Anganewadi Jatra: आंगणेवाडी जत्रोत्सवासाठी कोंकण रेल्वेच्या विशेष ट्रेन, पाहा, वेळापत्रक

ही गर्दी विभाजित व्हावी या उद्देशाने मध्य रेल्वे आणि कोंकण रेल्वेवरून आंगणेवाडी यात्रेसाठी लोकमान्य टिळक टर्मिनस (एलटीटी) ते सावंतवाडी रोड अशा विशेष रेल्वेगाड्या चालवण्यात येणार आहेत.

गाडी क्र. 01129 / 01130 लोकमान्य टिळक टर्मिनस – सावंतवाडी रोड – लोकमान्य टिळक टर्मिनस (LTT) विशेष ट्रेन

या बाबत कोंकण रेल्वेने दिलेल्या माहितीनुसार, गाडी क्रमांक ०११२९ विशेष रेल्वेगाडी एलटीटी येथून २१ फेब्रुवारी रोजी रात्री १२.५५ वाजता सुटेल आणि सावंतवाडी रोड येथे दुपारी १२ वाजता पोहोचेल. 

हेही वाचा- विश्वकर्मा जयंती कधी आहे? जाणून घ्या तिथी, शुभ मुहूर्त आणि महत्त्व

गाडी क्रमांक ०११३० विशेष रेल्वेगाडी सावंतवाडी रोड येथून २१ फेब्रुवारी रोजी संध्याकाळी ६ वाजता सुटेल, तर ती लोकमान्य टिळक टर्मिनस येथे सकाळी ६ वाजून १० मिनिटांनी पोहोचेल. या रेल्वेगाडीला ठाणे, पनवेल, पेण, रोहा, माणगाव, खेड, चिपळूण, संगमेश्वर रोड, रत्नागिरी, आडवली, विलावडे, राजापूर रोड, वैभववाडी रोड, कणकवली, सिंधुदुर्ग आणि कुडाळ स्थानकावर थांबेल. या रेल्वेगाडीला एकूण १९ डबे असणार आहेत.

गाडी क्र. 01131 / 01132 लोकमान्य टिळक टर्मिनस – सावंतवाडी रोड – लोकमान्य टिळक टर्मिनस (LTT) विशेष ट्रेन

गाडी क्रमांक ०११३१ ही गाडी लोकमान्य टिळक टर्मिनस येथून २२ फेब्रुवारी रोजी रात्री १२.५५ वाजता सुटेल. तर, ती सावंतवाडी रोडला दुपारी १२ वाजता पोहोचेल. 

हेही वाचा- खारुताईने कमाल केली, सिद्धार्थ गौतमांनाच प्रेरणा दिली, जाणून घ्या बुद्धांची अनोखी कथा

गाडी क्रमांक ०११३२ सावंतवाडी रोडवरून २२ फेब्रुवारीला संध्याकाळी ६ वाजता सुटेल आणि लोकमान्य टिळक टर्मिनस येथे सकाळी ६ वाजून १० मिनिटांनी पोहोचेल.

या गाडीला ठाणे, पनवेल, पेण, रोहा, माणगाव, खेड, चिपळूण, संगमेश्वर रोड, रत्नागिरी, आडवली, विलावडे, राजापूर रोड, वैभववाडी रोड, कणकवली, सिंधुदुर्ग आणि कुडाळ या स्थानकांवर थांबेल. या गाडीला एकूण २२ डबे असणार आहेत. सर्व संगणकीकृत आरक्षण केंद्रे आणि आयआरसीटीसीच्या (IRCTC) संकेतस्थळावरून ९ फेब्रुवारीपासून या रेल्वेगाडीचे आरक्षण प्रवाशांना करता येणार आहे.