मराठी बातम्या  /  राशिभविष्य  /  Todays Lucky Zodiac Signs : आज या ५ राशींच्या भाग्योदयाचा दिवस, सर्व कामे मार्गी लागतील, आर्थिक लाभ मिळतील

Todays Lucky Zodiac Signs : आज या ५ राशींच्या भाग्योदयाचा दिवस, सर्व कामे मार्गी लागतील, आर्थिक लाभ मिळतील

Rohit Bibhishan Jetnavare HT Marathi
Apr 12, 2024 11:58 AM IST

lucky zodiac signs 12 april 2024 : आज १२ एप्रिल २०२४ शुक्रवारचा दिवस मेष, मिथून, कर्क, सिंह आणि कन्या या राशींच्या लोकांना भाग्याचा असणार आहे.

Todays lucky zodiac signs 12 april 2024
Todays lucky zodiac signs 12 april 2024

दैनंदिन राशीभविष्यानुसार आजचा (१२ एप्रल) दिवस शुक्रवार सर्व राशींसाठी खूप महत्वाचा असणार आहे. आज काही राशींना आर्थिक क्षेत्रात लाभ मिळेल. तर काही राशीच्या लोकांनी व्यवसाय क्षेत्रात सावध राहण्याची गरज आहे. पण येते आपण आज कोणत्या राशींसाठी भाग्याचा दिवस आहे, ते जाणून घेणार आहोत. 

मेषः  आज चंद्राच्या नक्षत्रातील चंद्रभ्रमण विशेष लाभदायक ठरणार आहे. तुमच्यासमोर शत्रूंचे काही चालणार नाही. प्रत्येक विरोधावर मात करण्याची ताकद येईल. इतरांना सल्ले देण्यात आणि इतरांच्या वर्तनात कशी सुधारणा हवी हे समजवण्यात पुढे रहाल. नवीन योजनेत कामाच्या जबाबदाऱ्या वाढणार आहेत. व्यवसायात आर्थिक तेजी आणि नेमकेपणा राहिल. सांपत्तिक परिस्थितीत सुधारणा होईल. आचरण उत्तम राहिल्यामुळे लौकिकता वाढेल. वारसाहकाने धन व संपत्ती लाभणार आहे. व्यवसाया निमित्त प्रवासाचे योग येतील. जमीन खरेदी विक्रीतून उत्तम आर्थिक फायदा होईल. देवधर्म पूजापाठ यासारख्या धार्मिक कार्य करण्याची इच्छा निर्माण होईल. 

शुभ रंग: भगवा शुभ दिशा: दक्षिण. शुभ अंकः ०४, ०८.

मिथुनः  आज चंद्राचं बल चांगलं लाभल्याने कामाचे नियोजन उत्तम केल्यास यश मिळेल. व्यापार व्यवसायात एखादे काम मिळण्याच्या मागे असाल तर उच्चपदस्थ लोकांच्या मध्यस्थीने कामे लवकर होतील. प्रसिद्धीचे योग येतील. कलाकार आणि खेळाडूंना चांगल्या संधी निर्माण होतील. प्रत्येक गोष्टीचे उत्तम चिंतन कराल. आपल्या कार्यक्षेत्रात आर्थिक लाभाबरोबर प्रतिष्ठाही मिळेल. जमिन विक्रीतून लाभ होईल. घरात एखादे धार्मिक कार्य कराल. नोकरीत अधिकार सत्ता प्रस्थापित करण्यात यश मिळेल. वडिलोपार्जित व्यवसाय करणाऱ्यांना फायदेशीर काळ आहे. व्यवसायवृद्धी साठी प्रवासाचे योग येतील. 

शुभ रंगः पोपटी शुभ दिशाः उत्तर. शुभ अंकः ०६, ०८.

कर्कः  आज ग्रहयोग अनुकूल आहेत. नोकरी व्यापारात सरकारी कामकाजामुळे काही कामे अडली असतील तर ती पूर्ण होतील. काही सवलती मिळायच्या असतील तर त्या मिळून जातील. वरिष्ठांची मर्जी झाल्यामुळे प्रमोशनही मिळू शकते. विद्यार्थ्यांचा तणाव कमी होईल. सार्वजनिक कार्यात पतप्रतिष्ठा वाढण्यास मदत होईल. युवकांना काळ अतिशय अनुकूल आहे. नव नविन संधी आपल्याला मिळणार आहेत. कलाकारांना त्यांच्या कलागुणांना विकसित करण्यास ग्रहमान अनुकूल आहेत. विद्यार्थ्यांना स्पर्धात्मक यश मिळेल. 

शुभ रंगः पांढरा शुभ दिशाः वायव्य. शुभअंकः ०३, ०७.

सिंहः  आज चंद्रभ्रमण शुभ स्थानातुन होत आहे. नवीन नोकरीच्या शोधात असणाऱ्यांना वेगवेगळ्या संधी मिळतील. घरातील वातावरण सुधारेल. विद्यार्थ्यांनी कोणताही अविचार करू नये. नोकरीत अधिकार मिळेल. सकारात्मक दृष्टीकोन ठेवल्यास यश मिळेल. पूर्वी मांडलेले आर्थिक आडाखे सफल होतील. नवीन धोरणं योजना राबवून स्पर्धकांवर मात करावी लागेल. नात्यात मैत्रीत मधुरता येईल. लेखक कलाकारांना नवनिर्मितीच्या संधी उपलब्ध होतील. कर्जाच्या समस्येतून बाहेर पडण्याचे मार्ग सापडतील. मनातील योजना पार पाडता येणार आहेत. नवीन मित्र परिवार जोडला जाईल

.शुभ रंगः लालसर शुभ दिशाः पूर्व. शुभ अंकः ०१, ०९.

कन्याः  आज चंद्राशी होणारा इतर ग्रहांचा योग पाहता ग्रहांची अनुकूलता आहे. तुमच्या अंगच्या धडाडीचा मात्र फायदा होईल. प्रेम प्रकरणामध्ये तरुणांना यश येईल. महत्त्वाचे निर्णय लवकर घ्यावेत. नोकरी व्यवसायाच्या निमित्ताने परदेशी जाण्याचे योग येतील. कामाच्या ठिकाणी अनेक सुधारणा कराल त्यामुळे उत्पन्नात वाढ होईल. सफलतेचा आनंद मिळणार आहे. आपल्या इच्छा आकांक्षा पूर्ण होतील. व्यवसाय वृद्धीच्या संधी चालून येतील. शेअर्स अथवा अल्प मुदतीची गुंतवणूक फायदेशीर ठरणार आहे. नवीन गृहोपयोगी वस्तु खरेदीचे योग येतील.

शुभ रंगः हिरवा शुभ दिशाः उत्तर. शुभ अंकः ०३, ०६.

WhatsApp channel

विभाग