Fengshui : फेंगशुईमध्ये लुक, फुक आणि साऊ हे देव कोण आहेत? घरात ठेवल्यास वाढते सुख आणि सौभाग्य
Fengshui Tips In Marathi : चिनी वास्तुशास्त्र फेंगशुईमध्ये लुक, फुक आणि साऊ या तीन देवतांची मूर्ती स्थापित करणे अत्यंत महत्त्वाचे मानले जाते. असे मानले जाते की यामुळे घरात सुख-समृद्धी येते आणि घरातील सदस्यांचे आरोग्य चांगले राहते.
Fengshui Tips For Home In Marathi : फेंगशुईमध्ये फुक, लुक आणि साऊ या तीन देवांना खूप महत्त्व आहे. ते सुख, समृद्धी आणि दीर्घायुष्य देणारे मानले जातात. या तिन्ही देवतांची पूजा घरात क्वचितच केली जाते, परंतु फेंगशुईमध्ये घरात त्यांची उपस्थिती अत्यंत शुभ मानली जाते. फुक ला समृद्धीची देवता म्हटले जाते आणि तो इतर देवतांपेक्षा उंच आहे. लुक हा वर्चस्वाचा देव मानला जातो. त्याचबरोबर साऊ ला दीर्घायुष्याची देवता मानले जाते. त्यांचे डोके गोल व टक्कल असते. मान्यतेनुसार घरात लुक, फुक आणि साऊ यांची मूर्ती ठेवल्यास धन, सुख, समृद्धी, मान-सन्मान आरोग्य आणि नोकरी आणि व्यवसायात प्रगतीची शक्यता निर्माण होते. जाणून घेऊया फुक, लुक आणि साऊ बद्दल सविस्तर...
लुक - चिनी वास्तुशास्त्र फेंगशुईमध्ये लुकला वर्चस्वाची देवता म्हटले आहे. लुकने डोक्यावर टोपी घातली असून जाड लांब काळी दाढी आहे. असे मानले जाते की घरात लूकची मूर्ती ठेवल्याने नोकरी आणि व्यवसायात प्रगती होण्याची शक्यता असते आणि मान-सन्मानात वाढ होते.
फुक - फेंगशुईमध्ये फुकला समृद्धीची देवता म्हटले आहे. फुक ने डोक्यावर गोलाकार टोपीही घातली आहे. त्यांची लांब काळी दाढी असते. असे मानले जाते की घरात फुकची मूर्ती असल्यास उत्पन्नाचे नवीन स्त्रोत तयार होतात आणि उत्पन्नात वाढ देखिल होते.
साऊ - फेंगशुईनुसार साऊ ही दीर्घायुष्याची देवता आहे. साऊचे डोके गोल आणि टक्कल आहे. त्याची दाढीही पांढऱ्या रंगाची असून त्याच्या हातात मधाची बाटली आहे.
फेंगशुई टिप्स :
फेंगशुईनुसार लुक, फुक आणि साऊ यांची मूर्ती घरात एकत्र ठेवावी. असे केल्याने घरात सुख-समृद्धी येते आणि कुटुंबातील सदस्यांचे आरोग्य चांगले राहते, असे मानले जाते.
फेंगशुईच्या नियमानुसार लुक, फुक आणि साऊ यांची मूर्ती घरात उंच ठिकाणी ठेवावी. आपण ते घरी किंवा ऑफिसमध्ये आपल्या टेबलवर देखील ठेवू शकता.
या तिन्ही देवतांची मूर्ती घराच्या पूर्व किंवा उत्तर दिशेला एकत्र ठेवावी. लक्षात ठेवा की, घराबाहेर पडताना आणि घरात प्रवेश करताना तिन्ही देवतांचे दर्शन झाले पाहिजे.
(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही.)
संबंधित बातम्या