Sun Venus Combination : सूर्य-शुक्राची चाल धुमाकूळ घालणार! पुढील ४ दिवस या ३ राशीच्या लोकांसाठी काळजीचे
Sun Venus Transit Horoscope : सिंह राशीमध्ये शुक्र आणि सूर्य यांच्या संयोगामुळे राजभंग योग तयार होतो. या ग्रहांचा संयोग शुभ मानला जात नाही, ज्यामुळे 25 ऑगस्टपर्यंत काही राशींमध्ये तणावाचे वातावरण असणार आहे.
Rajbhang Yog : ग्रह-नक्षत्राच्या बदलामुळे अनेक शुभ आणि अशुभ योग तयार होतात. ग्रहांच्या संक्रमणाचा परिणाम सरळ सर्व राशींवर होतो. काही राशीच्या लोकांना या बदलाचा चांगला परिणाम लाभतो तर काही राशीच्या लोकांना या बदलामुळे वाईट परिणाम भोगावा लागतो. ग्रहांमध्ये काही मित्र ग्रह असतात तर काही शत्रू ग्रह मानले जातात. मित्र ग्रह एकत्र आल्यामुळे जे योग तयार होतात ते फायदेशीर असतात तर शत्रू ग्रह एकत्र आल्यामुळे नुकसान होण्याची शक्यता वाढते.
सूर्य आणि शुक्र सध्या एकाच राशीत विराजमान आहेत. अलीकडे, सूर्याचे संक्रमण होताच, शुक्राशी संयोग तयार झाला आहे. हे दोन ग्रह एकत्र असल्यामुळे काही राशींसाठी काळ चांगला राहील तर काहींनी सावध राहण्याची गरज आहे. सूर्य आणि शुक्र यांच्या संयोगाने राजभंग योग तयार होतो. हा संयोग पुढील ४ दिवस चालेल. २५ ऑगस्टला शुक्राने राशी बदलताच हा संयोग संपेल. सूर्य आणि शुक्र यांच्यातील नाते शत्रुत्वाचे मानले जाते. अशा स्थितीत शुक्र आणि सूर्याच्या संयोगामुळे तयार झालेला राजभंग योग काही लोकांचा तणाव वाढवू शकतो. शुक्र आणि सूर्य सिंह राशीत असल्यामुळे पुढील ४ दिवस कोणत्या राशीच्या लोकांनी काळजी घेणे आवश्यक आहे ते जाणून घेऊया.
मेष
सिंह राशीतील सूर्य-शुक्र संयोग मेष राशीच्या लोकांसाठी फायदेशीर ठरणार नाही. आर्थिक स्थितीत बदल होऊ शकतो. आर्थिक नुकसान होण्याची शक्यता आहे. नकारात्मक वाटू शकते. तुमच्या जोडीदारासोबत वादाची परिस्थिती निर्माण होऊ शकते. तब्येतही बिघडू शकते.
कर्क
कर्क राशीच्या लोकांसाठी सिंह राशीमध्ये शुक्र आणि सूर्याचा संयोग तुमच्यासाठी शुभ मानला जात नाही. आर्थिक जीवनात चढ-उतार येतील. जीवनात तुम्हाला आव्हानांचा सामना करावा लागू शकतो. कामे पूर्ण होण्यात अडथळे येऊ शकतात. आरोग्याकडे विशेष लक्ष द्यावे लागेल.
तूळ
तूळ राशीच्या लोकांसाठी सिंह राशीमध्ये शुक्र आणि सूर्याचा संयोग फारसा लाभदायक मानला जात नाही. तुमच्या करिअरमध्ये सहकाऱ्यांसोबत वादाची परिस्थिती निर्माण होऊ शकते. तुम्हाला आर्थिक समस्यांना सामोरे जावे लागू शकते. जास्त खर्चामुळे मन अस्वस्थ होऊ शकते. अनावश्यक ताण घेणे टाळा.
(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)
संबंधित बातम्या