Palmistry: तळहातावरील जाळीची खूण चांगली की वाईट? जाणून घ्या, काय सांगते हस्तरेषाशास्त्र
Palmistry: हस्तरेखाशास्त्रानुसार तळहातावरील काही रेषा, योग आणि चिन्हे व्यक्तीच्या जीवनाशी संबंधित अनेक विशिष्ट बाबी सूचित करतात. तळहातावरील काही चिन्हे शुभ (Auspicious signs) मानली जातात, तर काही अशुभही मानली जातात.
Palmistry in Marathi: हस्तरेखाशास्त्रात तळहातावर असलेल्या अनेक रेषा, योग आणि चिन्हांचा उल्लेख करण्यात आला आहे. या रेषा व्यक्तीच्या जीवनाशी संबंधित अनेक विशेष पैलू दर्शवितात. हस्तरेखाशास्त्रात अशा अनेक चिन्हांचा उल्लेख करण्यात आला आहे, ज्या अत्यंत शुभ मानल्या जातात. मात्र, तळहातावर असलेली काही चिन्हे अशुभ असतात किंवा ती जीवनात तणाव निर्माण करू शकतात. मान्यतेनुसार बुध, शुक्र, गुरू आणि इतर ठिकाणच्या तळहातामध्ये जाळी (Web Mark) तयार होणे देखील व्यक्तीबद्दल अनेक संकेत देते. जाणून घेऊ या तळहातावरील जाळीचे चिन्ह काय दर्शवते?
शनी पर्वतावरील जाळीचे चिन्ह
शनी पर्वतावर जाळी (Net Mark) असणे शुभ मानले जात नाही. अशा व्यक्तीमध्ये खूप आळस असतो. अशा व्यक्तीने खूप सावधगिरी बाळगली पाहिजे आणि कोणावरही आंधळेपणाने विश्वास ठेवू नये कारण त्यांना पैशांशी संबंधित समस्यांना सामोरे जावे लागू शकते.
सूर्य पर्वतावरील जाळीचे चिन्ह
तळहाताच्या सूर्य पर्वतावरील जाळीचे चिन्हही शुभ मानले जात नाही. असे मानले जाते की यामुळे एखाद्या व्यक्तीच्या प्रतिष्ठेला धक्का पोहोचू शकतो. आयुष्यात अडचणींना सामोरे जावे लागू शकते.
मंगळ पर्वतावरील जाळीचे चिन्ह
मंगळ पर्वतावरील जाळीची खूण चांगली मानली जात नाही. अशा व्यक्तीने राग टाळला पाहिजे आणि वादविवादांपासून अंतर ठेवले पाहिजे. मानसिक त्रास सहन करावा लागू शकतो.
बुध पर्वतावरील जाळीचे चिन्ह
बुध पर्वतावर जाळीचे चिन्ह असणे चांगले मानले जात नाही. असे लोक फसवणुकीची आणि चोरीची सवय लावू शकतात, असे मानले जाते.
ब्रेसलेट रेषेवरील जाळीचे चिन्ह
हाताच्या ब्रेसलेट रेषेवरही जाळी तयार होणे हे चांगले लक्षण नाही. यामुळे व्यक्तीला प्रगतीच्या मार्गात अडथळ्यांना सामोरे जावे लागू शकते, असे मानले जाते.
राहू पर्वतावरील जाळीचे चिन्ह
राहू पर्वतावरील जाळीचे चिन्ह हे दुर्दैवाचे लक्षण मानले जाते. असे म्हटले जाते की, अशा व्यक्तीला खूप कष्ट करूनही आयुष्यात अडचणींना सामोरे जावे लागते आणि प्रत्येक मार्गात अडथळे येतात.
गुरु पर्वतावरील जाळीचे चिन्ह
तळहातातील गुरु पर्वतावरील जाळीचे चिन्हही योग्य मानले जात नाही. असे म्हणतात की असे लोक खूप स्वार्थी असतात. त्यांच्यात खूप अहंकार असतो, ज्यामुळे त्यांना आयुष्यात अडचणींचा सामना करावा लागतो.
Disclaimer: या लेखात दिलेली माहिती पूर्णपणे खरी आणि अचूक असल्याचा आमचा दावा नाही. त्यांचा अवलंब करण्यापूर्वी संबंधित क्षेत्रातील तज्ज्ञांचा सल्ला घ्यावा.
Sunil Madhukar Tambe
संबंधित बातम्या