Feng Shui : वास्तूतील नकारात्मक ऊर्जा कमी करण्याचे काम करतात ‘या’ वनस्पती; प्रत्येकाच्या घरात असायलाच हव्यात!

घरातील नकारात्मक ऊर्जा कमी करण्यासाठी लावा ‘ही’ रोपे

पीस लिली : घरातील सकारात्मक ऊर्जा टिकवून ठेवण्यासाठी पीस लिली नक्कीच लावली पाहिजे. पीस लिली ही वनस्पती ऑफिस किंवा घरात ठेवल्याने सुख-समृद्धी टिकून राहते आणि प्रगतीचा मार्गही मोकळा होतो. याशिवाय पीस लिली घरातील हवा शुद्ध करण्याचे काम करते. याला नासाच्या ‘क्लीन एअर स्टडी’मध्ये विशेष स्थान मिळाले आहे. पीस लिली वायुरूप प्रदूषक जसे की, बेंझिन, फॉर्मल्डिहाइड, ट्रायक्लोरोएथिलीन इत्यादी शोषून घेतो आणि हवा स्वच्छ ठेवतो. त्यामुळे घरात ताजी आणि शुद्ध हवा कायम राहते.

Feng Shui Tips : फेंगशुईनुसार घरी आणि ऑफीसमध्ये करा हे सोपे बदल, होईल आर्थिक प्रगती

जेड वनस्पती : जेड वनस्पती अतिशय भाग्यवान मानली जाते. असे मानले जाते की, ही वनस्पती घराच्या प्रवेशद्वारावर ठेवल्याने सकारात्मक ऊर्जेचा संचार होतो आणि नकारात्मक ऊर्जा दूर होते. या वनस्पतीमुळे प्राणवायू तर वाढेलच, शिवाय सुख-समृद्धीही वाढेल. जेड प्लांट हवेतील विषारी पदार्थ आणि प्रदूषक शोषून घेतो, ज्यामुळे घरात ताजी आणि स्वच्छ हवा राहते. 

मनी प्लांट : घरात आणि घराच्या आजूबाजूच्या परिसरात सकारात्मक ऊर्जा वाढवण्यासाठी आपल्या घरात मनी प्लांट असायलाच हवे. मनी प्लांट घरासाठी आणि सुख-शांतीसाठी खूप भाग्यवान मानले जाते. काही मान्यतांनुसार, मनी प्लांट लावल्याने पैशाची समस्या दूर होते. याशिवाय ही वनस्पती हवेतील प्रदूषक घटकांचे प्रमाण कमी करून, स्वच्छ आणि ताज्या हवेची गुणवत्ता सुधारते. यामुळे श्वसनासंबंधी समस्यांपासून बचाव होतो.

तुळस : हिंदू धर्मात तुळशीच्या झाडाला देवी लक्ष्मीचे रूप मानले जाते. तुळशीचे रोप लावून त्यासमोर तुपाचा दिवा लावल्याने आर्थिक स्थिती चांगली राहते, असे मानले जाते.

बांबूचे रोप : बांबूचे झाड घरासाठी खूप शुभ मानले जाते. घराच्या पूर्व दिशेला बांबूचे झाड लावल्याने घराची सुख-समृद्धी टिकून राहते आणि सकारात्मक ऊर्जेचा संचार होतो.

(डिस्क्लेमर: या लेखात दिलेली माहिती पूर्णपणे खरी आणि अचूक असल्याचा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा.)