Emerald: पाचू हे रत्न केव्हा, कोणी आणि कसे धारण करावे? होईल मानसिक शांतीची प्राप्ती

कधी, कोणी आणि कसे परिधान करावे पाचू रत्न?

पाचू कधी घालायचे?

बुधाशी संबंधित असल्याने बुधवारी पाचू धारण करणे शुभ मानले जाते. त्याचबरोबर ते परिधान करण्यापूर्वी शुद्धीकरण करणे आवश्यक मानले जाते.

पाचू कसे धारण करावे?

पाचू रत्न सोने किंवा चांदीच्या धातूत घालून परिधान केले जाऊ शकते. बुधवारी गंगाजल आणि दूधाने पाचू रत्नाला शुद्ध करावे. सर्वात लहान बोटात पाचू रत्न धारण करा. रेवती, आश्लेषा आणि ज्येष्ठ नक्षत्रातही पाचू धारण करता येते.

पाचू कोणी परिधान करावे?

ज्योतिषशास्त्रानुसार मकर, मिथुन, कुंभ, कन्या, वृषभ आणि तूळ राशीचे लोक पाचू हे रत्न धारण करू शकतात. त्याचबरोबर मेष, कर्क आणि वृश्चिक राशीच्या लोकांनी पाचू हे रत्न धारण करू नये. कुंडलीतील बुधाची स्थिती पाहूनच पाचू रत्न परिधान करावे. रत्नाविद्येनुसार नुसार पुखराजासोबत पाचू रत्न घालू नये. त्याचबरोबर पाचू रत्न धारण करण्यापूर्वी आपल्या ग्रहांची स्थिती कशी आहे ते अवश्य पाहावे आणि ज्योतिषाचा सल्ला घेणे देखील योग्य ठरेल.

हेही वाचा- प्रेम जीवनात आनंद आणि अधिक गोडवा आणण्यासाठी यापैकी कोणतेही १ रत्न परिधान करा

पाचू या रत्नाचा रंग

पाचूचा रंग हे या रत्नाचे खास वैशिष्ठ्य आहे. पाचू या रत्नाचा रंग निळसर हिरवा, पिवळसर हिरवा किंवा शुद्ध हिरवा असतो. पाचूच्या रंगाचा टोन, तीव्रता आणि विविध शेड उपलब्ध असतात. पाचू या रत्नाचे मूल्य ठरविण्यासाठी त्याचा रंग हा महत्त्वाचा घटक मानला जातो. बेरिलियम अॅल्युमिनियम सिलेकेट असे पाचू रत्नाचे रासायनिक नाव आहे. त्याची क्रिस्टल सिस्टम षटकोनी असते.

हेही वाचा- मेष ते मीन राशीसाठी कोणतं रत्न असतं शुभ? धारण करण्याआधी जाणून घ्या!

Disclaimer: या लेखात दिलेली माहिती पूर्णपणे खरी आणि अचूक असल्याचा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा.