Vivah Muhurt: २०२५ मध्ये ७४ दिवस वाजणार सनईचौघडे; जाणून घ्या विवाहाचे शुभ मुहूर्त!
Vivah Muhurt 2025: सन २०२५ मध्ये खरमास १४ जानेवारीला संपणार आहे. यानंतर लग्नासह इतर शुभ कामांना सुरुवात केली जाईल. नवीन वर्षात लग्नासह इतर सर्व प्रकारच्या शुभ कामांना १६ जानेवारीपासून सुरुवात होणार आहे.
Vivah Muhurt 2025: खरमासला लग्न, विवाह आणि इतर शुभ कामांना ब्रेक लागेल. हिंदू धर्मात शुभ मुहूर्त तिथीला खूप महत्त्व आहे. कोणतेही शुभ कार्य शुभ लग्न-मुहूर्तातच होते. आता शुभकार्याचा काळ आहे. रविवारी रात्रीपासून खरमास प्रवेश करणार आहे. खरे तर खरमासाला महिनाभर लग्नासह इतर कोणतेही शुभ कार्य होणार नाही. त्यामुळे यंदाच्या उर्वरित दोन दिवसांत अनेक विवाह सोहळे होणार आहेत. आता लग्नासाठी फक्त १३ आणि १४ डिसेंबरचा शुभ मुहूर्त शिल्लक आहे. पुरोहित पंकज कुमार पांडे यांनी सांगितले की, सोमवार, १६ डिसेंबर रोजी सकाळी ०७ वाजून ३५ मिनिटांनी खरमास सुरू होत आहे, यावेळी म्हणजेच आता महिनाभर कोणतेही शुभ कार्य होणार नाही. १४ जानेवारीला मकर संक्रांतीला सूर्य उत्तरायण होईल, अशी माहितीही त्यांनी दिली. सूर्य मकर राशीत प्रवेश केल्याने खरमास संपेल आणि शिशिर ऋतू सुरू होईल. तसे खरमासमध्ये तुम्ही पूजा, भजन-कीर्तन आणि भगवान विष्णूची पूजा करू शकता.
२०२५ मध्ये ७४ दिवस वाजणार सनईचौघडे
सन २०२५ मध्ये खरमास १४ जानेवारीला संपणार आहे. यानंतर लग्नासह इतर शुभ कामांना सुरुवात केली जाईल. नवीन वर्षात लग्नासह इतर सर्व प्रकारच्या शुभ कामांना १६ जानेवारीपासून सुरुवात होणार आहे.
कधी आहेत विवाहाचे शुभ मुहूर्त?
विविध दिनदर्शिकेनुसार जानेवारीत १० दिवस, फेब्रुवारीत १४ दिवस, मार्चमध्ये ५ दिवस, एप्रिलमध्ये ०९ दिवस, मे मध्ये १५ दिवस, जूनमध्ये ५ दिवस राहतील.
या महिन्यांमध्ये नसतो विवाहाचा शुभ मुहूर्त
त्यानंतर जुलै, ऑगस्ट, सप्टेंबर आणि ऑक्टोबर मध्ये लग्नाचा मुहूर्त नसतो. भगवान विष्णू हरिशयनी एकादशीच्या दिवसापासून चार महिने निद्रा घेत असतात. त्यानंतर नोव्हेंबरमध्ये देवोत्थान एकादशीला पुन्हा शुभ कार्याला सुरुवात होईल. पुढील वर्षी नोव्हेंबरमध्ये १३ दिवस आणि डिसेंबरमध्ये फक्त तीन दिवस विवाहाचे शुभ मुहूर्त आहेत.
विवाहाचे शुभ मुहूर्त
जानेवारी २०२५ - १० दिवस
फेब्रुवारी २०२५- १४ दिवस
मार्च २०२५- ०५ दिवस
एप्रिल २०२५- ०९ दिवस
मे २०२५- १५ दिवस
जून २०२५- ०५ दिवस
जुलै २०२५- मुहूर्त नाही
ऑगस्ट २०२५- मुहूर्त नाही
सप्टेंबर २०२५- मुहूर्त नाही
ऑक्टोबर २०२५- मुहूर्त नाही
नोव्हेंबर २०२५- १३ दिवस
डिसेंबर २०२५- ०३ दिवस
Disclaimer: या लेखात दिलेली माहिती पूर्णपणे खरी आणि अचूक असल्याचा आमचा दावा नाही. सविस्तर व अधिक माहितीसाठी संबंधित विषयातील तज्ज्ञांचा सल्ला घ्यावा.
संबंधित बातम्या