Lucky Zodiac Signs : नावलौकीक वाढेल; प्रेमात यश मिळेल! या ५ लकी राशींची कामे मार्गी लागतील
Lucky Rashi Bhavishya 23 September 2024 : आज भाद्रपद मासातील कृष्ण पक्षातील षष्ठी तिथी असून, पितृ पक्षाच्या सहाव्या श्राद्धाच्या दिवशी सिद्धी योग, अमृत सिद्धी योग, रवियोग आणि रोहिणी नक्षत्र यांचा शुभ संयोग तयार होत आहे, आजचा दिवस या ५ लकी राशीच्या लोकांसाठी लाभदायक आहे.
आज सोमवार २३ सप्टेंबर रोजी, चंद्र दिवसरात्र वृषभ राशीत भ्रमण करणार आहे. तसेच आज भाद्रपद मासातील शुक्ल पक्षातील षष्ठी तिथी असून या तिथीला षष्ठी तिथीचे श्राद्ध केले जाते. श्राद्ध पक्षाच्या सहाव्या दिवशी सिद्धी योग, अमृत सिद्धी योग, रवियोग आणि रोहिणी नक्षत्र यांचा शुभ संयोग होत असल्याने दिवसाचे महत्त्वही वाढले आहे. वैदिक ज्योतिष शास्त्रानुसार आज तयार होत असलेला शुभ योग या ५ राशींना लाभदायक ठरेल.
वृषभ:
आज कुटुंबात आनंदी वातावरण राहील. मित्रमंडळींच्या गाठीभेटी होतील. इतरांना खूप सहकार्य कराल. नावलौकिक वाढेल. लेखकांच्या लिखाणास गती मिळेल. तरुणांच्या आवडी निवडी बदलत राहतील. मनाप्रमाणे खरेदी कराल. राजकिय क्षेत्रातील व्यक्तींकडून सहकार्य लाभेल. सामाजिक कार्याची आवड राहील. विद्यार्थ्यांची विद्याभासातात प्रगती पाहून समाधान होईल. बेरोजगारांना नोकरी मिळेल. काम करण्याची संधी मिळेल.
कर्क:
आज मित्रमैत्रिणींकडून आर्थिक लाभ होईल. नवे मार्ग सापडतील. लांबचे प्रवास आनंददायक होतील. समाजासाठी आपण करत असलेल्या कामासाठी आपल्याला बहुमाना बरोबरच प्रसिद्धीही मिळेल. योग्य व्यक्तीचा सल्ला घेणे आपल्यास फायदेशीर ठरेल. कुंटुबातील वातावरण एकंदरीत आनंददायक राहील. कुंटुंबात सलोख्याचे वातावरण निर्माण होईल. कौटुंबिक जबाबदारीकडे लक्ष द्या. शैक्षणिक कार्यात यश मिळेल.
सिंह:
आज ग्रह-नक्षत्राच्या शुभ योगात बरीच कामे मार्गी लागतील. पूर्वीपेक्षा पैशाची आवक चांगली राहील. प्रेमप्रकरणामध्ये यश येईल. कुटुंबातील सुखद वातावरणात वृद्धी होईल. आज गुंतवणूक करा. निश्चितच भविष्यात ही गुंतवणुक फायदेशीर ठरेल. प्रोत्साहन मिळेल. मित्र मैत्रिणी व जोडीदारांकडून सहकार्य लाभेल. व्यापारात आपली प्रतिमा उंचावेल. प्रेम प्रकरणात संबंध दृढ होतील. कौटुंबिक सौख्य उत्तम आहे.
कन्या:
आज आर्थिक स्थिती बरी राहील. इतरांच्या वेळेचे महत्त्व जपाल. फायद्याचे ठरेल. वडिलोपार्जित अथवा वडिलांबरोबर व्यवसाय करणाऱ्यांना फायदेशीर काळ आहे. व्यापारात व्यवसायवृद्धीसाठी प्रवासाचे योग येतील. व्यवसायात विचारपूर्वक गुंतवणूक करा. मानसन्मान प्रतिष्ठा वाढेल. नोकरीत आर्थिक बाबतीत वाढ होईल. कामातून मिळणाऱ्या लाभात मन समाधानी राहील. धनलाभाचा दिवस आहे. व्यापारात नवीन योजनेचा प्रारंभ करा वक्तृत्वाचा प्रभाव राहील.
कुंभ:
आज वित्तीय संस्थेत काम करण्याची संधी मिळेल. उत्तम दिवस राहील. प्रेम प्रकरणात आवडत्या व्यक्तीजवळ आपले मनोगत व्यक्त करायला उत्तम ग्रहयोग आहे. संशोधन क्षेत्रात काम करणाऱ्यांची प्रगती होईल. व्यापारी लोकांशी मैत्री राहील. भांवडे मदत करतील. कार्यक्षेत्रात हितशत्रु आणि स्पर्धकांवर मात कराल. व्यवसायात जम बसेल. सार्वजनिक कामची आवड राहील. रेंगाळलेली कामे पूर्ण होतील. प्रेमप्रकरणात यश येईल. कामाचा विस्तार होईल.
