Hartalika : लग्न कधी होणार? चिंता सोडा, हरतालिकेच्या दिवशी शिवलिंगावर राशीनुसार 'असा' अभिषेक करा!
Hartalika 2024 Shivling Abhishek According Rashi : शुक्रवारी ६ तारखेला हरतालिकेचे व्रत केले जाईल. भगवान शंकर वर म्हणून मिळावा यासाठी पार्वतीने हे हरतालिकेचे व्रत केले होते. तुम्हालाही लग्न कधी होणार अशी चिंता आहे तर हरतालिकेला राशीनुसार शिवलिंगावर अभिषेक करा.
हरतालिका हा सण भाद्रपद महिन्यातील शुक्ल पक्षाच्या तृतीयेला साजरा केला जातो. भाद्रपद महिन्यातील शुक्ल पक्षातील तृतीया तिथी ५ सप्टेंबर रोजी दुपारी १२ वाजून २१ मिनिटांनी सुरू होईल. त्याच वेळी, ही तारीख ६ सप्टेंबर रोजी दुपारी ३ वाजून २१ मिनिटांनी समाप्त होईल. अशा परिस्थितीत ६ सप्टेंबर रोजी हरतालिकेचे व्रत पाळले जाणार आहे.
हरतालिका हा सण भगवान शिव आणि माता पार्वतीला समर्पित आहे. या दिवशी विवाहित स्त्रिया आपल्या पतीच्या दीर्घायुष्यासाठी आणि वैवाहिक जीवनातील समस्या दूर करण्यासाठी प्रार्थना करतात. तर कुवाऱ्या मुली चांगला जोडीदार मिळावा म्हणून हे व्रत करतात. मान्यतेनुसार या दिवशी राशीनुसार महादेवाला अभिषेक केल्यास लवकर विवाह होण्याची शक्यता असते. चला जाणून घेऊया भगवान शिवाच्या अभिषेक बद्दल.
मेष
मेष राशीच्या लोकांनी हरतालिकेच्या पूजेच्या वेळी महादेवाला गंगाजलाने अभिषेक करावा.
वृषभ
वृषभ राशीच्या लोकांनी हरतालिकेला भगवान शिवाला दुधाचा अभिषेक करावा.
मिथुन
मिथुन राशीच्या लोकांनी हरतालिकेच्या पूजेच्या वेळी दुधात दुर्वा मिसळून महादेवाला अभिषेक करावा.
कर्क
कर्क राशीच्या लोकांनी हरतालिकेच्या दिवशी भगवान शिवाला शुद्ध तुपाचा अभिषेक करावा.
सिंह
सिंह राशीच्या लोकांनी हरतालिकेच्या दिवशी गंगाजलात कुंकू मिसळून महादेवाला अभिषेक करावा.
कन्या
कन्या राशीच्या लोकांनी हरतालिकेच्या दिवशी गंगाजलात दुर्वा मिसळून शंकराचा अभिषेक करावा.
तूळ
तूळ राशीच्या लोकांनी हरतालिकेला भगवान शिवाला पंचामृताने अभिषेक करावा.
वृश्चिक
वृश्चिक राशीच्या लोकांनी हरतालिकेला दुधात मध मिसळून महादेवाला अभिषेक करावा.
धनु
धनु राशीच्या लोकांनी हरतालिकेच्या दिवशी दुधात केशर मिसळून भगवान शिवाला अभिषेक करावा.
मकर
मकर राशीच्या लोकांनी हरतालिकेच्या दिवशी गंगाजलात काळे तीळ मिसळून भगवान शिवाला अभिषेक करावा.
कुंभ
कुंभ राशीच्या लोकांनी हरतालिकेला भगवान शिवाला नारळाच्या पाण्याने अभिषेक करावा.
मीन
मीन राशीच्या लोकांनी हरतालिकेला शुभ मुहूर्तावर महादेवाच्या पिंडीवर उसाच्या रसाने अभिषेक करावा.
हरतालिकेच्या पूजेची तयारी कशी करावी-
हरितालिकेच्या दिवशी स्त्रियांनी स्नान करून नवीन वस्त्र परिधान करावे. ज्या ठिकाणी पूजा करणार आहे ती जागा नीट स्वच्छ करून तिथे चौरंग ठेवावा. चौरंगाभोवती रांगोळी काढावी. चौरंगाच्या चारी कोनांना केळीचे खांब बांधावे. चौरंगावर स्वच्छ कापड अंथरावा, त्यावर वाळूपासून बनवलेले शिवलिंग व सखीसह पार्वतीची मुर्ती ठेवावी. डावीकडे थोड्या अक्षतांवर गणेशाचे प्रतिक म्हणून सुपारी ठेवावी. चौरंगावर देवीसमोर दोन पानांचा एक विडा असे पाच विडे ठेवावे. प्रत्येक विड्यात बदाम, अक्रोड, हळकुंड, सुकं खोबरं, नाणं ठेवावं.