Horoscope today 16 March 2023 : वृषभ, कन्या, मकर, मीन राशीवर होणार आज गुरुची कृपा; वाचा राशीभविष्य!

मेष: नेहमीच्या कामात खुप मेहनत घ्यावी लागेल. भावंडांशी संबंध दुरावणार नाहीत याची काळजी घ्या. आपल्या बोलण्यावर नियंत्रण ठेवावे अन्यथा गैरसमज निर्माण होण्याची शक्यता आहे. नोकरीत संघर्षाचे प्रसंग घडतील. काही बाबतीत मानसिक ताणतणाव निर्माण होतील. व्यापारात महत्वाचे निर्णय शक्यतो आज टाळावेत. नातेवाईकांशी असलेल्या संबंधात मर्यादा राखा. मानसिक ताणतणावामुळे प्रकृती बिघडण्याची शक्यता आहे. कौटुंबिक जीवनात विवाद टाळावेत. शक्यतो दुरवरचे प्रवास नुकसानकारक ठरतील. मातेच्या प्रकृतीची काळजी घ्या.

शुभरंग: गुलाबी शुभदिशा: नैऋत्य.

वृषभ: आज गुरू ग्रहाच्या प्रभावामुळे बौद्धिक क्षेत्रात आपली प्रतिष्ठा उंचावेल. नोकरी रोजगारात आपले कर्तुत्व दाखवण्याची संधी मिळेल. आपल्या अंगीभूत कलागुणांना चांगले वातावरण राहिल. आध्यात्मिक व धार्मिक स्वरूपाचं लेखन होईल. बेरोजगारांना रोजगार मिळेल. व्यवसायातील वातावरण चांगले राहिल. अचानक लाभ होण्याचे योग आहेत. वारसा हक्काची प्रकरण मार्गी लागतील. विवाह इच्छूकांचे विवाह जुळून येतील. संततीकडून शुभवार्ता समजतील. पती-पत्नी मध्ये प्रेमभाव वृद्धिंगत होईल.

शुभरंग: पिवळसर शुभदिशा: वायव्य.

मिथुन: आज काहीसा कठिण परिस्थितीचा सामना करावा लागु शकतो. शत्रुपक्षाचे वर्चस्व वाढेल. नोकरीत विरोधक कारवाया करयाची संधी दवडणार नाहीत. व्यापारात उत्पन्नापेक्षा खर्चाचे प्रमाण वाढेल. दैवी आणि ईश्वरीय पाठबळ लाभणार नाही. कर्मास प्राधान्य द्यावे वास्तुविषयी प्रश्न, कामे रेंगाळतील. कौटुंबिक वातावरण बिघडणार नाही याची काळजी घ्यावी. बोलताना शब्द तोलुन-मापून वापरावेत अन्यथा समोरचा व्यक्ती दुखावला जाण्याची शक्यता आहे.व्यापारात नुकसान संभवते. आजारपण प्रकृती याकडे लक्ष दयावे.

शुभरंग: पोपटी शुभदिशा: उत्तर

कर्क :आज आपल्या हातून विद्यायक कार्याची मुहूर्तमेढ करू शकाल. नवीन उपक्रम हाती घ्याल. मोठ्या व्यक्तींचा सहवास लागेल. चांगल्या विचारांचा लाभ होईल. नोकरीत नवीन जबाबदारी मिळू शकेल. संशोधनात्मक कार्य आपल्या हातून होण्याची शक्यता आहे. व्यवसायात चांगला फायदा होईल.परंतु अप्रतिष्ठा होण्याचे योग आहेत. काहीना प्रमोशन मिळण्याची किंवा वेतनवाढ मिळण्याची शक्यता आहे. प्रेमसंबंधात वृद्धि होईल. मानसिक स्वास्थ बिघडणार नाही या विषयी काळजी घ्यावी. नवीन ओळखीतून फायदा होईल.

शुभरंग: सफेद शुभदिशा: वायव्य

सिंह: आजचं घरासंबंधीचा प्रश्न निर्माण होतील. जुन्या प्रॉपर्टीचे प्रश्न आचानक उद्भभवतील. दिनमान समिश्र फलदायी. नोकरीत गैरसमजाचे वातावरण राहिल. वरिष्ठांची नाराजी सहन करावी लागेल. वरिष्ठांकडून कामाची अपेक्षा वाढणारआहे. व्यापारात फसगत होण्याची शक्यता आहे. नवीन ओळख झालेल्या व्यक्तीवर फारसे विसंबून राहू नका. कौटुंबिक वातावरण बिघडणार नाही. याकडे लक्ष द्यावे. अपेक्षित कामे रखडण्याची शक्यता आहे. विरोधकांच्या कारवाया वाढतील. त्यामुळे ताणतणाव वाढण्याचे योग आहेत.

शुभरंग: लाल शुभदिशा: पूर्व.

कन्या : आज गुरूची कृपा लाभेल. बुद्धीमतेच्या दृष्टीने मोठे शुभ फलदायी आहे. नोकरीत कर्तुत्वाला चांगली संधी निर्माण होईल. आपले सुप्त गुण प्रकर्षाने उजळून निघतील. आपले कर्तुत्व सिद्ध झाल्याने जनमानसात प्रतिष्ठा वर्चस्व प्रस्थापित कराल. व्यवसायात भरभराटी होण्याची शक्यता आहे. नवनवीन योजना कार्यान्वित करू शकाल. मोठ्या भांवडाकडून उत्तम सहकार्य लाभेल. अचानक लाभ होतील. कौटुंबिक वातावरण चांगले व आनंददायी रहिल. भाषाभ्यास, ग्रंथलिखाणास उत्तम दिवस आहे. विद्याभ्यासात प्रगती राहिल.संशोधनपर केलेल्या कामास मानसन्मान, पुरस्कार मिळण्याची शक्यता आहे. आपले कर्तुत्व सिद्ध कराल.

शुभरंग: हिरवा शुभदिशा: उत्तर.

तुला : आज आर्थिक उत्पन्नापेक्षा खर्चाचे प्रमाण वाढण्याची शक्यता राहिल. दुसऱ्याला जामीन राहू नका अन्यथा फसवणूक होण्याची शक्यता आहे. चाण्यक्यनितीचा वापर करून काही बाबतीत यश संपादन करू शकाल. व्यापार रोजगारात आर्थिक उन्नती होईल; पण खर्चाचे प्रमाणही वाढेल. आपल्या आवडीनिवडी पूर्ण करू शकाल. मनोरंजनाकडे कल राहील. कुंटुंबात एखादी शुभ घटना घडेल. नोकरीत बढतीची शक्यता राहिल. राजकारणात किंवा समाजकारणात आपली प्रतिष्ठा ढासळ्याची शक्यता आहे. पत्नी-संततीसाठी खर्च होण्याची शक्यता आहे.

शुभरंग: पांढरा शुभदिशा: पश्चिम.

वृश्चिक: आज आपले सुप्त गुण प्रकर्षाने उजळून निघतील. मोठ्या व मान्यवर व्यक्तींच्या गोठाभेटी होतील. नोकरीत वरिष्ठांची मर्जी संपादन कराल. नवीन जागा घेण्याचे स्वप्न पूर्ण होईल. नोकरीत प्रशंसा केली जाईल. प्रलोभनाला मात्र बळी पडू नका. व्यापारात नवीन योजना आखाल. नवीन उपक्रम सुरू कराल. मनोबल आत्मविश्वास उंचावलेले राहिल. संतती सौख्य उत्तम राहिल. शेअर्स मधील दिर्घकालीन गुंतवणुक फायदेशीर ठरेल. घरातील मोठ्या व्यक्तींची काळजी घ्यावी लागेल. कर्जाची मागणी मंजुर होईल. पत प्रतिष्ठा वाढेल.

शुभरंग: तांबूस शुभदिशा: दक्षिण.

धनु: आज मानसिक स्वास्थ बिडणार नाही याची काळजी घ्यावी. काहीसा अडचणीत आणणारा त्रासदायक दिवस ठरेल. पनी-पत्नीमध्ये बेबनाव गैरसमज होणार नाही याविषयी काळजी घेणे योग्य ठरेल. नोकरीत खुप मेहनत घ्यावी लागेल. आपल्याविरुद्ध मात्र गैरसमज किंवा निंदानालस्ती होण्याची शक्यता आहे. मानसिक ताणतणाव वाढण्याची शक्यता राहील. हातून वाईट, अनैतिक कृत्य होण्याची संभावना आहे. जमीन जुमल्याच्या व्यवहारात नुकसान होईल. आर्थिक प्रकरणात नुकसान होऊ शकते.

शुभरंग: पिवळा शुभदिशा: पूर्व.

मकर: आज लाभ नोकरीत प्रमोशन व वेतनवाढ होण्याची शक्यता आहे. विरोधकावर मात करू शकाल. आपले वर्चस्व सिद्ध कराल. व्यापारात विरोधक आक्रमक होतील. त्याचा बीमोड करण्यात यशस्वी व्हाल. आर्थिक स्थिती चांगली राहील. मित्रमैत्रिणींकडून सहकार्य मिळेल. स्विकारलेली कामे यशस्वी होतील. मनाजोग्या घटना घडतील.आर्थिक आवक वाढेल. दुरवरचे प्रवास शक्यतो टाळावेत. वाहन सावकाश चालवा. नव्या योजनाना आज चांगला प्रतिसाद मिळेल. सामाजिक कार्यात सहभागी व्हाल. कौटुंबिक वातावरण आनंददायी राहिल.

शुभरंग : निळा शुभदिशा: पश्चिम.

कुंभ: आज आपणास उत्तम असुन मानसन्मान प्रतिष्ठा लाभेल. रोजगारात स्वतःच्या विवेक बुद्धीने निर्णय घ्या. बढतीची शक्यता आहे. नवीन संधी नवीन मार्ग सापडतील. संकुचित मनोवृति टाळावी. राजकीय क्षेत्रातील व्यक्तींना पदप्राप्ती मिळेल.आपली प्रतिष्ठा वाढीस लागेल. कामात यश आल्याने आपले मनोधर्य उंचावेल. दुर्व्यसनांपासून सावध राहा.आजारी व्यक्तींच्या प्रकृतीत सुधारणा होईल. शासकीय कामकाजास शुभ दिनमान आहे. गूढशास्त्राकडे कल राहिल. वैवाहिक अडचणी निर्माण होण्याची शक्यता आहे. काळजी घ्यावी.

शुभरंग: जांभळा शुभदिशा: नैऋत्य.

मीन: आजचे गुरुमुळे अनुकुल योग आहे. तीर्थ किंवा धार्मिक स्थळांना भेट द्याल. नोकरीनिमित्त दुरवरचे प्रवास घडतील. प्रवासातुन लाभ होईल. गुढ, अध्यात्म क्षेत्रात रममाण होण्याची शक्यता आहे. भाग्योदय होण्याचा योग असून मान्यवर व मोठ्या व्यक्तींचा सहवास लाभेल. आपले डावपेच यशस्वी होतील. सत्संग, संत दर्शन घडेल. विवाह इच्छुकांचे विवाह जुळतील. व्यापारात योजना सफल होतील. मंत्रजप, ईश्वराची आराधना याकडे कल राहिल. घरातील कौटुंबिक वातावरण चांगले राहिल.

शुभरंगः पांढरा शुभदिशा: ईशान्य.

जय अर्जुन घोडके

jaynews21@gmail.com

(लेखक ज्योतिष विद्येचे अभ्यासक आहेत.)