Palmistry : हस्तरेषाशास्त्रानुसार तळहातावरील त्रिकोण चिन्ह देतात या गोष्टींचे संकेत!

तळहातावर मोठे त्रिकोण चिन्ह असणे - हस्तरेषाशास्त्रानुसार तळहातावर मोठे त्रिकोण चिन्ह असलेल्या व्यक्तीचे मन खुप प्रेमळ असते. असे लोक इतरांच्या भल्याचा विचार करतात आणि मदतीसाठी नेहमी तत्पर असतात.

चंद्र पर्वतावरील त्रिकोण चिन्ह - ज्या लोकांच्या तळहातावर चंद्र रेषेवर त्रिकोणासारखे चिन्ह असते, अशा व्यक्ती आपल्या आयुष्यात नक्कीच परदेश प्रवास करतात. असे लोक नोकरीसाठी परदेशात जातात. अशा लोकांमध्ये नेतृत्व क्षमता भरपूर असते. हे लोक जीवनाचा पुरेपूर आनंद घेतात.

शुक्र पर्वतावरील त्रिकोण चिन्ह - हस्तरेषाशास्त्रानुसार शुक्र पर्वतावर ज्या व्यक्तींच्या तळहातावर त्रिकोण चिन्ह असते, असे लोक अतिशय आकर्षक असतात. हे लोक इतरांचे लक्ष वेधून घेतात. आपल्या बुद्धिमत्तेच्या जोरावर ते यश मिळवतात.

Palmistry: शनी पर्वतावर त्रिशूळ चिन्ह असल्यास काय होते? जाणून घ्या, अर्थ आणि लाभ!

वयोरेषेवरील त्रिकोण चिन्ह - वयोरेषेवरील त्रिकोण चिन्ह दीर्घायुष्य आणि शुभता दर्शवते. असे लोक दीर्घायुष्य जगतात. आपल्या आरोग्याकडे नेहमी लक्ष देतात. जेवणात विशेष काळजी घेतात. हे लोक खूप शिस्तप्रिय असतात.असे लोक त्यांच्या आयुष्यात क्वचितच आजारी पडतात.

मेंदूच्या रेषेवरील त्रिकोण चिन्ह - एखाद्या व्यक्तीच्या मेंदूच्या रेषेवर त्रिकोण चिन्ह तयार झाले तर असे लोक खूप भाग्यवान मानले जातात. असे लोक केवळ शैक्षणिक आणि बौद्धिक यश मिळवू शकत नाही तर ते चांगले वक्तृत्व देखील करतात. या लोकांना सामाजिक प्रतिष्ठा मिळते, असे म्हटले जाते.

(डिस्क्लेमर : या लेखात दिलेली माहिती केवळ धार्मिक श्रद्धा आणि विविध माध्यमांवर आधारित आहे, हे पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही.)