Palmistry: फक्त रेषांमध्येच नाही, तर तळहाताच्या बनावटीमध्येही लपली आहेत गुपिते

मऊ तळहात

हस्तरेषाशास्त्रात मऊ तळवे अत्यंत शुभ मानले जातात. असे मानले जाते की एखाद्या व्यक्तीचा तळहात जितका मऊ आणि गुलाबी असतो तितकी ती व्यक्ती भाग्यवान असते. अशी व्यक्ती ऐशोआरामात राहते.

कठीण तळहात

मान्यतेनुसार ज्या लोकांचा तळहात कठोर असतो, त्यांना मेहनतीनंतरच सुख मिळते. हे लोक खूप प्रामाणिक असतात.

मोठा तळहात

ज्या लोकांचा तळहात मोठा असतो ते अतिशय हुशार आणि गंभीर स्वभावाचे असतात. मेहनतीच्या जोरावर त्यांना मोठे यश प्राप्त होते आणि त्यांना धार्मिक कार्यात रस असतो.

लहान तळहात

हस्तरेषाशास्त्रानुसार लहान तळवे असलेले लोक सुखी जीवन जगतात. ते खूप जिज्ञासू असतात. त्यांचे हृदय अतिशय स्वच्छ असते.

चौकोनी तळहात

तळहाताचा आकारही माणसाच्या आयुष्याविषयी अनेक गोष्टी सांगतो. असे मानले जाते की ज्या लोकांचा तळहात चौकोनी असतो, असे लोक हुशार असतात. ते व्यवसायात यश मिळवतात आणि त्यांना संपत्ती आणि वैभव प्राप्त होते.

हेही वाचा- तुमच्या पायांच्या अंगठ्याच्या बाजूचे बोट लहान आहे की मोठे? वाचा, ते काय सूचित करते

लांब बोटे

हस्तरेषाशास्त्रानुसार मऊ तळहात, पातळ, लांब व टोकदार बोटांमुळे व्यक्तीची सौंदर्यबुद्धी विकसित होते. स्वभावातील निष्काळजीपणामुळे व्यवसायात त्यांना फारसे यश मिळत नसले तरी कलात्मक कार्यात यश मिळण्याची शक्यता आहे.

तळहातातील खड्डा

तळहातामध्ये खड्डा असणे हे शुभ प्रतीक मानले जात नाही. असे मानले जाते की अशा लोकांचे जीवन समस्यांनी वेढलेले असते.

हेही वाचा- तळहातावर कमळाचं चिन्ह असेल तर काय होते? जाणून घ्या, काय आहेत याचे संकेत

Disclaimer: या लेखात दिलेली माहिती पूर्णपणे खरी आणि अचूक असल्याचा आमचा दावा नाही. त्यांचा अवलंब करण्यापूर्वी संबंधित क्षेत्रातील तज्ज्ञांचा सल्ला घ्यावा.