शनिवार, रविवार.

कर्क: 

सप्ताहात आकस्मिक धनलाभाचे योग आहेत. वाहने मात्र सावकाश चालवा. प्रकृतीच्या बाबतीत निष्काळजी पणाने वागु नका. नोकरीत बदल नवीन संधी मिळतील. जोडीदारांचे सहकार्य महत्वपूर्ण ठरणार आहे. त्याचे सल्ले निर्णायक ठरतील. नोकरीत कनिष्ठ सहकाऱ्यांशी समजुतीचे धोरण स्वीकारावे लागेल. अन्यथा अपेक्षित सहकार्य मिळणार नाही. संकल्प पूर्ण करण्याकरिता तुमचा भागीदार व वैवाहिक जोडीदार या दोघांची उत्तम साथ मिळणार आहे. व्यवसाया निमित्त प्रवासाचे योग आहेत. आर्थिक तेजीचा सप्ताह आहे. यशामुळे तुमचे समाजातील वजन वाढणार आहे. विद्यार्थीवर्गाचे विद्याभ्यासात लक्ष लागेल. आपला स्वभाव फार उदार राहील. संततीचे सुख लाभेल. नविन वस्तु घेण्याचे योग आहेत. मातृसुख उत्तम मिळेल. राजकारणात जनतेकडुन मान मिळेल. स्थावर इस्टेटीचा लाभ होईल. आपल्या चैनी स्वभावावर आळा घालावा लागेल. कलाकारांना हा सप्ताह चांगला जाईल. त्यांच्या कालागुणांना वाव मिळेल. मानसन्मान आणी पुरस्कार मिळतील. नवीन प्रकल्प पुर्णत्वास जातील.

शुभदिवसः मंगळवार, बुधवार, शनिवार.

सिंहः 

सप्ताहाच्या सुरुवातीच्या कालखंडात निष्काळजी पणा हानी देऊ शकतो सावध राहा आणि देवाण घेवाणीच्या वेळी कागदपत्र लक्षपूर्वक वाचा. नवीन व्यवसाय सुरु करणाऱ्या मंडळींचा आत्मविश्वास वाढेल. अचानक कुणी दूरच्या नातेवाईकांकडून काही आनंदाची बातमी पूर्ण कुटुंबाला आनंद देईल. आपणास काही नवीन समस्यांना तोंड द्यावे लागेल. कुटुंबातील वातावरण शांत ठेवण्याचा प्रयत्न करा. पत्नीसोबत मधुर संबंध ठेवण्याचा प्रयत्न करा. आपल्या विषयी गैरसमज आणि संशयाचे वातावरण निर्माण होऊ शकते. मानसिक स्वास्थ बिघडणार नाही याची काळजी घ्या. प्रेम प्रकरणात वादविवादाचे प्रकार घडतील. भागीदारीतील आर्थिक व्यवहार देवाण-घेवाण अडचणीत आणणार आहेत. व्यवसायिकांना कर्ज प्रकरण त्रासदायक ठरण्याची संभावना आहे. नोकरदारांनी वरिष्ठांशी स्नेहपूर्वक वागा. आरोग्याच्या तक्रारी त्रासदायक ठरण्याची शक्यता आहे. संततीतीविषयी अशुभ घटना घडतील. मानसिकता अस्वस्थता करणारा सप्ताह आहे. व्यापार वर्गांनी कोणतेही महत्वपूर्ण निर्णय घेऊ नयेत. निर्णय चुकू शकतात. घरातील वातावरण समाधानी ठेवण्याचा प्रयत्न करा. संबंधात तणाव निर्माण होतील. प्रकृतीची काळजी घ्या. शक्यतो दुरवरचे प्रवास टाळावेत.

शुभदिवसः गुरूवार, शनिवार, रविवार.

कन्याः 

सप्ताहात कष्टदायक वातावरण राहिल. नोकरीत वरिष्ठांपुढे तुमची अडचण व्यवस्थितपणे मांडलीत तर त्यातून ते मार्ग काढतील. कुटुंबातील आप्तांचे रुसवे फुगवे सहन करावे लागतील. स्पर्धा परीक्षेची तयारी करणाऱ्या विद्यार्थ्यासाठी ही वेळ जरा अधिक मेहनत कायम ठेवावी लागेल. आपणास कठोर परिश्रम घ्यावे लागतील. गुप्तशत्रुपासुन त्रास जाणवेल. शत्रुपक्षाचे वर्चस्व वाढेल. नोकरीत विरोधक आक्रमक होण्याची शक्यता आहे. शेअर्समधील मोठी गुंतवणूक टाळावी. व्यापारी वर्गानी काळजीपूर्वक व्यवहार करा. भावनावर नियंत्रण ठेवून वाटचाल करावी. नातेवाईकांशी पटणार नाही. वाहनापासून अपघाताची शक्यता राहिल. आरोग्य ठीक राहणार नाही. कायम चिंताग्रस्त राहाल. घरात कलह होतील. त्यामुळे नव नवीन घरात राहण्याचे प्रसंग येतील. स्थावर इस्टेटीचे व्यवहारात आर्थिक नुकसान संभवते. आपल्या व्यवहारात भानगडी उपस्थित होतील. नोकरीत वरिष्ठांकडून त्रास होण्याची शक्यता वाटते. वडिलांच्या इस्टेटीत लाभ होणार नाही. सार्वजनिक कामात सावधानतेने भाग घ्या. मानहानी होण्याची शक्यता आहे. उधळेपणावर आळा घालावा लागेल. नाहीतर कर्जबाजारी व्हाल.

शुभदिवसः सोमवार, बुधवार, गुरुवार.

तूळ: 

आपला नोकरीमध्ये बदल करायचा आहे. किंवा उद्योगासंबंधित काही महत्वाचा निर्णय घ्यायचा तर ही वेळ एक खूप शुभ वेळ सिद्ध होऊ शकते. अश्यात घाईगर्दी न करता प्रत्येक निर्णयाला घेऊन विचार करण्याची आवश्यकता आहे. सप्ताह उत्सहावर्धक आहे. आळसीवृत्ती टाळावी. आपल्या ध्येयप्राप्तीकडे वाटचाल करा. विशेषत: नोकरदारांना बढती मिळण्याचे योग आहेत. सरकारी संदर्भातील व्यक्तींना देखील बढती मिळण्याचे योग आहेत. पैशाची आवक उत्तम आल्याने समाधान व्यक्त कराल. जोडीदाराशी कुटुंबातील वातावरण एकंदरीत समाधानी राहील. नोकरीत बेरोजगारांना नोकरीची संधी मिळेल. राजकीय सामाजिक क्षेत्रातील महिलांसाठी काळ अनुकूल आहे. मोठा अधिकार प्राप्त होईल. मान सम्मान वाढेल. या सप्ताहामध्ये भांवडाकडून सहकार्य लाभेल. व्यापारी वर्गाना अपेक्षित आर्थिक प्राप्ती होईल. आंनदायक वातावरण राहिल. कलाकारांना प्रसिद्धीचे योग आहेत. आपले आरोग्य मानसिक समाधानामुळे उत्तम राहणार आहे. मनाची चंचलता मात्र दुर ठेवा. संयम ठेवून वाटचाल करावी. मोठी आर्थिक गुंतवणुक करताना विचारपूर्वक निर्णय घ्या.

शुभदिवस: गुरुवार, शनिवार, रविवार.

वृश्चिक: 

सप्ताहात विद्यार्थ्यांनी आत्मविश्वास टिकवून ठेवला तर यश मिळेल. विद्यार्थ्यासाठी थोड़े सावधान राहावे लागेल. या काळात तुमचे मन भ्रमित होऊ शकते. सुरुवातीच्या कालखंडात चिंतीत वातावरण नातेवाईका बद्दल गंभीर आजार दुखापत अश्या स्वरूपा तील बाबी घडण्याची शक्यता वाटते. आरोग्याच्या दृष्टीने काहीसा खर्चिक आठवडा राहिल. घरातील वरिष्ठ मंडळी विशेषत: आईच्या प्रकृतीची काळजी घ्यावी लागेल. सप्ताहाच्या मध्य काळानंतर सप्ताह मात्र शुभ फलदायी ठरणार आहे. मनासारख्या घटना घडायला सुरुवात होईल. तरुणतरुणीमध्ये विवाहयोग जुळतील. आपल्या लेखण शैलीत उत्तम प्रतिसाद मिळेल. कलाकारांना मान सन्मान प्रसिद्ध मिळेल. प्रेमी-युगुलांना आपल्या मना प्रमाणे प्रेमविवाह करण्याजोगे योग आहेत. खेळाडूसाठी यशाचा शिखर गाठण्यास भाग्याची उत्तम साथ लागणार आहे. तरुणवर्गास इच्छित नोकरी मिळेल. मित्र मैत्रिणीच्या नातेवाईकांच्या सहकार्याने नवीन योजनेवर कार्य कराल. व्यापारवर्गास अचानक धनलाभाची संधी मिळेल. दुरवरचे प्रवास हितकारक आणि आर्थिकदृष्टया लाभदायक घडतील.

शुभदिवस: सोमवार, बुधवार, गुरुवार.

धनु: 

सप्ताहाच्या सुरुवातीला नोकरीत भरपूर काम कराल. पण स्वतः च्या मनाप्रमाणे वागणे पसंत कराल. एकटेपणा खूप त्रास देतो आणि हेच काही विद्यार्थ्यांना अनुभव होऊ शकतो खासकरून जे विद्यार्थी घरापासून दूर राहून शिक्षण घेत आहेत. एकटे राहू नका मित्रांसोबत वेळ घालवा. मानसिक ताणतणाव राहिल. वादविवाद वाढतील. प्रकृतीच्या त्रासाकडे अजिबातच दुर्लक्ष करु नये. कुटुंबात कलह जोडीदारांशी वाद होण्याची शक्यता आहे.जमिन खरेदी विक्री तोट्यात राहील. महिलांनी आरोग्याच्या तक्रारीकडे दुर्लक्ष करू नये. प्रेमप्रकरणात गैरसमज त्रासदायक ठरतील. व्यवसायातही काहीसा ताणतणाव राहील. संतती पत्नी विषयी काळजी व चिंता वाढेल. आठवडयाच्या मध्य कालखंडानंतर व्यवसायिकांना आपल्या योजना प्रत्यक्ष व्यवसायात उतरवता येतील. नोकरदार वर्गांनी कोणत्याही कामाचे नियोजन पूर्णपणे समजून घेवून हाताळणे योग्य ठरेल. स्वतःवर विश्वास ठेवा रचनात्मक आणि सक्रिय विचारां मुळे काहीही शिकू शकतात. आर्थिक तंगीतून बाहेर निघण्यात यशस्वी व्हाल. मानसिक तणावापासून मुक्ती मिळेल. नोकरदारांना नवीन ओळखीतून लाभ होतील. विद्यार्थ्यांनी अभ्यासातील दुर्लक्ष कटाक्षाने टाळावेत. संतती विषयी चिंता निर्माण होईल. काळजी पूर्वक व्यवहार करा. विचाराअंतीच निर्णय घ्या. आर्थिक बाबतीत फसवणुक होण्याची शक्यता आहे.

शुभदिवस: बुधवार, शुक्रवार, शनिवार.

मकर: 

सप्ताहात लक्ष प्राप्तीसाठी प्रयत्न करत रहा आर्थिक परिस्थिती सुधारेल. परंतु खर्चातही वाढ होण्याची शक्यता आहे. कुटुंबासमवेत वेळ घालवाल प्रयत्न आणि विचारांना भाग्याचे भरपूर समर्थन मिळेल. आणि ज्याच्या मदतीने तुमच्या करिअरला उत्तम गती मिळण्याची शक्यता आहे. प्रयत्नाची पराकाष्ठा करा. नशीबाची साथ लाभेल. उत्तम ग्रहमान आहेत. नोकरीतील वातावरण चांगले राहील. वरिष्ठांकडून तुमच्या कामाचे कौतुक होईल. बरोबरचे सहकारी कामात उत्तम साथ देतील. व्यवसाय वृद्धीच्या संधी चालून येतील. नोकरीत अधिकार, सत्ता प्रस्थापित करण्यात यश मिळेल. प्रगतीचा काळ आहे. कर्तृत्व सिद्ध केल्याचा सुखद आनंद मिळणार आहे. पतीपत्नीतील स्नेह वाढेल. वडिलोपार्जित अथवा वडिलांबरोबर व्यवसाय करणाऱ्यांना फायदेशीर काळ आहे. व्यवसायवृद्धीसाठी प्रवासाचे योग येतील. आर्थिक उत्कर्षाचा असा कालावधी असला तरी खर्च अचानक वाढणार असल्याने आर्थिक नियोजनाचे गणित चुकू शकते. खरेदी करताना खर्चावर नियंत्रण ठेवावे लागेल. स्थावर अथवा दीर्घ मुदतीची गुंतवणूक पुढील काळा साठी फायदेशीर ठरणार आहे. जुनी येणी अचानक वसूल होतील. लेखक व कलाकारांकडून उत्तम कला निर्मिती होईल.

शुभदिवसः गुरुवार, शुक्रवार, रविवार.

कुंभ: 

सप्ताहाच्या सुरुवातीचा काळ उत्साहवर्धक आशादायी आहे. विद्यार्थ्यांना शिक्षणाच्या क्षेत्रात या सप्ताहात उत्तम अंक प्राप्त करण्यासाठी अधिक मेहनत करावी लागणार नाही म्हणजे, या काळात कमी मेहनतीनंतर ही सामान्यापेक्षा अधिक उत्तम अंक प्राप्त करण्यात यशस्वी व्हाल. कुटुंबात काही अप्रिय अशुभ घटना घडू शकतात. वादविवाद टाळा. शांतपणे परिस्थिती हाताळा. व्यवहारात सावधगिरी बाळगा. कर्जाचे पैसे परत मिळण्यात अडचण येईल. मित्रमैत्रिण नातेवाईक यांच्याशी वितुष्ट निर्माण होण्याची शक्यता आहे. जोडीदारात पत्नीशी गैरसमजामुळे भांडणतंटे निर्माण होतील.भावंडांशी संयमाने राहावे लागणार आहे भावंडात दुरावा निर्माण होईल. गुप्तशत्रु विरोधक प्रतिस्पर्धी यांच्या पासुन दुरचं राहा. त्यांच्याकडून त्रास निर्माण होण्याची शक्यता आहे. आपण इच्छित असलेल्या कामात अडचणी येतील. अधूनमधून आरोग्याच्या समस्येवर आर्थिक खर्च वाढेल. नातेवाईकां सोबत वाद नोकरीत बदल अश्या समस्याला सामोरे जावे लागण्याची शक्यता आहे. वाहन सावधानतेने चालवा.

शुभदिवस: गुरुवार, शुक्रवार, शनिवार.

मीन: 

सप्ताहात शुभ फल मिळतील. आर्थिक स्थिती सुधारल्यानंतर योग्य दिशेमध्ये आपले प्रयत्न करण्यात ही यशस्वी राहील. कुटुंबातील सदस्यांशी चुकीचा व्यवहार करू नका. करिअरमध्ये मनासारखे फळ मिळण्याची पूर्ण अपेक्षा आहे. रचनात्मक क्षमतेला वाढवण्याची आवश्यकता आहे. ग्रहयोग पाहता भांवडात काही प्रॉब्लेम निर्माण होतील. भावबहिणीत तिव्र चिंता वाढेल. वेडे धाडस टाळा. धाडसी निर्णय अंगलट येऊ शकतात. नास्तिकता वाढीस लागेल. अनाठायी खर्च होईल. कामात रिस्क घेवू नका. मित्रमैत्रिणींची जपून निवड करावी. नातेवाईकांशी पटणार नाही. व्यापारात उत्पन्न कमी खर्च अधिक होईल. आनंदावर विरजण पडण्यासारख्या घटना घडतील. मनात एक प्रकारची खिन्नता राहणार आहे. प्रयत्नांची आणि कष्टाची पराकाष्ठा करावी लागेल. कुटुंबातील सदस्याच्या आजारपणाने त्रासुन जाल. खर्च वाढणार आहे. खर्चाने मन व्यथित होईल. मानसिकदृष्ट्या त्रासाचा सप्ताह आहे. मनात चिडचिडेपणा वाढणार आहे. काळजी घ्या. प्रवास करताना काळजी घेणे आवश्यक आहे. शक्यतो प्रवासाच टाळा. जर शक्य नसेल तर योग्य ती काळजी घ्या. मनावर संयम ठेवून वाटचाल करावी. मनस्वास्थ सांभाळा.

शुभदिवस: सोमवार, मंगळवार, गुरुवार.

WhatsApp channel