पुढील बातमी

class="fa fa-bell">ठळक बातम्या:

उद्धव ठाकरे करतील आघाडी सरकारचे नेतृत्वः शरद पवार

उद्धव ठाकरे आणि आदित्य ठाकरे (Satish Bate/HT Photo)

शिवसेना-काँग्रेस आणि राष्ट्रवादी आघाडी सरकारचे नेतृत्व उद्धव ठाकरे करतील यावर बैठकीत सहमती झाल्याची माहिती राष्ट्रवादी काँग्रेसचे अध्यक्ष शरद पवार यांनी दिली आहे. तिनही पक्षांच्या संयुक्त बैठकीनंतर प्रसार माध्यमांशी बोलताना शरद पवार यांनी ही माहिती दिली. मुख्यमंत्रीपदावरुन दुमत नसल्याचे त्यांनी आवर्जून सांगितले. तिनही पक्षांची बैठक मुंबईतील नेहरु सेंटर येथे पार पडली. या बैठकीत मंत्रिमंडळ कसे असावे, कोणाला किती वाटा असावा यावर चर्चा झाली. 

शरद पवार पुढे म्हणाले की, बैठकीत आता विस्तृत कार्यक्रमावर चर्चा सुरु आहे. शनिवारी पत्रकार परिषद घेऊन सर्व माहिती सांगण्यात येईल, असेही त्यांनी स्पष्ट केले.

त्याचबरोबर एएनआयने दिलेल्या वृत्तानुसार, पवार यांनी शनिवारी पत्रकार परिषद घेणार असल्याचे सांगितले. राज्यपालांकडे कधी जायचे हेही उद्याच ठरवले जाईल असे त्यांनी सांगितले.

विधानसभा निवडणुकीनंतर मुख्यमंत्रिपदावरुन शिवसेना आणि भाजपने आपली ३० वर्षांची युती संपुष्टात आणली होती. अडीच वर्षांचे मुख्यमंत्री मागणाऱ्या शिवसेनेला काँग्रेस-राष्ट्रवादीसोबत आघाडी केल्यामुळे पाच वर्षे मुख्यमंत्रिपद मिळणार आहे. 

दरम्यान, राज्यपाल कोश्यारी यांनी राज्यातील या घडामोडींमुळे आपला दिल्ली दौरा रद्द केला आहे. आपले वैचारिक मतभेद बाजूला ठेऊन एका किमान समान कार्यक्रमावर हे तिनही पक्ष एकत्र येऊन सरकार स्थापन करणार असल्याचे संकेत दिल्यानंतर राज्यपालांनी आपला दौरा रद्द केला असल्याचे बोलले जाते.

  • Marathi News: संबंधित इतर बातम्या वाचण्यासाठी आम्हाला लाईक करा आणि फॉलो करा.
  • Web Title:Uddhav Thackeray will lead alliance govt says Sharad Pawar after NCP Congress shiv Sena meet