Numerology horoscope: जन्मतारखेनुसार दिवस कसा जाईल, जाणून घ्या अंकभविष्य
Ank Bhavishya 7 january 2024: अंकशास्त्राच्या गणनेनुसार आजचा दिवस कसा जाईल हे पाहता येते. तुमच्या जन्मतारखेनुसार जाणून घ्या आजचा दिवस तुमच्यासाठी कसा जाईल.
तुमच्या जन्मतारखेची गणना करून तुमचा मूलांक कोणता आहे हे तुम्हाला समजू शकते. मूलांक जाणून घेण्यासाठी, तुम्हाला फक्त तुमच्या जन्मतारखेची बेरीज करायची आहे. उदाहरणार्थ,जर तुमची जन्मतारीख ७ असेल तर तुमचा मूलांक ७ आहे. अंकशास्त्रात, मूलांक ७ चा स्वामी ग्रह केतू आहे. रविवार ७ जानेवारीचा दिवस व्यवसाय, आर्थिक, करिअर, नोकरी, कौटुंबिक आणि वैवाहिक जीवन यासर्वांचा विचार केला तर कसा जाईल ते जाणून घ्या.
मूलांक १- सकारात्मक वाटेल. सर्व कामे करताना ऊर्जात्मक राहाल. आरोग्यात चढ-उतार होईल. कुटूंबातील सदस्य शुभवार्ता देतील. वेळोवेळी अडथळा येईल. जोडीदारास वेळ द्या.
मूलांक २- आरोग्याच्या बाबतीत चढ-उताराचा दिवस आहे. कामाचा जास्त ताण होत असेल तर थोडा ब्रेक घ्या. घरचंच जेवण करा आणि जास्त पाणी प्यावे. करिअरमध्ये मोठा अडथळा येणार नाही. त्रास करून घेऊ नका.
मूलांक ३- दिवस चांगला राहील. सकारात्मक ऊर्जा राहील. तुमच्यातील उत्साहाला जपा आणि ऊर्जेचा योग्य कामात वापर करा. कामावर लक्ष केंद्रित करा आणि दुसऱ्यांपेक्षा वेगळा विचार करण्याचा प्रयत्न करा. आरोग्य सुदृढ राहील.
मूलांक ४- आर्थिक बाबतीत मोठा बदल घडेल. धनलाभ होण्याची शक्यता आहे. खर्च वाढतील. आरोग्याची काळजी घ्या, कामाचा जास्त ताण असू शकतो.
मूलांक ५ - काम आणि वयक्तीक जीवनात संतूलन ठेवा. ताण-तणाव वाटत असेल तर आवडती गोष्ट करण्यात वेळ घालवा. प्रेमाच्या बाबतीत जबाबदारी वाढेल. बाहेरचे, तळलेले पदार्थ खाणे टाळा.
मूलांक ६- आश्चर्यचकित करणारी भेट मिळेल. जोडीदाराच्या भावनेला जपा. करिअरच्या बाबतीत वरिष्ठांची साथ मिळेल. काहितरी नवीन करण्याची मागणी होई शकते. गैरसमज निर्माण होऊ देऊ नका.
मूलांक ७ - रागावर नियंत्रण ठेवावे. तुमच्यातील ऊर्जेचा वापर कामावर लक्ष केंद्रित करण्यासाठी करा. राजकारणाला बळी पडू नका आणि इकडच्या-तिकडच्या गोष्टींकडे लक्ष देऊ नका.
मूलांक ८- दिवस फार उत्साहात्मक राहील. जुन्या गुंतवणूकीतून धनलाभ होण्याची शक्यता आहे. व्यवसाय करणाऱ्यांना चांगला जोडीदार मिळेल. एकाकी असाल तर तुमच्यासाठी भाग्यशाली दिवस आहे. आरोग्याकडे लक्ष द्या.
मूलांक ९- दिवस सामान्य राहील. कामावर लक्ष केंद्रित करताना थोडा ब्रेक पण घ्यावा. खाण्यापिण्याकडे लक्ष द्या. ध्यान व व्यायाम केल्याने आरोग्य सुदृढ ठेऊ शकतात. कामासंबंधी प्रवास घडू शकतो.
