Vastu Tips : प्रगतीतील अडथळे दूर करायचे असतील तर चुकूनही करू नका या ६ गोष्टी!

अडथळे दूर करण्यासाठी वास्तू टिप्स :

घरात बूट, चप्पल पसरवून ठेवू नका!

घरात बूट आणि चप्पल पसरवून ठेवू नयेत. ते जागच्या जागी व्यवस्थित लावून ठेवावेत. घरात चप्पल किंवा बूट पसरवून ठेवले तर विरोधक आपल्याला त्रास देऊ शकतात, असे मानले जाते. तेव्हा ही काळजी अवश्य घ्यावी.

आंघोळीनंतर पाणी असेच सोडू नका!

आंघोळीनंतर बादलीत काही प्रमाणात पाणी उरत असते. मात्र असे पाणी सोडून देऊ नये. उरलेले पाणी सोडल्यास त्या व्यक्तीवर मानसिक ताण येऊ शकतो, असे वास्तुशास्त्रात म्हटले गेले आहे.

पाय घासून चालत जाऊ नका!

काही लोकांना पाय ओढून, घासून चालण्याची सवय असते. मात्र ही सवय चुकीची आहे. तुम्ही जर पाय घासून किंवा आढून चालत असाल तर ही चूकही यशाच्या मार्गात अडथळे निर्माण करू शकते, असे वास्तुशास्त्र सांगते.

स्वयंपाकघर स्वच्छ ठेवा!

वास्तुनुसार स्वयंपाकघर स्वच्छ ठेवणे अत्यंत आवश्यक आहे. आपले स्वयंपाकघर स्वच्छ न ठेवल्यामुळे व्यक्तीला आर्थिक अडचणींना सामोरे जावे लागू शकते, असे वास्तुशास्त्रात म्हटले गेले आहे.

रात्री उशिरापर्यंत जागू नका!

जर तुम्हाला रात्री उशिरापर्यंत जागण्याची सवय असेल तर त्याचा परिणाम चंद्रावर होऊ शकतो. ज्यामुळे जीवनात तणाव आणि नैराश्य निर्माण होते. हे लक्षात घेता रात्री उशिरापर्यंत जागू नका.

हेही वाचा- घराच्या नैऋत्य दिशेला काय असावे आणि काय नाही? वास्तुशास्त्रानुसार जाणून घ्या सर्वकाही

जेवल्यानंतर उष्टी थाळी, भांडी तेथेच सोडू नका!

असे म्हटले जाते की, जेवल्यानंतर उष्टी थाळी किंवा भांडी तिथेच सोडली तर ही चूक कामात अडथळे आणू शकते.

हेही वाचा- लक्ष्मीमातेला प्रसन्न करण्यासाठी काय करावे? वास्तुनुसार घरात सुखसमृद्धी टिकविण्यासाठी करा हे उपाय!

Disclaimer: या लेखात दिलेली माहिती पूर्णपणे खरी आणि अचूक असल्याचा आमचा दावा नाही. त्यांचा अवलंब करण्यापूर्वी संबंधित क्षेत्रातील तज्ज्ञांचा सल्ला घ्यावा.