Palmistry: शनी पर्वतावरील क्रॉस चिन्ह शुभ की अशुभ? कसा असतो त्याचा प्रभाव, जाणून घ्या!

शनी पर्वतावरील क्रॉस मार्क शुभ किंवा अशुभ

हस्तरेखाशास्त्रानुसार तळहातावरील शनी पर्वतावर असलेल्या क्रॉसचे चिन्ह किंवा खूण अशुभ मानली जाते. असे म्हटले जाते की, हे चिन्ह दुर्दैव, अपघात आणि रोगाचे लक्षण आहे. जर क्रॉसचे चिन्ह मध्यभागी असेल तर अशी व्यक्ती निराशावादी असते, असे हस्तरेषाशास्त्रात म्हटले गेले आहे. असे लोक चिडचिडे स्वभावाचे असतात, असेही सांगितले गेले आहे.

क्रॉस चिन्ह भाग्यरेषेपर्यंत जात असेल तर?

हस्तरेखाशास्त्रानुसार जर क्रॉस मार्क एखाद्या व्यक्तीच्या भाग्यरेषेत गेला तर अशा व्यक्तीने खूप सावधगिरी बाळगली पाहिजे.  अशा व्यक्तीला दुखापत होण्याची शक्यता असते असे हस्तरेषाशास्त्रात म्हटले आहे.

शनी पर्वतावरील ताऱ्याचे चिन्ह

शनी पर्वतावर जर ताऱ्याचे चिन्ह असेल तर तेही शुभ मानले जात नाही. ते अशुभ मानले जाते. असे लोक काही कारणास्तव तुरुंगात जाण्याची शक्यता असल्याचे हस्तरेषाशास्त्रात म्हटले गेले आहे.

हेही वाचा- हस्तरेषाशास्त्रानुसार तळहातावरील त्रिकोण चिन्ह देतात या गोष्टींचे संकेत!

शनी पर्वतावर हे चिन्ह मानले जाते शुभ

हस्तरेखाशास्त्रानुसार शनी पर्वतावरील वर्ग किंवा चौकोनी आकार शुभ मानला जातो. असं म्हटलं जातं की ज्यांच्या हातावर या खुणा असतात त्यांना आयुष्यात कमी अडचणींना सामोरं जावं लागतं. किंवा त्याच्यापुढील अडचणी कमी होतात. शनी पर्वतावरील उभ्या रेषा नशिबाच्या प्रतीक मानल्या जातात. असे लोक आयुष्यात ज्या क्षेत्रात पाऊल ठेवतात त्या क्षेत्रात यश मिळवतात.

हेही वाचा- शनी पर्वतावर त्रिशूळ चिन्ह असल्यास काय होते? जाणून घ्या, अर्थ आणि लाभ!

Disclaimer: या लेखात दिलेली माहिती पूर्णपणे खरी आणि अचूक असल्याचा आमचा दावा नाही. त्यांचा अवलंब करण्यापूर्वी संबंधित क्षेत्रातील तज्ज्ञांचा सल्ला घ्यावा.