Shani Dosh Upay : मीन राशीच्या लोकांनी हे उपाय अवश्य करावेत, साडे सतीपासून मुक्ती मिळेल
Shani Sade Sati Upay : ज्योतिष शास्त्रात, शनिच्या साडेसतीपासून मुक्ती मिळवण्यासाठी काही उपाय सांगितले आहेत. हे उपाय करून तुम्ही शनिदेवाला प्रसन्न करू शकता.
Shani Sade Sati Upay : ज्योतिष शास्त्रात छायापुत्र शनिदेवाला कर्माचा दाता म्हणतात. देवांचा देव महादेवाची कठोर तपश्चर्या केल्याने शनिदेवाला हे वरदान (कर्माचे फळ देणारे) मिळाले, असे शास्त्रात नमूद आहे. शुभ कर्म करणाऱ्या लोकांना शनिदेव शुभ फळ देतात. त्यांच्या कृपेने गरीब अल्पावधीत श्रीमंत होतो. त्याचबरोबर शनिदेव वाईट कर्म करणाऱ्या लोकांना शिक्षा देतात.
ज्योतिषांच्या मते, साडेसतीच्या काळात व्यक्तीला जीवनात कठीण प्रसंगातून जावे लागते. सध्या मीन, कुंभ आणि मकर राशीच्या लोकांना साडे सतीचा त्रास होत आहे.
मीन राशीत सध्या सडे सतीचा पहिला टप्पा सुरू आहे. तुम्ही मीन राशीचे असाल आणि शनिदेवाला प्रसन्न करून साडे सतीपासून मुक्ती मिळवू इच्छित असाल तर हे उपाय अवश्य करा.
साडेसाती उपाय
ज्योतिषांच्या मते, शनिदेव हे सेवा देणाऱ्या लोकांना मदत केल्याने प्रसन्न होतात. त्यामुळे मीन राशीचे लोक न्यायाधीश, वकील, डॉक्टर, ड्रायव्हर इत्यादींची मदत करून शनिदेवाला प्रसन्न करू शकतात.
साढे सतीपासून मुक्ती मिळवायची असेल तर रोज स्नान आणि ध्यान केल्यानंतर गंगाजलात काळे तीळ मिसळून भगवान शंकराला अभिषेक करावा. तसेच यावेळी शिव पंचाक्षरी मंत्राचा जप करा.
शनिवारी न्यायाचा देवता शनिदेवाची पूजा केली जाते. या दिवशी स्नान करून ध्यान करून शनिदेवाची विधिवत पूजा करावी. तसेच पूजेच्या वेळी घरात शनियंत्राची स्थापना करा. यानंतर रोज शनियंत्राची पूजा करावी. हा उपाय केल्याने शनिदोषापासून आराम मिळतो.
साडेसतीपासून मुक्ती मिळवण्यासाठी मीन राशीच्या लोकांनी गुरुवार आणि रविवार वगळता सर्व दिवशी पिंपळाच्या झाडाला जल अर्पण करावे आणि पिंपळाच्या झाडाची तीन वेळा प्रदक्षिणा करावी. हा उपाय केल्याने शनिदेव प्रसन्न होतात.
शनिदेवाचा आशीर्वाद मिळवायचा असेल तर शमीचे मूळ काळ्या कपड्यात बांधून उजव्या हाताला बांधावे. हा उपाय केल्याने शनीच्या सडे सतीपासूनही आराम मिळतो. हा उपाय तुम्ही शनिवारी करू शकता.
(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)
संबंधित बातम्या