मराठी बातम्या  /  राशिभविष्य  /  Today lucky zodiac signs : आज माघ पौर्णिमेच्या दिवशी या ६ राशींचे नशिब पालटणार, कौटुंबिक सौख्यासह धनलाभाचे खास योग

Today lucky zodiac signs : आज माघ पौर्णिमेच्या दिवशी या ६ राशींचे नशिब पालटणार, कौटुंबिक सौख्यासह धनलाभाचे खास योग

Rohit Bibhishan Jetnavare HT Marathi
Feb 24, 2024 01:59 PM IST

Lucky Rashi Today 24 february 2024 : राशीभविष्यानुसार, आज शनिवार (२४ फेब्रुवारी) सर्व राशींसाठी संमिश्र असणार आहे. पण आज माघी पौर्णिमेच्या दिवशी काही भाग्यवान राशींचा शुभ काळ सुरू होणार आहे.

lucky zodiac signs today 24 february 2024
lucky zodiac signs today 24 february 2024

आजचे शनिवार (२४ फेब्रुवारी) राशीभविष्य तुम्हाला तुमची नोकरी, व्यवसाय, व्यवहार, कुटुंब आणि मित्रांसोबतचे संबंध, आरोग्य आणि दिवसभरात घडणाऱ्या शुभ-अशुभ घटनांबद्दल अंदाज देणार आहे. हे राशीभविष्य वाचून तुम्ही तुमच्या दैनंदिन योजना यशस्वी करण्यात यशस्वी व्हाल.

राशीभविष्यानुसार, आज शनिवार (२४ फेब्रुवारी) सर्व राशींसाठी संमिश्र असणार आहे. पण आज माघी पौर्णिमेच्या दिवशी काही भाग्यवान राशींचा शुभ काळ सुरू होणार आहे. या लकी राशींसाठी आजचा दिवस खूपच शुभ असणार आहे. चला तर मग त्या लकी राशी कोणत्या आहेत, ते जाणून घेऊया.

वृषभः आज राशीस्वामी शुक्र लाभदायक आणि चंद्र भ्रमण शुभ स्थानातुन होत आहे. घरात नवीन वस्तूंची खरेदी कराल. मुलांच्या करियर संबंधी आर्थिक तरतूद करण्याकडे कल राहील. कुटुंबात तुमच्या नवीन विचारांचे स्वागत होईल. नात्यात मैत्रीत मधुरता येईल. लेखक कलाकारांना नवनिर्मितीच्या संधी उपलब्ध होतील. कर्जाच्या समस्येतून बाहेर पडण्याचे मार्ग सापडतील. मनातील योजना पार पाडता येणार आहेत. नवीन मित्र परिवार जोडला जाईल. 

कन्याः आज बुध-चंद्र योगात ग्रहमान अनुकूल आहेत. आर्थिक स्थिती समाधानकारक झाल्यामुळे निवांत रहाल. मोठे प्रवासाचे योग येतील. व्यवसायात कामाची पद्धत आखीव आणि आधुनिक असल्यामुळे कामाची गती वाढेल. कलेच्या क्षेत्रात प्रगती होईल. वाद्यकलेशी निगडित व्यवसायांना चलती जाणवेल. युवकांना काळ अतिशय अनुकूल आहे. नव नविन संधी आपल्याला मिळणार आहेत. कलाकारांना त्यांच्या कलागुणांना विकसित करण्यास ग्रहमान अनुकूल आहेत. विद्यार्थ्यांना स्पर्धात्मक यश मिळेल. संततीकडून सर्वदृष्ट्या आनंद दायक बातम्या मिळतील.

वृश्चिकः आज चंद्रबल शुभ राहिल्याने व्यवसायाला योग्य दिशा मिळेल. जोडीदाराशी संबंध सलोख्याचे रहातील. जोडीदाराकडून बऱ्याच अपेक्षा पूर्ण होतील. हजरजबाबी स्वभावामुळे लोकांवर प्रभाव पाडाल. शेअर मार्केटध्ये गुंतवणूक फायदेशीर ठरणार आहे. कामाचा वेग नक्कीच वाढेल. जुन्या मित्र मैत्रिणी आपणास पुन्हा भेटणार आहे. आपल्याला नवीन वाहन घेण्याचा योग आहे. आपण याचा नक्कीच लाभ उठवाल. प्रियजनांच्या भेठीगाठी होतील. कला क्षेत्रातील व्यक्तींना आर्थिकदृष्या लाभ होईल. 

धनुः आज चंद्र केतुच्या नक्षत्रातुन गोचर करत आहे. व्यवसायिकांना काळ अनुकूलच आहे. कर्जफेड करण्या साठी अनुकूल दिवस आहे. मनासारख्या घटना घडण्यास पूरक दिवस आहे. आपल्या ध्येयप्राप्तीकडे वाटचाल करा. सरकारी संदर्भातील व्यक्तींना देखील बढती मिळण्याचे योग आहेत. आर्थिक आवक उत्तम आल्याने समाधान व्यक्त कराल. जोडीदाराशी कुटुंबातील वातावरण एकंदरीत समाधानी राहील. गायन कलाकारांना प्रसिद्धीचे योग आहे. आपले आरोग्य मानसिक समाधानामुळे उत्तम राहणार आहे.

कुंभः आज शुभ स्थानातील चंद्रभ्रमण विशेष लाभ दायक ठरणार आहे. धंद्यामध्ये वरिष्ठ अधिकाऱ्यांकडून चांगली कामे मिळतील. तुमची मते बेधडकपणे मांडाल आणि वाहवा मिळवाल. घरात एखादी चांगली खरेदी कराल. त्यामुळे सर्व खूष रहातील. व्यवसायात आर्थिक तेजी आणि नेमकेपणा राहिल. सांपत्तिक परिस्थितीत सुधारणा होईल. वारसाहकाने धन व संपत्ती लाभणार आहे. नवीन कल्पना आखाव्या लागतील. व्यवसायानिमित्त प्रवासाचे योग येतील. जमीन खरेदी विक्रीतून उत्तम आर्थिक फायदा होईल. 

मीनः आज अतिगंड योगात बुद्धीला विशिष्ट झेप देणारे ग्रहमान असल्यामुळे त्याचा फायदा होईल. मित्र मैत्रिणींच्या गाठीभेटी होतील. आनंदी आणि उत्साही वातावरण लाभेल. तुमच्या आनंदात वरिष्ठही सहभागी झाल्यामुळे तुमचा आनंद अधिकच वाढेल. जगा वेगळ्या गोष्टी करण्याकडे कल राहिल. मानसिक आणि शारिरिक आरोग्य उत्तम राहिल. हातात घेतलेल्या कामात यश मिळेल. मोठ्या घराण्याचा स्नेह प्राप्त होईल. तुमच्या बोलण्यामुळे लोक तुमच्याकडे आकर्षित होतील.

 

 

 

(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)

विभाग