मराठी बातम्या  /  राशिभविष्य  /  Lucky Zodiac Signs : गरज करणात कोणाला होणार अफाट फायदा? पाहा आजच्या ५ लकी राशी

Lucky Zodiac Signs : गरज करणात कोणाला होणार अफाट फायदा? पाहा आजच्या ५ लकी राशी

May 21, 2024 11:38 AM IST

Lucky Rashi Bhavishya 21 May 2024 : ग्रह-नक्षत्रांच्या हालचालींमुळे अनेक शुभ-अशुभ योग घटित होतात. आणि त्याद्वारे राशीभविष्य ठरवले जाते. आज मंगळवार रोजी, कोणत्या राशी इतरांच्या तुलनेत नशीबवान ठरणार आहेत, ते जाणून घ्या.

नशीबवान राशी, लकी राशीभविष्य २१ मे २०२४
नशीबवान राशी, लकी राशीभविष्य २१ मे २०२४

बहुतांश लोक राशीभविष्याच्या आधारे आपल्या दिवसाची सुरुवात करत असतात. राशीभविष्याचा वापर करुन भविष्यात येणाऱ्या अडचणींवर उपाययोजना केल्या जातात. ग्रह-नक्षत्रांच्या हालचालींमुळे अनेक शुभ-अशुभ योग घटित होतात. आणि त्याद्वारे राशीभविष्य ठरवले जाते. बऱ्याच वेळा हे बदल काही राशीसाठी अतिशय शुभ ठरतात. आजसुद्धा चंद्र भ्रमणात गजकेसरी योग, षडाष्टक योग घडून येत आहेत. त्यामुळे काही राशींना अतिशय शुभ परिणाम अनुभवायला मिळणार आहेत. पाहूया आजच्या ५ नशीबवान राशी कोणत्या आहेत.

मेष

आज मंगळवारी चंद्र स्वाती नक्षत्रातून भ्रमण करणार आहे. हा काळ मेष राशीच्या लोकांसाठी अगदी उत्तम असणार आहे. नोकरीच्या ठिकाणी वरिष्ठांकडून मनाला सुखावणाऱ्या घटना घडतील. मात्र कोणत्याही कार्यात इतरांवर अवलंबून राहू नका.इतरांप्रती सहकार्याची भावना ठेवल्यास तुम्हालाही सहकार्य प्राप्त होईल. क्रीडा क्षेत्रात कार्यरत असणाऱ्यांना चांगल्या बातम्या ऐकायला मिळतील. विद्यार्थ्यांना त्या-त्या क्षेत्रात उत्तम संधी मिळतील. मनात योजिलेल्या गोष्टी आज पूर्णत्वास जातील.

वृषभ

राशीसाठी आज चंद्र आणि शुक्र षडाष्टक योग लाभदायक ठरणार आहे. मनात ठरवलेल्या योजना आज यशस्वी होतील. मात्र वागण्यात थोडा संयम ठेवा. भविष्याच्या दृष्टीने योजनांची आखणी चाणाक्षपणे कराल तर यशस्वी व्हाल. तरुणांच्या लव लाईफसाठी उत्तम काळ आहे. बाहेर फिरायला जाण्याचा योग जुळून येईल. कामाच्या ठिकाणी आत्मविश्वास दुप्पट होईल. व्यवसायिकांना व्यवसायात नवे अर्थिक स्तोत्र खुले होतील. व्यापारात आर्थिक लाभ नक्की होणार आहे. मनासारखे यश मिळणार आहे. घरामध्ये आपापसांत स्नेह वाढेल. कुटुंबातून तुमच्या कार्यास प्रोत्साहन मिळेल. रागावर नियंत्रण ठेवा. आजचा दिवस यशप्राप्तीचा आहे मोठे आर्थिक व्यवहार करण्यास उपयुक्त दिवस आहे. आनंदाची बातमी मिळेल. आपल्या कार्यक्षेत्रात नाव लौकिकता प्राप्त होईल.

तूळ

तूळ राशीसाठी आजचा दिवस चांगला असणार आहे. तूळ राशीवर आज चंद्र आणि तीन ग्रहांच्या षडाष्टक योगाचा प्रभाव असणार आहे. या स्थितीत राजकारणातील लोकांना समाजाचा प्रचंड प्रतिसाद मिळेल. समाजपयोगी कामे हातून घडतील. मात्र कोणत्याही ठिकाणी टोकाची भूमिका अजिबात घेऊ नका. वारसा हक्काने धनप्राप्ती होण्याचा शुभ योग आहे. कमी श्रमात जास्तीत-जास्त संपत्ती मिळण्याची कला आत्मसात कराल. संशोधन क्षेत्रात विशेष प्रगती कराल. आकस्मिक धनलाभाचा योग आहे. व्यापार रोजगारात अपेक्षेप्रमाणे यश मिळेल. आयुष्याचा मनसोक्त आनंद घ्याल. वैचारिक दृष्टिकोनातून घरातील लोकांशी मतभेद होतील. महत्वाची कामे करताना वेळेचे नियोजन करुनच कराल. नोकरीमध्ये वरिष्ठांकडून कौतुक होईल. एखाद्या समारंभात सहभागी होण्याचा योग आहे. हातात घेतलेल्या कामात यश मिळाल्याने मन प्रसन्न राहील. 

वृश्चिक

वृश्चिक राशीच्या लोकांवर आज षडाष्टक योगाचा प्रभाव दिसून येत आहे. बौद्धिक क्षमतेच्या जोरावर कामाच्या ठिकाणी इतरांवर नवी छाप पाडाल. जमीन अथवा घर खरेदी करण्याची इच्छा आज पूर्ण होऊ शकते. तुमच्या ज्ञानाचा वापर तुमच्या कार्यक्षेत्रात होईल. त्यामुळे लोक तुमच्याकडे आकर्षित होतील. वडिलोपार्जित संपत्तीतून आर्थिक फायदा मिळेल. व्यवसायात नवनवीन संधी प्राप्त होतील. घरातील वातावरण खेळीमेळीचे राहील. हातात पैसा आल्याने मन प्रसन्न होईल.

धनु

आज धनु राशीच्या लोकांसाठी शुभ दिवस आहे. तुमच्या कार्यक्षेत्रात तुम्ही उत्तम प्रदर्शन कराल. व्यवसायात उल्लेखनीय वाढ होईल. तंत्रज्ञान क्षेत्रातील व्यक्तींना प्रगतीकारक दिवस आहे. तुमची पदोन्नती व प्रगती होईल.घरामध्ये नवनवीन सजावटीचे काम होईल. घरामध्ये महागडी वस्तूची खरेदी कराल. कलाक्षेत्रातील महिला करिअरमध्ये मोठी झेप घेतील. व्यापारात प्रयत्नाच्या तुलनेने अधिक लाभ होईल. भागीदारासोबत व्यवसाय प्रारंभ करण्यासाठी उत्तम दिवस आहे. अल्प मुदतीची गुंतवणूक फायदेशीर ठरणार आहे. विद्यार्थ्यांना शैक्षणिक क्षेत्रात उत्तम यश मिळेल.

WhatsApp channel