मराठी बातम्या  /  राशिभविष्य  /  Today lucky zodiac signs: षडाष्टक योगात रविवार ठरेल आर्थिक लाभाचा, या ५ राशींचे नशीब फळफळेल

Today lucky zodiac signs: षडाष्टक योगात रविवार ठरेल आर्थिक लाभाचा, या ५ राशींचे नशीब फळफळेल

Priyanka Chetan Mali HT Marathi
Jan 21, 2024 11:59 AM IST

Lucky Rashi Today 21 january 2024: आज पुत्रदा एकादशी असून, ग्रह-नक्षत्राचा शुभ संयोगात ५ राशींना आर्थिक पाठबळ मिळेल. जाणून घ्या या कोणत्या ५ नशीबवान राशी आहेत.

Lucky Rashi Today 21 january 2024
Lucky Rashi Today 21 january 2024

आज रविवार २१ जानेवारी रोजी, चंद्र शुक्र ग्रहाच्या वृषभ राशीत संक्रमण करत आहे, तसेच आज पौष महिन्यातील शुक्ल पक्षातील एकादशी तिथी असून, या दिवशी द्विपुष्कर योग, शुक्ल योग, ब्रह्मयोग आणि रोहिणी नक्षत्र यांचा शुभ संयोग होत असल्याने आजच्या दिवसाचे महत्त्व वाढले आहे. अशात ५ राशींना नशीबाची पूर्ण साथ मिळत आहे.

वृषभ: 

आज ग्रह-नक्षत्राच्या शुभ योगात व्यापारात आर्थिक लाभ घडतील. नवीन योजनेच्या दृष्टीने लाभदायक दिवस आहे. एखादी छोटी सकारात्मक गोष्टसुद्धा तुम्हाला खूप मोठा आनंद देवून जाईल. कामाचा दर्जा सुधारेल. समाजकार्याची आवड जन मानसात तुमची विलक्षण छाप पाडेल. व्यवसायात आपल्या मतांवर ठाम रहाणार आहात. कामाचीगती वाढवण्यासाठी याचा निश्चित उपयोग होऊ शकतो. नातेवाईक आप्तेष्टाकडून सहकार्य लाभेल. कुटुंबात धार्मिक कार्याची रूपरेखा आखली जाईल. प्रगतीचे मार्ग मोकळे होतील. फायदेशीर प्रवास होण्याची शक्यता आहे. नोकरीत प्रमोशन होण्याची शक्यता आहे. जोडीदाराकडून सहकार्य लाभेल. मोठा आर्थिक लाभ होईल.

कर्क: 

आज ग्रह-नक्षत्राच्या शुभ योगात आकस्मिक धनलाभाचा योग आहे. कार्यक्षेत्रात पूर्ण क्षमतेने कर्तुत्वाला साजेसे कार्य कराल. धाडसी निर्णय घ्याल. व्यापार रोजगारात अपेक्षेप्रमाणे यश मिळेल. वैवाहिक जीवनातले भांडण मतभेद दूर होऊ शकतील. व्यापारात आर्थिक वृद्धी होईल. मित्र आणि भागीदाराकडून सहकार्य लाभेल. परदेशगमनाचे योग आहेत. व्यापारीवर्गाला आर्थिक फायद्याचा दिवस आहे. आज आनंदी व ऊत्साही राहाल. मित्रमैत्रिणींकडून आर्थिक बाबतीत मदत मिळेल. कौटुंबिक पातळीवर पत्नी व संततीसी मधुर संबंध राहतील. सामाजिक क्षेत्रात कार्यरत असणाऱ्या मंडळीना उत्तम दिवस आहे. संततीकडून शुभ संदेश मिळतील. दिवस समाधानकारक असेल.

कन्या: 

आज ग्रह-नक्षत्राच्या शुभ स्थितीत प्रयत्न यशस्वी ठरतील. वैवाहिक जीवनात जोडीदाराला समजून घेण्यात पुढे असल्यामुळे घरातील वातावरणही आनंदी राहील. व्यवसायात तुमच्या वेगवेगळ्या कल्पनांचे स्वागत होईल. आर्थिक पाठबळ चांगले मिळाल्यामुळे नवीन योजना राबवाल आणि त्या प्रत्यक्षात उतरवण्यासाठी जीवाचे रान करायची तयारी ठेवाल. शेअर्समध्ये दिर्घकालीन गुंतवणूक लाभ देणार आहे. वरिष्ठ सदस्यांकडून मार्गदर्शन लाभेल.

तूळ: 

आज गर्ह-नक्षत्राच्या संयोगात नवीन वस्तु खरेदीस अनुकूल दिवस आहे. ज्यांना परदेशात जायचं आहे त्यांनी काही बाबतीत ठोस निर्णय घ्यायला हरकत नाही. व्यवसायात सहकार्य मिळेल. उधारी वसूल होतील. घरामध्ये एखाद्या विषयावर अभ्यासपूर्ण बोलून इतरांची मने जिंकाल. एखादी मस्त खरेदी करण्याचा मूड राहील. आत्मविश्वासात वाढ होवून मन प्रसन्न राहील. कौटुंबिक समस्या आणि स्थावर मालमत्ता या संबंधातील समस्या दूर होतील. समाजात मानसन्मान प्रतिष्ठा मिळाल्याने आनंदी राहाल.

धनु: 

आज दिवस उत्तम राहील. आपल्या व्यक्तिमत्वात वाढ होईल. अनुकुल स्थिती राहील. उत्तम कल्पनाशक्तीमुळे कलाकारांना चांगला वाव मिळेल. तुमच्या कलागुणांना लोकांची दाद चांगली मिळेल. आपल्या आकांक्षा पूर्ण करण्याच्या दृष्टीने कामकाजाला सुरुवात करा. कामकाजामध्ये विस्तार होईल. योग्यवेळी घेतलेल्या निर्णयाचा फायदा होईल. औद्योगिक क्षेत्रातील व्यक्तींना आर्थिक लाभ व मानसन्मान मिळेल. आनंदाची बातमी ऐकायला मिळेल. वैवाहिक सुखात वाढ होईल. मुलांकडुन समाधान मिळेल. मोठी आर्थिक गुंतवणूक फायदेमंद सिद्ध होईल.

 

(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)