Rashi Bhavishya Today 12 July 2024 : परिघ योगात आजचा शुक्रवार तुमच्यासाठी कसा आहे? वाचा राशीभविष्य

मेषः 

आज चंद्र केतु युतीयोगात आपण केलेल्या कामाची सुरुवात चांगली होईल. कष्टाने का होईना जूनी येणी वसूल होतील. त्यामुळे आर्थिक घडी चांगली बसेल. शैक्षणिक क्षेत्रात काम करताना आनंद वाटेल. साहसी वृत्तीत वाढ होण्याची शक्यता आहे. औद्योगिक क्षेत्रातील व्यक्तींना आर्थिक प्रगतीच्या नवीन व संधी प्राप्त होतील. व्यवसायात प्रगती होण्याचे योग आहेत. नव्या योजना कार्यान्वित करू शकाल. मोठ्या व मान्यवर व्यक्तींचा सहवास लाभेल. नोकरीत वरिष्ठांची मर्जी संपादन कराल. आपल्या कार्याची दखल घेतली जाईल. प्रशंसा व मानसन्मान मिळेल. भावडांशी चांगले संबंध राहतील. मानसिक व शारीरिक स्वास्थ लाभणार आहे. बांधकाम क्षेत्रातील व्यक्तींना मोठे यश प्राप्त होईल. अल्पकालीन गुंतवणुकीत नुकसान होऊ शकते.

शुभरंग: केशरी 

शुभदिशा: दक्षिण.

शुभअंकः ०४, ०९.

वृषभः 

आज परिघ योगात तुमच्यातल्या सुप्त गुणांचा फायदा होईल. पैसा खर्च करण्यातही लहरीपणा जाणवेल. कुठेही धोका पत्करण्याची तयारी ठेवाल. अती महत्त्वाकांक्षा असमाधान निर्माण करेल. आखलेले योजना काही वेगाने मार्गी लागतील. कामानिमित्त लांब पल्ल्याचे प्रवासही होणार आहेत. कार्यक्षेत्रात उद्दिष्ट पूर्ण होतील. परंतु बोलण्यावर संयम ठेवा. स्पर्धकांवर मात कराल. आपल्या योजना आज सफल होणार आहेत. सर्वच बाबतीत समाधान लाभेल. मनाप्रमाणे घटना घडतील. मंगलकार्य धार्मिक कार्य घडतील. व्यवसायात उत्तम लाभ होतील. घरातील आनंदी वातावरण मानसिक सौख्य देणारं असेल. गुढशास्त्राची आवड निर्माण होतील. ओळखीच्या लोकांकडून फायदा होईल.

शुभरंग: नारंगी 

शुभदिशा: आग्नेय.

शुभअंकः ०२, ०७.

मिथुनः 

आज चंद्र अनिष्ट योगात आहे. घरामध्ये थोडे संघर्षात्मक वातावरण राहिले तरी तडजोडीचे धोरण स्वीकारल्यास गोष्टी टोकापर्यंत जाणार नाही. आपणास प्रतिकुल फले मिळण्याची शक्यता आहे. कितीही स्पर्धांना संकटांना तोंड द्यावे लागले तरी मन:शांती ढळू देऊ नका. विरोधक आक्रमक होण्याची शक्यता आहे. शेअर्समधील मोठी गुंतवणूक टाळावी. व्यापारी वर्गानी काळजीपूर्वक व्यवहार करा. भावनावर नियंत्रण ठेवून वाटचाल करावी. बोलघेवडेपणा शक्यतो टाळा. अन्यथा आपल्या कार्यक्षेत्रात आपल्या विषयी विरोध मतं निर्माण होईल. तुमच्या कामाचे श्रेय दुसर्‍याला मिळेल असी स्थिती आहे. व्यापारी वर्गाांनी कोणतेही महत्वपूर्ण निर्णय घेऊ नयेत. आर्थिक हानी होण्याची शक्यता आहे. वाहन चालवताना विशेष काळजी घ्या.

शुभरंग: पोपटी 

शुभदिशा: उत्तर.

शुभअंकः ०२, ०६.

कर्कः 

आज चंद्रबल लाभणारं असल्याने मानसिक स्वास्थ उत्तम राहील. आर्थिक प्रश्न मार्गी लागतील. धार्मिक वृत्ती राहील. काही लाभदायक गोष्टीही घडतील. उत्तम महत्त्वाकांक्षा ठेवाल. आत्मविश्वासही वाढेल. घरामध्ये मंगलकार्य ठरतील. रोजगारात समाधानकारक स्थिती राहील. व्यवसायात वाढ होईल मोठ्या गुंतवणुकीसाठी योग्य दिवस आहे. वरिष्ठांकडून अपेक्षित सहकार्य लाभणार आहे. कर्मचारी वर्गाचे सहकार्य लाभेल. मित्र किवा सहकारी यांच्याकडून मदत मिळेल. मनामध्ये उर्जा व आत्मविश्वास वाढीस लागेल. वैवाहिक जोडीदाराच्या महत्वकांक्षा पूर्ण होतील. संततीच्या महत्वाच्या प्रश्नामध्ये निर्णायक यश मिळेल. घरातील अडचणी दूर होतील. पत्नी नोकरीत असेल तर प्रमोशन बढतीचे योग आहेत.

शुभरंग: पांढरा 

शुभदिशा: वायव्य.

शुभअंकः ०४, ०७.

Raj Yog : १०० वर्षानंतर सूर्य बनवतोय शुक्रादित्य आणि बुधादित्य राजयोग! 'या' राशींची लागणार लॉटरी, मिळणार खुशखबर

सिंहः 

आज चंद्रभ्रमण आणि ग्रहयोग अनुकुल दिवसभर मन प्रसन्न राहिल. नोकरीतील बदल फायदेशीर ठरणार आहे. लेखनाचा नवा बाज निर्माण करता येईल. बऱ्याच जणांना प्रसिद्धीच्या झोतात येण्याची संधी मिळेल. तुमच्या अंगच्या गुणाना वाव मिळेल. आपली प्रतिभा उंचावेल. दिनमान आत्मविश्वासाने परिपूर्ण राहिल. नोकरीत कामाच्या ठिकाणी आपली प्रशंसा कौतुक केले जाईल. वरिष्ठ पदावर बढती मिळेल. राजकीय सामाजिक क्षेत्रातील व्यक्तींच्या मानसन्मानात वाढ होईल. व्यापारात प्रयत्नाच्या तुलनेन अधिक लाभ होतील. नवीन भागीदारासोबत व्यवसाय प्रारंभ करण्या साठी उत्तम दिवस आहे. प्रतिष्ठीत लोकांच्या संपर्कात आल्याने प्रतिष्ठा वाढेल. कौटुंबिक सौख्य मिळाल्याने उत्साह वाढणार आहे.

शुभरंग: लाल 

शुभदिशा: पूर्व.

शुभअंकः ०५, ०७.

कन्याः 

आज ग्रहयोग प्रतिकुल आहेत. मानसिक स्वास्थ बिघडणार नाही याची काळजी घ्या. प्रचंड बुद्धीमत्ता असूनही स्वतःचे प्रश्न सोडवताना मनाचा गोंधळ उडेल. काही घरगुती गोष्टींमुळे अस्वस्थता वाढेल. नोकरीत वरिष्ठांच्या अपेक्षा जास्त असल्यामुळे थोडा ताण राहील. व्यवसायात मात्र स्पर्धकांना तोंड द्यावे लागेल. नव्या कल्पना इतरांना पटणार नाहीत. नैराश्यामुळे चिडचिड निर्माण होईल. खर्चाचे प्रमाण वाढल्याने आर्थिक चिंताही वाढेल. रोजगारात जबाबदारी नुसार काम करा. मनात अशांती असल्या कारणाने आपल्याला संकटाचा सामना करावा लागेल. उद्योगधंदयात काही व्यवहार अनपेक्षित नुकसान कारक ठरतील. अल्प फायदा पाहून अविचारी गुंतवणूक करू नका. विचार पूर्वक निर्णय घ्या. प्रकृती आस्थिर व बैचेन राहील. आर्थिक नुकसान फसवणुक होण्याची शक्यता आहे.

शुभरंग: हिरवा 

शुभदिशा: उत्तर.

शुभअंकः ०३, ०७.

तूळ: 

आज चंद्र भ्रमणात आर्थिक प्रश्न सुटणार आहेत. थोडीशी चैन आणि खरेदीचा मोह होईल. घरातील काही गोष्टींसाठी पैसाही खर्च कराल. समजुतदारपणाचे धोरण स्वीकारावे लागेल. कलाकारांना चांगल्या संधी मिळून त्यांच्या कलेचे चीज होईल. संकल्प पूर्ण करण्याकरिता तुमचा भागीदार व वैवाहिक जोडीदार या दोघांची उत्तम साथ मिळणार आहे. आपला स्वभाव फार उदारमतवादी राहील. आपल्या चैनी स्वभावावर आळा घालावा लागेल. व्यापारात आर्थिक लाभ घडतील. नवीन योजनेच्या दृष्टीने लाभदायक दिवस आहे. मित्र नातेवाईक आप्तेष्टा कडून सहकार्य लाभेल. कुटुंबात मंगलकार्याची रूपरेखा आखली जाईल. फायदेशीर प्रवास होण्याची शक्यता आहे. आकस्मिकरित्या धनलाभाचा योग निर्माण होत आहे.

शुभरंग: पांढरा 

शुभदिशा: वायव्य.

शुभअंकः ०२, ०९.

वृश्चिकः 

आज मंगळ राशीबदलात व्यापारात नवीन योजनेवर विचार कराल. घरासंबंधी समस्या सुटतील. वाचन लिखाण करायला सवड मिळेल. कोणत्याही परिस्थितीला तोंड देण्याची धमक येईल. घर बदल करण्याचे योग आहेत. तुमच्या नवीन कल्पना आणि विचारांचे स्वागतच होईल. व्यवसायात अपेक्षित पैसे लवकर हाती न पडल्यामुळे स्पर्धक त्याचा फायदा घेतील. रोजगारात स्पष्ट धोरणामुळे अनुकूलता निर्माण होईल. दिवसभरात आशाजनक परिस्थिती निर्माण होईल. व्यवसायातील पत वाढेल. शेअर बाजार आणि विमामुळे लाभ होतील. घर प्रापर्टी खरेदी अचानक घडेल. दुरचे प्रवास घडणार आहेत. व्यवसायानिमित्त परदेश प्रवास होतील. नोकरीत नवीन जबाबदादी पार पाडाल. दिवसभर मन प्रसन्न राहील.

शुभरंग: तांबूस 

शुभदिशा: दक्षिण.

शुभअंकः ०४, ०९.

Ank Jyotish : 'या' अंकावर आहे देवी लक्ष्मीची खास कृपा! आयुष्यभर कमी पडत नाही पैसा, येते श्रीमंती

धनुः 

आज चंद्र शुभस्थानातून गोचर करत असताना कुटुंबात अनेक जबाबदाऱ्या अंगावर पडल्या तरी त्या कर्तव्यनिष्ठेने त्या पारही पाडाल. नोकरीत वरिष्ठांची मर्जी सांभाळण्यासाठी कष्ट घेतले तरचं मनाजोगे यश मिळेल. व्यापारात भांडवलाचे प्रश्न मिटतील. कर्ज प्रकरण मंजुर होतील. प्रेमसंबंधामध्ये जोडीदाराबद्दल प्रेमभावना वाढीस लागेल. कुटुंबातील वातावरण उत्साहवर्धक व आंनदायक राहिल. नोकरीत मनासारखी बदली किंवा पदोन्नती मिळण्याचे योग आहेत. मुलांच्या प्रगतीमुळे मन प्रसन्न राहील. विद्यार्थ्यांना विद्याभासात वाचनात गोडी निर्माण होईल. स्वसंपादित धनाचा उपभोग घ्याल. व्यवसायानिमित्त प्रवास होईल. शासकीय कामकाजा साठी शुभ दिवस आहे. मित्रांकडून मदत मिळेल. अपयशाची भिती न बाळगता कष्ट करत रहा.

शुभरंग: पिवळा 

शुभदिशा: ईशान्य.

शुभअंकः ०६, ०९.

मकरः 

आज लाभ देणारा चंद्र केतु योग पाहता उद्योग तेजीत राहतील. किर्ती प्रसिद्धीच्या झोतात आल्यामुळे मानसिक स्वास्थ्य मिळेल. तुमच्यातील कलेला समाजा तील लोकांची दाद मिळेल. केलेली गुंतवणुक फायदेशीर ठरणार आहे. नवीन प्रकल्प हाती येतील. आपल्याला सकारात्मक परिणाम दिसतील. विद्यार्थ्यांकडून विद्याभ्यासात प्रगती होईल. बंधुप्रेम मिळणार आहे. प्रतिष्ठीत व्यक्तींच्या गाठीभेटी होतील. नवीन व्यक्तीशी स्नेहपूर्ण संबंध प्रस्थापित होतील. आपल्या अंगी असणाऱ्या कला गुणांना वाव मिळेल. मनातील इच्छित काम मार्गी लागतील. घरात आप्तेष्ट नातेवाईकांचे आगमन होईल. लेखन क्षेत्रातील व्यक्तींना नवीन प्रकल्प हाती येतील. संशोधन पर अभ्यासाच्या प्रारंभास आजचा दिवस उत्तम आहे.

शुभरंग: जांभळा 

शुभदिशा: नैऋत्य.

शुभअंकः ०१, ०८.

कुंभः 

आज प्रतिकूल ग्रहमान असल्याने आत्मविश्वास आणि उत्साहाचा भाग कमी राहिल्यामुळे नोकरी व्यवसायात त्याचा कामावर परिणाम होईल. आर्थिक बाबतीत मोठे व्यवहार टाळावेत. परिस्थितीचे योग्य आकलन न झाल्यामुळे निर्णयात अथवा बोलण्यात ठामपणा आढळणार नाही. कुटुंबातील वातावरण शांत ठेवण्याचा प्रयत्न करा. आपल्या विषयी गैरसमज आणि संशयाचे वातावरण निर्माण होऊ शकते. मानसिक स्वास्थ बिघडणार नाही याची काळजी घ्या. कौटुंबिक बाबीवर खर्च वाढेल. कर्जप्रकरणाकरीता आजचा दिवस टाळा. नोकरीत महत्वाच्या कामात अडथळे निर्माण होतील. निर्णय घेताना द्विधा मनस्थिती उदभवेल. मोठे धाडसी निर्णय घेऊ नयेत. मित्रमैत्रिणींबरोबर व्यवहार करताना जपून करा. मन अस्वस्थ राहील.

शुभरंग: निळा 

शुभदिशा: पश्चिम.

शुभअंकः ०४, ०८.

मीनः 

आज मंगळ राशीपरिवर्तनात आत्मविश्वास वाढल्या मुळे ध्येयावर प्रेम कराल. सामाजिक राजकीय क्षेत्रात पुढे जाल. समोर आलेल्या संधीचा योग्य उपयोग करून घ्याल. आर्थिक आवक उत्तम झाल्याने नवी खरेदी कराल. व्यापारात योजना गुप्तपणे पार पाडा. एखादा मोठा आर्थिक व्यवहार होण्याची शक्यता आहे. नव्या खरेदीने कुटुंबात आंनदी वातावरण राहिल. नोकरी व्यवसायात समाधानकारक सुधारणा जाणवेल. पुर्वीचे प्रकल्प व कामे आज आपणास मदतीला येणार आहेत. धरसोड मनोवृत्ती सोडा. ध्येय निश्चित करा. कामाप्रती विशेष ओढ निर्माण होईल. आपल्या हातून शुभ कार्य घडतील. वारसा हकाचे प्रकरण मार्गी लागेल. अध्यात्मिक क्षेत्रातील व्यक्तीं सोबत परिचय होईल. चांगल्या विचारांचा लाभ होईल.

शुभरंग: पिवळा 

शुभदिशा: ईशान्य.

शुभअंकः ०३, ०५.

जय अर्जुन घोडके

(jaynews21@gmail.com)

(लेखक ज्योतिषविद्येचे अभ्यासक आहेत.)

Surya Grahan : वर्षातील दुसरे 'सूर्यग्रहण' 'या' राशींसाठी ठरणार वरदान! होणार आर्थिक फायदा, उघडणार नशीब