मराठी बातम्या  /  राशिभविष्य  /  Birthday Horoscope : तुमचा जन्म २६ ते ३० नोव्हेंबर दरम्यान झालाय का? मग 'असा' असेल तुमचा स्वभाव

Birthday Horoscope : तुमचा जन्म २६ ते ३० नोव्हेंबर दरम्यान झालाय का? मग 'असा' असेल तुमचा स्वभाव

Dilip Ramchandra Vaze HT Marathi
Nov 26, 2022 02:41 PM IST

Are You Born Between 26 To 30 November : तुम्ही जर २६ ते ३० नोव्हेंबर दरम्यान जन्माला आला असाल तर तुमच्या जन्मदिवसानुसार तुमचा स्वभाव कसा असेल याची एक छोटीशी झलक आम्ही तुम्हाला देत आहोत.

२६ ते ३० नोव्हेंबर दरम्यान तुमचा जन्म झाला आहे का
२६ ते ३० नोव्हेंबर दरम्यान तुमचा जन्म झाला आहे का (हिदुस्तान टाइम्स)

२६ नोव्हेंबरला जन्माला आलेल्या व्यक्ती

तुम्ही व्यावहारिक, पद्धतशीर आणि अत्यंत शिस्तबद्ध व्यक्ती आहात. तुम्हाला निसर्गाच्या सानिध्यात रमायला आवडतं. नवीन उद्योग व्यवसाय फायदेशीर ठरतील. तुमचा पैसा तुम्हाला चैनीच्या वस्तू आणि इतर सुखसोयींवर अधिक खर्च करण्यास आवडतो. तुमच्‍या नात्यात मात्र नेहमी विश्‍वासाची कमतरता आढळते, ज्यामुळे काही वेळा समस्या निर्माण होऊ शकतात. जून, सप्टेंबर, डिसेंबर आणि फेब्रुवारी हे महिने तुमच्यासाठी अंकशास्त्राच्या दृष्टीने महत्त्वाचे ठरतील.

२७ नोव्हेंबरला जन्माला आलेल्या व्यक्ती

तुम्ही सक्रिय, धैर्यवान, उत्साही व्यक्ती आहात. परदेशात उच्च शिक्षणासाठी जाऊ इच्छिणाऱ्या विद्यार्थ्यांसाठीही हे वर्ष अत्यंत महत्त्वपूर्ण ठरेल, कारण कठीण स्पर्धा असूनही ते त्यांना हव्या असलेल्या महाविद्यालयात प्रवेश मिळवू शकतील. तुमच्या उत्पन्नात आणि बचतीतदेखील यंदा सुधारणा पाहावयास मिळेल. आर्थिदृष्ट्या मोठे खर्च करण्यापासून सांभाळा कारण नव्या वर्षाच्या मध्यभागी तुमच्या आरोग्याची काळजी सतावेल, विशेषतः गर्भवती मातांसाठी. जून, ऑक्‍टोबर, जानेवारी आणि एप्रिल हे महिने महत्वाचे असतील.

२८ नोव्हेंबरला जन्माला आलेल्या व्यक्ती

तुम्ही उत्साही, व्यावहारिक, प्रतिष्ठित, हुशार आणि अत्यंत संवेदनशील व्यक्ती आहात. नवीन उपक्रमांसाठी आगामी काळ चांगला आहे असे दिसते. तुमच्या सर्जनशील कल्पनांची भरभराट होईल आणि तुमच्या प्रयत्नांसाठी तुमचे खूप कौतुक होईल. तुमच्या कौशल्यामुळे आणि योग्यतेमुळे तुम्हाला तुमच्या सहकाऱ्यांमध्ये महत्त्व प्राप्त होईल. जुलै, सप्टेंबर, नोव्हेंबर आणि फेब्रुवारी हे महिने महत्वाचे असतील.

२९ नोव्हेंबरला जन्माला आलेल्या व्यक्ती

आपण आत्मविश्वासू, महत्वाकांक्षी, स्वतंत्र, धार्मिक आणि आशावादी व्यक्ती आहात.युवांसाठी हे एक मनोरंजक वर्ष असेल. रोमांचक प्रणयाचा आस्वाद घ्याल. त्याचवेळेस तुमच्या आरोग्यासाठी काळजी घेणे आवश्यक असेल. मे, ऑगस्ट, सप्टेंबर आणि डिसेंबर हे महिने तुमच्या दृष्टीने महत्त्वाचे ठरतील.

३० नोव्हेंबरला जन्माला आलेल्या व्यक्ती

तुम्ही एक व्यावहारिक, उत्साही, व्यावसायिक मनाचे, हुशार आणि आशावादी व्यक्ती आहात. कार्यरत आणि व्यावसायिक महिलांसाठी हे वर्ष अत्यंत महत्त्वपूर्ण असेल, कारण त्या आपापल्या क्षेत्रात भरभराट करतील. शेअर्समध्ये चांगले रिझल्ट मिळतील. नवीन प्रणय रोमांचक असेल परंतु अल्पायुषी असेल. विद्यार्थ्यांना परदेश प्रवासाची शक्यता आहे. एप्रिल, जुलै, सप्टेंबर आणि नोव्हेंबर हे महिने महत्त्वाचे असतील.

WhatsApp channel

विभाग