शनीचे गोचर, सूर्यग्रहण आणि शनी अमावस्या एकाच दिवशी, जाणून घ्या कोणत्या राशींना होणार लाभ
Shani Gochar, Sun Eclipse and Shani Amavasya: ज्या दिवशी शनिदेव गोचर करत आहेत तो दिवस शनिपूजनासाठी खूप चांगला आहे. त्या दिवशी, २९ मार्च २०२५ रोजी शनी अमावस्या आणि सूर्यग्रहण देखील आहे. चला जाणून घेऊ या या दिवशी कोणत्या राशींना फायदा होईल.
Shani Gochar, Sun Eclipse and Shani Amavasya: ज्या दिवशी शनी गोचर करणार आहे तो दिवस शनिपूजनासाठी खूप चांगला असल्याचे मानले जात आहे. त्या दिवशी, २९ मार्च २०२५ रोजी शनी अमावस्या (Shani Amavasya) आणि सूर्यग्रहण (Solar Eclipse) देखील आहे. या दिवशी चैत्र अमावस्या साजरी केली जाते, म्हणजेच या दिवसापासून नवरात्र सुरू होईल. या दिवसाला हिंदू दिनदर्शिकेनुसार नवसंवत्सर म्हणतात.
साडेसाती आणि शनी ढैय्या या राशींसाठी खूप खास आहे. याचे कारण म्हणजे या दिवशी केलेले उपाय तुम्हाला अतिशय फायदेशीर ठरणार आहेत. शनीचे गोचर आणि सूर्यग्रहणाचा लाभ एकूण चार राशींना मिळणार आहे. जाणून घ्या, ज्या राशींना लाभ मिळणार आहेत त्या राशी कोणत्या आहेत आणि त्या राशींना नेमके कोणते लाभ मिळणार आहेत.
जाणून घेऊ या या दिवशी कोणत्या राशींना फायदा होईल
मीन, धनु, मिथुन आणि तुळ या ४ राशींवर शनी गोचर आणि शनी अमावस्येचा प्रभाव पडणार आहे. शनी-गोचर आणि सूर्यग्रहण मीन राशीत धन घेऊन येईल. आपल्या पदोन्नतीची दाट शक्यता आहे. याशिवाय धनु राशीच्या व्यक्तींना आर्थिक लाभ होण्याची चिन्हे आहेत. एकतर तुमचे उत्पन्न वाढेल. तूळ राशीच्या लोकांनी जेथे हात घातला असेल, तेथे त्याचा त्यांना फायदा होईल. व्यवसायात प्रगती होण्याची दाट शक्यता आहे. मिथुन राशीचे लोक नवीन वर्षात मार्चनंतर घर किंवा वाहन खरेदी करू शकतात.
शनी साडेसाती आणि शनी ढैया असलेल्यांनी काय करावे?
शनी अमावस्येच्या दिवशी आपल्या पितरांसाठी श्राद्धकर्म करावे. त्यांच्यासाठी परोपकार वगैरे करणे उत्तम मानले जाते. तसेच एखाद्या मंदिरात जाऊन साफसफाई करण्याची सेवा द्या. जर सूर्यग्रहण असेल तर यानंतर पांढरा रंग देखील शुभ मानला जातो. त्यानुसार तुम्ही कोणत्याही गरीब व्यक्तीला मिठाई, तांदूळ इत्यादी दान करू शकता. या दिवशी शनिदोष दूर होण्यासाठी मोहरीच्या तेलाचे दान करण्यात यावे. त्याच प्रमाणे पिंपळाच्या झाडाखाली दिवा लावावा.
Disclaimer: या लेखात दिलेली माहिती पूर्णपणे खरी आणि अचूक असल्याचा आमचा दावा नाही. त्यांचा अवलंब करण्यापूर्वी संबंधित क्षेत्रातील तज्ज्ञांचा सल्ला घ्यावा.
संबंधित बातम्या