Amavasya : अमावस्येच्या दिवशी मेष ते मीन राशीच्या लोकांनी या वस्तूंचे करा दान, नांदेल सुख-समृद्धी
Amavasya 2024 Daan In Marathi : अमावस्येचा दिवस स्नान आणि पितृदोष निवारणसाठी शुभ मानला जातो. या दिवशी पितरांना प्रसन्न करण्यासाठी तुम्ही राशीनुसार या गोष्टी दान करू शकता.
Amavasya 2024 Daan In Marathi : पित्रांचा आशीर्वाद मिळविण्यासाठी अमावस्या तिथी अत्यंत महत्त्वाची मानली जाते. या दिवशी स्नान-दानाचे कार्य अत्यंत शुभ असते. अमावस्येच्या दिवशी ब्रह्म मुहूर्तात पवित्र नदीत स्नान करणे शुभ मानले जाते. या विशेष प्रसंगी पित्रांना शांती आणि मोक्ष मिळावा म्हणून श्राद्ध, तर्पण आणि पिंडदान देखील केले जाते. वडिलोपार्जित दोषापासून मुक्त होण्यासाठी विशेष उपायही केले जातात. असे म्हटले जाते की यामुळे जीवनात सुख-समृद्धी येते. या महिन्यात अमावस्या ३० नोव्हेंबर आणि १ डिसेंबर रोजी पंचांगानुसार साजरी केली जात आहे. अमावस्येचा दिवस दानकार्यासाठीही खूप चांगला मानला जातो. अमावस्येच्या दिवशी भगवान विष्णू आणि भगवान शंकर यांची पूजा केली जाते. या दिवशी पित्रांना प्रसन्न करण्यासाठी तुम्ही राशीनुसार काही वस्तूंचे दानही करू शकता. चला जाणून घेऊया...
मेष - मेष राशीचे लोक शेंगदाणे, नाचणीचे पीठ आणि गूळ दान करू शकतात.
वृषभ - वृषभ राशीचे लोक दूध किंवा दही, लोणी इत्यादी दुग्धजन्य पदार्थांचे दान करू शकतात.
मिथुन - मिथुन राशीचे लोक हिरव्या भाज्या, मूगडाळ किंवा हिरवी फळे किंवा हिरव्या वस्तूंचे दान करू शकतात.
कर्क - कर्क राशीचे लोक अमावस्येच्या दिवशी गव्हाचे पीठ, मीठ, साखर, तांदूळ दान करू शकतात.
सिंह - या दिवशी सिंह राशीचे लोक डाळ, नाचणीचे पीठ, लाल मिरची आणि गव्हाचे पीठ दान करू शकतात.
कन्या - कन्या राशीचे लोक आपल्या क्षमतेनुसार पैसे दान करू शकतात किंवा मूग डाळ दान करू शकतात.
तूळ - अमावस्येच्या दिवशी तूळ राशीचे लोक मीठ, गव्हाचे पीठ, इत्यादी वस्तूंचे दान करू शकतात.
वृश्चिक - या दिवशी वृश्चिक राशीचे लोक नाचणी, मसुर डाळ किंवा रताळे दान करू शकतात.
धनु - धनु राशीचे लोक अमावस्येच्या दिवशी कच्ची केळी, पपई, बेसन आणि पिवळे कपडे दान करू शकतात.
मकर - मकर राशीचे लोक काळे तीळ, काळी मोहरी किंवा अळशी सारख्या काळ्या रंगाच्या वस्तूंचे दान करू शकतात.
कुंभ - कुंभ राशीच्या लोकांसाठी चामड्यचे बनवलेले बुट आणि चप्पल, काळे कपडे किंवा काळी ब्लँकेट दान करणे शुभ राहील.
मीन - मीन राशीचे लोक हरभरा, सत्तू किंवा कच्च्या केळीचे दान करू शकतात.
(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)
