Shravan Somvar Upay : प्रत्येक श्रावण सोमवारी व्रत केले जाते. शिव भक्त भक्तीत लीन होऊन हो व्रताचरण करतात. श्रावण सोमवारचे व्रत आणि शिवाची आराधना केल्याने जीवनातील अडचणी कमी होतात. त्याचबरोबर राशीनुसार श्रावण महिन्याच्या सोमवारी काही उपाय केल्यास तुमच्या मनोकामना पूर्ण होऊ शकतात. श्रावण महिन्याच्या सोमवारी मेष ते मीन राशीच्या लोकांनी कोणते उपाय केले पाहिजे ते जाणून घ्या-
मेष राशीच्या लोकांनी श्रावण महिन्याच्या सोमवारी शुभ्र वस्त्रे परिधान करून शिवलिंगाला पंचामृताने अभिषेक करावा.
वृषभ राशीच्या लोकांनी श्रावण महिन्याच्या सोमवारी शिवलिंगाला गंगाजल अर्पण करावे. असे केल्याने आर्थिक स्थिती सुधारेल.
मिथुन राशीच्या लोकांनी जीवनात सुख आणि संपत्ती टिकवून ठेवण्यासाठी श्रावण महिन्याच्या सोमवारी शिव तांडव स्तोत्राचे पठण करावे.
कर्क राशीच्या लोकांनी तांदूळाचे १०८ दाणे मोजावेत, ते धुवून शिवलिंगाला अर्पण करावेत तसेच तांदळाचा एक दाणाही तुटू नये हे ध्यानात ठेवावे. हा उपाय केल्यास भोलेनाथाची तुमच्यावर कृपा राहील.
श्रावण महिन्याच्या सोमवारी भगवान शिवाचा विशेष आशीर्वाद मिळविण्यासाठी सिंह राशीच्या लोकांनी शिव परिवाराची यथायोग्य पूजा करावी. तसेच भोलेनाथला पांढरे चंदन आणि पांढरी फुले अर्पण करा.
कन्या राशीच्या लोकांनी आपल्या जीवनातील अडचणी दूर करण्यासाठी श्रावण महिन्यातील सोमवारी भगवान शंकराला खीर अर्पण करावी.
तूळ राशीच्या लोकांनी श्रावण महिन्याच्या सोमवारी भगवान शंकराला पांढऱ्या फुलांची माळ अर्पण करावी आणि महामृत्युंजय मंत्राचा यथाशक्ती जप करावा.
श्रावण महिन्याच्या सोमवारी भोलेनाथाची कृपा प्राप्त करण्यासाठी वृश्चिक राशीच्या लोकांनी शिव चालीसा पठण करून ॐ नमः शिवाय मंत्राचा १०८ वेळा जप करावा.
धनु राशीच्या लोकांनी भोलेनाथाचा आशीर्वाद मिळवण्यासाठी शिवलिंगाला भांग आणि धतुरा अर्पण करावा.
मकर राशीच्या लोकांनी श्रावण सोमवारी शिवलिंगावर जलाभिषेक करून गो मातेची सेवा करावी.
श्रावण महिन्याच्या सोमवारी भगवान शिवाचा आशीर्वाद मिळविण्यासाठी कुंभ राशीच्या लोकांनी शिवलिंगावर बेलपत्र, हिरवी मूग आणि भांग अर्पण करावे आणि 'श्री शिवाय नमस्तुभ्यम्' या मंत्राचा जप करावा.
मीन राशीच्या लोकांसाठी भगवान शिवाला कच्च्या दुधाचा अभिषेक करणे आणि शिव चालिसाचे पठण करणे खूप शुभ राहील.
टीप : ही माहिती केवळ श्रद्धा आणि विविध माध्यमांवर आधारित आहे.अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.
संबंधित बातम्या