Surya Ketu Milan: सूर्य आणि केतूच्या मिलनामुळे ‘या’ ५ राशींच्या आयुष्यात येणार वादळ; पावलोपावली घ्यावी लागणार काळजी

शुक्रवार, १६ ऑगस्ट २०२४ रोजी ग्रहांचा राजा सूर्य केतूच्या अधिपत्याखाली मघा नक्षत्रात प्रवेश करणार आहे. या नक्षत्रात सूर्याचे संक्रमण होताच सर्व राशींवर परिणाम होणार आहे. परंतु, ५ राशीच्या लोकांवर सूर्य-केतू संयोगाचा खूप नकारात्मक प्रभाव पडण्याची शक्यता आहे. चला जाणून घेऊया, या ५ राशी कोणत्या आहेत...

मेष

सूर्य-केतू संयोगाचा मेष राशीच्या लोकांच्या जीवनावर विपरीत परिणाम होण्याची शक्यता आहे. उत्पन्न आणि खर्चावर सर्वाधिक परिणाम होईल. तुमच्या उत्पन्नात अनपेक्षित घट होऊ शकते. तसेच उत्पन्नाचे स्रोतही बंद होऊ शकतात. या काळात व्यावसायिकांना मोठी रक्कम मिळू शकते. कुटुंबातील संबंध बिघडू शकतात.

मिथुन

मिथुन राशीच्या लोकांसाठी सूर्य-केतू संयोग नकारात्मक ठरू शकतो. उत्पन्न, व्यवसाय आणि करिअरवर जास्त परिणाम होण्याची शक्यता आहे. निर्णयात चूक झाल्यामुळे खर्चात वाढ होऊ शकते. व्यवसायात आर्थिक नुकसान वाढण्याची शक्यता आहे. तणाव वाढू शकतो. उच्च रक्तदाबाची समस्या त्रासदायक ठरू शकते.

Lucky Zodiac Signs : आनंदी राहाल, नावलौकीक वाढेल! या ५ राशीच्या व्यक्तींसाठी लकी दिवस

सिंह

सिंह राशीच्या लोकांनी या काळात कोणत्याही प्रकारची गुंतवणूक करणे टाळावे. सूर्य-केतू संयोगाच्या प्रभावामुळे मोठे नुकसान होण्याची शक्यता आहे. चुकूनही लॉटरी खरेदी करू नका. तुमची आर्थिक परिस्थिती पूर्वीपेक्षा वाईट होऊ शकते. निष्काळजीपणाच्या आरोपाखाली नोकरदारांना नोकरीतून काढून टाकले जाऊ शकते. आरोग्याच्या समस्यांवर मोठा खर्च होऊ शकतो.

तूळ

सूर्य-केतू संयोगाचा प्रभाव तूळ राशीच्या लोकांसाठी प्रतिकूल राहण्याची शक्यता आहे. विद्यार्थ्यांच्या अभ्यासात अडथळे वाढू शकतात. आर्थिक संकटासह आरोग्याशी संबंधित समस्या उद्दिष्ट पूर्ण होऊ देणार नाहीत. नोकरदार लोकांनाही कामाच्या ठिकाणी वाढत्या अडचणींचा सामना करावा लागण्याची शक्यता आहे. विरोधकांचे वर्चस्व राहील. कौटुंबिक सुखात घट होईल.

धनु

तुमची आर्थिक स्थिती कमकुवत होऊ शकते. उत्पन्नाच्या मुख्य स्त्रोतावर परिणाम होईल. व्यवसाय विस्ताराच्या योजनांवर जास्त खर्च केल्याने आर्थिक संकट वाढेल. नोकरदार लोक त्यांच्या मेहनतीचे पूर्ण फळ न मिळाल्याने ते तणावात राहतील. उत्पन्नापेक्षा खर्च जास्त होईल. कुटुंबात मतभेद होऊ शकतात.