Mangal Chandra Yuti: भरपूर पैसा मिळणार, लक्ष्मीची कृपा बरसणार! मंगळ-चंद्राची युती ‘या’ राशींना मालामाल करणार
Mangal Chandra Yuti 2024: मिथुन राशीमध्ये चंद्र आणि मंगळाच्या उपस्थितीमुळे महालक्ष्मी योग तयार झाला, ज्याचा २० ऑक्टोबर २०२४ पर्यंत १२ राशींच्या जीवनावर प्रभाव राहील.
Mangal Chandra Yuti 2024: नऊ ग्रहांमध्ये चंद्र आणि मंगळाचे विशेष महत्त्व आहे. नऊ ग्रहांपैकी चंद्र सर्वात वेगवान प्रवास करतो. दर अडीच महिन्यांनी चंद्र आपली राशी बदलतो. तथापि, या काळात, चंद्राचे नक्षत्र अनेक वेळा बदलते. अशा स्थितीत वेळोवेळी चंद्र देव कोणत्या ना कोणत्या ग्रहाशी संयोग साधत असतो. वैदिक कॅलेंडरनुसार, मंगळ २६ ऑगस्ट २०२४ रोजी मिथुन राशीत प्रवेश केला होता. मंगळाच्या संक्रमणानंतर दोन दिवसांनी २८ ऑगस्ट रोजी चंद्र देवाने मिथुन राशीत प्रवेश केला. मिथुन राशीमध्ये चंद्र आणि मंगळाच्या उपस्थितीमुळे महालक्ष्मी योग तयार झाला, ज्याचा २० ऑक्टोबर २०२४ पर्यंत १२ राशींच्या जीवनावर प्रभाव राहील. वास्तविक, २० ऑक्टोबर २०२४ रोजी दुपारी ०२.४६ वाजता मंगळ कर्क राशीत प्रवेश करेल. यामुळे मंगळ आणि चंद्राचा संयोग तुटेल. २० ऑक्टोबर २०२४पर्यंत महालक्ष्मी योगामुळे तीन राशींना भरभरून पैसा आणि संपत्ती मिळणार आहे. या राशी कोणत्या आहेत, जाणून घेऊया...
मिथुन
मिथुन राशीच्या लोकांसाठी महालक्ष्मी योग खूप फायदेशीर ठरू शकतो. २०ऑक्टोबर पर्यंत या राशीच्या लोकांना प्रत्येक कामात उत्तुंग यश मिळेल. व्यावसायिकांसाठी कमाईचे नवीन मार्ग खुले होतील. नोकरदार लोकांना त्यांच्या मेहनतीचे पूर्ण फळ मिळेल. ऑफिसमध्ये तुमच्या कामाचे कौतुक होईल, ज्यामुळे तुमचे मन प्रसन्न राहील. मिथुन राशीच्या लोकांना आता २०२४च्या आधी केलेल्या गुंतवणुकीतून चांगला परतावा मिळू शकतो.
Ganesh Chaturthi: गणपती बाप्पाला प्रसन्न करायचंय? मग, तुमच्या राशीनुसार बाप्पाला अर्पण करा ‘या’ मिठाई!
सिंह
सिंह राशीच्या लोकांसाठी हा योग शुभ आहे. महालक्ष्मी योगाच्या सकारात्मक प्रभावामुळे या राशीच्या लोकांना आगामी काळात आर्थिक लाभ होईल. यामुळे तुम्हाला समाजात मान-सन्मान मिळेल. पद आणि प्रतिष्ठा वाढल्यामुळे मन प्रसन्न राहील. मानसिक ताण कमी होईल. कुटुंबासोबत दर्जेदार वेळ घालवण्याची संधी मिळेल. धार्मिक कार्याकडे कल वाढेल. यासोबतच आर्थिक परिस्थिती बळकट होण्याच्याही शक्यता आहेत.
कन्या
व्यवसाय विस्ताराशी संबंधित व्यावसायिकांची कोणतीही जुनी इच्छा पूर्ण होऊ शकते. २० ऑक्टोबर २०२४पर्यंत लव्ह लाईफमध्ये परिस्थिती सामान्य राहील. अविवाहित लोकांचे प्रेमविवाह होण्याचीही शक्यता आहे. महिन्याच्या अखेरीस नोकरीतील दीर्घकाळ चाललेल्या समस्या हळूहळू संपतील. याच्या मदतीने तुम्ही कामात पूर्वीपेक्षा चांगली कामगिरी करू शकाल.