Feng Shui Tips : कौटुंबिक आनंदासाठी फॅमिली फोटो कसा आणि कुठे लावावा? जाणून घ्या फेंगशुई टिप्स

फेंगशुई टिप्स :

फेंगशुईनुसार कौटुंबिक जीवनात एकजुटीची भावना विकसित करण्यासाठी ड्रॉइंग रूमच्या नैऋत्य कोपऱ्यात संपूर्ण कुटुंबाचा हसतमुख कौटुंबिक फोटो लावू शकता.

फेंगशुईनुसार सासूच्या नात्यातील कटुता कमी करण्यासाठी तुम्ही या दिशेने दोघांचा हसताना-हसतानाचा फोटोही लावू शकता.

असे मानले जाते की वैवाहिक जीवनात प्रेम आणि आनंदासाठी बेडरूमच्या नैऋत्य दिशेला हसतमुख अवस्थेत पती-पत्नीचे चित्र ठेवता येते. असे केल्याने प्रेमप्रकरणांमध्ये गोडवा येतो, असे म्हटले जाते.

घरातील मृत सदस्यांचे फोटो पूजाघरात ठेवू नयेत, असे सांगितले जाते. ते घराच्या दक्षिण भिंतीवर टांगता येते.

Fengshui : फेंगशुईमध्ये लुक, फुक आणि साऊ हे देव कोण आहेत? घरात ठेवल्यास वाढते सुख आणि सौभाग्य

फेंगशुईच्या नियमांनुसार ईशान्य भिंतीवर नकळत आपल्या प्रियजनांचे छायाचित्र लावणे टाळावे.

फेंगशुईनुसार एका फ्रेममध्ये कुटूंबातील तीन सदस्य असलेला फोटो लावणे देखील अशुभ मानले जाते. याचा नकारात्मक परिणाम नातेसंबंधांवर होतो. तसेच एका फ्रेममध्ये तीन मित्रांचे फोटो लावणेही योग्य नाही. यामुळे मैत्रीत दुरावा निर्माण होऊ शकतो. त्यामुळे फोटो फ्रेम करताना काळजी घ्या.

याशिवाय फेंगशुईमध्ये दु:ख, एकटेपणा किंवा नकारात्मकता दर्शविणारी छायाचित्रे टाळावीत. त्याचा जीवनावर नकारात्मक परिणाम होतो, असे म्हटले जाते.

ही फोटो चुकूनही लावू नका

साधारणपणे सर्व घरांमध्ये देवाचे चित्र लावले जाते. मात्र, फेंगशुई आणि वास्तुशास्त्रानुसार घरातील प्रत्येक खोलीत देवाचे फोटो लावणे देखील योग्य नाही. असे केल्याने नुकसान होते. म्हणून देवाच्या फोटोंसाठी देवघरच असावे किंवा एक पवित्र जागा तयार करा.

आपल्या घरात चुकूनही सूर्यास्ताचे चित्र लावू नका. साधारणपणे सांगायचे तर, सूर्य अस्ताला जाणारा फोटो लावल्याने घरात नकारात्मकता पसरते, तसेत हे शुभ मानले जात नाही. असे चित्र पाहून आशेऐवजी निराशा येते. त्यामुळे चुकूनही अशी चित्रे घरात लावू नका.

(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)